«Չեմ ուզում շատ պաթոսային հնչի, բայց իմ կարծիքով՝ մենք պարտավոր էինք այդ քայլը կատարել և մենք պարտավոր էինք ընտրել Սահմանադրական դատարանի նախագահ։ Ես ասել էի, որ չեմ ցանկանում լինել ՍԴ նախագահ, իրականում ինձ համար շատ ավելի գրավիչ է ՍԴ դատավորի պաշտոնը, հիմա էլ եմ այդ կարծիքին։ Ինչպես նկատում եք, այդքան ոգևորված չեմ, որ ընտրվել եմ Սահմանադրական դատարանի նախագահ, որովհետև պատկերացնում եմ, թե ինչ տեսակի պատասխանատվություն է և ինչ տեսակի աշխատանք է մեզ սպասվում»,- այս մասին ՍԴ նախագահի ընտրություններից հետո լրագրողների հետ ճեպազրույցում ասաց ՍԴ նորընտիր նախագահ Արման Դիլանյանը։
ԱԺ «Իմ քայլը» խմբակցության պատգամավոր Բաբկեն Թունյանի խոսքով՝ երեկ ԱԺ-ում վարչապետի և խորհրդի անդամների՝ խորհրդարանի նախագահ Արարատ Միրզոյանի, խմբակցությունների ղեկավարների և մշտական հանձնաժողովների նախագահների հետ տեղի ունեցած հանդիպման վերաբերյալ արդեն տարածվել է հաղորդագրություն, որտեղ նաև նշված է եղել, թե հանդիպումն ինչ նպատակով է եղել։
«Կարմիր խաչի» միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունին 168.am-ի հետ զրույցում ասաց, որ «Կարմիր Խաչի» միջազգային կոմիտեն պատրաստակամ է և պատրաստ է գործելու միայն մեկ պայմանով, որպեսզի ամբողջությամբ պահպանվի շփման գծի երկու կողմում մարդասիրական հրադադար, որի մասին հայտարարավել էր։
«Ինչպես միշտ, որոշ տեղերում զինադադարի ռեժիմը խախտվել է, որոշ տեղերում համեմատաբար հանգիստ է եղել։ Մեր Ստեփանակերտը հերոս քաղաքին բնորոշ իր առօրյան ապրում է»,- այս մասին 168.am-ի հետ զրույցում ասաց Արցախի նախագահի արտաքին հարաբերությունների գծով խորհրդական Դավիթ Բաբայանը՝ անդրադառնալով Ստեփանակերտում և այլ բնակավայրերում տիրող իրավիճակին։
«Կրկնում եմ՝Ռուսաստանը դանդաղ հասկանում է այս աճող վտանգների մասին, և հուսով ենք, որ մի փոքր ավելի պրոակտիվ կլինեն և իրենց դիվանագիտական ու ռազմական լծակները կօգտագործեն Թուրքիային իր իրական տեղը դնելու համար և հասկացնելու, որ Թուրքիան այս տարածաշրջանում արդեն մեծ խնդիրներ է հարուցել, որոնց ուղղելն արդեն մեծ ջանքեր է պահանջելու»,- եզրափակեց Վահրամ Տեր- Մաթևոսյանը։
Հոկտեմբերի 9-ին Մոսկվայում Հայաստանի, Ռուսաստանի և Ադրբեջանի արտգործնախարարների ավելի քան 10 ժամ տևած հանդիպումից հետո ՌԴ արտգործնախարար Սերգեյ Լավրովը հայտարարեց, որ կողմերի միջև ձեռք է բերվել պայմանավորվածություն հոկտեմբերի 10-ին ժամը 12։00-ին հումանիտար հրադադար հաստատելու վերաբերյալ՝ դիերի և գերիների փոխանակման համար։
168.am-ի հետ զրույցում Արցախի նախագահի արտաքին գծով խորհրդական Դավիթ Բաբայանն ասաց, որ շատ կարևոր է այդ պայմանավորվածությունը, փաստորեն մի քանի րոպեից «վերականագնվում է զինադադարի ռեժիմը»։
ԱԺ «Իմ քայլը» խմբակցության պատգամավոր, ադրբեջանագետ Տաթևիկ Հայրապետյանի խոսքով՝ հստակ արձանագրված է, որ ադրբեջանական կողմն է սկսել ռազմական գործողությունները, նաև, որ այդ գործողություններում ներգրավված է Թուրքիան։ Ռազմական գործողություններում ներգրավված են նաև ահաբեկիչներ, որը վտանգում է ոչ միայն Արցախի ժողովրդի, այլև տարածաշրջանի անվտանգությունը։
«Ես չեմ կարող հիմա դա մեկնաբանել, ես կարող եմ ասել միայն այն, որ այս պահին քննություն է ընթանում։ Վստահեցնում եմ՝ շուտով մենք կիմանանք շատ հստակ անուններ, հստակ գործողություններ կտեսնենք, և ենթադրում եմ, որ այդ առումով տեղեկատվություն կլինի դաշտում։ Դրանից զատ, մեր համաքաղաքացիները հոյակապ գիտեն՝ ինչի ու ում մասին է խոսքը»,- այս մասին խորհրդարանում լրագրողների հետ ճեպազրույցում ասաց ԱԺ փոխնախագահ Ալեն Սիմոնյանը՝ անդրադառնալով դավաճանների մասին վարչապետի գրառմանը։
ԱԺ «Իմ քայլը» խմբակցության պատգամավոր, Արտաքին հարաբերությունների մշտական հանձնաժողովի նախագահ Ռուբեն Ռուբինյանը վարչապետ Նիկոլ Փաշինյանի՝ դավաճանների մասին գրառման վերաբերյալ որևէ մեկնաբանություն չունի։
ԱԺ «Իմ քայլը» խմբակցության պատգամավոր, Արտաքին հարաբերությունների մշտական հանձնաժողովի նախագահ Ռուբեն Ռուբինյանի խոսքով՝ Մոսկվայում նախատեսված Հայաստանի և Ադրբեջանի արտգործնախարարների հանդիպման օրակարգն ընդգրկում է երեք բաղադրիչ՝ ռազմական գործողությունների դադարեցում, հումանիտար նպատակներով դիակների և գերիների փոխանակում։
Ազգային ժողովում այսօր արտահերթ ռեժիմով երկու ընթերցմամբ քննարկվում է սեպտեմբերի 27-ից կառավարության որոշմամբ հաստատված ռազմական դրության սահմանափակումների խախտման և միջոցառումների չկատարման համար վարչական և քրեական պատասխանատվություն սահմանող օրենսդրական փաթեթը, որը պատասխանատվություն է նախատեսում նաև կեղծ լուրեր տարածելու համար։
ԱԺ փոխնախագահ Ալեն Սիմոնյանն այսօր խորհրդարանում լրագրողների հետ զրույցում անդրադարձավ Ադրբեջանի նախագահի՝ «Ալ Ջազիրա»-ին տված հարցազրույցին և արտահայտած այն մտքին, որ բանակցությունները դադարել են այն ժամանակ, երբ Հայաստանի վարչապետ Նիկոլ Փաշինյանն ասել է, որ Արցախը Հայաստան է, և վերջ, իսկ նախորդ իշխանությունների հետ, ըստ Ալիևի, առաջընթաց էին գրանցել։
Արդարադատության նախարար Ռուստամ Բադասյանն այսօր խորհրդարանում լրագրողների հետ ճեպազրույցում անդրադարձավ այն լուրերին, որ ԱԱԾ պետ Արգիշտի Քյարամյանին պաշտոնից հեռացնելուց հետո՝ հերթը Արդարադատության նախարարինն է։
«Բոլորդ էլ ականատես եղել եք, այսինքն՝ ես հիմա չեմ կարող… սկսած ստատուսներից՝ վերջացրած վարչապետի նկարագրած իրավիճակով, որը չի բացառվում, որ Քրեական օրենսգրքով արգելված նաև այլ հանցակազմ է պարունակում։ Չի բացառվում, որ դա պետական դավաճանություն լինի»,- այս մասին խորհրդարանում լրագրողների հետ ճեպազրույցում ասաց Արդարադատության նախարար Ռուստամ Բադասյանը։
«Մնացած բոլոր հարցերը ժամանակի խնդիր են, այս պահի դրությամբ խոսել ինչ-որ կարգավորման մասին՝ անիմաստ է, քանի որ առաջնայինը դա չէ, ամեն ինչ ըստ առաջնահերթության պետք է լինի։ Նախ, պետք է քննարկել տարածաշրջանում կայունության և խաղաղության հաստատումը, պատերազմի ավարտը և հարակից այլ հարցեր»,- շեշտեց նա։
«Այս օրերին բազմիցս առիթ ենք ունենում խոսել ուժերը համախմբելու մասին, որ միահամուռ ուժերով պայքարենք մեր համար այս բաղձալի հաղթանակն օր ու րոպե առաջ ունենալու համար: Սակայն ուժերը միավորելու միայն կոչեր չպետք է հնչեն, այլ կոնկրետ գործողություններ պետք է լինեն: Այդ գործողություններին դրսևորումներից մեկը կլիներ ներքաղաքական համագործակցությունը, իսկ Գագիկ Ծառուկյանը, եթե լիներ ազատության մեջ, ապա ավելի կազմակերպված ձևով աշխատանքներ կտաներ, որ ունենային ավելի մեծ հաջողություններ»,- այս մասին ԱԺ ճեպազրույցների ժամանակ ասաց ԱԺ փոխնախագահ, ԲՀԿ խմբակցության պատգամավոր Վահե Էնֆիաջյանը:
ՀՀ ԱԺ «Բարգավաճ Հայաստան» խմբակցությունն օրերս դիմել էր Ազգային ժողովի աշխատակազմի ղեկավարին, որպեսզի խմբակցության բոլոր պատգամավորների այս ամսվա աշխատավարձը փոխանցվի Հայաստան համահայկական հիմնադրամի՝ «Մենք ենք, մեր սահմանները. բոլորս Արցախի համար» ծրագրին։
«Այս պահին առաջնագծում ընթանում են մարտեր, քանի դեռ կրակը չի դադարել, քանի դեռ առաջնագծում մարտերը չեն դադարել, ես չեմ կարող ասել, ինչը պետք է ուժի մեջ մնա: Որովհետև ամեն ինչ պետք է դադարի, մենք տեսնենք, թե ինչ ունենք, թշնամին ինչ ունի, այնուհետև խոսենք 1994 թվականի փաստաթղթից ու այլ փաստաթղթերից»,- այս մասին խորհրդարանական ճեպազրույցների ժամանակ ասաց «Լուսավոր Հայաստան» խմբակցության ղեկավար Էդմոն Մարուքյանը:
ԱԺ «Իմ քայլը» խմբակցության ղեկավար Էդմոն Մարուքյանի խոսքով՝ խորհրդարանական դիվանագիտության առումով հաջողվել է բոլոր գործընկերներին հասցնել այն տեղեկատվությունը, որ Ադրբեջանն ահաբեկչական ներուժ է օգտագործում, հետևաբար՝ սնուցում է միջազգային ահաբեկչությանը:
Ֆրանսիայի արտաքին գործերի նախարար Ժան-Իվ Լե Դրիանը երեկ հայտարարել էր, որ հինգշաբթի օրը Ժնևում Հայաստանի և Ադրբեջանի միջև Լեռնային Ղարաբաղի հարցով բանակցություններ կանցկացվեն` Ֆրանսիայի, Ռուսաստանի և ԱՄՆ-ի կողմից ջանքերի շրջանակներում: Այս մասին https://168.am/2020/10/07/1382565.html հաղորդել էր Reuters-ը:
«Մենք տեսանք Ֆրանսիայի շատ հստակ գնահատականները, այն առումով, որ շատ հստակ նշեց, որ Թուրքիան որպես երրորդ կողմ՝ միջամտում է կոնֆլիկտին, և երկրորդ, որ Թուրքիան Ադրբեջան է տեղափոխել ահաբեկիչների, որը կրկին անընդունելի է։ Այս երկու գնահատականները շատ սկզբունքային նշանակություն ունեն կոնֆլիկտի այսօրվա և հետագա ընթացքի վրա։ Սա արդեն ցույց է տալիս, որ մենք միայն Ադրբեջանի դեմ չենք պատերազմում, այլ սա, փաստորեն, Ադրբեջան-Թուրքիա-ահաբեկչություն եռյակի դեմ է պատերազմ»,- 168.am-ի հետ զրույցում նշեց Շիրակ Թորոսյանը։
ԱԺ «Իմ քայլը» խմբակցության պատգամավոր Արամ Խաչատրյանի խոսքով՝ հայկական կողմը հարավային և հյուսիսային ուղղությամբ բավականին մեծ հաջողություններ ունի: Նա նաև համոզված է, որ այս ժամերի ընթացքում կրկին հաջողություններ կունենանք։
Աշխատանքի և սոցիալական հարցերի նախարար Զարուհի Բաթոյանի խոսքով՝ Արցախից ժամանակավորապես տեղափոխված քաղաքացիների տեղավորման խնդիրները լուծվում են տարբեր կամավորական խմբերի և նախարարության համակարգման միջոցով:
ԱԺ «Իմ քայլը» խմբակցության պատգամավոր, ադրբեջանագետ Տաթևիկ Հայրապետյանի խոսքով՝ Ադրբեջանի վրա միջազգային հանրության ճնշումն աստիճանաբար մեծանում է, այդուհանդերձ Բաքուն հայտարարում է, որ չի կանգնելու և շարունակելու է ռազմական ագրեսիան:
«Դիվանագիտական ոլորտում միջազգային հանրության կողմից ակտիվ ջանքեր են գործադրվում, մասնավորապես՝ Մինսկի խմբի համանախագահ երկրների կողմից՝ Ռուսաստան-Ֆրանսիա-ԱՄՆ։ Մենք տեսնում ենք, որ այդ երկրների միջև որոշակի հարցերի շուրջ կա կոնսենսուս, մի երկիրը կարող է դա մի քիչ ավելի դիվանագիտորեն արտահայտի, մյուսը՝ ավելի բաց»,- լրագրողների հետ ճեպազրույցում ասաց ԱԺ «Իմ քայլը» խմբակցության պատգամավոր Միքայել Զոլյանը։
ԱԺ «Իմ քայլը» խմբակցության պատգամավոր Միքայել Զոլյանի խոսքով՝ Արցախում խաղաղապահ ուժեր տեղակայելու մասին խոսվում է վաղուց, դեռևս Արցախի հակամարտության սկզբից, առաջին պատերազմի տարիներին, ապա նաև՝ բանակցությունների ընթացքում:
ՀՀ պաշտպանության նախարարության ներկայացուցիչ Արծրուն Հովհաննիսյանի խոսքով՝ հայկական զինուժը հրետանային հուժկու հարված է հասցրել թշնամուն, գլխովին ջախջախել է երեք բրիգադ՝ իր ամբողջ ներուժով, զինտեխնիկայով։
Ֆինանսների նախարարի տեղակալ Արման Պողոսյան այսօր ԱԺ տնտեսական հարցերի մշտական հանձնաժողովում ներկայացրեց բանկերում եղած վարկերի տույժ ու տուգանքների ժամկետների վերաբերյալ նախագիծ։
«Փառք Աստծո, մինչև այս պահը եզդիական համայնքից կազմված կամավորական ջոկատը վիրավոր կամ զոհված չունի։ Տղաները մարտական են տրամադրված և ամեն օր մասնակցում են ընթացող գործողություններին։ Կազմավորվում է կամավորականների երկրորդ ջոկատը, հիմա մեր գլխավոր սրբավայրում, որը գտնվում է Ակնալճում, ընթանում է այդ գործընթացը։ Եզդիական համայնքը հանգանակություններ է արել նաև Համահայկական հիմնադրամին, նաև հումանիտար աջակցություն ենք ցուցաբերում, շուտով շտապօգնության մեքենաներ կբերենք Հայաստան և կտրամադրենք Պաշտպանության նախարարությանը»,- նշեց պատգամավորը։
