Խմբագրի ընտրանի

Արտահերթ խորհրդարանական ընտրությունների արդյունքները հրապարակելուց հետո, իշխանության շատ ներկայացուցիչներ սկսեցին բացահայտ հայտարարել, որ այն համայնքապետերը, որոնք ընտրությունների ժամանակ, այսպես ասած, իրենց համար չեն աշխատել, պետք է հրաժեշտ տան իրենց պաշտոններին։

Արտահերթ խորհրդարանական ընտրությունների արդյունքներով բավարարվեցին դրանցում հետաքրքրություն ունեցող գրեթե բոլոր արտաքին ուժերի ու կենտրոնների շահերը, այդ թվում՝ Ադրբեջանի ու Թուրքիայի։ Լայն իմաստով, ընտրությունների արդյունքներն ամենաքիչը համապատասխանում են հայկական շահին, ինչը, այո, նոնսենս է, սակայն, վիտրաժային ժողովրդավարության ջատագովների եզրաբանությամբ, լեգիտիմ նոնսենս է։

ՀՀ երրորդ նախագահ Սերժ Սարգսյանը հարցազրույց է տվել BBC-ի ռուսական ծառայությանը, որի ընթացքում նա անդրադարձել է ԱԺ արտահերթ ընտրություններին, Նիկոլ Փաշինյանի կողմից Արցախյան հիմնախնդրի բանակցային գործընթացի տապալմանը և պատերազմի հրահրմանը, 44-օրյա պատերազմի նվաստացուցիչ պարտությանը:

«Մենք այսօր ծնկաչոք ենք թշնամու առաջ, շատ անպատիվ վիճակում ենք, տեսնենք՝ ինչ զարգացումներ են լինելու: Ուղղակի պետք է վերականգնել արժանապատվությունը, պետք է արժեքները վերագնահատել: Այն աղետը, որը մեզ հետ տեղի ունեցավ, դրա պատճառն այն էր, որ սկսեցինք դավաճանել մեր արժեքներին, թույլ տվեցինք, որպեսզի մեր գեղագիտական մակարդակը իջնեցնեն: Թույլ տվեցինք, որպեսզի մեր կրթական մակարդակը իջեցնեն, և կամաց-կամաց եկանք-հասանք այս օրվան: Բանակի նկատմամբ էն ի՜նչ հարձակումներ էին, սպաներին վիրավորում էին, վարկաբեկում: Մենք սա թույլ ենք տվել: Եկեղեցու նկատմամբ էլ ենք թույլ տվել ոտնձգություններ և մենք ճաշակում ենք շատ դառը պտուղները: Պետք է այս ամենը վերականգնել: Սա թող վերացական չթվա: Մենք կորցրել ենք մեր արժեքները, պետք է դրանք վերագտնել, սա շատ կարևոր բան է»:

168 TV-ի «Ռեվյու» հաղորդաշարի հյուրն է բժիշկ, ՀՅԴ Հայաստանի Գերագույն մարմնի անդամ Տարոն Տոնոյանը։

Ինչպե՞ս եղավ, որ Արցախյան առաջին պատերազմում հաղթանակ տարանք և Արցախն ազատագրեցինք, իսկ 44-օրյա պատերազմում կորցրեցինք Արցախի 75 տոկոսը։ Պատասխանելով այս հարցին, Արզիկ Մխիթարյանը նախ նշեց, որ ականատեսն է եղել ոչ միայն Արցախի առաջին գոյապայքարին, այլև արցախյան շարժման ակտիվիստներից է եղել, մարդ, որը ամբողջ մի տարի հանրահավաք է ղեկավարել, ամբիոնից խոսք է հղել ժողովրդին և իր հետևից մարդիկ է տարել։

«Ինտելեկտուալ ապուշներին հայ ժողովուրդը ծնկի բերեց և այսուհետ միշտ ծնկի է բերելու»,- պալատական ներքինիներից մեկի շուրթերով տարածված այս հայտարարությամբ Նիկոլ Փաշինյանը խոստովանեց, որ իրեն ընտրել են անինտելեկտ մուրճասերները կամ անմիտ ասֆալտատենչները։

Հունիսի 21-ի ընտրություններում, ինչպես արդեն գրել ենք, բանակային գրեթե բոլոր կորպուսները մոտ 80 տոկոսով ձայն են տվել Նիկոլ Փաշինյանին, ավելին, զորամասեր են եղել, որ ամբողջությամբ են նրան ընտրել:

«Թող իրենք լավ իմանան, որ հայ հոգևորականներն իրենց քարկոծումից չեն վախենում, պատրաստ ենք Աստծու և մեր ժողովրդի համար գնալ անգամ նահատակության, և մեզ սպառնալիքներով որևէ մեկը չի կարող վախեցնել, որ մենք հրաժարվենք Աստծուն և ժողովրդին ծառայելուց»,- եզրափակեց տեր Վրթանես քահանա Բաղալյանը։

Նախորդ տարեվերջին՝ դեկտեմբերի 11-ին, Վատիկանում ՀՀ նախկին դեսպան Միքայել Մինասյանը ֆեյսբուքյան իր էջում հրապարակել էր «Requiem-2»-ը, որը վերնագրված էր «Հերոսության, ստի ու դավաճանության 44 օրը»։

ՀՀ-ում ԵՄ պատվիրակությունը, ինչպես ընդհանուր առմամբ ՀՀ-ում աշխատող այլ երկրների դիվանագիտական ներկայացուցչությունները, որևէ կերպ չեն արձագանքում ՀՀ-ում կայացած խորհրդարանական ընտրություններում գրանցված խախտումներին, մասնավորապես՝ հռետորաբանությանը, կիրառված վարչական ռեսուրսներին ու ընտրական չարաշահումներին:

«Վարչապետն ասաց, որ ինչ-որ փաստաթուղթ պետք է ստորագրի: Այդքան բան գիտենք: Որ դա մեզ վնաս է, դա հաստատ է, ի վնաս Հայաստանի, իմ կարծիքով: Որովհետև զրջումների, հատկապես՝ ռազմագերիների չլուծված խնդիրը, Բաքվի կեղծ դատավարությունը մեզ ցույց է տալիս, որ իրավիճակը նորմալ չի: Նախիջանում տեղի ունեցող թուրք-ադրբեջանական զորավարժությունները ցույց են տալիս, որ նրանք ուղղակիորեն ճնշում են գործադրում մեզ վրա, ստիպում են ինչ-որ մի բան անել: Թե ինչ բան, մենք չգիտենք: Բայց ի վնաս մեզ, իհարկե, որովհետև այսքան արագ իրար հետևից մի քանի զորավարժություններ չեն անում»,- 168.am-ի հետ զրույցում ասաց պատմաբանը:

Ի դեպ, էկոնոմիկայի նախարարի պաշտոնակատարը նաև «կիսվեց շատ լավ նորությունով»՝ նշելով, որ այսօրվա դրությամբ Հայաստանից արտահանվել է արդեն 86 հազար տոննա թարմ գյուղմթերք, որը կրկնակի ավելի է, քան անցած տարի: 

Երեկ դատավոր Արմինե Մելիքսեթյանը մասնակի բավարարեց նախաքննական մարմնի՝ պրոֆեսոր Արմեն Չարչյանի նկատմամբ կալանավորումը որպես խափանման միջոց ընտրելու միջնորդությունը, և բժիշկը կկալանավորվի մեկ ամսով:

Ցանկություն է առաջանում հարցեր ուղղել ամերիկյան կողմին՝ այս երևույթները չե՞ն խոչընդոտում արդյոք երկկողմ հարաբերությունների զարգացմանը, նման արատավոր նախընտրական մթնոլորտը, որն աննախադեպ էր անկախ Հայաստանի պատմության ընթացքում, ընտրախախտումների ուշագրավ գունապնակով ընդունելի՞ են ամերիկյան կողմի համար, Հայաստանի դեպքում ամերիկյան կողմը հարաբերությունները դիտարկում է հիմնված շահի՞, թե՞ արժեքային համակարգի վրա: Պատասխանները, թերևս, ակնհայտ են:

Ես այդ ձայնագրությունը լսել եմ, մարդը հորդորել է անպայման մասնակցել ընտրություններին, այս ամենի մեջ որևէ վատ բան չկա։ Այդ իշխանությունները, որ այդպես զինվորներին պարտադրելով՝ բերում էին ու ասում, որ պետք է ընտրեն ՔՊ-ին, նույնը՝ տարբեր հիմնարկներում, այդ թվում՝ ԲԿ-երում, այստեղից ու այնտեղից լսել եմ, որ իրենց հիմնարկներում պարտադրել են, որպեսզի ընտրեն ՔՊ-ին, հակառակ դեպքում` աշխատանքից կազատեն, աշխատավարձը կկրճատեն, և այլն։ Թող այս ամենը լինի ասեկոսե, բայց ես դրանց մասին լսել եմ։

Աշխատատեղերի թեման առաջին անգամ չէ, որ շահարկում են գործող իշխանությունները։ Իշխանության գալուց անմիջապես հետո Նիկոլ Փաշինյանը հայտարարեց տասնյակ-հազարավոր նոր աշխատատեղերի ստեղծման մասին։ Հետո, իհարկե, հասկանալով ասվածի անհեթեթությունը՝ սրբագրեց այն։ Բայց դրանով աշխատատեղերի թեմայի շահարկումը չավարտվեց։ Այսօր էլ այն շարունակվում է։

«Ժողովուրդն ունի  արդարացի պահանջ, և ես վստահ եմ, որ երեկվա օրն ապացուցեց, որ ամեն ինչ փոխվելու է, կա նպատակ, այն մասամբ իրականացված է, շարունակությունն էլ հանգիստ ու նորմալ ճանապարհով կիրականացվի, ես որևէ խնդիր չեմ տեսնում»,- շեշտեց մեր զրուցակիցը։

Հավանաբար հենց նյարդային գերլարվածությունից էլ, հատկապես որ երեկ էլ կալանքի հարցի քննությունը բավականին երկար ու ծանր էր ընթացել, պրոֆեսորի մոտ սրտի տագնապ է սկսվել։

Երևանի ընդհանուր իրավասության դատարանն այսօր բավարարել է Հատուկ քննչական ծառայության միջնորդությունը «Հայաստան» դաշինքի անդամ, «Իզմիրլյան» ԲԿ-ի տնօրեն Արմեն Չարչյանին կալանավորելու վերաբերյալ։

Էլիտաներին հիմա լայն հասակարությունն ընկալում է՝ որպես դասակարգային թշնամիների, ինչում, իհարկե, դեր է խաղացել և խաղում է նաև գործող իշխանությունը, որն իր բնույթով պոպուլիստական, հակավերնախավային է և դա ներկայացնում է՝ որպես արժանիք։ Այն դեպքում, երբ իշխանությունը չի կարող լինել հակաէլիտար, որովհետև վերնախավն առաջին հերթին նոմինալ իշխանությունն է։ Անկախ իշխանությունից, սակայն, բոլոր իրական էլիտաների խնդիրը պետք է լինի հասարակության հետ աշխատանքը, որը ոչ միայն հեշտ ճանապարհ չէ, այլ սարսափելի դժվար ճանապարհ է և ամենևին ոչ երաշխավորված արդյունքով ճանապարհ։

«Դատարանը որոշում կայացրեց 1 ամիս ժամկետով պարոն Չարչյանին կալանավորելու վերաբերյալ: Դատարանը արձանագրել է ինչպես կալանավորման պայման՝ հիմնավոր կասկածի առկայությունը, այնպես էլ կալանավորման հիմքերի:

ՀՀԿ ԵԿ նախագահ, «Պատիվ ունեմ» դաշինքի անդամ Հայկ Մամիջանյանն այն կարծիքին է, որ ընտրություններին չմասնակցած ընտրելու իրավունք ունեցող քաղաքացիների ձայները հիմնականում ընդդիմադիր ձայներ էին, և ոչ պրոիշխանական:

Երևան քաղաքի ընդհանուր իրավասության դատարանը՝ դատավոր Մելիքսեթյանի նախագահությամբ, բավարարել է ՀՔԾ-ի՝ «Իզմիրլյան» ԲԿ-ի ղեկավար, բժիշկ-վնասվածքաբան, պրոֆեսոր, «Հայաստան» դաշինքի անդամ Արմեն Չարչյանի նկատմամբ խափանման միջոց կալանավորումը կիրառելու վերաբերյալ միջնորդությունը:

«Հրաժարականն ինքնանպատակ չի լինում։ Ես հրաժարական ներկայացնելու պատճառ չունեմ»։

Ասում են ՝ պատմությունը կրկնվելու սովորություն ունի, ու դա է պատճառը, որ մինչև հիմա որևէ մեկը չի կարողացել պատասխանել հարցին, թե այդ ինչպե՞ս կարող էր գերմանացիների նման խելացի ժողովուրդը գնալ ինքնասպանական քայլի՝ առաջնորդ ընտրելով Հիտլերին։ Պատմությունը կրկնվեց հիմա, և որևէ մեկը չի կարող պատասխանել հարցին, թե ինչպե՞ս կարող է հայ ժողովրդին արհավիրք բերած իշխանությունը նորից իշխանություն ստանալ, ու այդ ինչպե՞ս ստացվեց, որ մեր ժողովուրդը մերժեց բոլոր արժեքները, որոնք կրում են նախկինները՝ չտեսնելով, որ այսօրվա ներկաների մեջ նախկիններն են ու նախկինների նախկինները։ 

Տիգրան Քոչարյանի խոսքով՝ նոր խորհրդարանում ընդդիմությունը Նիկոլ Փաշինյանին կարող է պարտադրել համերաշխություն, ոչ թե հակառակը. «Խորհրդարանական ընդդիմության դաշտը ամբողջությամբ վերաֆորմատավորվել է, և այստեղ Նիկոլ Փաշինյանը երբևէ ո՛չ Ռոբերտ Քոչարյանին, ո՛չ Արթուր Վանեցյան-Սերժ Սարգսյանին որևէ բան չի կարողանա պարտադրել, վախեցնել, կաշառել, ստիպել, կամ ինչ-որ բան անել, ինչպես դա անում էր ստոկհոլմյան սինդրոմով տառապող Էդմոն Մարուքյանի հետ կամ փորձելով ճնշել Գագիկ Ծառուկյանին՝ անընդհատ դիպչելով նրա բիզնեսներին:

Տևական ժամանակ է, որ Հայաստանի ֆուտբոլի ֆեդերացիայի (ՀՖՖ) նախկին նախագահ, գործարար Ռուբեն Հայրապետյանը գտնվում է արտերկրում:

Արտահերթ խորհրդարանական ընտրություններից 11 օր առաջ, հունիսի 9-ին իշխանությունների ներկայացուցիչները իրազեկել էին քաղաքապետարանին, որ  քվեարկության հաջորդ օրվանից՝ հունիսի 21-ից, մինչև հունիսի 24-ի ժամը 10:00-22:00-ը «Քաղաքացիական պայմանագիր» կուսակցությունը հավաքներ էր նախատեսում Հանրապետության հրապարակում:

Արցախի Հանրապետության ԱԺ «Արդարություն» խմբակցության պատգամավոր Մետաքսե Հակոբյանի խոսքով՝ ՀՀ-ում արտահերթ խորհրդարանական ընտրությունների նման ելքը ենթագիտակցորեն ինքն իրենից վանում էր, սակայն գիտակցում էր, որ այն մոդելը, որը մեկ տարի առաջ կիրառվեց Արցախում՝ Նիկոլ Փաշինյանի ձեռագրով, արվեց հատուկ նպատակով, որպեսզի Նիկոլ Փաշինյանն այնտեղ ունենար իր թեկնածուն, այդ նույն մոդելը կիրառվեց նաև Հայաստանում։