Հարկային օրենսգրքի նախագծի շուրջ խորհրդարանական քննարկումները կվերսկսվեն սեպտեմբերին
Հարկային օրենսգրքի նախագծի շուրջ խորհրդարանական քննարկումները կվերսկսվեն սեպտեմբերի սկզբին, իսկ ԱԺ օրակարգ կմտնի հավանաբար երկրորդ քառօրյայի ժամանակ: Այս մասին 168.am-ի հետ զրույցում հայտնեց ԱԺ պատգամավոր Գարեգին Նուշիկյանը՝ նշելով, որ արձակուրդները խանգարեցին ավարտել քննարկումները:
Թե ի՞նչ տեսքով կառավարությունն ԱԺ օրակարգ կներկայացնի բիզնես հանրության խիստ դժգոհությանն ու քննադատությանն արժանացած օրինագիծը, դեռ պարզ չէ:
«Այն քննարկումները, որ տեղի ունեցան, բազմաթիվ փոփոխություններ արդեն համաձայնեցվել են կառավարության հետ, բայց թե ինչ տեսքով կներկայացնեն, չեմ կարող ասել»,- ասաց Գ.Նուշիկյանը:
