ԵՄ-ն այստեղ է՝ աջակցելու ՀՀ-ին հիբրիդային սպառնալիքների դեմ պայքարում. Մարթա Կոսը՝ Երևանում
«Մենք կաջակցենք Հայաստանին հիբրիդային սպառնալիքների դեմ պայքարում»,- այս մասին այսօր Երևանում ՀՀ փոխվարչապետ Մհեր Գրիգորյանի հետ համատեղ հայտարարությունների ընթացքում ասաց աշխատանքային այցով Երևանում գտնվող ԵՄ ընդլայնման հարցերով հանձնակատար Մարթա Կոսը:
Նրա խոսքով՝ այս տարին կարևոր է ոչ միայն այն տեսանկյունից, որ Երևանում մայիսին կայանալու է Եվրոպական քաղաքական համայնքի, ինչպես նաև ՀՀ-ԵՄ գագաթնաժողովը, այլև՝ հայկական ժողովրդավարության համար:
«Հունիսին Հայաստանում կկայանան ընտրություններ, Եվրոպայի տարբեր երկրներում մենք ամեն օր տեսնում ենք, թե ինչպես են չարամիտ դերակատարներ փորձում խաթարել ժողովրդավարական գործընթացները կիբերհարձակումների, ապատեղեկատվության և այլ միջամտությունների միջոցով:
Եվրոպան այստեղ է՝ աջակցելու համար, մենք կաջակցենք հիբրիդային սպառնալիքների ու ապատեղեկատվության դեմ պայքարում, որպեսզի հայերը, Հայաստանի քաղաքացիները կարողանան ազատ և արդար պայմաններում քվեարկել և ինքնուրույն որոշել իրենց երկրի ապագան»,- ասաց Մարթա Կոսը:
Մանրամասները՝ 168TV-ի տեսանյութում:
