Իսպանիայի կառավարությունը քննարկում է այն բանի հնարավորությունը, որ պաշտպանական նյութեր ուղարկի Ուկրաինային: Փետրվարի 25-ին այդ մասին հայտարարել է թագավորության ԱԳ նախարարության ղեկավար Խոսե Մանուել Ալբարեսը Antena 3 հեռուստաալիքին տված հարացազրույցում։
Ռուսաստանի Դաշնության արտաքին գործերի նախարար Սերգեյ Լավրովը հայտարարել է, որ Ուկրաինայի նախագահ Վլադիմիր Զելենսկին ստում է, երբ հայտարարում է Ուկրաինայի չեզոք կարգավիճակը քննարկելու պատրաստակամության մասին:
Իտալիայի վարչապետը Մարիո Դրագին հայտնել է, որ իննք ու Զելենսկին պայմանավորվել էին հեռախոսով խոսել, սակայն հիմա չի կարողանում կապ հաստատել ուկրաինացի գործընկերոջ հետ:
Ռուսաստանի նախագահի մամուլի քարտուղար Դմիտրի Պեսկովը հայտնել է, որ ոչինչ չի կարող ասել ՌԴ նախագահ Վլադիմիր Պուտինի և Վլադիմիր Զելենսկու շփումների հնարավորության մասին:
Չինաստանի դիրքորոշումն ուկրաինական հարցի նկատմամբ հետեւողական է. Պեկինը հորդորում է բոլոր կողմերին՝ զսպվածություն դրսեւորել եւ կանխել հետագա էսկալացիան: Այդ մասին փետրվարի 25-ին տեղի ունեցած ճեպազրույցում հայտարարել է ՉԺՀ-ի ԱԳՆ-ի պաշտոնական ներկայացուցիչ Վան Վենբինը, պատասխանելով այն հարցին, թե արդյոք Չինաստանն Ուկրաինա «ներխուժումը» ռազմական է համարում այն ամենից հետո, ինչ տեղի ունեցավ վերջին օրերի ընթացքում:
Եվրամիությունը կշարունակի սահմանափակիչ միջոցներ մտցնել Ռուսաստանի նկատմամբ: Փետրվարի 25-ին այդ մասին հայտարարել է էկոնոմիկայի հարցերով եվրակոմիսար Պաոլո Ջանտիլոնին Փաիզում Միության երկրների էկոնոմիկայի նախարարների ոչ ֆորմալ հանդիպումից առաջ։
Հայ-թուրքական կապիտուլյացիոն սիրախաղն առաջիկայում կավարտվի. Արտակ Զաքարյան
Ռուսաստանի օդադեսանտային ուժերի ստորաբաժանումները լիովին վերահսկողություն են հաստատել Չեռնոբիլի ատոմակայանի մոտ գտնվող տարածքի վրա։ Դա տեղի է ունեցել նախօրեին, ասել է ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը, հաղորդում է «Զվեզդա» հեռուստաալիքը։
Ուկրաինայի տարածքում Ռուսաստանի նախաձեռնած ռազմագործողությունները սկսելուց հետո Կիևը դիմել էր Անկարային՝ խնդրելով ռուսական ռազմանավերի համար փակել Բոսֆոր ու Դարդանելի նեղուցները: Այս մասին տեղեկացնում է ermenihaber.am-ը։
«Այնպես չէ, որ այս ամենը Զելենսկու համար նորություն էր։ Վստահ եմ, որ Զելենսկին ինքն էլ 100 տոկոսով համոզված էր, որ պատերազմի ժամանակ ՆԱՏՕ-ն անմիջական ռազմական գործողությունների մեջ չի մտնի։ Սա Արևմուտքի շահերի մեջ չի էլ մտնում, որովհետև Արևմուտքի խնդիրն Ուկրաինան չէ, այլ նրա խնդիրն Ուկրաինայի միջոցով Ռուսաստանին թուլացնելն է։ Իսկ պատերազմի այսպիսի ընթացքը կատարում է այդ խնդիրը, որովհետև խնդիրը Ռուսաստանին թուլացնելն է, և այդ պատժամիջոցները, անկասկած, այդ գործն անելու են, և ՌԴ տնտեսությունն էապես թուլանալու է, էլ չեմ խոսում միջազգային հեղինակության մասին։
Շատերը դա գնահատում են որպես նախկին Սովետական տարածքների նկատմամբ հավակնություն, իսկ իրականում դրա տակ պետք է հասկանալ այն, որ Ռուսաստանը ցանկանում է վերականգնել իր նախկին դերը միջազգային հարաբերություններում որպես գերպետություն՝ խնդիրը տարածքները չեն, այլ՝ դերակատարությունը։ իսկ Չինաստանն Ռուսաստանի ներխուժումը «ներխուժում» չի համարում։
«Ռուսաստանն ուլտիմատում է դրել. Կա՛մ թուրք-բրիտանական թևի հետ ես, կա՛մ մեր հետ ես, և Ալիևի վերջին այցը Ռուսաստան, երբ ստորագրեցին դաշնակցային հռչակագիրը՝ դա Ռուսաստանի զգուշացումներից մեկն էր: Ռուսաստանին հիմա պետք է, որ խնդիրներ չունենա որևէ այլ տեղում, բացի Ուկրաինայից: Սա, իմ կարծիքով, ժամանակավոր ապահովագրում էր: Հաջորդը լինելու են Ադրբեջանը, Վրաստանն ու Թուրքմենստանը»,- նշեց Տիգրան Քոչարյանը:
Ֆրանսիայի նախագահ Էմանուել Մակրոնը հայտարարել է Ուկրաինային 300 միլիոն եվրոյի չափով օգնություն ուղարկելու պլանների մասին:
Ռուսական կողմի հարվածներից ոչնչացվել է Ուկրաինայի ռազմական ենթակառուցվածքի 74 օբյեկտ, այդ թվում՝ ռազմաօդային ուժերի 11 օդանավակայան, 3 հրամանատարական կետ, ռադիոտեղորոշման և հակաօդային պաշտպանության համակարգեր, թուրքական արտադրության 4 «Բայրաքթար» անօդաչու թռչող սարք: Այս մասին հայտնում են Ռուսաստանի պաշտպանության նախարարությունից:
Մեր բնական դաշնակիցը Ռուսաստանն է, որովհետև մեր հարևանը Թուրքիան է. Արտակ Զաքարյան
Օդեսայի ափերի մոտ թուրքական նավ է ռմբակոծվել։ Հաղորդվում է, որ տուժածներ չկան: Դեպքը տեղի է ունեցել Օդեսայի մոտ ռուսական զինուժի ռազմական գործողությունների շրջանակներում։
Ռազմական բախումը վերջնական հանգուցալուծման կտանի. Ուկրաինան ստիպված է չեզոք լինել. Արտակ Զաքարյան
Կիևում վնասազերծել են ՌԴ զինված ուժերի զինծառայողներին, ովքեր առգրավել էին Ուկրաինայի ԶՈՒ ավտոմեքենաները եւ ներխուժել Կիեւ:
Եվրոպայի ոչ մի երկիր, ինչպես եւ ԱՄՆ-ը, չեն ցանկանում ուղղակի ռազմական բախում թույլ տալ Ռուսաստանի հետ, քանի որ ՌԴ-ն միջուկային տերություն է: Այդ մասին հայտարարել է Ֆրանսիայի զինված ուժերի նախարար Ֆլորանս Պառլին RTL ռադիոկայանի եթերում։
Ռուսաստանի Դաշնության զորքերը առգրավել են Ուկրաինայի Զինված ուժերի երկու ավտոմեքենա, փոխել են համազգեստը և Օբոլոնիի կողմից շարժվում են դեպի Կիևի Կենտրոն:
Եվրասիական միջկառավարական խորհրդի (ԵՄԿԽ) հերթական նիստը տեղի կունենա հունիսի վերջին, Բրեստում:
Դոնեցկի մարզում հայ համայնքի շրջանում արդեն սկսվել է տարհանումը։ Այս մասին 168.am-ի հետ զրույցում ասաց Դոնեցկի մարզի հայերի միության նախագահ Վահագն Մաթևոսյանը։
Ֆրանսիայի նախագահ Էմանուել Մակրոնը հայտարարել է, որ Ռուսաստանի նախագահ Վլադիմիր Պուտինի հետ փետրվարի 24-ին տեղի ունեցած հեռախոսազրույցի ժամանակ նրան է փոխանցել Ուկրաինայի նախագահ Վլադիմիր Զելենսկու՝ բանակցությունների մասին խնդրանքը։
ՌԴ ռազմաօպերացիան Ուկրաինայում՝ օր 2-րդ. արևմտյան պատժամիջոցներ ՌԴ-ի դեմ.իրավիճակը Կիևում. ՈՒՂԻՂ։
Ուկրաինայի նախագահ Վլադիմիր Զելենսկին հայտարարել է, որ անհրաժեշտ է ստեղծել հակապատերազմական դաշինք:
ԱՄՆ-ի պաշտպանության նախարար Լլոյդ Օսթինը ՆԱՏՕ-ի գծով ամերիկյան դաշնակիցների հետ քննարկել է Ռուսաստանի ռազմական գործողությունն Ուկրաինայում: Այդ մասին ասված է Պենտագոնի մամուլի քարտուղար Ջոն Քիրբիի հայտարարության մեջ, որը տարածվել է փետրվարի 24-ին։
Ուկրաինայի նախագահ Վլադիմիր Զելենսկին մի քանի ժամ առաջ հնչեցրած վերջին ուղերձում նշել է, որ չի վախենում Ռուսաստանի հետ քննարկել Ուկրաինայի չեզոք կարգավիճակի հարցը։
Ուկրաինայի նախագահը հավելել է, որ Ռուսաստանն ամեն դեպքում ստիպված է լինելու խոսել իրենց հետ, թե ինչպես դադարեցնի ռազմական գործողությունները և վերջ տալ ներխուժմանը: «Որքան արագ խոսակցությունը սկսվի, այնքան քիչ կորուստներ կունենա Ռուսաստանը»,- ասել է Վլադիմիր Զելենսկին:
Օտարման գոտուց դեպի Կիեւ շարժվող ռուսական զորքերը կանգնեցվել են Իվանկով գյուղի մոտ, հաղորդում է «Украинская правда»-ն՝ հղում անելով Ուկրաինայի զինված ուժերի գլխավոր շտաբի աղբյուրներին։
Ռուսաստանի հատուկ ռազմական գործողություն հետեւանքով զոհվել է Ուկրաինայի 137 քաղաքացի: Այս մասին հայտնել է Ուկրաինայի նախագահ Վլադիմիր Զելենսկին:
