Իսրայելական հարձակումներից Եմենում զոհերի թիվը հասել է 35-ի
Եմենի առողջապահության և շրջակա միջավայրի նախարարությունը հայտարարել է, որ մայրաքաղաք Սանայի և ալ-Ջաուֆի նահանգի վրա իսրայելական ագրեսիայի հետևանքով զոհերի թիվը հասել է 35-ի, վիրավորվել է 131 մարդ։
Այս մասին հայտնում է հութիներին պատկանող Al Masirah հեռուստաալիքը։Հայտարարության մեջ նշվում է, որ քաղաքացիական պաշտպանության խմբերը շարունակում են որոնողա-փրկակարարական աշխատանքները թիրախավորված թաղամասերում։
Եմենի հութիները հայտարարել են, որ իսրայելական այս ագրեսիան անպատիժ չի մնալու։
Իսրայելական ուժերը սեպտեմբերի 10-ի կեսօրին հարձակում են իրականացրել մայրաքաղաք Սանայի բնակելի թաղամասերի, քաղաքի հարավ-արևմուտքում գտնվող բժշկական հաստատության և ալ-Ջաուֆի շրջանի կառավարական շենքի ուղղությամբ։
