ՀՀ իշխանությունը համաձայնել է հրապարակել ընտրությունից հետո հրապարակել ստորագրված ցուցակները, «4+4+4» ձևաչափով քննարկումների արդյունքում Ընտրական օրենսգրքի շուրջ համաձայնությունը ձեռք է բերվել և շաբաթ օրը կայացել է նախաստորագրումը, որին մասնակցել է 5 խմբակցություն և հ/կ ներկայացուցիչները:
«Հովիկ Աբրահամյանը մեղմել է ռիսկերը և քաղաքական համերաշխություն է բերել: Հարգարժան նախկին վարչապետն իր հոր տանից չի բերել կառավարությունը»,- այսօր ԱԺ-ում լրագրողների հետ զրույցում հայտարարեց ԱԺ փոխնախագահ Էդուարդ Շարմազանովը՝ հավելելով, որ դա ՀՀԿ ձևավորած կառավարությունն է, որը պատասխանատու է թե՛ լավի, թե՛ վատի համար:
«Կարենը շատ լավ ղեկավար ա: Ինքը՝ Կարեն Կարապետյանը, իրան ամեն տեղ ցույց ա տվել ու ստեղ էլ ա ցույց տալու ու շատ լավ կառավարություն ա լինելու»,- այսօր ԱԺ-ում լրագրողների հետ զրույցում հայտարարեց ՀՀԿ-ական գեներալ պատգամավոր Սեյրան Սարոյանը՝ խոսելով նոր վարչապետի նշանակման մասին:
ՀՀԿ խորհրդի նիստի ժամանակ ներկայացվեցին բոլոր տարբերակները: ՀՀ վարչապետի պաշտոնը կարող է զբաղեցնել յուրաքանչյուր քաղաքացի:
Այսօր «Սասնա ծռեր» զինված խմբավորման աջակիցները բողոքի ակցիա էին իրականացնում Ազգային ժողովի Դեմիրճյան փողոցի մուտքի մոտ՝ պատգամավորներից պահանջելով ազատ արձակել բոլոր քաղբանտարկյալներին: Սակայն պատգամավորներն անտարբեր անցնում էին նրանց կողքով:
«Մեծ հույսեր չունեմ, անկեղծ ասած, որովհետև լուրջ փոփոխությունները պետք է նշանակեն համակարգի փոփոխություն: Այսպիսի բարձր մակարդակի կոռուպցիան, ինչպիսին Հայաստանում է, նշանակում է՝ համակարգային խնդիր, և միայն համակարգի փոփոխությունը կարող է էապես լավացնել իրավիճակը»:
«Ես չգիտեմ, թե կոնկրետ այս պարագայում ինչ նկատի ունի պարոն Ուորլիքը, բայց ես երբևէ, գոնե մեր նախագահի կողմից, քաղաքական կամքի պակաս չեմ զգացել, հակառակը՝ ինչ-որ տեղ նույնիսկ ավելցուկ կա: Ինչ վերաբերում է Ադրբեջանի նախագահին, ապա նրա մասին պարոն Ուորլիքը պետք է ավելի շատ ուսումնասիրություններ անցկացնի, և հատկապես այդ հարցը կարելի է ուղղել Ադրբեջանի քաղաքական գործիչներին, թե ինչու նա երբևէ չկարողացավ կոնստրուկտիվ ուղու վրա կանգնել և մաքսիմալիստական իր ցանկություններն ու դրսևորումները, որոնք երբևէ իրականություն չեն դառնալու, միշտ փորձում է առաջ տանել ռազմատենչ հռետորաբանությամբ, և հատկապես վերջին շրջանում՝ նաև ռազմական գործողությունների առումով»:
«Դա Հայաստանի ընտրական համակարգի լրջագույն խնդիրներից մեկն է: Մեր դիտարկումները ցույց են տալիս, որ հիմնականում ընդդիմադիր թեկնածուի հետ փորձում են ոչ թե ընտրության ընթացքում պայքարել, այլ մինչ ընտրությունները, ու փորձում են ճնշումների միջոցով ստիպել, որպեսզի ընդդիմադիր կամ իրենց համար անընդունելի թեկնածուները մինչև ընտրությունները հանեն թեկնածությունը: Այսինքն՝ հասկացել են, որ ընտրությունների ընթացքում ավելի թանկ կամ ավելի դժվար է պայքարել թեկնածուների դեմ, դրա համար փորձում են մինչև ընտրություններն այդ հարցը լուծել»:
«Նոր նախարարներն ու նոր պաշտոնյաները բավարար չեն, հասարակությունը չի խաբվի դրանով: Պետք է լինեն մարդիկ, որոնք իմիջ ունեն և ազդեցիկ են հասարակությունում: Շատ կարևոր է կուսակցություններից դուրս կադրերի որոնումը, որոնց ազնիվ համբավը հույսեր կառաջացնի»:
Հայաստանի հիպոթեքային շուկայում գերակշռում է արտարժույթով վարկավորումը: Ըստ պաշտոնական վիճակագրության՝ այս տարվա երկրորդ եռամսյակի դրությամբ արտարժույթով վարկավորման ծավալը կազմել է ընդհանուրի 53%-ը: Ընդ որում՝ նախորդ տարվա համեմատ՝ դրա տեսակարար կշիռը նվազել է 2.7%-ով:
«Հիմա շատ կարևոր է, որ ընդդիմությունը հստակ մեսիջներ տա ոչ միայն՝ միջին խավին, որոնք մի կողմից՝ ընդդիմադիր են, բայց մյուս կողմից՝ մեծ թիվ չեն կազմում, բայց նաև սոցիալական ծանր վիճակում գտնվող խավին, նաև այն միջին խավի վրա շեշտ դրվի, որն այսօր կիսաֆեոդալ համակարգի մեջ է մտած»:
«Առաջնային կարգախոսը հիմա ցանկացած ուժի համար պետք է լինի՝ «դեպի զարգացում» տարբերակով, կամ զարգացման ինչ-որ հեռանկարներ բացող: Այլ կարգախոս ես այսօր չեմ տեսնում, որ կարող է աշխատել: Մարդիկ ասում են՝ Տեր-Պետրոսյանի ժամանակ լույս չկար, բայց հույս կար, այսօր լույս կա, բայց հույս չկա: Այդ հույսի և ինչ-որ որոշակի հեռանկարի կարիքը կա»:
«Երիտասարդ, պատրաստակամ, տիրապետում է բոլոր հարցերի պատասխաններին, բավականին զրուցեցինք, շատ մասնագիտական էին պատասխանները: Իմ հորդորը, ցանկությունը, որ այդ գիտելիքները կարողանա տեղայնացնել մասնագիտական ոլորտում»,- այսօր ԱԺ-ում ՀՀ գլխավոր դատախազի թեկնածու Արթուր Դավթյանի հետ հանդիպումից հետո լրագրողների հետ զրույցում Դավթյանի մասին ասաց «Ժառանգություն» խմբակցության նախկին ղեկավար Ռուբիկ Հակոբյանը:
168.am-ի հարցին, թե արդյոք կառավարության փոփոխությունը նոր մեկնարկ, նոր սկիզբ կարելի՞ է համարել, Ա.Արզումանյանը պատասխանեց, որ նոր սկիզբ պետք է լիներ 1992 թ., հիմա հերթական փոփոխությունն է. «Աստված տա, ֆալստարտ չլինի: Բոլոր նորեկներն էլ միշտ ամպագոռգոռ հայտարարություններով են հանդես գալիս: Տեսնենք կառավարության կազմը, դեռևս գիտենք միայն վարչապետի մասին, երբ կներկայացվի Ազգային ժողով, ավելի մեր սպասելիքների մասին կարող ենք խոսել»:
ՕԵԿ խմբակցության ղեկավար Հեղինե Բիշարյանը նոր կառավարության կազմում մասնակցության ակնկալիքներ չունի: Այսօր ԱԺ-ում լրագրողների հետ զրույցում Հ.Բիշարյանը նշեց, որ 6 ամիս հետո երկրում նոր փոփոխություններ են լինելու, նոր կառավարություն է ձևավորվելու, և կարճամտություն կլինի այս կարճ ճանապարհը մտնելը:
Ա.Դավթյանը մտադիր է հասարակության վստահությունը Դատախազության նկատմամբ վերականգնել աշխատանքով, օրինականություն ապահովելով, որոշումների հասանելիությամբ, իրավական մասնագիտական որակով, հանրության հետ առավել հաճախ շփումներով, որոշումների մեջ քաղաքացիական հասարակության ավելի մեծ ներգրավվածություն ապահովելով, և այլն:
ՀՀԿ ԳՄ նիստից հետո ՀՀԿ-ական պատգամավոր Սեյրան Սարոյանն ասաց, որ ինքը գոհ է վարչապետի պաշտոնում Կարեն Կարապետյանի թեկնածության առաջադրումից:
Այսօր կառավարության շենքի մոտ կրկին բողոքի ակցիայի հավաքված նաիրիտցիները հայտարարեցին, որ ցույցերը չեն դադարեցնելու, շարունակելու են հավաքվել և պահանջել «Նաիրիտի» վերագործարկում: Հոլդինգի պատվիրակությունը, նաիրիտցիների խոսքով, հավանաբար Հայաստան կայցելի հոկտեմբերի առաջին տասնօրյակում՝ նոր վարչապետի հետ հանդիպման մասին պայմանավորվածություն ձեռք բերելուց հետո:
«Մեկ այլ երևույթի մասին եմ ուզում խոսել՝ երեկվանից ես հետևում եմ քծնանքի, լաքեյության, ստորաքարշության շքահանդեսին, որ սկսվել է հնարավոր նոր վարչապետի թեկնածուի հասցեին: Նույն քծնանքը և ստորաքարշությունը Տիգրան Սարգսյանի հասցեին էր, գրեթե նույն մարդկանց կողմից, որ Տիգրան Սարգսյանը տեխնոկրատ է, պրոֆեսիոնալ է, ամենակարող է: Նույն նողկալի, լպրծուն, լաքեյության աստիճանի ստորաքարշությունը տեսանք, երբ հրաժարական տվեց Տիգրան Սարգսյանը, և վարչապետ առաջարկվեց Հովիկ Աբրահամյանը: Քծնանքի այնպիսի գոհարներ հնչեցին Հանրապետական տարբեր պատգամավորների և գործիչների կողմից առ Հովիկ Աբրահամյանը, որ երևի թե Գինեսի ռեկորդների գիրքը կպայթեր ստորաքարշության և լաքեյության այդ դոզայից:
Հայաստանի տնտեսությունն իսկապես օբյեկտիվորեն գտնվում է բավականին բարդ իրավիճակում, այն է` բավականին կախվածություն ունենք ռուսական տնտեսությունից, և հնարավոր այն կոմունիկացիաները, որ կարող էինք մեր տնտեսության ճյուղերը զարգացնել և աշխարհի շատ երկրների հետ կապեր ունենալ, ցավոք, մենք զրկված ենք այդ հնարավորություններից: Ռուսաստանում տնտեսական անկումն ուղիղ արտահայտությունը գտնում է նաև մեզ մոտ: Բայց, ամեն դեպքում, ես կարծում եմ, որ կառավարությունը ճիգեր գործադրեց և գործադրում է, որպեսզի տնտեսական աճ արձանագրի:
Այսօր կառավարության նիստից հետո Արտաքին գործերի փոխնախարար Շավարշ Քոչարյանը լրագրողների հետ զրույցում նշեց, որ վարչապետ Հովիկ Աբրահամյանի հրաժարկանի հետ միաժամանակ հրաժարական է տալիս կառավարության ողջ կազմը։
«Հարկավոր են նոր մոտեցումներ, նոր սկիզբ: Այդ պատճառով ես որոշել եմ հրաժարական տալ»,- ասաց Հ.Աբրահամյանը և շարունակեց,- Պետք է մտածել բոլորի հաջողության մասին և շանս տալ նոր կառավարությանը»:
Խաչվերաց տոնին հաջորդող երկուշաբթին մեռելոց է և այդ պատճառով կառավարությունն անցած նիստում որոշել էր աշխատանքային օրը տեղափոխել սեպտեմբերի 17-ին:
«Հովիկ Աբրահամյանը շատ անելիք կունենա»,- այս մասին ՀՀԿ ԳՄ նիստից հետո ասաց Արտակ Զաքարյանը:
Այսօր կառավարության նիստից առաջ լրագրողները ՀՀ էկոնոմիկայի նախարար, ՀՅԴ-ական Արծվիկ Մինասյանից հետաքրքրվեցին կառավարության հնարավոր հրաժարականի մասին, սակայն նա հայտարարեց, որ նման տեղեկություն չունի:
«Այս շղթան պետք է բացվի, բայց մինչև հիմա մենք չենք լսել որևէ հայտարարություն, բացատրություն, որ պարզաբանում մտցվի այս հարցի մեջ: Եթե մինչև հիմա դա չի արվել, ապա նշանակում է, որ սկանդալային պահեր շատ կան, և մի ամբողջ ուսումնասիրություն է պահանջվում»:
Սյունիքի մարզպետ Սուրիկ Խաչատրյանն իսկապես փորձել է ահաբեկել սեպտեմբերի 18-ին կայանալիք Գորիսի ավագանու թեկնածուներից մի քանիսին՝ պահանջելով ինքնաբացարկ ներկայացնել: Թեկնածուներից մեկը եղել է Գորիսին միացված Վերին Շեն համայնքից առաջադրված ԲՀԿ-ական Էրիկ Տատինցյանը: Մամուլում տարածված տեղեկությունները 168.am-ի հետ զրույցում հաստատեց «Բարգավաճ Հայաստան» կուսակցության Գորիսի պատասխանատու Ռոբերտ Հակոբյանը՝ նշելով, որ իրենց տարածքային կառույցի խորհրդի որոշումով 3 երիտասարդներ են առաջադրվել Գորիս համայնքի ավագանու թեկնածուներ:
Ապարանի ՀՀԿ գրասենյակն Ապարանի քաղաքապետի թեկնածու, արդեն երկար տարիներ գործող քաղաքապետ, ՀՀԿ անդամ Գոռ Աբրահամյանից պահանջել է իր նախընտրական շտաբը հանել կուսակցության գրասենյակի տարածքից: Աբրահամյանը, որի թեկնածությունն առաջադրել ու սատարում է ՀՀԿ Ապարանի շրջանային կազմակերպությունը, այժմ վարձակալել է հարևանությամբ գտնվող տարածքը: Թե ինչո՞ւ է կուսակցությունը նման պահանջ ներկայացրել Գոռ Աբրահամյանին, ՀՀԿ կազմակերպչական գծով փոխնախագահ Ռուբեն Թադևոսյանը 168.am-ին պարզաբանեց, որ խնդիրը կուսակցության գործունեությունն ապահովելն է:
Կրթության և գիտության նախարար Լևոն Մկրտչյանն ընդունում է, որ իր պաշտոնը քաղաքական է, իսկ ինքը՝ քաղաքական դեմք, սակայն այսօր ԱԺ-ում լրագրողների հետ զրույցում հրաժարվեց պատասխանել քաղաքական հարցերի, մասնավորապես՝ կառավարության սպասվող հրաժարականի մասին:
«Սովորելը պետք է չլինի դժվար, պետք է լինի հետաքրքրիր: Այստեղ քաղաքականությունը պետք է հետաքրքրությունը դնենք, լաբորատորիաներ ձևավորենք, չունենանք սովետական լեկցիաներ գրելու խնդիրները, ուսանողն աշխատատեղից հետ գնա, եթե հասկանա, որ սա չէ իր ուզած մասնագիտությունը, դուրս գա, գնա ուրիշ տեղ: Ուսանող-դասախոս հարաբերությունները պետք է ազնիվ լինեն, ծանոթներով չպետք է քննություն ստանան»,- ասաց Թ.Պողոսյանը:
