Շուշանիկ Բախշյանի և Անի Բաբելյանի մասով նախաքննությունն ավարտվել է
Ծննդկան Մերի Մարգարյանի գործով որպես մեղադրյալ ներգրավված երկու բուժաշխատողների` Շուշանիկ Բախշյանի և Անի Բաբելյանի մասով տուժող կողմին այսօր հայտարարվել է նախաքննության ավարտի մասին:
168.am-ի հետ զրույցում տուժողի իրավահաջորդի ներկայացուցիչ Մարինե Թովմասյանն ասաց, որ ժամանակ է տրամադրվել քրեական գործի նյութերին ծանոթանալու և դիրքորոշում հայտնելու համար. դրանից հետո հավանաբար գործը կուղարկվի դատարան:
Քանի որ բարձրացվել է նաև այլ բուժաշխատողների գործողություններին գնահատական տալու հարցը, այդ մասով քննությունը շարունակվում է:
