ՀՀ կառավարությունը մտադիր է նոր զարկ տալ Բելգիայի հետ օդային հաղորդակցությանը: Այսօր կառավարության նիստում էկոնոմիկայի նախարար Արծվիկ Մինասյանը կներկայացնի երկու երկրների միջև օդային հաղորդակցությունների մասին համաձայնագրի կնքման մասին որոշումը:
«Միակողմանի զիջումներն ընդհանրապես անհեթեթություն են, դա կարող է լինել միայն այն դեպքում, երբ որևէ մեկին կամ երկու կողմին էլ պարտադրվում են լուծումներ: Ղարաբաղյան հակամարտության մեջ նման մոտեցումը բացառվում է»:
Ընտրություններում դիտորդական առաքելություն իրականացնող Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը 168.am-ի հետ զրույցում նշեց, որ քաղաքական կուսակցությունները տեղերում ունեն կայացվածության և ճանաչվածության մեծ խնդիրներ:
ՀՀ կառավարությունն առաջիկա՝ օգոստոսի 18-ի նիստում կքննարկի 2016 թ. պետական բյուջեի «Արտասահմանյան պաշտոնական գործուղումներ» ծրագրով նախատեսված հատկացումների հաշվին ավիատոմսերի գնման նպատակով վարկային քարտային հաշիվներով շրջանառվող միջոցների չափաքանակներ սահմանելու հարցը:
ԱՍՊԱՐ ԱՐՄՍ» ՍՊ ընկերությունը կզբաղվի զենքի արտադրությամբ: Այս ընկերությանը համապատասխան լիցենզիա տրամադրելու հարցը ՀՀ ոստիկանապետ Վլադիմիր Գասպարյանը ՀՀ կառավարությանը կներկայացնի գործադիրի առաջիկա նիստում, օգոստոսի 18-ին: «Զենքի/քաղաքացիական զենքի և դրանց փամփուշտների արտադրություն, զենքի գեղարվեստական հարդարում և նորոգում/արտադրության» լիցենզիա «ԱՍՊԱՐ ԱՐՄՍ»-ին կտրվի 3 տարի գործողության ժամկետով:
Որքանո՞վ է նպատակահարմար, որպեսզի այդ բարձրաստիճան և հեղինակավոր պետական միջոցառումն անցկացվի մասնավոր հյուրանոցում: 168.am-ի այս հարցին ի պատասխան՝ ՊՆ մամուլի խոսնակ Արծրուն Հովհաննիսյանը պատասխանեց. «Որքան ես գիտեմ, նմանաբնույթ թե´ պաշտպանական գերատեսչության, թե´ ոչ պաշտպանական գերատեսչության բոլոր միջոցառումներն անցկացվել և անցկացվում են նման կառույցներում՝ թե´ մեզ մոտ, թե´ ամբողջ աշխարհում: Ես այլ տարբերակ չեմ տեսել: Այսինքն՝ ՊՆ-ում չէր կարող անցկացվել սա հասկանալի պատճառներով՝ մասնակիցների թվի առումով»:
Այսօր ԲՀԿ նախկին նախագահ Գագիկ Ծառուկյանին պատկանող «Մուլտի Գրանդ» հյուրանոցում տեղի ունեցավ ՀԱՊԿ անդամ պետությունների պաշտպանության նախարարների խորհրդի նիստը: Այն ընթանում էր փակ ռեժիմով: ՀՀ պաշտպանության նախարար Սեյրան Օհանյանը լրագրողներին հայտարարեց, որ այս հանդիպումների ձևաչափը թույլ է տալիս քննարկել արդիական հարցեր` հաշվի առնելով ստեղծված ռազմաքաղաքական իրադրությունը տարածաշրջանում, ՀԱՊԿ երկրներում, այդ թվում` Կովկասի տարածաշրջանում, և կազմել կազմակերպության ռազմական հայեցակարգի բաղադիրչները, ինչը և իրենք արել են:
Հարկային օրենսգրքի նախագծի շուրջ խորհրդարանական քննարկումները կվերսկսվեն սեպտեմբերի սկզբին, իսկ ԱԺ օրակարգ կմտնի հավանաբար երկրորդ քառօրյայի ժամանակ: Այս մասին 168.am-ի հետ զրույցում հայտնեց ԱԺ պատգամավոր Գարեգին Նուշիկյանը՝ նշելով, որ արձակուրդները խանգարեցին ավարտել քննարկումները:
«Եթե ավելի շատ մտահոգվելու ենք, թե Շոյգուն ինչ արեց, Ալիևն ու Էրդողանն ինչ երազեցին, Ժիրինովսկի, Պուտին և այլն, ապա ինչ ասես կարող են մեր գլխին անել: Իսկ եթե ամեն ինչ դնենք մի կողմ և զբաղվենք երկրի անվտանգությամբ, պայքարենք կոռուպցիայի դեմ, ժողովրդավարական ինստիտուտների ամրապնդմամբ, մեր տնտեսությանը զարկ տալով, մեր սահմաններն արդիականացնելով, և այլն, ուրեմն ամեն ինչն էլ մեր երազածով կլինի»:
«Մենք գիտենք, որ ՀԱՊԿ-ն բավականին ֆորմալ կառույց է, և Հայաստանն այնտեղ չի կարողանում իր ձայնն անհրաժեշտ հնչեղությամբ հնչեցնել: Թեկուզ միայն այն փաստը, որ Հայաստանը, լինելով ՀԱՊԿ նախագահող երկիր, չկարողացավ հայ գլխավոր քարտուղար նշանակել այնտեղ, դա ցույց է տալիս Հայաստանի ու ՀԱՊԿ-ի հարաբերության մակարդակը: Մյուս կողմից էլ՝ ՀԱՊԿ-ը ոչ այդքան հավաքական անվտանգության մարմին է, որքան՝ երկկողմ հարաբերությունների, այսինքն՝ Հայաստան-Ռուսաստան, Տաջիկստան-Ռուսաստան, Բելառուս-Ռուսաստան, որտեղ հիմնական խնդիրներն էլ լուծվում են երկկողմ հարաբերությունների մակարդակով»,- ասաց Ա.Ենոքյանը:
«Եթե խաղաղապահներ են տեղակայվում, էլ ի՞նչ հետաքննության մեխանիզմներ: Խոսքը գնում էր ԵԱՀԿ գործող նախագահի անձնական ներկայացուցիչ Կասպրչիկի խմբերի մեծացման մասին, որ 6 հոգուց կդառնա 18 հոգի, կասեն՝ 3 անգամ շատացել է: Բայց դա ընդամենը դիտորդական խումբ է, ոչ ավելի: Այսինքն՝ դա և մեխանիզմների ներդրումը կարող է լինել խաղաղապահներին զուգահեռ, բայց արդեն անիմաստ կդառնա, եթե խաղաղապահներ տեղակայվեն»:
Հայաստանցիները սկսել են ավելի շատ ծխել: Չնայած ծխախոտի դեմ տարվող պայքարին, անցած տարվա առաջին կիսամյակի համեմատ՝ մեր հայրենակիցներն այս տարվա նույն ժամանակահատվածում 49 մլն 926 հազար տուփ ավելի շատ ծխախոտ են սպառել, քան նախորդ տարի: Պաշտոնական վիճակագրության համաձայն` անցած տարի հունվար-հունիս ամիսներին սպառվել է 118 մլն 440 հազար տուփ, այս տարի` 168 մլն 366 հազար տուփ ծխախոտ:
Ամերիկյան «Կամուրջ դեպի լույս» (Bridge 2 light) բարեգործական հասարակական կազմակերպությունը ՀՀ պաշտպանության նախարարությանն այս տարի հուլիսին 60 կգ-անոց 232 արկղ է տրամադրել, որոնց մեջ կան ուսապարկեր, քնապարկեր, գիշերային տեսանելիության սարքեր, սնունդ և այլն: Կազմակերպության հայաստանյան ներկայացուցիչ Փարիզ Կասմանյանը 168.am-ի հետ զրույցում հայտնեց, որ արկղերն արդեն ՊՆ պահեստում են, պետք է տեսակավորել և տեղափոխել զորամասեր:
Գ.Պողոսյանի խոսքով` նման տեխնիկական խնդիրներ պարբերաբար են առաջանում և դա մեծ գլխացավանք է դառնում բիզնեսի համար, որը տույժ ու տուգանքների սպառնալիքի առջև է հայտնվել. «Վարչապետին կից Բիզնեսի աջակցման խորհրդի նիստում քննարկել ենք խնդիրը, լուծում է առաջարկվել, բայց այն իդեալական չէ:
ՀԱԿ վարչության անդամ, տնտեսագետ Վահագն Խաչատրյանն անտեղի է համարում ԵԱՏՄ-ին անդամակցությունից ի վեր Հայաստանի ՀՆԱ-ի 10% աճի մասին ՌԴ նախագահ Վլադիմիր Պուտինի հայտարարության շուրջ բարձրացած աղմուկը:
«Մեզ նաև հաճախ հարցնում են կամ փորձում են մեղադրել, թե ինչո՞ւ Դաշնակցությունը ներկա չէր, ինչո՞ւ Դաշնակցությունը մասնակից չէր այդ դեպքերից հետո հավաքներին, և այլն: Շատ պարզ պատճառով՝ որովհետև այդ մարդիկ մեզ համար խոսակից չէին, ինչպես որ մենք իրենց համար խոսակից չէինք»:
Ռուսաստանի նախագահն այնքան էլ սխալ չէ, երբ խոսում է ԵԱՏՄ-ին Հայաստանի անդամակցությունից հետո ՀՆԱ-ի 10 % աճի մասին: Այդպես է կարծում Գործատուների հանրապետական միության նախագահ Գագիկ Մակարյանը՝ 168.am-ի հետ զրույցում ասելով, որ գտել է Վլադիմիր Պուտինի աղմկահարույց հայտարարության հիմքերը:
ՀՆԱ աճի 10% թիվը ես չեմ կարող ո´չ մեկնաբանել, ո´չ հաստատել, ո´չ հերքել: Բայց անցած տարվա համեմատ այս տարի ավելի աշխույժ է. եթե անցած տարի ուղղակի սպանիչ էր, այս տարի մի քիչ շարժ կա թեթև արդյունաբերության ոլորտում, և դա հիմնականում ՌԴ-ի ուղղությամբ է: Այլ ուղղություններով ո´չ 10, ո´չ էլ 5% ակտիվություն չկա»,- 168.am-ի հետ զրույցում ասաց ՀՀ թեթև արդյունաբերության գործատուների միության համանախագահ, «Տոսպ» ձեռնարկության ղեկավար Սուրեն Բեկիրսկին
Մարտունիի հիվանդանոցը տեխնիկական տեսակետից անմխիթար վիճակում է գտնվում: Այսօր կառավարության նիստից հետո լրագրողների հետ ճեպազրույցում հայտարարեց ՀՀ տարածքային կառավարման և զարգացման նախարար Դավիթ Լոքյանը:
«Խոսքը գնում էր այն պայմանավորվածությունների մասին, որը ձեռք էր բերվում Վիեննայի և Սանկտ Պետերբուրգի հանդիպումների ժամանակ: Այսինքն՝ շատ հստակ նախագահն ասաց, որ խոսքը գնում է 94-95 թթ. եռակողմ, անժամկետ զինադադարի պայմանագրի վերաբերյալ, երկրորդը՝ հետաքննությունների մեխանիզմների, և երրորդ՝ ԵԱՀԿ գործող նախագահի անձնական ներկայացուցչի թիմի կարողությունների ընդլայնման վերաբերյալ»,- հայտարարեց ՀՀ ԱԳ փոխնախարար Աշոտ Հովակիմյանը:
Երեկ Մոսկվայում Հայաստանի և Ռուսաստանի նախագահներ Սերժ Սարգսյանի ու Վլադիմիր Պուտինի հանդիպման ժամանակ վերջինս հայտարարեց, թե «ԵԱՏՄ-ին Հայաստանի անդամակցությունից հետո ՀՆԱ-ն աճել է 10 %-ով»: Այսօր լրագրողները կառավարության նիստից հետո Ազգային վիճակագրական ծառայության ղեկավար Ստեփան Մնացականյանից հետաքրքրվեցին, թե ինչպե՞ս է Պուտինը նման թիվ հայտարարում:
«Բայց ինչո՞ւ մինչև 2013 թ-ը, 2014-15թթ-ին կառուցված գազատարները ինչո՞ւ չենք ներառում»,- հետաքրքրվեց վարչապետ Հովիկ Աբրահամյանը
Հայաստանում օտարերկրյա վարձու աշխատողների քանակը կազմում է 5179
ՀՀ վարչապետ Հովիկ Աբրահամյանը նկատեց, որ մեկ անգամ պետք է ուսումնասիրել բոլոր խնդիրները:
ՀՀ կառավարության առաջիկա նիստում պետական գույքի կառավարման վարչության պետ Արման Սահակյանը կներկայացնի «Երկրագործության և բույսերի պաշտպանության գիտական կենտրոն» ՊՈԱԿ-ի լաբորատորիայի մասնավորեցման նախագիծը: Ըստ այդմ՝ Կոտայքի մարզ Ջրվեժ համայնքում գտնվող 219.1 քմ ընդհանուր մակերեսով լաբորատոր շենքը և դրա զբաղեցրած, օգտագործման ու սպասարկման համար անհրաժեշտ 0.097 հա հողամասն ուղղակի վաճառքի ձևով կօտարվի քաղաքացի Վրեժ Դավթյանին:
«Ես մի բան կարող եմ ասել, որ այս ծանր իրավիճակից մենք կարողացանք հասարակության հետ դուրս գալ, կոնկրետ այս ՊՊԾ գնդի հետ կապված, նախ և առաջ՝ իշխանությունների և ՀՀ նախագահի սառը, հումանիստական, հանդուրժողական քաղաքականության արդյունքում, որովհետև մեզ համար Հայաստանի Հանրապետությունում չկան հակառակորդներ, թշնամիներ, մենք մեր երկրում թշնամիներ չենք փնտրում»:
«Հայաստանը մեզ համար նոր շուկա է, պետք է առաջին հերթին ծանոթանանք իրար»
«Մեր թիրախը գործող իշխանությունն է, և մենք ընդդիմադիր դաշտում թիրախ չունենք»,- 168.am-ի հետ զրույցում հայտարարեց ԱԺ պատգամավոր, «Լուսավոր Հայաստան» կուսակցության խորհրդի նախագահ Էդմոն Մարուքյանը՝ մեկնաբանելով օրերս «Քաղաքացիական պայմանագիր» և իր ղեկավարած կուսակցությունների միջև տեղի ունեցած հեռակա «վիճաբանությունը»:
«Մենք Իրանի հետ ունենք բազում ծրագրեր և այդ վերջին ծրագիրը՝ իրանական գազը դեպի Վրաստան: Աշխարհը սև ու սպիտակ չի, աշխարհն ունի բազում գույներ, այսօր ամբողջ աշխարհում բոլորը բոլորի հետ համագործակցում են և բոլորը բոլորի հետ մրցակցում են: Այնպես չէ, որ, եթե Իրանը համագործակցում է Ադրբեջանի հետ, ուրեմն մեզ հետ չի համագործակցում»:
Իրականում, գոնե ինձ համար, որևէ անակնկալ չի եղել, որովհետև երկար ժամանակ «Նախախորհրդարանի» անդամներն ասել են, որ իրենք այլ ելք չեն տեսնում, իրենք չեն տեսնում ընտրությունների միջոցով փոփոխությունների հնարավորություն, չեն ընդունում համակարգային քաղաքական պրոցեսների մեջ ներգրավվելու հնարավորություն և տեսնում են փոփոխությունները նման մեթոդներով: Այդ մարդիկ ինչ հայտարարել են հրապարակային, այն էլ արել են»:
