Ռուս արևելագետ Վիկտոր Նադեին-Ռաևսկին գտնում է, որ այս այցն Իրան, այնուամենայնիվ, չի կարող դիտարկվել միայն երկկողմ ռազմական համագործակցության պրիզմայով, քանի որ այն տեղի է ունենում երկու երկրների համար աշխարհաքաղաքական առանցքային զարգացումների ու փոփոխությունների փուլում, երբ Հարավային Կովկասում, հատկապես այս փուլում, կա ուժային կենտրոնների մրցակցության, տրանսպորտային միջանցքների շուրջ պայքար և աշխարհաքաղաքական նոր ճարտարապետություն ձևավորելու փորձեր։
Ռուս վերլուծաբան Ալեքսանդր Խրամչիխինը 168.am-ի հետ զրույցում ասաց, որ բանակցային ընթացքն ու ամերիկյան ճնշումների քաղաքականության դիտարկումը ցույց է տալիս, որ ԱՄՆ-ը չի ցանկանում լայնածավալ ռազմական գործընթացի մեջ մտնել, թեև ճնշման քաղաքականությունը շարունակում է:
ՀՀ տարածքում գործող երկաթուղային ենթակառուցվածքի ռուսական կառավարման հարցում Երևան-Մոսկվա տարաձայնություններ են հասունանում։
««Թրամփի խորհուրդը». հետխորհրդային չափում» վերտառությամբ գրառմամբ ռուս վերլուծաբան Սերգեյ Մարկեդոնովը տելեգրամյան իր ալիքում անդրադարձել է Վաշինգտոնում կայացած ԱՄՆ նախագահ Դոնալդ Թրամփի հիմնադրած «Խաղաղության խորհուրդ» միազգային կազմակերպության առաջին նիստին։
Ռուս վերլուծաբան Վիկտոր Նադեին-Ռաևսկին ասաց, որ ներկայումս սա առավելապես քաղաքական ազդակ է, քան համակարգային խաղաղարար մեխանիզմ։ Նրա խոսքով՝ իրական խաղաղարար հարթակ դառնալու համար անհրաժեշտ է ունենալ երկրների լայն ներկայացվածություն, լեգիտիմություն, ձևավորել վստահություն, որ հարթակը չի ծառայում միայն մեկ պետության ռազմավարական շահերին։ Առանց այս բաղադրիչների, ըստ վերլուծաբանի, նախաձեռնությունը կմնա քաղաքական նախագծի մակարդակում։
Ժնևում կայացած ԱՄՆ-Իրան վերջին բանակցությունները հերթական փորձն էին վերակենդանացնել դիվանագիտական գործընթացը, որը տարիներ շարունակ տատանվում է լարվածության և բանակցային փորձերի միջև։ Այս փուլը, թեև պաշտոնապես բնութագրվեց «կառուցողական» և «առաջընթացային», իրականում առավելապես փորձարկում էր կողմերի ռազմավարական համբերությունն ու փոխզիջման պատրաստակամությունը, քան վերջնական համաձայնության հասնելու հնարավորությունը։
ԱՄՆ Նախագահ Դոնալդ Թրամփի «Խաղաղության խորհուրդը» կիրականացնի իր առաջին նիստն այսօր Վաշինգտոնում։ Նիստի ուշադրության կենտրոնում կլինի Գազայի փխրուն հրադադարի հաջորդ փուլը։ Այս մասին գրում է NBC NEWS պարբերականը։
Ռուսաստանի Դաշնությունը կարծես չի ցանկանում ընդունել Նիկոլ Փաշինյանի վերջին՝ հայաստանյան երկաթուղային ցանցը ռուսական վերահսկողությունից դուրս բերելու և երրորդ կողմի հանձնելու մասին առաջարկը: Այս մասին երեկ ամենշաբաթյա ճեպազրույցի ընթացքում ասել է ՌԴ ԱԳՆ պաշտոնական ներկայացուցիչ Մարիա Զախարովան։
Ռուսաստանի Դաշնությունը կարծես չի ցանկանում ընդունել Նիկոլ Փաշինյանի վերջին առաջարկը հայաստանյան երկաթուղային ցանցը ռուսական վերահսկողությունից դուրս բերելու և երրորդ կողմի հանձնելու մասին: Այս մասին այսօր ամենշաբաթյա ճեպազրույցի ընթացքում խոսել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով Նիկոլ Փաշինյանի վերջին հայտարարությանը Հայաստանի երկաթուղային ենթակառուցվածքը Ռուսաստանի կառավարումից դուրս բերելու և երրորդ երկրի վաճառելու մասին:
Ռուս թուրքագետ Վիկտոր Նադեին-Ռաևսկին 168.am-ի հետ զրույցում ասաց, որ որքան էլ տարբեր, սակայն այս երկու բանակցային գործընթացները բազմաթիվ նմանություններ ունեն և պայմանավորված են աշխարհաքաղաքական ներկայիս զարգացումների փուլին բնորոշ միտումներով։
«Կաթողիկոսի գործը» վերտառությամբ տելեգրամյան գրառմամբ ռուս վերլուծաբան Սերգեյ Մարկեդոնովն անդրադարձել է Հայ Առաքելական եկեղեցու շուրջ տեղի ունեցող զարգացումներին և Ամենայն Հայոց կաթողիկոս Գարեգին Երկրորդի դեմ հարուցված քրեական հետապնդմանը։
Ռուսաստանի փոխարտգործնախարար Միխայիլ Գալուզինը հերթական անգամ է անդրադարձել Հայաստանի Հանրապետության շուրջ ստեղծված աշխարհաքաղաքական իրավիճակին: Նա նշել է, որ Արևմուտքում չեն թաքցնում Հայաստանի հետ կապված իրենց ծրագրերը։
Վրացի վերլուծաբան Կախա Գոգոլաշվիլին գտնում է, որ քաղաքագիտական տեսանկյունից ներկայիս գործընթացը կարելի է բնութագրել որպես ուժի ցուցադրության և բանակցության զուգահեռ ռազմավարություն», որտեղ Թրամփ վարչակազմը փորձում է պահել ռազմական էսկալացիայի ռիսկը՝ որպես ճնշման միջոց Իրանի հետ դիվանագիտական լուծման հնարավորության համար։
Մոսկվան և Երևանը բանակցություններ կսկսեն Հայաստանի երկու երկաթուղային հատվածների վերականգնման շուրջ, որոնք կապվում են Ադրբեջանի և Թուրքիայի հետ։ «ТАСС»-ի փոխանցմամբ՝ այս մասին հայտնել է Ռուսաստանի Դաշնության փոխվարչապետ Ալեքսեյ Օվերչուկը։
Այսօր Գերմանիայի երրորդ քաղաքում՝ Մյունխենում, մեկնարկում է Անվտանգության միջազգային 62-րդ համաժողովը Ռուսաստանի ու Արևմուտքի, Իրանի ու ԱՄՆ-ի միջև առճակատման, ինչպես նաև Եվրոպայի և Միացյալ Նահանգների միջև տարաձայնությունների ֆոնին։ Մյունխենի անվտանգության համաժողովը միջազգային անվտանգության քաղաքականության հարցերի շուրջ քննարկումների ամենամեծ ֆորումն է աշխարհում, որն անցկացվում է 1963 թվականից։ Մյունխենի 62-րդ անվտանգության համաժողովը տեղի կունենա փետրվարի 13-15-ը, որին կմասնակցեն 50 պետությունների և կառավարությունների ղեկավարներ, մոտավորապես 100 նախարարներ։
ԱՄՆ փոխնախագահ Ջեյ Դի Վենսի այցը Երևան և Բաքու մեծ ուշադրության է արժանացել հատկապես Մոսկվայում և Թեհրանում։ Հարավային Կովկասում ավանդաբար ազդեցություն ունեցող ռեգիոնալ տերությունները կարծես Հարավային Կովկասում ուժային վերաձևավորման ԱՄՆ ազդանշանը նոր են նկատում, մինչդեռ աշխարհաքաղաքական փոփոխությունների ներկայիս արագ ու ակտիվ փուլում Արևմուտքն արդեն բավականին երկար ժամանակ ինտենսիվ աշխատում է Հարավային Կովկասում, որի տրամաբանական շարունակությունը նաև Թրամփի վարչակազմի ակտիվությունն ու նպատակներն են Հարավային Կովկասում։
Փետրվարի 11-ին ավարտվեց ԱՄՆ փոխնախագահ Ջեյ Դի Վենսի այցը Երևան և Բաքու: Երևանում Վենսը հանդիպեց Նիկոլ Փաշինյանին, ինչպես նաև ստորագրեց «Միջուկային էներգիայի խաղաղ նպատակներով օգտագործման ոլորտում Հայաստանի Հանրապետության Կառավարության և Ամերիկայի Միացյալ Նահանգների կառավարության միջև համագործակցության մասին» համաձայնագրի բանակցությունների ավարտի վերաբերյալ համատեղ հայտարարություն, ապա Փաշինյանի հետ հանդես եկավ քաղաքական ուղերձներով՝ մինչև անգամ ապագա ընտրություններում իր աջակցությունը հայտնելով Փաշինյանին։
«Թեև ԱՄՆ ներգրավվածությունը տարածաշրջանում խորացել է, այն լայնածավալ չէ»,- այս մասին գրում է Միջազգային ճգնաժամային խմբի Հարավային Կովկասի հարցերով ավագ վերլուծաբան Ջոշուա Կուչերան՝ անդրադառնալով ԱՄՆ փոխնախագահ Ջեյ Դի Վենսի այցին ռեգիոն և ԱՄՆ ներգրավվածությանը ռեգիոնում։
«Չենք կարող հստակ ասել, որ էներգետիկ նման համագործակցությունը երբեք չի ազդի ամբողջ տարածաշրջանի շահերի վրա»,- այս մասին ամենշաբաթյա ճեպազրույցի ընթացքում ասաց ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով հարցին, թե ինչու է ՌԴ-ն առաջարկում մասնակցել ԹՐԻՓՓ-ին, երբ ՀՀ-ն հայտարարում է, թե նման հարց չի դիտարկվում, և ինչու է առաջարկում էներգետիկ համագործակցություն, երբ ՀՀ-ն նոր պայմանավորվածություններ է ձեռք բերել ԱՄՆ-ի հետ։
«Հայաստանն ազատ է համագործակցել այն գործընկերների հետ, որոնց անհրաժեշտ է համարում։ Այնուամենայնիվ, ամերիկյան տեխնոլոգիայի ընտրությունը հարցեր է առաջացնում, նաև՝ Վաշինգտոնի կողմից առաջարկվող փոքր ատոմակայանները»,- այս մասին այսօր ավանդական ճեպազրույցի ընթացքում ասաց ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով ՀՀ-ԱՄՆ էներգետիկ համագործակցությանն ու Հայաստանում ամերիկյան փոքր մոդուլային միջուկային ռեակտորներ կառուցելու պայմանավորվածությանը։
«ԱՄՆ փոխնախագահի կովկասյան շրջագայության երկրորդ մասը» վերտառությամբ տելեգրամյան գրառմամբ ռուս վերլուծաբան Սերգեյ Մարկեդոնովն անդրադարձել է ԱՄՆ փոխնախագահ Ջեյ Դի Վենսի այցին Ադրբեջան:
Ամերիկացի դեմոկրատ քաղաքական գործիչ, Ներկայացուցիչների պալատի նախկին խոսնակ Նենսի Փելոսին իր X-ի էջում անդրադարձել է ԱՄՆ փոխնախագահ Ջեյ Դի Վենսի այցին Ծիծեռնակաբերդի հուշահամալիր ու այդ այցի մասին սոցցանցում արված գրառումը հեռացնելու աղմկոտ իրադարձությանը։
«ԱՄՆ փոխնախագահի կովկասյան շրջագայության Մարլեզոնային բալետի առաջին մասը» վերտառությամբ տելեգրամյան գրառմամբ ռուս վերլուծաբան Սերգեյ Մարկեդոնովն անդրադարձել է ԱՄՆ փոխնախագահ Ջեյմս Դեյվիդ Վենսի՝ ՀՀ կատարած այցին։
ԱՄՆ փոխնախագահ Ջեյմս Դեյվիդ Վենսը Հայաստանի Հանրապետությունից Ադրբեջան մեկնելիս «Զվարթնոց» օդանավակայանում կարճ ճեպազրույց տվեց մի քանի լրագրողների։ Անդրադառնալով ՀՀ-ում ամերիկյան ներդրումների մասին հարցին և մասնավորապես դիտարկմանը, որ նախօրեին ՀՀ նախագահական նստավայրում իր խոսքը 5 և 4 միլիարդ դոլարի մասին սխալ է մեկնաբանվել, Ջեյ Դի Վենսն ասաց, որ երեկ ստորագրել են մի քանի փաստաթղթեր, բայց նաև հանդիպումների ժամանակ աշխատում են մեծ ներդրումների վրա, որոնք կգան Հայաստան՝ «նախագահ Թրամփի և վարչապետ Փաշինյանի միջև կնքված լավ գործարքների շնորհիվ»։
ԱՄՆ փոխնախագահ Ջեյմս Դեյվիդ Վենսը Հայաստանից մեկնելիս կարճ ճեպազրույց ունեցավ լրագրողների հետ։ Անդրադառնալով Բաքվում պահվող հայ գերիների, նրանց ազատ արձակման վերաբերյալ հարցին՝ Վենսն առանց որևէ հստակության ասաց, որ ԱՄՆ-ն արդեն խոսել է գերիների թեմայից։
Իրանի շուրջ ծավալվող իրադարձությունների, ռեգիոնալ զարգացումների ու հայ-իրանական հարաբերությունների մասին 168.am-ը հարցեր է ուղղել իրանցի միջազգայնագետ Էհսան Մոհավեդիանին:
Միացյալ Նահանգների փոխնախագահ Ջեյ Դի Վենսը Միլանում ձմեռային Օլիմպիական խաղերի բացմանը մասնակցելուց հետո կժամանի Հայաստան և Ադրբեջան։ Օրերս այս մասին հայտնեց Associated Press գործակալությունը։ Ժամեր առաջ Ձմեռային Օլիմպիական խաղերի բացման արարողությանը փոխնախագահ Վենսը գլխավորեց ԱՄՆ պատվիրակությունը, որի կազմում են նրա կինը՝ Ուշա Վենսը, պետքարտուղար Մարկո Ռուբիոն և Իտալիայում ԱՄՆ դեսպան Թիլման Ֆերտիտտան։
«Ռուսաստան-Հայաստան․ օպտիմալ հաղորդակցության մոդելի որոնում» վերտառությամբ թելեգրամյան գրառմամբ ռուս քաղաքական վերլուծաբան Սերգեյ Մարկեդոնովն անդրադարձել է ՀՀ ԱԺ նախագահ Ալեն Սիմոնյանի փետրվարի 5-ին Մոսկվա կատարած պաշտոնական այցին։
Փետրվարի 5-6-ին ՀՀ ԱԺ խոսնակ Ալեն Սիմոնյանը պաշտոնական այցով Ռուսաստանի Դաշնությունում էր, որտեղ հանդիպում ունեցավ՝ ինչպես իր ռուս պաշտոնակից, ՌԴ Դաշնային խորհրդի նախագահ Վալենտինա Մատվիենկոյի, այնպես էլ՝ ՌԴ ԱԳ նախարար Սերգեյ Լավրովի հետ:
ՌԴ փոխվարչապետ Ալեքսեյ Օվերչուկը հերթական անգամ անդրադարձել է ՀՀ իշխանությունների եվրոպական ձգտումներին։ Նա նշել է, որ ԵՄ-ին հնարավոր անդամակցելու որոշումը հայ ժողովրդի ընտրությունն է, բայց Երևանը պետք է հաշվի առնի Եվրոպական Միության փոփոխվող բնույթը, որը տնտեսական միությունից վերածվում է ռազմաքաղաքականի։
