Թաիլանդում խաղի ժամանակ կայծակի հարվածից ֆուտբոլիստ է զոհվել
Թաիլանդական «Յալա» ակումբի ֆուտբոլիստ Սոֆվան Ավաեն մահացել է հանդիպման ընթացքում կայծակի հարվածից: Այս մասին սոցիալական ցանցերում հայտնել է ակումբի մամուլի ծառայությունը։
Ակումբը հաստատել է նորեկ Սոֆվան Ավաեի մահը օգոստոսի 4-ին Սունգայկոլոկում կայացած FA Go-Lok գավաթի խաղարկության հանդիպման ժամանակ տեղի ունեցած միջադեպի հետևանքով։ Ֆուտբոլիստը ստացել էր ծանր վնասվածքներ և ավելի ուշ մահացել հիվանդանոցում։ Նշվում է, որ կայծակի հարվածից տուժել է ևս երկու խաղացող։
«Յալա» ակումբը ցավակցություն է հայտնել Ավաեի ընտանիքին ողբերգական պատահարի կապակցությամբ։
