«Խոցելի խմբերի նկատմամբ խտրական հիմնական վերաբերմունքը դրսևորվում է նրանով, որ թե քրեակատարողական հիմնարկի աշխատակիցները, թե կալանավորված անձինք, կարելի է ասել, ղեկավարվում են ոչ թե օրենքներով, այլ չգրված օրենքներով»,- ասաց Արա Ղարագյոզյանը՝ նշելով, որ նրանք կատարում են ամենավատ աշխատանքը։
Փաստաբան Գիվի Հովհաննիսյանն առաջարկեց Վահան Շիրխանյանի մասն անջատել, մյուս ամբաստանյալների մասով նիստն անցկացնել: Փաստաբան Ինեսսա Պետրոսյանն առաջարկեց մեկ ժամով ընդմիջել դատական նիստը, Վահան Շիրխանյանին պատգարակով ներկայացնել դատարան: Դատական նիստը հետաձգվեց մինչև հունվարի 27-ը:
ՔԿՀ-ներում հասարակական վերահսկողություն իրականացնող դիտորդական խումբը 2016թ. մոտ 100 այցելություն է իրականացրել ՀՀ քրեակատարողական հիմնարկներ։ Այս մասին այսօր լրագրողների հետ հանդիպման ընթացքում ասաց դիտորդ, իրավաբան Ռոբերտ Ռևազյանը։ Նրա խոսքով՝ ամենաշատ այցելությունները սովորաբար լինում են «Նուբարաշեն» ՔԿՀ` կապված դրա առանձնահատկությունների հետ։
Նշենք, որ քրեական գործի նախաքննության ընթացքում մեղադրանք է առաջադրվել 5 անձի՝ Երևան քաղաքի Կենտրոն և Նորք-Մարաշ բաժնի հարկադիր կատարող Խաչիկ Կոսյանին, Արտաշես Չիչոյանին, Արարատ Նիկողոսյանին, Արթուր Զաքարյանին և Յուրի Հակոբյանին:
«Զինված» խմբավորման ղեկավար ներկայացվող Արթուր Վարդանյանն այսօր դատարանում հայատարարեց, որ որքան էլ փորձեն իրենց «ոչնչացնել», չի ստացվելու։ Նա նշեց, թե այս ամենը շոու է, «շոու բիզնես են սարքել»։ «Խոսքի համար անազատություն… Սա՛ է արդարությունը Հայաստանում»,- ասաց նա։
Դատարան չէր ներկայացվել ամբաստանյալ, ՀՀ պաշտպանության նախարարի նախկին տեղակալ Վահան Շիրխանյանը: «Երևան Կենտրոն» քրեակատարողական հիմնարկի պետը դատարանին գրությամբ հայտնել էր, որ Վահան Շիրխանյանը հրաժարվել է դուրս գալ խցից և ուղեկցվել դատարան՝ մասնակցելու այսօր կայանալիք դատական նիստին: Դատարան ուղարկվել էր արձանագրությունը, ինչպես նաև բժշկական տեղեկանքը:
«Մենք վերանայեցինք տնտեսական զարգացման մոդելը և հիմնական շեշտը դնում ենք, որ տնտեսությունը զարգանա առաջարկի հիման վրա։ Ելնելով փոքր տնտեսության առանձնահատկություններից՝ մենք հիմնական շեշտը դնում ենք, որ տնտեսությունը պետք է զարգանա՝ ի հաշիվ արտահանման»։
«Նախարարության կազմում վարչություն է գործում, վարչությունը կարող է վարել այդ գործառույթները»,- ասաց նախարարը՝ նշելով, որ ծրագրի ուղղությամբ աշխատանքներ իրականացվում են, ծրագիրը կառավարության հսկողության տակ է. «Բոլորս էլ հասկանում ենք, որ դա հեշտ ծրագիր չէ»։
Գործադիրի այսօրվա նիստի ընթացքում որոշում կայացվեց լուծարել «Համակարգչային կենտրոն» պետական ոչ առևտրային կազմակերպությունը։ Տարածքային կառավարման և զարգացման նախարար Դավիթ Լոքյանն ասաց, որ որոշումը բխում է կառավարության որդեգրած քաղաքականության սկզբունքներից։
Գործադիրն այսօրվա նիստի ընթացքում հաստատեց «Աջակցություն մարդու իրավունքների պաշտպանությանը Հայաստանի Հանրապետությունում» ծրագրի արտաբյուջետային հաշվի միջոցների ծախսման 2017 թվականի նախահաշիվը։
ՀՀ կառավարության այսօրվա նիստի ընթացքում հավանության արժանացավ «Արաբական Միացյալ Էմիրությունների Դուբայ քաղաքում ՀՀ գլխավոր հյուպատոսություն ստեղծելու մասին» նախագահի հրամանագրի նախագծի մասին արձանագրային որոշումը։ Կառավարության նիստի ընթացքում այն ներկայացրեց ՀՀ արտաքին գործերի նախարար Էդվարդ Նալբանդյանը։
