Դատարանում Մովսես Ազարյանի պաշտպան Անահիտ Հովհաննիսյանը միջնորդեց դատարան հրավիրել և որպես վկա հարցաքննել 2015թ. հունվարի 28-ին և 29-ին Մովսես Ազարյանի հետ նույն սենյակում գտնված կուրսանտներին: Ըստ նրա՝ հարցաքննության ընթացքում կպարզվի՝ արդյո՞ք Մովսես Ազարյանը նշված օրերին քնած է եղել նույն սենյակում, թե՞ ոչ, և ինչպե՞ս է արձագանքել Հայկազ Բարսեղյանի մահվան լուրը լսելիս. ըստ փաստաբանի՝ դա կարող է էական նշանակություն ունենալ քրեական գործի համար:
«Պետական եկամուտների կոմիտեն հետաքրքրված է այնքանով, որքանով նման դեպքերում կա՞ն հարկումից խուափելու երևույթներ, թե՞ չկան հարկումից խուսափելու երևույթներ: Ի վերջո, Պետական եկամուտների կոմիտեն կարող է իրացնել այն հսկողական գործիքակազմը, որով օրենսդրությամբ օժտված է»:
«Մեր ուսումնասիրությունները և վերլուծությունները շատ հստակ ցույց են տալիս, որ նման երևույթները չեն կարող պայմանավորված լինել հարկային գործիքակազմով»,- ասաց նա:
ՀՀ կառավարությունն այսօր բացասական եզրակացություն տվեց ԱԺ ԲՀԿ խմբակցության պատգամավոր Միքայել Մելքումյանի կողմից ներկայացված «Նվազագույն ամսական աշխատավարձի մասին» օրենքում փոփոխություններ կատարելու մասին օրենքի նախագծի վերաբերյալ: Նշենք, որ առաջարկվում է 2016թ. հուլիսի 1-ից սահմանված նվազագույն ամսական աշխատավարձի չափը սահմանել 65 000 դրամ՝ գործող 55 000 դրամի փոխարեն:
Արտեմ Ասատրյանն ասաց, որ մեր երկրում աղքատության մակարդակը կազմում է 30 տոկոս: Հարցին՝ կնշի՞ արդյոք մի պաշտոնյայի կամ մեծահարուստի անուն, ում երեխան այս պահին առաջնագծում է, Արտեմ Ասատրյանը պատասխանեց, որ այդպիսի տեղեկատվություն չունի, որպեսզի կոնկրետ անուններ նշի. «Բայց ես բազմաթիվ պետական պաշտոնյաների գիտեմ, որոնց զավակներն այսօր ծառայում են Հայաստանի Հանրապետությանը»:
«Մենք Ազգային Ժողով ենք ուղարկել Հարկային օրենսգիրքը, որը ենթադրում է խոշորածավալ փոփոխություններ ոչ միայն մոտեցումներում, այլև իրականացման մեխանիզմներում: Հարկ է, որ բոլոր գերատեսչությունները նկատի ունենան, թե ինչպիսի փոփոխությունների սա կարող է բերել իրոնց ոլորտներում»,- այս մասին այսօր կառավարության նիստի ընթացքում ասաց ՀՀ վարչապետ Հովիկ Աբրահամյանը:
Լեռնային Ղարաբաղի Հանրապետության և ադրբեջանական զորքերի շփման գծում ապրիլի 1-5-ը տեղի ունեցած ռազմական բախումների հետևանքով զոհված զինծառայողների ընտանիքի սոցիալական հարցերի ուսումնասիրման և ընտանիքների կարիքների համակողմանի գնահատման նպատակով ՀՀ վարչապետի որոշմամբ ստեղծվել էր աշխատանքային խումբ, որում ընդգրկված են ՀՀ աշխատանքի և սոցիալական հարցերի, պաշտպանության և տարածքային կառավարման և զարգացման նախարարությունների աշխատակիցներ:
Փաստաբանն ասաց, որ պարտադիր բողոքարկելու է դատարանի այս որոշումը՝ նշելով, որ իրավիճակը նախորդ ժամանակաշրջանից տարբերվում է. եթե իրենք նախկինում նշում է, որ Արա Բուդաղյանի մասնակցությունը հիմավորող ապացույց գոյություն չունի, ապա այժմ ձեռք է բերվել մի ապացույց, որն, ըստ փաստաբանի, ի սպառ հերքում է նրա մասնակցությունը:
ՀՀ քննչական կոմիտեից 168.am-ին հայտնեցին, որ ստացվել է ԴՆԹ փորձաքննության եզրակացությունը, հիմնավորվել է, որ անձը Ռուբեն Բալյանն է, ում բջջային հեռախոսաքարտը հայտնաբերվել էր դեպքի վայրում կատարված զննությամբ:
ՀՀ քննչական կոմիտեից 168.am-ին հայտնեցին, որ մահացածը 37-ամյա Արմեն Հովհաննիսյանն է: Միաժամանակ կոմիտեց հայտնեցին, որ դեպքի վայրում հայտնաբերված հեռախոսային քարտի բաժանորդի և դեպքի վայրում հայտնաբերված երկրորդ դիակի նույնականացման ուղղությամբ քննությունը շարունակվում է, նշանակված փորձաքննության եզրակացությունտ դեռևս չի ստացվել:
«Ասում են, որ երբ նկարահանող սարքը եկել է, ինքը տեսել է ու տղաներին ասել է՝ փախեք, մեզ նկարում են, նավոդկի տակ ենք: Բայց ինքն ընկերոջ հետ մնացել է այնտեղ: Սնարյադն էլ հենց իր ոտքի կողքին է տրաքել: Գրադի սնարյադ է եղել»,- պատմում է Հարությունի հայրը:
«Բայց կա մեկ այլ սինդրոմ, երբ սթրեսներից կամ վթարներից հետո կապված օրգանիզմի փոփոխման հետ հնարավոր է հետագա բարդություններ լինեն: Ուստի կանխարգելելու նպատակով նա պետք է բուժում ստանա»:
Քննությամբ և ԱԱԾ-ի հետ համատեղ իրականացված օպերատիվ-հետախուզական միջոցառումների արդյունքում պարզվել է, որ Հալաբյան փողոցում տեղի ունեցած ավտոբուսի պայթյունի դեպքի վայրում հայտնաբերված բջջային հեռախոսային քարտի բաժանորդը մերձավոր ազգականների հետ կենցաղային հողի հետ կապված խնդիրներ է ունեցել և որոշել է պայթեցման եղանակով վնասել նրանց:
«Սկզբից հոսանքազրկվեց, մառախուղ եղավ, հետո նոր պայթյունը տեղի ունեցավ». ավտոբուսում պայթյունից վիրավորվածը պատմում է դեպքի մասին
Անահիտի խոսքով՝ պայթյունը որոտացել է, ինքը նստած է եղել վարորդի ետևում. «Իմ հետևից ինչ-որ տաքություն, ինչ-որ բան ինձ հրեց առաջ՝ աջ հատվածից»
Նախարարի խոսքով՝ հիվանդները ստացել են բեկորային, այրվածքային վնասվածքներ։ Երկու հիվանդ վիրահատվել է։ Նախարարի խոսքով՝ առավոտյան 62-ամյա մի կին դիմել է բժշկական կենտրոն. «Ես եմ ընդունել։ Տիկինն ասաց, որ իր ինքնազգացողությունը լավ էր, կարողացել է հասնել տուն, որից հետո շտապօգնության կանչ է ձևակերպել և տեղափոխվել հիվանդանոց սուր ցավերով գոտկաշրջանում և կրծքավանդակում։ Հետազոտությունները ամբողջովին իրականացված են»։
«Արմենիա» հանրապետական բժշկական կենտրոնի վերակենդանացման բաժանմունքից քիչ առաջ տեղափոխեցին Հալաբյան փողոցում ավտոբուսում տեղի ունեցած պայթյունի հետևանքով վնասվածքներ ստացած երկու երեխաներին։
Մարգո Եղիկյանը նշեց, որ աղջիկը 37 տարեկան է, ունի 6 տարեկան երեխա։ Պատասխանելով հարցին, թե ո՞ւր էր գնում դուստրը, նա ասաց. «Ինքը 10 րոպե առաջ ինձ հետ խոսեց, ասաց՝ մամա, ատամնատեխնիկի մոտից դուրս ենք գալիս։ 10 րոպե հետո երբ հեռուստացույցը միացրի, մեկ էլ տեսա այդ ավտովթարը, որ ասացին մեջը հղի կա, ես ինձնից անկախ՝ չգիտեմ ինչի, մտածեցի, եթե կա՝ իմ երեխան է»։
«Արմենիա» հանրապետական բժշկական կենտրոնում վիրահատվում են Հալաբյան փողոցում տեղի ավտոբուսում տեղի ունեցած պայթյունի հետևանքով վնասվածք ստացած երկու քաղաքացիներ: Այս մասին լրագրողների հետ զրույցում ասել է ՀՀ առողջապահության նախարար Արմեն Մուրադյանը:
Հայկական զինված ուժերի կողմից զենքի ձեռքբերումը երբեք հատուկ փուլային բնույթ չունի: Այս մասին այսօր ԵՊՀ-ում տեղի ունեցած հանդիպման ընթացքում ՀՀ Պաշտպանության նախարարության մամուլի խոսնակ Արծրուն Հովհաննիսյանը՝ նշելով, որ դրանք միշտ եղել են մշտականոն գրաֆիկով, և, ըստ էության, 2004-2005թթ. հետո աննախադեպ մասշտաբի են եղել: Նա նշեց, որ զենքերի, այդ թվում՝ նորագույն զենքերի ձեռքբերումը շարունակվելու է:
ՀՀ Պաշտպանության նախարարության մամուլի խոսնակ Արծրուն Հովհաննիսյանը այսօր ԵՊՀ-ում ունեցած հանդիպման ընթացքում պատասխանելով հարցին, թե ի՞նչ պետք է անեն հասարակության անդամները, երբ երիտասադրների մի մասն իրենց պարտքն է համարում բանակ չգնալ, ասաց, որ իր կարծիքով՝ հասարակությունն այդ ուղղությամբ կարող է աշխատել՝ այդպիսի մարդկանց վրա հանրային ճշում գործադրելով:
«Հատկապես ռուսական զենքի դեպքում ոչ մի լավ բան 80-ականներից հետո դեռ չի ստեղծվել: Բառիս բուն իմաստով՝ չի ստեղծվել»,- այս մասին այսօր ԵՊՀ-ում հանդիպման ընթացքում հայտարարեց Արծրուն Հովհաննիսյանը՝ նշելով, որ մամուլով շրջանառվող «7 պոզավոր սատանայի տպավորություն թողող» T-90, «Солнцепек», «Смерч» զինատեսակները ստեղծվել են 80-ական թվականներին:
Հակառակորդը փաստացի մեծ խնդիր էր իր առջև դրել՝ այդ թվում հիմնական հարվածը հասցնել կենտրոնից, իսկ թևերից՝ շեղող, աջակցող հարվածներ: Այս մասին այսօր Երևանի պետական համալսարանում տեղի ունեցած հանդիպման ժամանակ ասաց ՀՀ պաշտպանության նախարարության մամուլի խոսնակ Արծրուն Հովհաննիսյանը՝ նշելով, որ հյուսիսից և հարավից հասցված հարվածները, ըստ էության, հիմնականում շեղող հարվածներ էին, ուժերն իրենց վրա վերցնող հարվածներ, որոնց պետք է հետևեր հիմնական հարվածը կենտրոնից:
168.am-ի հետ զրույցում տուժողի իրավահաջորդի ներկայացուցիչ Մարինե Թովմասյանն ասաց, որ ժամանակ է տրամադրվել քրեական գործի նյութերին ծանոթանալու և դիրքորոշում հայտնելու համար. դրանից հետո հավանաբար գործը կուղարկվի դատարան:
Ամբողջ օրը լուրեր էի լսում, ամբողջ օրը, բայց Թալիշի մասին դեռ ոչինչ չէի լսել: Քրոջս հետ խոսեցի: Քույրս երևի չէր էլ պատկերացնում, որ ես այդ մասին չեմ լսել: Ասաց՝ Թալիշն են ռմբակոծել: Ասացի՝ չէ, Թալիշը չէ, ես լսում էի՝ Մարտակերտն ու Աղդամն են ասում: Քույրս լռեց: Էլ ոչինչ չասաց: Հետո իմացա, որ հենց Թալիշից, Մատաղիսից են սկսել: 4 օր տանջանք էր, ահավոր էր: Աշխատում եմ: Աշխատանքի վայրում էի: Խելագարի պես գնում-գալիս էի: Զանգի էի սպասում:
Լրատվամիջոցներում տարածվել է Թալիշում ադրբեջանցիների կողմից կատարված վայրագությունները պատկերող լուսանկարը. Վալերա Խալափյանին և նրա կնոջը գնդակահարել էին, կտրել նրանց ականջները: Գնդակահարվել էր նաև 1924թ. ծնված Մարուսյա Խալափյանը: Ապրիլի 10-ին Բաշ Քարվենդ բնակավայրի տարածքում հայկական կողմին էր հանձնվել ԼՂՀ ՊԲ 18 զինծառայողի մարմին. ադրբեջանական կողմից հանձնված զոհվածների բոլոր մարմինները ենթարկվել են խոշտանգման ու անարգանքի: Հանրությանը հայտնի են հակառակորդի կողմից հայ զինծառայողներին գլխատելու դեպքեր:
Վկաներից Լիլիթ Սուքիասյանն ասաց, որ ճանաչում է ամբաստանյալին, միասին աշխատել են. «Իբր ինչ-որ զգացմունքներ է ունեցել իմ նկատմամբ»
Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանն այսօր մերժել է ՀՀ երկրորդ նախագահ Ռոբերտ Քոչարյանի առանձնատան բակի մուտքի մոտ նռնակ նետելու գործով մեղադրյալ Հովհաննես Մուրադյանին կալանավորելու մասին միջնորդությունը: 168.am-ի հետ զրույցում նրա պաշտպան Մարինե Ֆարմանյանն ասաց, որ միջնորդությունը քննվել է դատավոր Հովիկ Շահնազարյանը:
Լրագրողներն այսօր ՀՀ էկոնոմիկայի նախարար Արծվիկ Մինասյանից հետաքրքրվեցին՝ արդյոք օֆշորային կազմակերպությունները չե՞ն ազդում տնտեսության վրա: «Եթե խոսքը գնում է ստվերային եկամուտների մասին, որոնք չեն երևում տնտեսության մեջ, իհարկե ազդում են: Եթե խոսքը գնում է Հայաստան մուտք եղող գումարների մասին, ակնհայտորեն դրանք չեն ազդում, բայց եթե մուտք են լինում Հայաստանի տնտեսություն: Եթե մուտք չեն լինում, այլ ստվերային շրջանառության մեջ են, իհարկե ազդում են, բացասական են ազդում»,- ի պատասխան՝ ասաց Արծվիկ Մինասյանը:
«Ես՝ որպես էկոնոմիկայի նախարար, դրա նպատակահարմարությունն այս պահին չեմ տեսնում: Ավելին՝ կարծում եմ, որ նման ուղերձները կարող են որոշակի շփոթ առաջացնել տնտեսական գործընթացներում, հետևաբար՝ շատ կարևոր է, որպեսզի նման քաղաքականությունը նախ մշակվի ներսում, որ դրանից հետո հրապարակվի: Ցանկացած նման գործելակերպ ազդում է տնտեսության վրա, իհարկե, որովհետև ձևավորում է որոշակի սպասումներ: Որպես կառավարության՝ էկոնոմիկայի բլոկի պատասխանատու, ես համարում եմ, որ այսօր դրա անհրաժեշտությունը չկա»:
