Վրաստանի ներքին գործերի նախարար Վախթանգ Գոմելաուրին ղեկավարելու է երկրի Ազգային անվտանգության խորհուրդը:
ԱՄՆ-ի Վերմոնտի նահանգից սենատոր Բեռնի Սանդերսը Դեմոկրատական կուսակցության կողմնակիցների աջակցության մակարդակով շատ հետ է թողել ԱՄՆ-ի նախագահի պաշտոնի մնացած հավակնորդներին:
Մայրցամաքային Չինաստանում նոր կորոնավիրուսով վարակվածների շրջանում ավելի քան 19 տոկոսն արդեն ապաքինվել է, մահացել է հիվանդացածների 2,7 տոկոսը, մնացածները բժիշկների հսկողության ներքո են:
Չինաստանում փետրվարի 19-ի տեղական ժամանակով 00:00-ի (Երեւանի ժամանակով փետրվարի 18-ի 20:00-ի) դրությամբ Covid-19 կորոնավիրուսի հարուցած թոքաբորբով հիվանդացածների թիվը կազմել է 74 հազար 185, մահացու ելք է արձանագրվել 2004 դեպքում, հայտնել է ՉԺՀ-ի Առողջապահության պետական կոմիտեն։
Ավստրալիայի Վիկտորիայի նահանգում երկու թեթեւշարժիչավոր ինքնաթիռ է կործանվել վարժական թռիչքներ կատարելիս:
Պեկինում կորոնավիրուսի պատճառով չեղարկել են Ջեյմս Բոնդի մասին «Մեռնելու ժամանակը չէ» նոր ֆիլմի պրեմիերան:
Եվս մեկ ամուսնալուծություն թագավորական ընտանիքում: Եղիսաբեթ Երկրորդ թագուհու զարմիկը՝ կոմս Սնոուդոնը եւ նրա կինը՝ Սերենան՝ կոմսուհի Սնոուդոնը, որոշել են բաժանվել փոխադարձ համաձայնությամբ: Այդ մասին հայտնել է Սնոուդոններ զույգի ներկայացուցիչը, տեղեկացնում է BBC-ին:
Առնվազն մեկից միչեւ մեկուկես տարի կպահանջվի ԱՄՆ-ում նոր կորոնավիրուսի դեմ պատվաստանյութի մշակման եւ կլինիկական փորձարկումների համար:
Երբ Փաշինյանը խոսում է ադրբեջանական շահերը հաշվի առնելու մասին, միանգամից հարց է առաջանում՝ ի՞նչ է նկատի առնվում՝ Ադրբեջանի շահեր ասելով, այն դեպքում, երբ Ադրբեջանն ասում է, որ հարկավոր է պահպանել Ադրբեջանի տարածքային ամբողջականությունը, Ղարաբաղը՝ Ադրբեջանի կազմում, իսկ հետագայում կհստակեցնեն կարգավիճակը: Սա իր շահերն են, որոնց մասին նա հրապարակային, բաց կերպով ասում է, այս դեպքում պետք է հստակ հասկանանք, թե ինչ նկատի ունի հայկական կողմը՝ ասելով՝ ադրբեջանական շահեր: Կարելի է ենթադրել, որ որոշ շրջանների վերադարձ՝ Ղարաբաղի որոշակի կարգավիճակի դիմաց, կամ այլ բան: ՀՀ ղեկավարն առաջին անգամ օգտագործում է «Ադրբեջանի շահեր» արտահայտությունը, և պետք է հասկանալ, թե այն ինչ է ենթադրում: Իսկ Ալիևը, չգիտես ինչու, չի օգտագործում «հայկական շահեր» տերմինը:
Մեծ Բրիտանիայի վարչապետ Բորիս Ջոնսոնը ֆինանսական համաձայնության է հասել կնոջ՝ Մարինա Ուիլերի հետ ամուսնալուծության գործընթացի շրջանակում: Այդ մասին հայտնել է Sky News հեռուստաալիքը։
Եվրամիությունը պատրաստվում է Թուրքիային լրացուցիչ ժամանակ տրամադրել հարկային ոլորտում ԵՄ պահանջներին համապատասխան թափանցիկություն և հրապարակայնություն ապահովելու համար, որպեսզի չհայտնվի հարկային «սև ցուցակում»: Այս մասին հայտնել է «Reuters» գործակալությունը՝ վկայակոչելով Բրյուսելի դիվանագիտական շրջանակները:
«Թվիթեր»-ի օգտատերերի ավելի քան 70 տոկոսը չի կարողացել մուտք գործել սոցիալական ցանց:
Մյունխենի Անվտանգության համաժողովի շրջանակում «Թարմացում Լեռնային Ղարաբաղի հարցով» խորագրով Փաշինյան-Ալիև հանրային քննարկումը շարունակում է լայնորեն քննարկվել միջազգային փորձագիտական և դիվանագիտական համայնքի կողմից: ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը, որոնք ՀՀ-ում տեղի ունեցած հեղափոխական իրադարձություններից հետո ունեցել են միայն մեկ պաշտոնական և բազում ոչ պաշտոնական, կարճատև հանդիպումներ ու շփումներ, փետրվարի 15-ին Մյունխենի անվտանգության համաժողովի շրջանակում ունեցան հերթական ոչ պաշտոնական տետ-ա-տետ հանդիպումը, ապա մասնակցեցին «Թարմացում Լեռնային Ղարաբաղի հարցով» խորագրով հանրային քննարկմանը, որը վարեց ԱՄՆ-Ռուսաստան հիմնադրամի նախագահ և գործադիր տնօրեն Սելեստա Վալենդերը։ Ի դեպ, հանրային քննարկման մասին հայտարարվեց դրա անցկացումից միայն մի քանի ժամ առաջ:
Չինաստանի հյուսիս-արեւելքի Սինցզյան-Ույղուրական ինքնավար շրջանի կարի ֆաբրիկայի ղեկավարությունը նոր կորոնավիրուսի տարածման ֆոնին ութ օրում կազմակերպել է բժշկական անձնակազմի համար պաշտպանիչ հագուստի արտադրության նոր գիծ:
«Նման մակարդակի հանրային քննարկումները կարող են արդյունավետ լինել Արցախյան հիմնահարցի կարգավորման ավարտական փուլերում»,- այս մասին մեզ հետ զրույցում ասաց ռուս քաղաքագետ Ֆյոդոր Լուկիանովը՝ անդրադառնալով Մյունխենում Փաշինյան-Ալիև հանրային դեբատին:
Լրագրողների հետ հանդիպմանն ադրբեջանագետ Անժելա Էլիբեգովան անդրադարձավ Ալիև-Փաշինյան մյունխենյան հանդիպման ուշագրավ պահերին՝ հայկական կողմի արտահայտած և չարտահայտած դիրքորոշումներին:
«Ադրբեջանցիներին բերելով մեր պատմական, ազատագրված տարածքներ, տալիս ենք բոլոր հնարավորությունները, որ ցանկացած ժամանակ կարող է նորից լայնածավալ, մեծ պատերազմ սկսվի»,- լրագրողների հետ հանդիպմանը նշեց Գևորգյանը՝ ակնարկելով, որ բանակցային նոր փուլի համահեղինակը Նիկոլ Փաշինյանն է:
Աֆղանստանի գործող նախագահ Աշրաֆ Ղանին փետրվարի 18-ին պաշտոնապես հաղթող է հայտարարվել պետության ղեկավարի ընտրություններում:
Լիբիական ազգային բանակի ներկայացուցիչ Հալիդ ալ Մահջուբը հայտարարել է Տրիպոլիի նավահանգստում թուրքական նավի ոչնչացման մասին: Այդ մասին փետրվարի 18-ին հայտնել է Al-Arabiya հեռուստաալիքը:
Հաագայի վերքննիչ դատարանը պարտավորեցրել է Ռուսաստանին 50 մլրդ դոլար վճարել «Յուկոս» ընկերության նախկին բաժնետերերին: Սա հսկայական փոխհատուցում է միջազգային արբիտրաժային դատարանի պատմության ընթացքում: Արբիտրաժն արդեն պարտավորեցրել է վճարել գումարը, սակայն Հաագայի շրջանային դատարանը չեղարկեց որոշումը: Այս մասին տեղեկացնում է BBC ռուսական ծառայությունը:
«Մեկ մարդը պարտավոր չէ բոլոր ոլորտներում գիտակ լինել, սակայն պետք է լինեն այնպիսի կենտրոններ, որոնք համապատասխան ոլորտներից համապատասխան տեղեկատվություն մատչելի ձևով կներկայացնեն, որպեսզի ցանկացած նման հանդիպմանը պատրաստ գնանք, և չստացվի այնպես, որ կողքին նստածը կարող է ինչ-որ հեքիաթներ պատմել,- նման կարծիք լրագրողների հետ հանդիպման ժամանակ հայտնեց Ադրբեջանահայերի ասամբլեայի ղեկավար Գրիգորի Այվազյանը՝ հավելելով,- Հայաստանում պետք է ստեղծվեն մասնագիտական ադրբեջանագիտական կենտրոններ, որտեղ համապատասխան տեղեկություններ կմշակեն և կներկայացնեն մեր երկրի ղեկավարությանը»:
Վրաստանի խորհրդարանը ձայների մեծամասնությամբ գլխավոր դատախազի պաշտոնում հաստատել է Իրակլի Շոթաձեին, չնայած ընդդիմության ակցիաներին, որը հանդես էր գալիս նրա նշանակման դեմ։
Թուրքիայի Haberturk հեռուստաալիքը հայտնել է, որ զինվորականները Սիրիայի Իդլիբում իրենց դիտակետեր են ուղարկել 300 բեռնատարներ՝ զրահապատ փոխադրամեքենաներով, հրետանային ինքնագնաց կայանքներով եւ ռազմամթերքով։
Թուրքիայի արտաքին գործերի նախարար Մեւլյութ Չավուշօղլուն չի բացառել մոտ օրերս Թուրքիայի եւ Ռուսաստանի նախագահներ Թայիփ Էրդողանի եւ Վլադիմիր Պուտինի հանդիպման անցկացման հնարավորությունը, որի ընթացքում ղեկավարները կքննարկեն Իդլիբում ստեղծված իրադրությունը։
«Հայկական կողմի՝ փուլային տարբերակի գնալու ցանկությունը հնարավոր չէր տեսնել այդ քննարկմանը»
Վրաստանի խորհրդարանի նախագահ Արչիլ Տալակվաձեի ամենամյա զեկույցն օրենսդիր մարմնի գործունեության մասին ընդհատվել է ընդդիմության պատգամավորների ակցիայով, որոնք նիստերի դահլիճում ձայնափողով միացրել են Խորհրդային Միության օրհներգի ձայնագրությունը։
ԱՄՆ-ը փորձում է բաժանել Իրանի իշխանությանն ու ժողովրդին:
Ռուսաստանի եւ Թուրքիայի պատվիրակությունները փետրվարի 18-ին Մոսկվայում ձեռնամուխ են եղել սիրիական Իդլիբի իրադրության շուրջ բանակցությունների երկրորդ փուլին:
«Այնքան էլ զարմանալի չէր, որ Ադրբեջանի դիկտատորը լկտիաբար ու քմծիծաղով նայում էր իրենց շուրջ կատարվածին ու փորձում էր պատմության էժանագին դասեր տալ հավաքվածներին՝ ինչ-որ հեքիաթներ պատմելով ինքնորոշման մասին, բարբաջելով 19-րդ դարում Երևանում 70 տոկոս կազմող ինչ-որ ադրբեջանցիների մասին, այն պարագայում, երբ միանգամից դեմքին պետք է ասվեր, որ Ադրբեջան պետությունն ընդամենը 1918 թվականին է ստեղծվել՝ Անդրկովկաս թուրքական բանակների ներխուժման պարագայում, իսկ ադրբեջանցի ազգ ընդհանրապես գոյություն չունի, 1936 թվականին են այս տերմինը լայն շրջանառության մեջ դրել»,- լրագրողների հետ հանդիպման ժամանակ ասաց Ադրբեջանահայերի ասամբլեայի ղեկավար Գրիգորի Այվազյանը:
Ավելի քան հարյուր բժիշկներ ամբողջ աշխարհից Մեծ Բրիտանիայի իշխանություններին կոչ են արել վերջ դնել WikiLeaks կազմակերպության հիմնադիր Ջուլիան Ասանժի տառապանքներին եւ նրան որակյալ բժշկական օգնության հնարավորություն ընձեռել: 18 երկրներից 117 բժիշկների ստորագրություններով համապատասխան հանրագիրը հրապարակված է բրիտանական The Lancet բժշկական հանդեսում։
