«2019 թվականից մինչև հիմա, փաստորեն, սա 5-րդ նախաձեռնությունն է, որով փորձում ենք ՍԴ ճգնաժամի հարցը կարգավորել. արդյո՞ք սա կարող ենք համարել վերջին նախաձեռնությունը, և այս մեկով հնարավոր կլինի վերջնականապես խնդրի կարգավորմանը հասնել, թե՞ առաջիկայում հնարավոր են էլի փոփոխություններ»,- ԱԺ արտահերթ նիստում ԱԺ «Իմ քայլը» խմբակցության պատգամավոր Սուրեն Գրիգորյանին հարց ուղղեց նույն խմբակցությունից Թագուհի Թովմասյանը:
«Վերջացրի թվերը համեմատելը և այդպես էլ չհասկացա, թե Թորոսյան Արսենն ինչո՞վ էր հպարտանում… Որ 1 մլն բնակչի հաշվով մահերի թվով աշխարհի Top 20-ո՞ւմ ենք։ Որ աշխարհում մահերի բացարձակ թվով 51-րդ տեղո՞ւմ ենք (այն դեպքում, երբ բնակչության թվով 135-րդն ենք աշխարհում»,- ֆեյսբուքյան էջում գրել է ռազմական փորձագետ Կարեն Վրթանեսյանը:
Հունիսի 22-ին ԱԺ նիստին ներկա 89 պատգամավորներից երկուսի մոտ, արդեն դրանից մի քանի օր առաջ, ախտորոշվել էր կորոնավիրուս, բայց իշխանական հպատակ պատգամավորներին ցուցված է եղել անտեսել այդ փաստը և պարտադիր ներկայանալ քվեարկությանը: Տեղեկությունը հայտնել էր Alternativ.am-ը` հղում անելով իր աղբյուրներին:
Այսօր ՀՀԿ երիտասարադական կազմակերպության շուրջ 100 անդամներ նամակ հանձնեցին ՀՀ-ում ԵՄ պատվիրակությանը: ՀՀԿ երիտթևի նախագահ Հայկ Մամիջանյանը լրագրողներին տեղեկացրեց, որ նամակներ են հանձնելու ոչ միայն՝ ԵՄ պատվիրակությանը, այլ նաև՝ ՀՀ-ում հավատարմագրված ԵԱՀԿ երկրների բոլոր դեսպանատներին, ՄԱԿ-ի գրասենյակին, ԵԽ գրասենյակին:
«Ըստ էության, հիմնականում տեխնիկական հարցերի մասին բավականին երկար խոսեցինք, ես առաջարկեցի, որ այս «զրույցը» ձայնագրվի բջջային հեռախոսով: Իրենք նաև երևի ղեկավարության հետ մի քանի անգամ քննարկեցին, վկայակոչեցին կառավարության 2019 թ․ ապրիլի ինչ-որ մի օրենք, որտեղ նշված չի, որ արգելվում է, բայց նշված է, թե ով կարող է ձայնագրել»,- ԱԱԾ-ից դուրս գալուց հետո լրագրողներին տեղեկացրեց ԱԺ նախկին պատգամավոր, քաղաքական վերլուծությունների «Ակունք» կենտրոնի տնօրեն Ռուբեն Հակոբյանը՝ հավելելով, որ ԱԱԾ աշխատակիցներին ներկայացրած օրենքը դատավարական պրոցեսին է վերաբերում:
«Ենթադրենք՝ հիմա իրեն պետք է վարչական ակտ, որ իր լիազորությունները դադարել են: Յուրաքանչյուրի աշխատանքից դուրս գալիս հրաման է լինում, որը գործատուն ձևակերպում է օրենքի հիման վրա: Հիմա ինքն ասում է՝ այդ հրամանը տվեք ինձ, ո՞վ պետք է այդ հրամանը տա և ինչի՞ հիման վրա՝ հրամանը հո չե՞ն ձևակերպելու Սահմանադրության հիման վրա: Ասենք՝ եթե Ձեր գործատուն Ձեզ աշխատանքից ազատի՝ հո Սահմանադրությունը չի՞ վկայակոչելու, վկայակոչելու է Աշխատանքային օրենսգիրքը, ձեր կարգապահական նորմերը, և այլն: Հիմա՝ նա էլ ասում է՝ լավ, ցույց տվեք ինձ՝ ո՞ր ակտի, ո՞ր օրենքի, ո՞ր դրույթի հիման վրա եք ազատում, հո չե՞ք նշելու Սահմանադրությունը:
Առողջապահական համակարգն արտակարգ դրության ժամանակ կունենա կենտրոնացված կառավարում: Այս մասին տեղեկացրել էր Առողջապահության նախարարությունը՝ հավելելով, որ օրենսդրական փաթեթ է մշակվում արտակարգ դրության պայմաններում առողջապահական համակարգի կենտրոնացված կառավարում ունենալու համար։
«Մինչ վերջին շաբաթներին մենք ավելի մեծ ուշադրություն ենք դարձնում հանրայնորեն մի շարք աղմկահարույց քրեական գործերի, քաղաքական իրադարձությունների և ԱԺ-ում տեղի ունեցող պրոցեսներին, կորոնավիրուսի համաճարակի իմաստով, ցավոք սրտի, նոր հակառեկորդներ ենք սահմանում»,- պարետատան նիստից հետո հայտնեց ՀՀ վարչապետ Նիկոլ Փաշինյանը ֆեյսբուքյան ուղիղ եթերում:
«Սկզբից հնարավոր չէր մտնել կայք, հիմա հնարավոր է, բայց կայքում ոչինչ չկա՝ սրբված է տվյալները, բազաները: Կայքը սպասարկողները փորձում են ինչ-որ կերպ վերականգնել, սակայն ոչինչ դեռ չի ասվում՝ հնարավո՞ր է վերականգնել, թե՞ հնարավոր չէ: Ի դեպ, ասեմ, որ մեկ ամիս առաջ նույն բանն էր, այսինքն՝ կոտրված էր կայքը: Սա «DDoS հարձակում» չէ, սա ուղղակի կոտրված կայք է: Այն ժամանակ ստացվեց վերականգնել, իսկ հիմա արդեն քանի ժամ է՝ չի ստացվում»,- հայտնեց Ֆ. Նախշքարյանը:
Իրավապաշտպանի դիտարկմամբ՝ ՍԴ-ի շուրջ տեղի ունեցող գործընթացը կամայական է. «Կասեի՝ ինքնիրավչության ամենավերջին դրսևորումն է, և չեմ կարծում, որ սա այդպես կշարունակվի: Հույս ունեմ, որ մենք կունենանք դրական փոփոխություններ:
«Եկել եմ ականատեսը լինելու այն զարգացումների, որոնք սպասվում են այսօր այստեղ և նաև առաջիկա օրերին, որովհետև բոլորդ տեղյակ եք, որ Հայաստանի խորհրդարանում իշխող մեծամասնության կողմից տեղի է ունեցել Սահմանադրական հեղաշրջում, և Սահմանադրական հեղաշրջման հետևանքով որոշում է կայացվել, որ ՍԴ երեք դատավորներ պետք է պաշտոնանկ արվեն, ինչպես նաև Հրայր Թովմասյանը պետք է լքի ՍԴ նախագի պաշտոնը»,- Սահմանադրական դատարանի առջևից իր ֆեյբուքյան ուղիղ եթերում հայտարարեց քաղաքագետ Հրանտ Մելիք-Շահնազարյանը:
«Իսկապես պետության մեջ տեղի է ունենում սողացող հեղաշրջում: Կարծում եմ՝ ՍԴ-ն այն մարմինն էր, որ իսկապես մարդավարի կարողացավ պայքարել իշխող ուժի դեմ. իշխող ուժ ասելով` պետք է հասկանանք մեկ հոգու: Այսօր մենք պետք է վարձահատույց լինեինք, որովհետև իշխող ուժը՝ Նիկոլ Փաշինյանի գլխավորությամբ, շատ ցինիկորեն հարձակվել է ՍԴ-ի վրա և որևէ օրենք չի ճանաչում»,- Սահմանադրական դատարանի առջև լրագրողների հետ զրույցում նշեց ԱԺ նախկին պատգամավոր, «Վերնատուն» ակումբի անդամ, քաղաքական վերլուծությունների «Ակունք» կենտրոնի տնօրեն Ռուբեն Հակոբյանը:
«Արտակարգ դրության պայմաններում պետությունը հնարավորություն ունի նույնիսկ սեփականատերերից նախնական հատուցմամբ վերցնել իրենց սեփականությունը, եթե դա ուղղված է արտակարգ դրության հանգեցրած իրավիճակի հաղթահարմանը: Այս տեսանկյյունից՝ արտակարգ դրության պայմաններում այսպիսի գործիքների կիրառումը, կարծում եմ, կարող է իրավական լինել, եթե ընթացակարգերն են պահպանված և հիմնավորումներն են ճշգրիտ»,- 168.am-ի խնդրանքով՝ անդրադառնալով Առողջապահության նախարարությունում մշակվող նոր օրենսդրական փաթեթին՝ ասաց իրավապաշտպան Ռուբեն Մելիքյանը:
Առողջապահական համակարգն արտակարգ դրության ժամանակ կունենա կենտրոնացված կառավարում: Տեղեկացնում է Առողջապահության նախարարությունը՝ հավելելով, որ օրենսդրական փաթեթ է մշակվում արտակարգ դրության պայմաններում առողջապահական համակարգի կենտրոնացված կառավարում ունենալու համար։
«Հիմա էլ ասում են՝ բա եթե այդ խուզարկությունը եղել է փետրվարին, բա ինչի՞ մինչև հիմա պատշաճ քննություն չի արվել, բա ես էլ եմ էդ ասում, ո՞վ է ասում, որ այդ հարցը դուք եք տալիս, էդ հարցը ես եմ տալիս առաջին հերթին: Եվ այդ հարցը պետք է պարզաբանվի և այդ հարցը պարզաբանվել է և այդ հարցի պարզաբանման արդյունքում է նաև, որ կայացվել են կոնկրետ որոշումներ: Բա ես տարիուկես է ասում եմ՝ իրավապահ համակարգը պատշաճ ձևով չի քննում կոռուպցիոն և հարակից գործերը: Բա դրա մասին ենք ասում: Չհասկացա՝ կաշառքներ բաժանեն, երկրի կեսը սեփականաշնորհեն…»,- ասաց վարչապետն ԱԺ իր ելույթում՝ նկատի ունենալով ԲՀԿ առաջնորդ Գագիկ Ծառուկյանի գործը:
«Իմիջիայլոց ասեմ՝ Ձեր վկայակոչած դատական ակտում դատարանն առնվազն հիմնավոր կասկածը հաստատել է, որ կա հիմնավոր կասկած, և էլ չեմ ասում, ես զարմանում եմ՝ էսօր խոսում եք, ասում եք՝ քաղաքական ուժը բոյկոտել է` իշխանությունը չի մտածում: Քաղաքական ուժն իմ գնահատմամբ՝ ինքնաոչնչացվել է: Երբ որ էս ամբիոնից լուրջ դեմքով ասվում է մի բան, հերքվում է մի բան, որ ՀՀ բոլոր քաղաքացիները գիտեն, բոլորը գիտեն՝ առանց բացառության. Այսինքն՝ նորությո՞ւն է, որ Հայաստանում կան քաղաքական ուժեր, որ ընտրակաշառք են բաժանել, և նորությո՞ւն է, որ «Բարգավաճ Հայաստան» կուսակցությունն ընտրակաշառքով է ընտրվել։ Նորությո՞ւն է որևէ մեկի համար: Եվ երբ որ կանգնում այս ամբիոնից ասում ես մի բան, որը բոլորը գիտեն, որ էդպես չի, դա նշանակում է ինքնաոչնչացում:
«Ժողովրդավարությունը մեզնի՞ց եք պաշտպանում: Ոչ, մենք պետք է ժողովրդավարությունը պաշտպանենք ոմանցից, որովհետև ժողովրդավարությունը ամենաթողություն չի: Ժողովրդավարությունը պատգամավորներին ղազագիր գրել տվող կուսակցությունների հույսին չի կարող մնալ: Էդ ասում եք՝ քաղաքական հետապնդում. Տեսել ենք 30 տարի քաղաքական հետապնդում. Էդ որտե՞ղ եք տեսել, որ քաղաքական հետապնդման զոհին դատարանը հրաժարվի կալանք տալ, բա էդ մեզ ինչի՞ չէին հրաժարվում կալանք տալ, բա ասեին՝ չէ, չենք կալանավորում, վզները կոլորեին հինգ րոպե, սեղանի տակից դուրս չէին գալիս»,- Ազգային ժողովում իր ելույթում նշեց ՀՀ վարչապետ Նիկոլ Փաշինյանը:
«Այստեղ այս ամբիոնից խոսում են ֆեյքերի մասին, ֆեյքերի չգիտեմ՝ ինչի մասին, այն մարդիկ, ովքեր աշխատավարձերով, գումարտակներ-դասակներ, 3500 ֆեյք ունեն իրենց տիրապետության տակ, որը ղեկավարվում է ԱԺ պատգամավորի կողմից: Ժողովրդավարությունը մեզնի՞ց եք պաշտպանում: Ոչ, մենք պետք է ժողովրդավարությունը պաշտպանենք ոմանցից, որովհետև ժողովդրավարությունը ամենաթողություն չի»,–Ազգային ժողովում իր ելույթում նշեց ՀՀ վարչապետ Նիկոլ Փաշինյանը:
«Դուք խոսում եք կոնկրետ դեպքի մասին, ես, բնականաբար, կոնկրետ դեպքերով չեմ կարող գոնե այս պահին պարզաբանում տալ, բայց դուք անուն տվեցիք: Այդ Ձեր ելույթի ընթացքում գնացի 1999 թվականի հոկտեմբերի 27, գուցե ասոցիացիաները սխալ են, գուցե դետալներով՝ անձանց աշխատանքի վայրի հետ կապված, սխալվեմ, բայց 1999թ. հոկտեմբերի 27-ին ոչ անհայտ կուսակցությանը պատկանող ոչ անհայտ թերթի վերջին էջում, որտեղ, եթե չեմ սխալվում, աշխատում էր Ձեր հիշատակած անձը, կամ գուցե չէր աշխատում, բայց Ձեր ելույթով ուղղակի հիշեցի, տպագրվել էր Հանրապետության հրապարակի նկարը և այդ հրապարակի կենտրոնում՝ մարդկային դիակ: Եվ մինչև հիմա էլ առեղծված է, թե այդ ինչպես հենց այդ օրը հենց այդ նկարը, կարծեմ կար նույնիսկ համապատասխան մակագրություն, լույս տեսավ այդ թերթում:
Տպավորությունն այն է, որ Ռ. Քոչարյանի անձի հետ է կապված այդ շտապողականությունը, բայց որպես հետևանք՝ հաջորդ փուլում Սահմանադրական դատարանը և բոլոր դատավորներին կաշխատեն մտցնել իշխանության վերահսկողության տակ:
168.am-ի հետ զրույցում տնտեսագետ Թադևոս Ավետիսյանն անդրադառնալով պահուստային ֆոնդերին` հիշեցրեց, որ գործող իշխանությունները, երբ իրենց տնտեսական նոր մոդելն էին ներկայացնում, մատնանշում էին, որ արտաքին պարտքի բեռը պետք է էապես թեթևացվի, խոսում էին արտարժույթով պահուստների ավելացման մասին, մինչդեռ, ըստ նրա, սրանք այն հարցերն են, որոնք կարիք ունեն երկարաժամկետ գնահատման.
Երեկվանից հասարակական ու քաղաքական շրջանակներում քննարկում են նախագահ Արմեն Սարգսյանի կողմից ստորագրված օրենքները և հատկապես այդ ստորագրության համար ընտրված ժամը՝ կեսգիշերն անց:
Խորհրդարանը նախօրեին ժամերի ընթացքում ընդունեց Սահմանադրական փոփոխությունները և խախտելով Սահմանադրությունը՝ նախագիծը չուղարկեց ՍԴ կարծիքի համար: Լրագրողների հետ զրույցում ՝ անդրադառնալով նախորդող գործընթացներին՝ նշեց «Լուսավոր Հայաստան» խմբակցության ղեկավար Էդմոն Մարուքյանը և հավելեց. «Նաև ԱԺ կանոնակարգ օրենքում փոփոխություն կատարեց, որով ՀՀ նախագահին զրկեց Սահմանադրական փոփոխությունների ը դունված նախագիծը ստորագրելու իրավունքից»:
Խորհրդարանական ընդդիմությունը՝ «Բարգավաճ Հայաստան» և «Լուսավոր Հայաստան» խմբակցությունները, չեն մասնակցել Սահմանադրական փոփոխությունների նախագծի քննարկմանը՝ հայտարարելով, որ այն հակասահմանադրական է: ԲՀԿ-ն նաև ստորագրահավաք է սկսել՝ օրենքի սահմանադրականությունը Սահմանադրական դատարանում վիճարկելու համար: Քանի որ պակասում է 2 ստորագրություն, նրանք դիմել են ԼՀԿ–ին:
Խորհրդարանի իշխող մեծամասնությունը երեկ ընդունեց Սահմանադրական փոփոխությունների նախագիծը, ըստ որոնց՝ առաջարկվում է արդեն 12 տարի պաշտոնավարած ՍԴ դատավորներին ազատել զբաղեցրած պաշտոններից: Նույն նախագծով ԱԺ պատգամավորների քվեարկությամբ ազատվում է նաև ՍԴ նախագահը:
«Լուսավոր Հայաստան» կուսակցության անդամ Դավիթ Խաժակյանը ֆեյսբուքյան իր էջում արձագանքելով «Բարգավաճ Հայաստան» խմբակցության հետ միասնաբար ՍԴ դիմելու կոչերին, գրել է. «Սիրելի ընկերներ, երեկվանից զանգեր և հաղորդագրություններ եմ ստանում մեր անելիքների վերաբերյալ: ԲՀԿ խմբակցության 26 ստորագրություններով դիմումը դեռ չկա, ինչի՞ տակ ստորագրենք: Դիմումը կլինի, մնացածի մասին կխոսենք: Սպասում ենք դիմումին` կից 26 ստորագրություններով»:
Արդյոք «Լուսավոր Հայաստան» խորհրդարանական խմբակցությունը կարձագանքի՞ «Բարգավաճ Հայաստան» խմբակցության՝ ՍԴ դիմելու նախաձեռնությանը միանալու կոչին՝ 168.am-ը հետաքրքրվեց «Լուսավոր Հայաստան» խմբակցության պատգամավոր Սարգիս Ալեքսանյանից:
«Սա զավեշտալի է, քանզի արդեն ուժային կառույցներն իրենք էլ են խճճվել՝ փորձելով հիմնավորել իրենց կողմից շինծու գործը, շինծու մեղադրանքները»,- 168․am-ի հետ զրույցում անդրադառնալով ԲՀԿ առաջնորդ Գագիկ Ծառուկյանի գործի վերաբերյալ ԱԱԾ հայտարարությանը՝ ասաց ԱԺ «Բարգավաճ Հայաստան» խմբակցության քարտուղար Արման Աբովյանը:
Այսօր ԱԱԾ-ն հայտարարություն էր տարածել «Բարգավաճ Հայաստան» կուսակցության նախագահ Գագիկ Ծառուկյանին որպես մեղադրյալ ներգրավելու մասին: ԱԱԾ-ն նշել է նաև, որ սույն գործով ակնկալում է ստանալ հանրության աջակցությունը:
ԱԺ արտահերթ նիստում առաջին ընթերցմամբ ընդունվեց Սահմանադրության փոփոխությունների նախագիծը, որով, հիշեցնենք, առաջարկվում է արդեն 12 տարի պաշտոնավարած ՍԴ դատավորներին ազատել զբաղեցրած պաշտոններից: Նույն նախագծով՝ ԱԺ պատգամավորների քվեարկությամբ ազատվում է նաև ՍԴ նախագահը:
