Ցուցահանդեսում Ռաֆայելի ստեղծագործությունները գնահատել են 500 մլրդ եվրո
Այն ստեղծագործությունների արժեքը, որոնք Ռաֆայելի ցուցահանդեսի համար Իտալիայից կբերվեն Պուշկինի անվան կերպարվեստի պետական թանգարան, կազմում է շուրջ 500 միլիարդ եվրո: Այս մասին հայտնել է Մոսկվայում Իտալիայի դեսպան Չեզարե Ռագալյինին: «Գործերի անգին լինելու մասին ինչ-որ պատկերացում կարող է տալ գրեթե 500 միլիարդ եվրո գումարը. սա Է այն նկարների արժեքը, որոնք կբերվեն Մոսկվա»,- ասել է դեսպանը:
Ռագալյինին ճշտել է, որ Պոշկինի անվան թանգարան կբերվեն ութ գեղանկարչական նկարներ եւ երեք գծանկարներ Իտալիայի տարբեր պատկերասրահներից եւ թանգարաններից, այդ թվում Ուֆիցիի պատկերասրահից եւ Բոլոնիայի Ազգային պատկերասրահից:
«Գլխավոր գործերից մեկը կդառնա նկարչի ինքնանկարը՝ աշխարհում Ռաֆայելի յուրօրինակ այցետոմսը»,- ընդգծել է դեսպանը:
Նրա խոսքով՝ այդ ցուցահանդեսը, որը կբացվի սեպտեմբերի 12-ին, կդառնա ամենանշանակալից մշակութային միջոցառումներից մեկը, որն Իտալիայի դեսպանությունը երբեւէ անցկացրել է Մոսկվայում, հաղորդել է ՌԻԱ Նովոստին:
