ԱԺ «Իմ քայլը» խմբակցության պատգամավոր, Պաշտպանության և անվտանգության հարցերի հանձնաժողովի նախագահ Անդրանիկ Քոչարյանն այսօր խորհրդարանական ճեպազրույցների ժամանակ պատասխանեց հարցին, թե ինչո՞ւ Հայաստանը չի դիմում ՀԱՊԿ-ին, քանի որ թշնամին թիրախավորել էր նաև Մեղրին, և առհասարակ այս պահին դրա անհրաժեշտությունը կա՞:
ԱԺ «Իմ քայլը» խմբակցության պատգամավոր, Պաշտպանության և անվտանգության հանձնաժողովի նախագահ Անդրանիկ Քոչարյանն այսօր խորհրդարանական ճեպազրույցում՝ մինչև լրագրողների հարցերին պատասխանելը, իր խոսքի նախաբանում նախ մեջբերեց սպարապետ Վազգեն Սարգսյանի միտքը:
«Այսպիսի իրավիճակ է, այստեղ մեկ բան է մեզ մնում՝ դիմադրել մինչև վերջ և հույսը դնել մեր ուժերի վրա՝ անել հնարավորը, որպեսզի հակառակորդն արնաքամ լինի, այլ տարբերակ չկա»,- եզրափակեց Դավիթ Բաբայանը:
ԱԺ «Լուսավոր Հայաստան» խմբակցության պատգամավոր Տարոն Սիմոնյանն այսօր խորհրդարանական ճեպազրույցների ժամանակ անդրադարձավ Ադրբեջանի հայատյաց քաղաքականությանը, որի արդյունքում վերջինը հրթիռակոծում է Արցախի խաղաղ բնակավայրերը:
ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօր խորհրդարանական ճեպազրույցների ժամանակ կոչով դիմեց սփյուռքում ապրող հայրենակիցներին՝ հորդորելով չտրվել թուրք-ադրբեջանական սադրանքներին, քանի որ երեկ Ֆրանսիայում հայերի խաղաղ ցույցերի ժամանակ թուրքերը հարձակվել և վնաս էին հասցրել հայերին:
Գրող, հրապարակախոս Բակուր Կարապետյանը բոլորովին չի զարմանում Ադրբեջանի այն գործողություններից, որոնք այսօր իրականացնում է Արցախի խաղաղ բնակավայրերի նկատմամբ։ Ասում է՝ այս ամենը տեսել է 1988 թվականից սկսած, և նույնիսկ 21-րդ դարում Ադրբեջանը շարունակում է նույն արնախումը լինել, նույն ոճրագործը մնալ։ Նաև ականատես լինելով ծննդավայրի՝ Մարգուշավան-Մարաղայի կոտորածին, Բակուր Կարապետյանը եկել է այն եզրակացության, որ թշնամին երբեք չի փոխվի ու չի բարեկրթվի։
Տավուշի թեմի առաջնորդ գերաշնորհ Բագրատ եպիսկոպոս Գալստանյանը, ով հոկտեմբերի կեսերից Արցախում էր, վերադարձել է Տավուշ՝ կազմակերպչական որոշ հարցեր լուծելու ու կրկին Արցախ վերադառնալու առաքելությամբ։ 168.am-ի հետ զրույցում սրբազանը վստահեցրեց՝ հայ զինվորը, սպան ամուր կանգնած են սահմանին։
«Մենք տեսանք Պուտին-Էրդողան հեռախոսազրույցն ու քննարկումները, այնուհետև՝ Միացյալ Նահանգների արձագանքը Թուրքիայի գործողությունների վերաբերյալ: Նախ Դոնալդ Թրամփն իր դժգոհությունն արտահայտեց, որ հրադադարի ռեժիմը չի պահպանվում, այնուհետև կոշտ հայտարարություն արեց Պետդեպարտամենտի ներկայացուցիչը՝ նշելով, որ Էրդողանի դեմարշն ու ծաղրանքն ամերիկյան պատժամիջոցների մասով այդպես չի անցնելու, և Թուրքիան կտեսնի բոլոր հետևանքները: Այուհետև Ֆրանսիան կոշտ արձագանքեց Թուրքիային: Այժմ էլ Իրանն է ակտիվանում: Այս ամենը, իհարկե, շատ կարևոր է, որպեսզի մենք կարողանանք ստեղծված իրավիճակի ճիշտ պատկերը ստանանք»,- հավելեց Դավիթ Բաբայանը:
«Ըստ էության, Թուրքիան ցանկանում է շարունակել ցեղասպանության քաղաքականությունը, որը սկսել էին Երիտթուրքերը, շարունակել էր Մուստաֆա Քեմալը, հիմա էլ Էրդողանն է ցանկանում շարունակել։ 1920 թվականին, երբ թուրքական բանակը մտել էր Հայաստան, նոյեմբերի առաջին օրերին թուրքական բանակի հրամանատարը՝ Կարաբեքիր փաշան, Անկարայից ստանում է հրաման, որտեղ գրված էր՝ Հայաստանը պետք է ոչնչացվի։ Այդ գաղտնի հրամանի տեքստը հայտնի է դարձել, ժամանակին այն հրատարակել եմ հայերեն թարգմանությամբ։ Այնպես որ, Էրդողանը բազմիցս հայտարարել է, որ կավարտի Աթաթուրքի այն գործերը, որոնք նա չի հասցրել ավարտել։ Չեմ զարմանա, որ Թուրքիան Արցախից իր ագրեսիվությունը տարածի նաև Հայաստանի վրա»,- հավելեց Ռ. Սաֆրաստյանը։
Խորհրդարանն այսօր արտահերթ նիստում քննարկեց Կառավարության ներկայացրած «Վարձկանների հավաքագրման, օգտագործման, ֆինանսավորման և ուսուցման դեմ» միջազգային կոնվենցիան վավերացնելու մասին օրենքի նախագիծը։
Խորհրդարանն այսօր արտահերթ նիստում քննարկեց Կառավարության կողմից ներկայացրած «Ռազմական դրության իրավական ռեժիմի մասին» ՀՀ օրենքում լրացումներ կատարելու մասին նախագիծը։
ԱԺ փոխնախագահ Ալեն Սիմոնյանի խոսքով՝ պատերազմը, որն ունի այդքան մեծ ծավալ, ունի իր խնդիրները, դրական կողմերը։
ԱԺ փոխնախագահ Ալեն Սիմոնյանն այսօր մեկնաբանելով վարչապետ Նիկոլ Փաշինյանի հայտարարությունը, որ հայ ժողովուրդն Արցախի հարցում նույնիսկ պատրաստ է ցավալի փոխզիջումների, բայց ոչ երբեք Արցախի կապիտուլյացիայի, նշեց, որ խոսքն այն մասին է, որ հայկական կողմը մշտապես պատրաստ է եղել բանակցությունների։
Հոկտեմբերի 27-ին տեղի ունեցած ողբերգության հետևանքով զոհված ԱԺ նախկին պատգամավոր Արմենակ Արմենակյանի այրին՝ Արմենուհի Արմենակյանը, այսօր ԱԺ-ում ծաղիկներ խոնարհեց զոհերի հիշատակին նվիրած հուշաքարի մոտ:
Արցախի Հանրապետության նախագահի արտաքին հարաբերությունների հարցերով խորհրդական Դավիթ Բաբայանն անդրադառնալով վարչապետի երեկվա հայտարարությանը, որ հայ ժողովուրդը պատրաստ է ծանր փոխզիջումների, բայց ոչ երբեք կապիտուլյացիայի, շեշտեց՝ այս պատերազմում Արցախի ժողովուրդը կանգնած է մինչև վերջ:
«Ընթանում են ծանր մարտեր, զինադադարի պահպանման մասին որևէ խոսք չկա։ Ադրբեջանն ու Թուրքիան կրկին ցույց տվեցին, որ որևէ ձևով չեն ընդունում միջազգային որևէ պարտավորություն, նրանք հասկանում են միայն ուժի լեզուն։ Ունենք այն ինչ ունենք։ Զինադադարը կրկին ձախողել են»,-168.am-ի հետ զրույցում ասաց Դավիթ Բաբայանը։
168.am-ի հետ զրույցում ԵՊՀ իրանագիտության ամբիոնի վարիչ, իրանագետ Վարդան Ոսկանյանն անդրադառնալով Ալիևի այս հայտարարությանը՝ նշեց. «Երբ Ադրբեջանի բռնապետը հայտարարում էր, որ Իրանից զենք է գնել, ապա այստեղ հավանական է երկու սցենար։ Կա՛մ նա ուղղակի բլեֆ է անում, այսինքն՝ իրականության մեջ նման բան չկա, կա՛մ էլ փորձ է կատարում Իրանի զենքի էմբարգոյի վերացումից հետո ազդակներ ուղարկել դեպի Թեհրան, որ Ադրբեջանը կարող է դառնալ իրանական զենքի պոտենցիալ գնորդ` փորձելով դիրքերն ամրապնդել Իրանի ներսում»։
Բանաստեղծ, հրապարակախոս Ռազմիկ Դավոյանը պատերազմական այս օրերին շարունակում է ստեղծագործել։ Ասում է՝ այս ընթացքում նույնիսկ մեկ վայրկյան չի դադարեցրել ստեղծագործական աշխատանքը, բոլոր ստեղծագործությունները նվիրված են Արցախյան ճակատում հայրենիքի պաշտպանական գործը ստանձնած տղաներին ու նրանց սխրագործություններին։
Մինսկի խմբի համանախագահները համատեղ հայտարարություն են տարածել՝ նշելով, որ հոկտեմբերի 29-ին Ժնևում տեղի կունենա Հայաստանի Հանրապետության արտաքին գործերի նախարար Զոհրաբ Մնացականյանի, Ադրբեջանի ԱԳ նախարար Ջեյհուն Բայրամովի և ԵԱՀԿ Մինսկի խմբի համանախագահների Իգոր Պոպովի (ՌԴ), Ստեֆան Վիսկոնտինի (Ֆրանսիա) և Էնդրյու Շեֆերի (ԱՄՆ) հերթական հանդիպումը։
Հայաստանի ու Ադրբեջանի արտգործնախարար Զոհրաբ Մնացականյանը և Ջեյհուն Բայրամովը հոկտեմբերի 24-ին ԱՄՆ պետքարտուղարի տեղակալ Սթիվեն Բիգանի հետ հանդիպման ժամանակ վերահաստատել են իրենց երկրների հանձնառությունը՝ կյանքի կոչելու և պահպանելու կրակի դադարեցման վերաբերյալ պայմանավորվածությունները, որոնք ձեռք էին բերվել Մոսկվայում՝ հոկտեմբերի 10-ին։
«Մի քանի օր առաջ Արցախի նախագահն ասել էր, որ, եթե Ադրբեջանը շարունակի խախտել զինադադարը, ապա նա կդիմի Հայաստանին՝ Արցախի անկախությունը ճանաչելու համար։ Հետո եղավ այս նամակը, որի մեջ պատերազմը դադարեցնելու դիմումն էր։ Պարզ է, որ Արցախը կարող է բոլորին դիմել, որպեսզի իրեն աջակցեն, օգնեն, բայց եթե այլ նպատակ ունի Արցախի նախագահն իր նամակով, ապա այդ նամակից ավելին չենք կարող պատկերացնել ու եզրահանգումներ անել։ Կարելի է ենթադրություններ անել, բայց այս պահին չպետք է առաջնորդվենք ենթադրություններով»,- 168.am-ի հետ զրույցում ասաց Կիրո Մանոյանը՝ անդրադառնալով հարցին, թե ՌԴ նախագահին ուղղված նամակից հետո հայկական կողմն ի՞նչ պետք է սպասի Ռուսաստանից։
ՀՀ մշակույթի վաստակավոր գործիչ, նախիջևանագետ Արգամ Այվազյանը 168.am-ի հետ զրույցում անդրադառնալով ադրբեջանական կողմի իրականացրած վանդալիզմին՝ նշեց, որ հանցագործության տեսակետից ձեռագիրը նույնն է, ինչ ժամանակին նախիջևանյան խաչքարերի հետ վարվեցին։
«Այնպես չէ, որ նամակներ գրեն՝ առանց հաշվի առնելու կոնկրետ իրավիճակը։ Ես նախկինում էլ եմ ասել, որ անհրաժեշտ է արմատական փոփոխություններ մտցնել մեր արտաքին քաղաքականության մեջ, նրան հաղորդել ռազմավարական բնույթ։ Մենք պետք է հստակ տարանջատենք, ունենանք նպատակներ և դրանց հասնելու կոնկրետ ճանապարհներ։ Մենք պետք է առաջին հերթին զարգացնենք ու պահպանենք մեր հարաբերությունները եղբայրական երկրների հետ, պետք է հատուկ հասկանանք, որ ամենաբարձր ու կարևոր նշանակությունը պետք է ունենան եղբայրական երկրները։ Սա չի նշանակում, որ մնացած երկրներին պետք է անտեսենք, ո՛չ, պարզապես պետք է հասկանանք, թե որ երկիրն ինչ ներուժ ունի և որը կարող է օրհասական պահին մեզ ձեռք մեկնի»,- շեշտեց Դ. Բաբայանը։
