Լեհաստանն արգելել է Սլովակիայի պատվիրակությանն օգտագործել իր օդային տարածքը Ռուսաստան թռչելու համար
Լեհաստանն արգելել է Սլովակիայի պատվիրակությանն իր տարածքով թռչել Ռուսաստան, այս մասին ֆեյսբուքյան իր էջում հայտնել է Սլովակիայի SNS կուսակցության ղեկավար Անդրեյ Դանկոն։ Ավելի ուշ SNS-ի մամուլի ծառայությունը հայտնել է, որ իրենց ինքնաթիռը թռչելու է Լեհաստանի տարածքը շրջանցելով, գրում է Коммерсант-ը։
«Լեհերն արգելել են թռիչքներն իրենց տարածքի վրայով, ուստի մենք Չեխիայի և Գերմանիայի տարածքով ենք թռչում Ռուսաստան»,- ասել է Դանկոն։ Լեհաստանի իշխանությունները չեն մեկնաբանել իրավիճակը։
Ավելի վաղ Դանկոն հայտնել էր, որ Ռուսաստանի Դաշնություն իր այցի նպատակը էներգետիկ ոլորտում Սլովակիայի և Ռուսաստանի համագործակցության հեռանկարների քննարկումն է։
Հունվարի 1-ի առավոտյան «Գազպրոմը» դադարեցրել է Ուկրաինայի տարածքով գազի մատակարարումը Եվրոպա։ Պատճառը ռուսաստանյան ընկերության և ուկրաինական «Նավթոգազ»-ի միջև պայմանագրի ժամկետի ավարտն էր։ Սակայն, Սլովակիայի վարչապետի վկայությամբ, Վլադիմիր Պուտինը երաշխավորել է, որ Սլովակիա գազի մատակարարումները կայուն կլինեն։
