Հայաստանը պատրաստվում է անցնել «ջրային բարեփոխումներից» «ջրային վերափոխման»
Դիլիջանում, Նիկոլ Փաշինյանի մասնակցությամբ, անցկացվել է «Ջրային ոլորտի բարեփոխումներ 2026-2031» խորագրով աշխատաժողովը։ Հայտնում են Ջրային կոմիտեից։
Քննարկման առանցքում ջրային ոլորտի առաջիկա անելիքների հիմնական դրույթներն էին՝
- խմելու ջրի շուրջօրյա հասանելիություն,
- ոռոգման ջրի հասանելիության ընդլայնում և չօգտագործվող հողերի արդյունավետ ներգրավում,
- ջրամբարների կառուցում և ջրային պաշարների կուտակում,
- կեղտաջրերի մաքրումը՝ ոչ թե բացառություն, այլ կանոն,
- ջրի սակագին և համակարգի ծախսարդյունավետություն,
- ջրի շուկայի ձևավորում և մասնավոր ներդրումների խթանում,
- «ջրային ոլորտի բարեփոխումներից» անցում «ջրային վերափոխման»։
Օրակարգում էր նաև ևս մեկ կարևոր ուղղություն՝ հողի և ջրի կառավարման փոխկապակցումը՝ ՀՀ ՏԿԵՆ Ջրային կոմիտեի ինստիտուցիոնալ վերափոխմամբ՝ ՀՀ կառավարությանն առընթեր Հողի և ջրի կոմիտեի ձևավորմամբ։