Ցանցային հետազոտությունների ինստիտուտի տնօրեն, քաղաքագետ Գագիկ Հարությունյանի խոսքով՝ Արցախում ստեղծված իրավիճակի վերաբերյալ բոլորը հուսադրող բառեր են ասում, ցանկություններ են հայտնում, սակայն իրական վիճակն այն է, ինչ կա։ Այսինքն՝ տեղի են ունենում կատաղի մարտեր, կան մեծ կորուստներ, և դժվար է հետագան կանխատեսել։
168.am-ի հետ զրույցում Արցախի Հանրապետության նախագահի արտաքին հարաբերությունների հարցերով խորհրդական Դավիթ Բաբայանն ասաց, որ Արցախում իրավիճակը նույնն է, որևէ փոփոխություն չկա, պատերազմական գործողությունները շարունակվում են։
«ՌԴ նախագահն ուղղակի ասաց, որ հայ ժողովրդի հանդեպ դաժան հանցագործություններ են կատարվել։ Իսկապես առաջին անգամ նման բարձրաստիճան քաղաքական գործիչ, ինչպիսին է ՌԴ նախագահը, խոսեց Սումգայիթում կատարվածի մասին։ Սա, իհարկե, շատ կարևոր ու արժեքավոր հայտարարություն է և փաստում է այն, որ հենց Ադրբեջանն է, ի պատասխան արցախահայության խաղաղ պահանջների և կոչերի, միանգամից դիմել բռնության։ Փաստորեն, այդ ժամանակվանից մինչև այսօր բռնությունը խաղաղ բնակիչների նկատմամբ շարունակվում է։ Թե այս հայտարարոթյունն ինչպիսի ազդեցություն կունենա ապագա քաղաքական գործընթացների, լուծումների վրա, բոլորովին այլ հարց է։ Սակայն մենք պետք է շահագրգռված լինենք և հատուկ ուշադրություն դարձնենք հենց դրա վրա, թե ինչպիսին կլինի նման գնահատականը հարցի ապագա լուծման վրա»,- շեշտեց նա։
Այնպես չէ, որ Հայոց ցեղասպանությունը դատապարտելու առումով միջազգային հանրությունը լուռ է մնացել։ 1915 թվականի մայիսի 24-ին Անտանտի տերությունները՝ Ռուսաստանը, Մեծ Բրիտանիան և Ֆրանսիան, համատեղ հռչակագիր ընդունեցին, որտեղ հստակ դատապարտում էին հայերի զանգվածային սպանությունները, դրանք որակում էին՝ որպես հանցագործություն մարդկության դեմ։
«Արցախում իրավիճակը գրեթե անփոփոխ է, այսինքն՝ հակառակորդը շարունակում է իր ագրեսիան, փորձում է տարբեր ուղղություններով ճեղքել մեր պաշտպանական համակարգը։ Մեր տղաները կանգնած են և մեծ կորուստներ են պատճառում թշնամուն՝ կասեցնում են նրան։ Ընդհանուր վիճակն այսպիսին է՝ պատերազմն ընթանում է իր ողջ ծավալով»,- այս մասին 168.am-ի հետ զրույցում ասաց Արցախի Հանրապետության նախագահի արտաքին հարաբերությունների հարցերով խորհրդական Դավիթ Բաբայանը։
Հոկտեմբերի 21-ից Իրանի հակաօդային պաշտպանության ստորաբաժանումներն անցկացնում են լայնածավալ զորավարժություններ։ Ինչպես ավելի վաղ հայտնել էր tasnimnews.com կայքը, «Վելայաթի երկինք 99-ի պահապաններ» զորավարժությունների հրամանատար Քադեր Ռահիմզադենը հայտնել էր, որ զորավարժություններում կներգրավվեն ՀՕՊ ստորաբաժանումներ բանակից և Իսլամական հեղափոխության պահապանների կորպուսից, ռադարներ, հրթիռային համակարգեր, էլեկտրոնային ռազմական սարքավորումներ, կործանիչներ, ռմբակոծիչներ և անօդաչու սարքեր:
168.am-ի հետ զրույցում թուրքագետ Անդրանիկ Իսպիրյանն անդրադառնալով այս հայտարարությանը՝ նշեց, որ Թուրքիայի փոխնախագահի հարցազրույցն ամբողջությամբ լսել է, որտեղ նա անդրադարձել է տարբեր թեմաների՝ Թուրքիայի տնտեսությանը, արտաքին քաղաքականությանը, Կիպրոսի խնդրին և այլն։