ՀՀ կառավարության այսօրվա որոշմամբ լուծարվեց ՀՀ տրանսպորտի, կապի և տեղեկատվական տեխնոլոգիաների նախարարության «Երկաթուղու շինարարության տնօրինություն» փակ բաժնետիրական ընկերությունը։
ՀՀ վարչապետ Կարեն Կարապետյանն այսօր կրթության և գիտության, տնտեսական զարգացման և ներդրումների նախարարներին, մարզպետներին հանձնարարեց ուսումնասիրել քաղաքային դպրոցների շենքային պայմաններն ու հնարավորությունները, առաջարկներ ներկայացնել երեխաների կրթական պրոցեսը համապատասխան պայմաններում կազմակերպելու վերաբերյալ:
«Չնայած տարվա վերջում ասել էի, որ 2017թ. ավելի ծանր է լինելու, մեր առաջին նիստն ավելի թեթև էր»,- այս մասին այսօր կառավարության նիստի ավարտին ասաց ՀՀ վարչպետ Կարեն Կարապետյանը:
Նա հանձնարարեց էներգետիկ ենթակառուցվածքների և բնական պաշարների, տնտեսական զարգացման և ներդրումների նախարարներին, ՀՀ հանրային ծառայությունները կարգավորող հանձնաժողովի հետ համագործակցելով՝ ուսումնասիրել և եռամսյա ժամկետում ՀՀ կառավարության աշխատակազմ ներկայացնել ՀՀ էներգետիկ համակարգի՝ մինչև 2036թ. զարգացման ուղիները ծրագրում անհրաժեշտ փոփոխություններ կատարելու առաջարկություն՝ նպատակ դնելով նվազագույն գնով էլեկտրաէներգիայի արտադրությունը:
Կարեն Կարապետյանը հանձնարարեց նաև եռամսյա ժամկետում ՀՀ կառավարության աշխատակազմ ներկայացնել առաջարկություններ Պետական գույքի վարձակալության գործընթացի արդյունավետության բարձրացման վերաբերյալ՝ նպատակ ունենալով վարձակալությունից պետական բյուջեի մուտքերի էական ավելացումը և ծառայությունների մատուցման որակի բարելավումը:
Տնտեսական զարգացման և ներդրումների, ֆինանսների, պաշտպանության, գյուղատնտեսության, առողջապահության նախարարներին վարչապետը հանձնարարեց համատեղ ուսումնասիրել և 20-օրյա ժամկետում առաջարկություն ներկայացնել ներմուծումը տեղական արտադրությամբ փոխարինելու վերաբերյալ՝ ըստ առանձին ապրանքների:
Համաներում հայտարարելու կամ չհայտարարելու հարցն արդարադատության նախարարի իրավասության շրջանակներում չէ։ Այս մասին այսօր լրագրողների հետ հանդիպման ընթացքում ասաց ՀՀ արդարադատության նախարար Արփինե Հովհաննիսյանը։ «Կոռեկտ չէ՝ ես մեկնաբանեմ այն, ինչի նախաձեռնությունը կամ որոշումն ինձնից չի ելնելու։ Այս պահի դրությամբ ես նման որևէ տեղեկատվության չեմ տիրապետում, և եթե լինի, ինձ հետ զուգահեռ կամ գուցե ինձնից առաջ իմանաք»,- ասաց նա։
«Քաղաքական կամքի բացակայության մասին խոսելը ճիշտ չէ, ու թույլ տվեք ասել՝ մենք ձեզ հետ շատ ենք այս առիթով խոսել, ազնիվ էլ չէ, որովհետև ապօրինի հարստացման քրեականացման նախագծի անհրաժեշտության կամ այս նախագծի մասին շատ երկար է խոսվել, և շատերդ թերահավատ էիք։ Շատ-շատերը թերահավատ էին, որ այդ նախագիծը երբևէ կհասնի խորհրդարան, խորհրդարանում էլ կքվեարկվի ու կընդունվի»,- այս մասին այսօր լրագրողների հետ հանդիպման ընթացքում ասաց ՀՀ արդարադատության նախարար Արփինե Հովհաննիսյանը՝ անդրադառնալով մտավախություններին, որ ապօրինի հարստացման քրեականացումը կգործի՝ ըստ նպատակահարմարության, քաղաքական կամք չկա։
ՀՀ արդարադատության նախարար Արփինե Հովհաննիսյանն այսօր ամփոփեց 2016 թվականը: Լրագրողների հետ հանդիպման ընթացքում առանձնացրեց 2016թ. ներդրված պրոբացիոն ծառայությունը. 2016թ. սեպտեմբերի 1-ից սկսել է գործել Պրոբացիայի պետական ծառայությունը: Այն իրականացնում է ազատությունից չզրկելու հետ կապված պատիժները:
ՀՀ արդարադատության նախարար Արփինե Հովհաննիսյանն այսօր ամփոփեց 2016թ. արված աշխատանքները: Լրագրողների հետ հանդիպման ընթացքում նա անդրադարձավ նաև ԴԱՀԿ ոլորտում առկա խնդիրներից երկուսի լուծումներին, այդ թվում՝ ծանուցումների համակարգին:
ՀՀ արդարադատության նախարար Արփինե Հովհաննիսյանն այսօր ամփոփեց 2016թ. արված աշխատանքները: Լրագրողների հետ հանդիպման ընթացքում նա անդրադարձավ նաև ԴԱՀԿ ոլորտում առկա խնդիրներից երկուսի լուծումներին:
«Սահմանափակում է մտցվել, թե մի կինը քանի անգամ կարող է փոխնակ մայր լինել՝ պիտի անպայման երեխա ունենա կամ ծննդաբերած լինի, ամուսնացած պիտի լինի, պիտի լինի ամուսնու համաձայնությունը: Մենք դրանով կանխում ենք սա բիզնեի վերածելու հնարավոր ռիսկերը։ Նաև նշվում է, որ փոխնակ մայրը չի կարող նաև ձվաբջջի դոնոր լինել, փոխնակ երեխան գենետիկական որևէ կապ չպետք է ունենա փոխնակ մոր հետ»։
Հայաստանում, ըստ նրա, գրանցված է մոտ 4500 դեղ, կոպիտ հաշվարկով՝ մոտ 50 տոկոսը դուրս է գրվում դեղատոմսով։ Նախարարի տեղակալը նշեց նաև, որ «Դեղերի մասին» օրենքը չի պարունակում գոնե մի կետ, որը կարող է հանգեցնել դեղերի գների բարձրացման։
Դատական նիստի ավարտից հետո լրագրողների հետ զրուցում Վարդուհի Էլբակյանն ասաց, որ քրեական գործով նախաքննությունը տևել է 11 օր։ «Ես 17 տարվա փաստաբան եմ, և առաջին անգամ եմ հանդիպում դեպք, այն էլ՝ նման մեղադրանքներով (մարդը մեղադրվում է առանձնապես ծանր հանցագործության մեջ), որ 11 օրում նախաքննությունն ավարտվի»։ Նրա խոսքով՝ նախաքննության ընթացքում Իշխան Բարսեղյանը դիրքորոշում չի հայտնել մեղադրանքի վերաբերյալ, բայց մեղադրանքները չի ընդունում։
Գործադիր մարմնի այսօրվա նիստի ընթացքում որոշում կայացվեց Կենտրոնական ընտրական հանձնաժողովին հատկացնել 57,896.1 հազար դրամ։ ՀՀ կառավարոթյան աշխատակազմի ղեկավար-նախարար Դավիթ Հարությունյանն ասաց, որ 2017թ. Ազգային ժողովի ընտրությունները պատշաճ կազմակերպելու համար մի շարք հրատապ խնդիրներ են առաջացել, որոնք պահուստային ֆոնդից ֆինանսավորում են պահանջում։
«Եթե մոտ 1.5 շաբաթ առաջ հիվանդների մաքսիմալ քանակը 17 հազար էր, այսօր 5-5.2 հազար հիվանդներ են»,- այս մասին այսօր ՀՀ կառավարության նիստի ավարտից հետո լրագրողների հետ զրույցում ասաց ՀՀ առողջապահության նախարար Լևոն Ալթունյանը՝ խոսելով հանրապետությունում գրիպով հիվանդների առկայության մասին։ Միաժամանակ նա նշեց, որ հոսպիտալացումների քանակը մնացել է նույնը, ինչ հիվանդության պիկի ժամանակ։
«Փորձում ենք այլընտրանքային ճանապարհներ գտնել,- ասաց նա՝ նշելով, որ բանակցություններ վարվում են,- կան հուսադրող ձեռքբերումներ, բայց դեռ վերջնական չեն»։
«Շատ հաճախ դրա արդյունավետությունը կարող ենք կասկածի տակ դնել տարբեր պատճառներով, և քաղաքացու պատշաճ ծանուցումը հնարավոր չի լինում ապահովել։ Այդ իսկ պատճառով առաջարկում ենք, որ շեշտադրում կատարվի էլեկտրոնային ծանուցումների մեխանիզմի վրա»։
Գործադիրի այսօրվա նիստի ընթացքում հավանության արժանացավ որոշման նախագիծը, որով առաջարկվում է վերակազմակերպել «Հյուսիս-հարավ ճանապարհային միջանցքի ներդրումային ծրագրի իրականացման կազմակերպություն» պետական ոչ առևտրային կազմակերպությունը (ՊՈԱԿ) և «Տրանսպորտի ծրագրերի իրականացման գրասենյակ» պետական հիմնարկը:
