Ստացված հասույթը, ինչպես նշեց մաեստրո Թոփչյանը, կտրամադրվի այս օրերին սահմանում զոհված ազատամարտիկների ընտանիքներին. «Մենք երկար ժամանակ մտածում էինք՝ բանակի՞ն ուղարկել հավաքված հասույթը, թե՞ զոհված ազատամարտիկների ընտանիքներին, բայց այսօր բարձրաստիճան ատյանների հետ ունեցած խորհրդակցություններից հետո որոշվեց, որ հանգանակված ողջ գումարները կտրամադրվեն զոհված ազատամարտիկների ընտանիքներին, ինչը մենք սիրով կանենք»:
Kill Dim 4:
Հայ գրականությունը ծանր կորուստ կրեց. կյանքի 69-րդ տարում իր մահկանացուն կնքեց 60-ականների գրական սերնդի տաղանդավոր ներկայացուցիչներից` բանաստեղծ, թարգմանիչ, ՀՀ մշակույթի վաստակավոր գործիչ Հրաչյա Սարուխանը: ՀՀ Մշակույթի նախարարությունում ստեղծվել է Հ. Սարուխանի հուղարկավորության հանձնաժողով` ՀՀ Մշակույթի նախարար Հասմիկ Պողոսյանի գլխավորությամբ: Այս մասին տեղեկացրին Հայաստանի գրողների միության վարչությունից:
Լեռնային Ղարաբաղի Հանրապետության և Ադրբեջանի շփման գծում տեղի ունեցող բախումների ֆոնին Kill Dim Production-ն օրերս թողարկել է «Kill Dim» հայտնի անիմացիոն մուլտֆիլմի հերթական՝ նոր սերիան:
«Կադրերի բաժին N 168»-ում այս շաբաթ իր նախընտրած կինոառաջարկով կներկայանա «Դոգմա» ռոք խմբի վոկալիստ Զառա Գևորգյանը:
«Գրքի ամենակարևոր ֆունկցիան կայանում է հուզմունք առաջացնելու, ապրումակցման զգացողություններ առաջացնելու մեջ, որ մարդը հղկվի, դառնա՝ մարդ»,- այսպես է բնորոշում գրքի դերն Արմեն Մարտիրոսյանը:
Ռեժիսորի խոսքով՝ նկարահանման 40 օրն անցել է ծանր պայմաններում: «Ֆիլմի մի մասը նկարահանել ենք Մոսկվայում՝ հին ավերված գործարանում, այնպես որ, կարողացանք մի քիչ խնայել դեկորացիաների վրա, մասնակի նկարահանել ենք Հայաստանում, այդ թվում՝ խաղաղ կյանքի տեսարանները»,- ասում է նա:
«Երգիծանկարչական ժանրն այսօր մեր երկրում ծայրահեղ ծանր վիճակում է, այլ կերպ ասած՝ մեռնում է»: Ահա այս կարծիքին է երկար տարիներ այս ժանրում ստեղծագործող նկարիչ, ռեժիսոր Սուքիաս Թորոսյանը: Երգիծանկարիչը ցավով է հայտնում, որ ժանրի նկատմամբ անտարբեր վերաբերմունքը որևէ կերպ փոխելուն միտված քայլեր կամ ջանքեր չեն գործադրվում: «Անկախության առաջին տարիներին՝ 90-ականների սկզբին, երբ մամուլն ազատություն էր ձեռք բերել, ու էլ չկար Գլավլիտ, այս ժանրը նկատելի առաջխաղացում և ձեռքբերումներ ունեցավ»:
Ֆրանսահայ լեգենդար երգիչ Շառլ Ազնավուրն ապրիլին Հայաստան կժամանի: «Արմենպրես»-ի հետ զրույցում այս մասին տեղեկացրել է Ազնավուրի մամուլի խոսնակ Քրիստինա Սարգսյանը:
«Ցավալի է, որ այստեղ՝ Հայաստանում, արվեստի այս տեսակով հնարավոր չէ մեծ դահլիճներ լցնել։ Բացի այդ, գիտականորեն ապացուցված է, որ մարդու ուղեղը 40 րոպե անընդմեջ չի կարող ինֆորմացիա ընկալել, որովհետև սա մեծ ծանրաբեռնվածություն է ուղեղի համար՝ նրանք տեսնում են այն, ինչ չկա։ Այս և այլ պատճառներով պայմանավորված՝ ես առայժմ մասնակցություն եմ ունեցել հիմնականում տարբեր կորպորատիվ հրավերների։ Հենց այս ամսվա ընթացքում ես բաց թողեցի մի կարևոր ֆորում, որի միակ պատճառն անտարբերությունն էր այս ժանրի նկատմամբ»։
«Ընդհանրապես հնագիտության ուսումնասիրության պատմության մեջ շատ քիչ օրինակներ կարելի է գտնել, որ նման պայմաններում հնագիտական պեղումներ իրականացվեն, որովհետև պատկերացրեք՝ այդպիսի բարձրության վրա աշխատելը ինչպիսի դժվարություններ կարող է հարուցել, երբ աշխատանքային օրվա մեծ մասն անցնում է կարկուտի, ձյան տեղումների կամ անձրևների պայմաններում: Որպես կանոն, Կովկասյան տարածաշրջանում հնագիտական հուշարձանների ուսումնասիրությունների համար սահմանված բարձրությունը 2400 մետրից չի անցնում»:
Այսօր տեղի ունեցավ ՀՀ ԳԱԱ Հնագիտության և ազգագրության ինստիտուտի տնօրեն, պատմական գիտությունների դոկտոր Պավել Ավետիսյանի, ավագ գիտաշխատող, հայ-գերմանական արշավախմբի ղեկավար Արսեն Բոբոխյանի, կրտսեր գիտաշխատող Արթուր Պետրոսյանի ասուլիսը:
Ի պատասխան 168.am-ի այն հարցի՝ արդյոք Հայաստանում մե՞ծ թիվ են կազմում այդպիսի հուշարձանները, բանախոսը նշեց, որ դրանց թիվը հսկայական է: Ըստ նրա՝ մեր հնագույն հուշարձանների 30-40 տոկոսը վտանգված է:
Այսօր Հայաստանի պետական կամերային նվագախմբի «Հավերժական մեղեդիներ» խորագրով համերգին նվիրված մամուլի ասուլիսին մասնակցում էին արտերկրից հրավիրված սաքսոֆոնահար Ֆեդերիկո Մոնդելչին, Հայաստանի պետական կամերային նվագախմբի գեղարվեստական ղեկավար և գլխավոր դիրիժոր Վահան Մարտիրոսյանը, Հայաստանի պետական կամերային նվագախմբի տնօրեն Նորայր Նազարյանը: Համերգը մեկնարկեց լրագրողների համար պատրաստած անակնկալով՝ սաքսոֆոնահար Ֆեդերիկո Մոնդելչիի և Վահան Մարտիրոսյանի համատեղ երաժշտական կատարմամբ:
Նկարահանումների ընթացքում ես բացահայտեցի նաև իմ հայրենիքը: Հորս մայրը նույնպես Ղարաբաղից է, այնքան հաճելի էր գտնվել նախնիների հողում: Հաճելի էին դերասանական կազմի հետ երեկոյան հավաքները, ընթրիքներն ու զբոսանքը քաղաքով: Երբ մենք մի երեկո Սոս Ջանիբեկյանի, Հոմայուն Էրշադիի և Ալեքսանդր Խաչատրյանի հետ զբոսնում էինք, խնդրեցի նրանց «Բիթլզի» պես քայլել հետիոտների հատվածում: Նկարվեցինք: Զվարճալի ստացվեց:
Ավելի քան մեկ միլիոն մարդ էր եկել The Rolling Stones բրիտանական լեգենդար ռոք-խմբի անվճար համերգին, որը տեղի է ունեցել մարտի 25-ի երեկոյան Կուբայում: Այս մասին տեղեկացրել են երաժիշտերը:
Դուռը բացվեց, և ներս մտավ պարոն Դուրյանը, մենք բոլորս սրտատրոփ սպասում էինք, զգացինք, թե ինչպես փոխվեց սենյակի մթնոլորտը: Նա քայլ առաջ արեց, և ասաց. «Բարև Ձեզ երեխաներ, ինչպե՞ս եք»: Այդ պահից հասկացանք, որ իր էներգետիկայով մեզանից ոչնչով չի տարբերվում: Հերթով բոլորիս սկսեց հարցեր տալ, երբ հերթը հասավ ինձ, ասաց. «Վեր կաց»: Կանգնեցի: Ասաց. «Մի հատ արի ինձ գրկի»,- մոտեցա, որ գրկեմ ու ասացի. «Գիտեք, էլի գրկեմ, բայց վախենամ ձեռքերիս գրկաչափը չհերիքի»,- նա լիաթոք ծիծաղեց, և ես անցա քասթինգը:
«Այո, նա օտարերկրյա դերասան է… Մենք բնականաբար կասենք դերասանի անունը, երբ ամեն ինչ ավարտվի, կարծում եմ՝ մինչեւ տարեվերջ, ամենայն հավանականությամբ: Նա կարող է մարմնավորել Դովլաթովին, որովհետեւ շատ լավ է հասկանում՝ ինչ է խաղում: Չնայած իր տարիքին, իսկ նա բավական երիտասարդ է, նա շատ բան է տեսել կյանքում, ուստի շատ լավ է զգում»,- ասել է Սավելյեւը:
Վուդի Ալենի նոր ֆիլմը ներկայացնում է մի երիտասարդի պատմություն, որը 1930-ականներին Հոլիվուդ է ուղեւորվում կինոարտադրությանը հաղորդակից դառնալու հույսով: Ֆիլմում նկարահանվել են Քրիստեն Սթյուարտը, Ջեսի Այզենբերգը եւ Սթիվ Քերելը:
Կենցաղում սովորաբար պետք է գալիս երեխաների հետ առնչվելիս։ Ավելի շատ այն օգտագործում եմ իրավիճակին հետաքրքիր ու անսպասելի ելք հաղորդելու համար։ Սիրում եմ երեխաների դեմքին պսպղացող ու զարմացած աչքեր տեսնել։ Չկա ավելի հաճելի զգացողություն, քան նրանց աչքերում տեսնել հրաշքի հետ առնչված արտահայտություն։ Հրաշքներ գոյություն ունեն, եթե հավատում ես։ Մարդկության ամենամեծ խնդիրներից է այն, որ նրանք դադարել են հավատալ։ Ես փորձում եմ ամեն ինչ անել, որ մարդիկ կրկին հավատան հրաշքներին։
Իտալացի անվանի սաքսոֆոնահար Ֆեդերիկո Մոնդելչիի և Հայաստանի պետական կամերային նվագախմբի համերգի ընթացքում կներկայացվեն նաև հայ կոմպոզիտորների գործեր:
Ղազարյանն անհամբերությամբ սպասում է ապրիլի սկզբին, երբ սկսելու են իր նկարահանումները, իսկ ֆիլմի առաջին մասի թրեյլերը պատրաստ կլինի շուտով: Նա նշում է, որ ռեժիսորը դերասանների հետ աշխատելու յուրահատուկ ձև ունի:
Այս անգամ Արփին առաջարկում է ծանոթանալ «Մագդաղինացու քույրերը» 119 րոպե տևողությամբ դրամային՝ նկարահանված ռեժիսոր Փիթեր Մալլանի կողմից, 2002 թվականին՝ Մեծ Բրիտանիայի և Իռլանդիայի համատեղ արտադրությամբ: Իր առաջարկած երկրորդ ֆիլմի մասին Արփի Ոսկանյանն ասում է.
Հիմա, երբ արդեն լույս է տեսել այդ շարքի վեցերորդ գիրքը, հասկանում եմ, թե որքան դժվար էր այդ ամենն իրականացնել: Հույս ունեմ՝ ինձ բախտ չի վիճակվի կրկնել նախորդների ճակատագիրը, և ես կհասցնեմ հրատարակել այդ հատորները, որոնք ընդհանուր հաշվով կազմում են 38 հատոր դրամատիկական գործ և 39-րդ հատորը կամփոփի Շեքսպիրի չափածո պոետիկ ժառանգությունը՝ բանաստեղծություններ, սոնետներ և պոեմներ:
«Հիմա, համեմատած էն մութ ու ցուրտ տարիների հետ, թատերական կյանք կա: Հենց մեր ինստիտուտում՝ Համազգային թատրոնի դահլիճը գրեթե լեփ-լեցուն է միշտ: Գյումրու թատրոնում, որտեղ ես հիմա գեղարվեստական խորհրդատու եմ և ամիսը մի անգամ գնում եմ, ի զարմանս ինձ՝ տեսնում եմ՝ 648 տեղանոց դահլիճում նստած են 400-500 մարդ: Եվ եթե չմոռանանք, որ Գյումրին գնալով այնքան է դատարկվել, որ շուտով գյուղ կդառնա, բայց դեռ շնչում է, և գյումրեցին սիրում է թատրոնը»:
Հետազոտողներն օգտագործել են գրունտի շերտի միջով ներթափանցող ռադար (GPR)՝ Ստրատֆորդի Սուրբ Երրորդության եկեղեցում դրանով սքանավորելով գերեզմանը: Դա եղել է Շեքսպիրի շիրիմի առաջին հնագիտական հետազոտությունը:
«Ի՞նչ է սերը» հարցի պատասխանից է կախված մեր ապագան: Նկարիչ, արվեստի քննադատ, համադրող Արման Գրիգորյանն օրակարգի հարցն այսպես է ձևակերպում. «Շեքսպիրի «Ռոմեո և Ջուլիետն» ուզում եմ դիտարկել մեզ համար այսօր կարևոր խնդիրների տեսանկյունից՝ զուգահեռներ տանելով Հովհաննես Թումանյանի «Անուշ» պոեմի հետ, որը մեզանում արդարացիորեն ընկալվում է՝ իբրև շեքսպիրյան հանճարեղ պիեսի յուրօրինակ վերաշարադրում:
168.am-ի հարցին՝ արդյո՞ք մեր երկրում կինոյի մասին օրենքի բացակայության պայմանները խոչընդոտ չեն հանդիսանա անդամակցության հետագա փուլերում, Մշակույթի փոխնախարար Արթուր Պողոսյանը պատասխանում է.«Կինոյի մասին օրենքի բացակայությունը ոչ միայն խոչընդոտ չի կարող հանդիսանալ անդամակցության հետագա ընթացքին, այլև հենց «Եվրիմաժին» անդամակցությունը նպաստելու է, որպես կինոյի մասին օրենքում որոշակի փոփոխություններ կատարվեն՝ համապատասխանեցվելով նաև «Եվրիմաժում» մեր մասնակցության առավել արդյունավետ իրականացմանը»:
«Հիմա ազատության մեծ հոսք է մտել Հայաստան, ու դրա արդյունքում՝ հասարակության կողմից առաջարկը լղոզված մի բան է դարձել։ Ինքն ուզում է լինել պոռնիկ՝ քահանայի շորերով, բիզնեսմեն՝ մարգարեի կեցվածքով, բայց այդպես չի լինում, հնարավոր բան չէ դա…»:
Հայ ժողովրդին աջակցած հինգ միսիոներ կանանց ճակատագրերն ու պատմություններն ամփոփող «Փրկության քարտեզ» ֆիլմը ցուցադրվել է Կանադայի Մոնրեալ և Օտտավա քաղաքներում: Այս մասին «Արմենպրես»-ին տեղեկացրեց կինոնկարի մտահղացման հեղինակ, գլխավոր պրոդյուսեր և «Ման Փիքչրս» ստուդիոյի հիմնադիր-տնօրեն Մանվել Սարիբեկյանը:
