«Ալեն Սիմոնյանը որոշեց մանկապարտեզի դաստիարակի նման պահվածք իրեն թույլ տալ՝ դրա համար կպատժվի». Արծվիկ Մինասյան
ԱԺ նիստերի դահլիճում «Իմ քայլը» և «Հայաստան» դաշինքի պատգամավորների միջև տեղի ունեցավ լեզվակռիվ և միմյանց հասցեին հնչեցին վիրավորանքներ ու մեղադրանքներ, որից հետո Ալեն Սիմոնյանը նիստերի դահլիճ հրավիրեց անվտանգության աշխատակիցներին, ապա հորդորեց անջատել ուղիղ եթերը: Դրանից հետո անվտանգության աշխատկիցները նաև լրագրողներին հորդորեցին դուրս գալ օթյակից, որտեղ մեծ մասամբ աշխատում են հեռուստատեսության լրագրողները, արգելելով նրանց որևէ նկարահանում կատարել:
Լրագրողների հետ զրույցում «Հայաստան» դաշինքի պատգամավոր Արծվիկ Մինասյանն անդրադառնալով միջադեպին՝ ասաց, որ նման իրավիճակում անհնար է որևէ աշխատանքային գործընթաց:
«Ամեն ինչ սկսվեց նրանից, որ Ալեն Սիմոնյանը որոշեց մանկապարտեզի դաստիարակի նման պահվածք իրեն թույլ տալ, և դրա համար ինքը կպատժվի, և բոլոր նրանք, ովքեր կփորձեն լռեցնել քաղաքական խոսքը: Հավանաբար, նա մտածում է կամ ծանր է տանում այն, որ Սահմանադրական դատարանում է գտնվում ընդդիմադիր խմբակցությունների դիմումը՝ ԱԺ նախագահի ընտրություններն անվավեր ճանաչելու պահանջով: Հիմա մի դիմում էլ կգնա, պետք է սովորեն, որ ընդդիմությունն օգտագործելու է ամբողջ գործիքակազմը»,- նշեց Արծվիկ Մինասյանը:
Մանրամասները՝ 168.am-ի տեսանյութում
