Միջազգային

Վրաստանում ոստիկանությունը 11 մարդ է ձերբակալել թմրահանցավորության համար, որոնցից վեցը, այդ թվում՝ մի օտարերկրացի, մեղադրվում են թմրավաճառության մեջ: Այդ մասին հաղորդում է Վրաստանի ՆԳ նախարարությունը:

Ռուսաստան-Արևմուտք այսօրվա սուր հակամարտության պայմաններում ճակատագրական սխալ կարող է լինել, եթե Արցախը աշխարհի համար ընկալվի որպես ռուս խաղաղապահներով պահվող սև խոռոչ։

Ռուսաստանը մինչև օգոստոսի 31-ն արգելել է հացահատիկային մշակաբույսերի և շաքարի արտահանումը ԵԱՏՄ երկրներ:

Ռուսաստանի Դաշնության դեմ պատժամիջոցները բացասական հետևանքներ կունենան ամբողջ աշխարհի համար, ոչ ոք չի ցանկացել դրանք կիրառել։ Այս մասին հայտնել է ՆԱՏՕ-ի գլխավոր քարտուղար Յենս Ստոլտենբերգը՝ ելույթ ունենալով թուրքական Անթալիայում դիվանագիտական համաժողովի բացմանը։

Փախստականների թիվը, որոնք Ուկրաինայից Լեհաստան են ժամանել Ուկրաինայում ռազմական գործողությունն սկսվելուց ի վեր, գերազանցել է 1,5 միլիոնը:

Բելառուսի նախագահը նշել է, որ Ռուսաստանը միշտ օգնել է իր դաշնակիցներին:

Հայաստանն առաջիկայում կարող է դիմել ԵԱՀԿ ՄԽ համանախագահությանը Ադրբեջանի հետ խաղաղության բանակցություններ նախաձեռնելու հարցով:

Ուկրաինայի շուրջ ծավալվող դինամիկ աշխարհաքաղաքական զարգացումների ֆոնին Բաքուն ընդլայնում է ռազմական ագրեսիան Հայաստանի և Արցախի նկատմամբ:

«Ուկրաինայում տեղի ունեցող իրադարձությունները հեռանգա հետեւանքներ կունենան համաշխարհային տնտեսության համար,- մարտի 11-ին մեջբերում է նրան SABC հեռուստառադիոընկերությունը:- Աֆրիկայի համար դժվարին ժամանակներ են սկսվում, քանի որ մայր ցամաքի համար ստեղծվել են սպառնալիքներ չորս ուղղություններով. սննդամթերքի գների աճ, վառելիքի թանկացում, զբոսաշրջության գների անկում եւ նոր դժվարություններ կապիտալի միջազգային շուկաներից օգտվելու հարցում»:

«Նիկոլ Փաշինյան անուն-ազգանունով անձը ձեռքերը վաղուց լվացել է Արցախից, առհասարակ Արցախի հայկականությունից, կարգավիճակից, ինքնորոշման իրավունքից, անվտանգությունից, իր քայլերով սպասարկում է բացառապես թուրք-ադրբեջանական օրակարգ: Դա և՛ դեմարկացիան է, և՛ դելիմիտացիան է, և՛ խաղաղասիրության քարոզն է, և՛ թուրքի՝ 41 կմ  Հայաստան մտնելն է ու դրա մասին ծպտուն չհանելն է, և՛ Սյունիքի հայկական բնակավայրերն ադրբեջանական անվանումով անվանելն է, և՛ նույնիսկ այս պահին որևէ գնահատական չտալն է»,- 168.am-ի հետ զրույցում ասաց ՀՀԿ ԳՄ անդամ Էդուարդ Շարմազանովը:

Բելառուսի նախագահ Ալեքսանդր Լուկաշենկոն հայտարարել է Եվրասիական տնտեսական միության (ԵԱՏՄ) և Հավաքական անվտանգության պայմանագրի կազմակերպության (ՀԱՊԿ) երկրների ղեկավարների հանդիպման անհրաժեշտության մասին՝ պատժամիջոցներին հակազդելու լուծումներ մշակելու համար, գրում է ՏԱՍՍ-ը:

Ռուս-ուկրաինական ճգնաժամի պայմաններում թուրքական լիրան արժեզրկվում է։ Այսօր 1 դոլարի նկատմամբ լիրայի փոխարժեքը հասել է 14․99-ի։ Այս մասին տեղեկացնում է ermenihaber.am-ը։

ՆԱՏՕ-ի գլխավոր քարտուղար Ենս Ստոլտենբերգը հայտարարել է, որ դաշինքը զորքեր եւ ինքնաթիռներ չի ուղարկի Ուկրաինա։Ստոլտենբերգը Reuters գործակալությանը տված հարցազրույցում հայտարարել է, որ կարեւորը ստեղծված իրադրության «քաղաքական, դիվանագիտական լուծումը» գտնելն է: «(Ստոլտենբերգը) կրկնել է, որ դաշինքը զորքեր եւ ինքնաթիռներ չի ուղարկի Ուկրաինա»,-ասվում է գործակալության հաղորդագրության մեջ:

Արեւմուտքը սխալ է թույլ տվել՝ Ուկրաինային ՆԱՏՕ-ի անդամակցություն խոստանալով, կարծում է Եվրամիության արտաքին գործերի եւ անվտանգության քաղաքականության գերագույն ներկայացուցիչ Ժոզեպ Բորելը: Այդ մասին նա հայտարարել է LCI հեռուստաընկերությանը տված հարցազրույցում։

Թուրքիայի նախագահ Ռեջեփ Թայիփ Էրդողանը և ԱՄՆ նախագահ Ջո Բայդենը նախօրեին ունեցած հեռախոսազրույցի ընթացքում քննարկել են Թուրքիա-ԱՄՆ հարաբերությունների, ինչպես նաև Ուկրաինայում տեղի ունեցող իրադարձություններին առնչվող հարցեր:

Իսկական ռուսները չպետք է ամաչեն ռուս լինելուց, վստահ է ՌԴ նախագահի մամուլի քարտուղար Դմիտրի Պեսկովը։

Ճապոնիան պատժամիջոցներ կսահմանի Բելառուսի երեք բանկերի նկատմամբ:

Ուկրաինայի ճգնաժամը չպետք է վերաճի պատերազմի Հյուսիսատլանյան դաշինքի եւ Ռուսաստանի միջեւ: Մարտի 11-ին այդ մասին հայտարարել է ՆԱՏՕ-ի գլխավոր քարտուղար Ենս Ստոլտենբերգը՝ CNN Turk հեռուստաալիքին տված հարցազույցում։ «ՆԱՏՕ-ն խստորեն արձագանքեց Ռուսաստանի (գործողություններին):

ՆԱՏՕ-ի գլխավոր քարտուղար Յենս Ստոլտենբերգը Անթալիայում հանդիպել է Թուրքիայի արտգործնախարար Մևլութ Չավուշօղլուի հետ:

Ադրբեջանի նախագահի Թուրքիա կատարած այցի շրջանակներում Թուրքիայի նախագահ Ռեջեփ Թայիփ Էրդողանն ու Իլհամ Ալիևը քննարկել են Ուկրաինայում տեղի ունեցող իրադարձությունների, հայ-ադրբեջանական հարաբերությունների, ինչպես նաև երկկողմ հարաբերությունների հետ կապված հարցեր:

Ռուս–ուկրաինական հակամարտության սկսվելուց հետո առաջին անգամ երգչուհի Ալլա Պուգաչովան կապ է հաստատել երկրպագուների հետ և մեկնաբանել ռազմական գործողությունների պատճառով Ռուսաստանի Դաշնությունը լքելու մասին լուրեը։

ՆԱՏՕ-ն չի կարողանա Ուկրաինայի տարածքում ոչ թռիչքային գոտի սահմանել՝ չնայած այդ երկրի նախագահ Վլադիմիր Զելենսկու խնդրանքին, հայտարարել է Կանադայի վարչապետ Ջասթին Տրյուդոն։

ՌԴ նախագահ Վլադիմիր Պուտինը հնարավոր է համարում այն կամավորների ուղարկումը Դոնբաս, որոնք ցանկանում են օգնել այդ շրջանի բնակիչներին, գրում է interfax.ru-ն։

Եվրամիության երկրների ղեկավարներն ակտիվ ջանքեր կգործադրեն Ուկրաինայի իրադրության կարգավորման, այդ թվում հանրապետության տրածքում հրադադարի համար: Մարտի 11-ին այդ մասին հայտարարել  էՀունգաիայի վարչապետ Վիկտոր Օրբանը, որը մասնակցում է Ֆրանսիայում Եվրամիության գագաթնաժողովին։

ՀՀ կենտրոնական բանկն անդրադարձել է ռուսական «Միր» վճարային քարտերով գործարքները դադարեցնելու վերաբերյալ Ուկրաինայի կոչին: «Արմենպրես»-ի հարցմանը, թե ԿԲ-ն ի՞նչ դիրքորոշում ունի Ուկրաինայի Ազգային բանկի հայտարարության վերաբերյալ, որով կոչ է արվում Հայաստանի, Թուրքիայի Տաջիկստանի և մի շարք այլ երկրների դադարեցնել ռուսական «Միր» վճարային քարտերով ցանկացած գործառնություն, ՀՀ Կենտրոնական բանկից հայտնեցին, որ ցանկացած դեպքում հասարակությանը պատշաճ կծանուցի որևէ գործողության վերաբերյալ:

ԱՄՆ նախագահ Ջո Բայդենը մարտի 11-ին կհայտարարի Ռուսաստանի դեմ նոր միջոցների մասին՝ ի պատասխան Ուկրաինայում նրա գործողության: Այդ մասին հաղորդել է Սպիտակ տունը:

Ադրբեջանի կողմից էթնիկ և կրոնական ատելության քաղաքականությունը ունի հստակ նպատակ` հայաթափել Արցախը և էթնիկ զտում իրականացնել: «Ադրբեջանի էթնիկ ատելության քաղաքականության դրսևորումներն ու հետևանքները» թեմայով ասուլիս-քննարկման ժամանակ այս մասին ասաց Արցախի մարդու իրավունքների պաշտպան Գեղամ Ստեփանյանը:

Ամերիկյան Meta ընկերությունը ժամանակավորապես թույլ է տվել Facebook և Instagram սոցիալական ցանցերում բռնության կոչերը ռուս զինվորականների նկատմամբ՝ Ուկրաինայում Ռուսաստանի հատուկ ռազմական գործողության լույսի ներքո, սակայն ռուս խաղաղ բնակիչների նկատմամբ բռնության կոչերը կմնան արգելված, գրում է ՏԱՍՍ-ը։

Ռուսաստանը չեղարկել է օդային հաղորդակցության սահմանափակումները ևս ութ երկրի, այդ թվում՝ Հայաստանի նկատմամբ։ Այս մասին հաղորդվում է Օդային տրանսպորտի դաշնային գործակալության պաշտոնական կայքում։

Մարտի 10-ին Թուրքիայի ու ԱՄՆ-ի նախագահների միջև կայացել է հեռախոսազրույց: Ռեջեփ Թայիփ Էրդողանի ու Ջո Բայդենի հեռախոսազրույցի ժամանակ քննարկվել են թուրք-ամերիկյան հարաբերությունները, Ուկրաինայի հարցը, ինչպես նաև այլ խնդիրներ: