Այս նոր Սահմանադրությունը խորացնելու է ժողովրդավարությունը մեր երկրում ու շատ ավելի նոր գործիքներ է ներդնելու, որով ընդդիմությունը կուժեղանա և իր վերահսկողական գործառույթները կուժեղացնի: Այս կարծիքին է ԱԺ ՀՀԿ խմբակցության պատգամավոր Կարինե Աճեմյանը, ով այսօր լրագրողների հետ հանդիպման ժամանակ հայտարարեց, որ արդեն իսկ սկսվում է սահմանադրական բարեփոխումներին «այո» ասող ճակատի քարոզարշավը, և իրենք ամեն ինչ անելու են, որպեսզի ամբողջ երկրում սահմանադրական բարեփոխումների նկատմամբ որևէ անտարբեր մարդ չմնա:
«Ես այստեղ եմ եկել մեկ կարևոր նպատակով. շատ է խոսվում մամուլում և կարծես իշխանական քարոզչամեքենայի գլխավոր պրոպագանդիստական մեխն այն է, որ փորձում են ներկայացնել ժողովրդին, իբր չկա որևէ միասնականություն ընդդիմության մեջ, ու ընդդիմությունը ոչինչ չի կարող անել. սա բացարձակ կեղծիք է»,- այսօր այս մասին հայտարարեց ԱԺ ՀԱԿ խմբակցության ղեկավար Լևոն Զուրաբյանը՝ «Նոր Հայաստան» հանրային փրկության ճակատի հրավիրած հանդիպման ժամանակ:
«Չունենք այլ ճանապարհ, քան միասնական պայքարն է»,- այս մասին այսօր հայտարարեց «Ժառանգություն» կուսակցության փոխնախագահ Արմեն Մարտիրոսյանը՝ խոսելով սահմանադրական բարեփոխումների դեմ ծավալվող պայքարի մասին: Ինչպես արդեն տեղեկացրել էինք, այսօր սահմանադրական բարեփոխումների դեմ պայքարող «Նոր Հայաստան» հանրային փրկության ճակատի Քաղաքական խորհրդի անդամները ներկայացրեցին իրենց ծրագիրը:
Քիչ առաջ մեկնարկեց «Նոր Հայաստան» նախաձեռնության համաժողովը: Նախաձեռնության շտաբի ղեկավար Ժիրայր Սէֆիլյանը հայտարարեց, որ իրենք պատրաստվում են իշխանափոխություն իրականացնել դեկտեմբերի 1-ին: Նա չմանրամասնեց, թե ինչ միջոցներով են հասնելու իշխանափոխության, սակայն իշխանություններին երկու ճանապարհ հուշեց՝ հեռանալ խաղաղ ճանապարհով, կամ՝ ժողովրդի կողմից բռնությամբ: «Այս անգամ մենք սովորականի նման չենք գնալու Ազատության հրապարակ ու գնանք տուն: Այդ օրն իշխանափոխություն ենք անելու»,- ասաց Ժ. Սէֆիլյանը:
«Մենք պետք է հասկանանք, թե ինչ ենք փոխում, ինչու ենք փոխում, արդյո՞ք դրա ժամանակն է: Որպեսզի իմանանք՝ ինչպես անել, պետք է իմանանք, թե ինչ ենք ցանկանում»,- այսօր լրագրողների հետ հանդիպման ժամանակ խոսելով սահմանադրական բարեփոխումների գործընթացի մասին՝ ասաց ԱԺ ՀՀԿ խմբակցության պատգամավոր Մկրտիչ Մինասյանը:
«Կա հասկանալու խնդիր՝ ո՞ւր են տանում, որտե՞ղ են ուզում գցեն ժողովրդին, որովհետև ամեն դեպքում ինչ-որ պրոցես տանում են, իսկ մենք բոլորս էլ գիտենք, որ այս կառավարությունը և իշխանությունը երբեք որևէ մեկի օգտին բան չեն արել: Այդ պատճառով էլ այս պահին փողոցում չենք, որպեսզի փողոցային պայքարում ու մեր պահանջներում ինքնանպատակ որևէ բան չլինի, հասկանանք՝ ինչի դեմ ենք պայքարում, որտեղ ենք պայքարում, ինչ կերպ ենք պայքարում»,- նշեց Մ. Սարգսյանը՝ տեղեկացնելով, որ հիմա իրենք մասնագետների հետ են քննարկումներ, հանդիպումներ անցկացնում:
«ՀՀԿ-ն իր գործընթացն է տանում, մենք արդեն հանդիպումեր ունեցել ենք բնակչության որոշ հատվածի հետ, նրանք կիսում են մեր կարծիքը «այո»-ի առումով
Այն խոսում է նաև մեր երկրի բարձր դիրքի մասին Եվրասիական տնտեսական միության մեջ, և նման պաշտոնը հատկապես անցման շրջանում Հայաստանին հանձնելը և նման բարձր կարգի տնտեսագետի, ինչպիսին Տիգրան Սարգսյանն է, կարծում եմ՝ խոսում է մեր ամուր դիրքերի մասին Եվրասիական տնտեսական միության մեջ:
«Մի հարցադրում ունեմ, դեկտեմբերի 7-ին՝ հանրաքվեից հետո, ինչո՞ւ չկա որևէ ուժ, որն իր վրա պատասխանատվություն է վերցնում մարդկանց հուսախաբ անելու, անիմաստ տեղը հարվածի տակ դնելու, հրապարակներ կանչելու և այլնի համար»,- այսօր հրավիրված ասուլիսի ժամանակ հայտարարեց Քաղաքացիական պայմանագիր կուսակցության վարչության անդամ Ալեն Սիմոնյանը՝ պարզաբանելով, թե ինչո՞ւ իրենք չեն միանում սահմանադրական բարեփոխումների դեմ պայքարող «Ո՛չ»-ի ճակատին: Ա. Սիմոնյանի փոխանցմամբ՝ իրենց համար սահմանադրական բարեփոխումների գործընթացը կեղծ օրակարգ է:
ԱԺ ՀՀԿ խմբակցության անդամ Լևոն Մարտիրոսյանն ուրախ է, որ նախկին վարչապետ Տիգրան Սարգսյանի թեկնածությունը Եվրասիական տնտեսական հանձնաժողովի նախագահի պաշտոնում ընդհանուր հավանության է արժանացել ԵՏՄ-ում: Այսօր լրագրողների հետ հանդիպման ժամանակ խոսելով Տ. Սարգսյանի նոր նշանակման մասին՝ Լ. Մարտիրոսյանը վստահություն հայտնեց, որ նախկին վարչապետն այդ պաշտոնում լավագույնս կարող է աշխատել: Նա նաև վստահ է, որ մենք լավ թեկնածու ենք ներկայացրել այդ պաշտոնում:
«Ես «այո» եմ ասել տեքստին, բայց ինքս մինչև հիմա չունեմ պատասխան՝ ինչ եմ ես քվեարկելու, քանի որ դեռ ունեմ այն կասկածները, թե այն ուժը, որը նախաձեռնել է այս բարեփոխումները՝ անելո՞ւ է դրանք, թե՞ ոչ: Հուսով եմ, որ մենք մինչև դեկտեմբերի 6-ը կտեսնենք այնպիսի քայլեր, որոնք կհամոզեն մեզ: Օրինակ, ես երկու նախաձեռնություն ունեմ, տեսնեմ՝ այս ուրբաթ օրն ինչպես են քվեարկելու»:
«Եթե օրենքը թույլ է տալիս, ինչո՞ւ՝ ոչ, ես ողջունում եմ: Աստված տա, որ աշխարհի ցանկացած հայ հասկանա, որ կարող է գալ Հայաստան ու օրենքի շրջանակներում իր երազանքներն իրականացնել»:
«Բոլորն ասում են, որ այս գործընթացի հիմնական ասելիքն այն է, որ Սերժ Սարգսյանը սրանով կվերարտադրվի, բայց Սերժ Սարգսյանը կարող է նաև վերարտադրվել, եթե չփոխվի գործող Սահմանադրությունը: Այն պնդումներ, որ սա կարելի է վերածել իշխանության անվստահության հանրաքվեի՝ մեզ համար նույնպես անընդունելի է, որովհետև մեզ համար կարևոր է ոչ միայն՝ իշխանության, այլև՝ ընդդիմության լեգիտիմությունը»:
Հարցին՝ ինչքանո՞վ եք հավանական համարում Թուրքիայի միջամտությունն այս վճռում, թուրքագետն այսպես պատասխանեց. «Չի բացառվում, որովհետև նրանք միշտ էլ կաշառքի քայլեր արել, են բայց չեմ ուզում ՄԻԵԴ-ին կաշառք վերցնելու մեջ մեղադրել»:
«Աբսուրդի հավասար հայտարարություն եմ դա համարում»,- 168.am-ի հետ զրույցում խոսելով Հայ ազգային կոնգրեսի (ՀԱԿ) այսօր տարածած հայտարարության մասին, թե՝ «սահմանադրական հանրաքվեի սկսված գործընթացը կմնա ապօրինի, և նրա արդյունքներն այս գլխից՝ անվավեր, քանի դեռ Գագիկ Հարությունյանը հրաժարական չի տվել Սահմանադրական դատարանի նախագահի պաշտոնից»՝ ասաց ԱԺ ՀՀԿ խմբակցության ղեկավար Վահրամ Բաղդասարյանը:
Հարցին՝ ինքնագլո՞ւխ են կաշառք բաժանում, Լ. Ալեքսանյանն այսպես պատասխանեց. «Իշխանություններն ասում են, թե հնարավորություն ունես ընտրվելու՝ ընտրվի: Իշխանությունները երբեք որևէ մեկին չեն ասում՝ գնա փող տուր՝ ընտրվի»:
«Եթե մարդն ասում է՝ «ես չեմ ուզում՝ փոփոխվի, քանի որ իշխանություններն են առաջարկում», ես համարում եմ ոչ ճիշտ ու հիմնավորումից դուրս, որովհետև ամեն պահի էլ այդ փոփոխությունների նախագծով պետք է հանդես գան տվյալ պահի իշխանությունները: Այսքան դրական փոփոխություններն ինչո՞վ են արժանանում մեր հասարակության այն հատվածի առարկությանը, որոնց ես գիտակից եմ համարում: Կյանքը ցույց է տվել, որ իշխանափոխությունը ոչ թե՝ անձի, այլ՝ համակարգի խնդիր է»:
Հարցին էլ՝ կարծում եք՝ Ա. Աբրահամյանը Ռուսաստանի՞, թե՞ Ս. Սարգսյանի դաբրոն է ստացել Հայաստանի քաղաքական դաշտ մտնելու համար, Ա. Արշակյանն այսպես պատասխանեց. «Ես չեմ կասկածում, որ Հայաստանում որևէ մի լուրջ իշխանության հավակնող Ռուսաստանի կողմից դաբրո չի ստանում, այլապես նրանք կհալածվեին: Ռուսաստանը շատ խանդոտ է, Հայաստանը համարում է իր ազդեցության գոտին»:
Մեր հարցին, թե այն, որ պայմանավորվածություն է ձեռք բերվել նախագահի հետ, արդյոք արդեն չի՞ նշանակում, որ այդ կուսակցությունն ավելի շատ իշխանական դաշտում է գործելու, ոչ թե ընդդիմադիր, Ա. Կարապետյանն այսպես պատասխանեց. «Ճիշտ եք, տրամաբանությամբ այդպես է, բայց պայմանավորվածությունները երևի ավելի վաղ են ձեռք բերվել, իսկ դրանից հետո Սերժ Սարգսյանն իր ուղերձում ցույց է տալիս, որ, մեղմ ասած, չենք սպասում քեզ այստեղ: Քանի որ նման հակասություններ կան, մի քիչ դժվար է հիմա պատկերացնել՝ որն է ճիշտը»:
«Գովելի է, որ Արա Աբրահամյանը հստակ ասում է, թե որ դաշտում է լինելու, ընդդիմություն չի լինելու»,- 168.am-ի հետ զրույցում, խոսելով այսօր Ռուսաստանի հայերի միության նախագահ Արա Աբրահամյանի այն հայտարարության մասին, որ պատրաստվում է կուսակցություն հիմնել ու մասնակցել 2017 թվականի խորհրդարանական ընտրություններին, նման տեսակետ հայտնեց «Ժառանգություն» կուսակցության փոխնախագահ Արմեն Մարտիրոսյանը:
«Ներկայումս կարելի է գնահատել, որ աստիճանաբար ընկղմվում ենք քաղաքական դեբատների փուլ. և՛ կողմ, և՛ դեմ արտահայտվողները հնարավորություն ունեն իրենց կարծիքները հայտնել ու նախապատրաստել ժողովրդին հանրաքվեին»,- այսօր լրագրողների հետ հանդիպման ժամանակ խոսելով սահմանադրական բարեփոխումների գործընթացի մասին՝ նման տեսակետ հայտնեց ԱԺ ՀՀԿ խմբակցության պատգամավոր Խոսրով Հարությունյանը:
168.am-ի հարցին՝ որքանո՞վ է դա իրատեսական, և արդյո՞ք դա իշխանություններին մտահոգվելու առիթ չի տալիս, Խ. Հարությունյանն այսպես պատասխանեց. «Իրատեսական չեմ համարում, մտահոգիչ չէ: Եթե մտահոգիչ է, ուրեմն՝ այդ քաղաքական գործիչների համար, որոնք տապալում են իրենց քաղաքական ապագան: Րաֆֆի Հովհաննիսյանն ուներ իդեալական հնարավորություններ՝ նախագահական ընտրություններից ուղղակի ստանձնել կառուցողական, ինստիտուցիոնալ առումով կենսունակ ընդդիմության լիդերի դերակատարումը, նա հրաժարվեց այդ հնարավորությունից, նա փոշիացրեց ողջ քաղաքական կապիտալը, որն ուներ»:
«Հասարակության մոբիլիզացիայի համար սահմանադրական փոփոխությունների խնդիրը շատ քիչ է, և մեր երկու փորձերը` 1995 և 2005 թվականներին, ցույց տվեցին, որ հասարակությունն ամենևին չի մասնակցում այդ գործընթացին, հետևաբար` այն բոլոր քաղաքական ուժերը, որոնք փոփոխություններին դեմ են, պետք է օրակարգում մեկ այլ խնդիր էլ մտցնեն` այդ պրոցեսը գլխավորելու համար»:
«Տարածաշրջանային բալանսն աշխատում է ոչ մեր օգտին, ու այս պարագայում՝ սահմանադրական բարեփոխումները կարող են անցնել, կամ՝ ոչ, իշխանությունը կարող է բազմիցս վերարտադրվել, բայց ակնհայտ է՝ ինչ է կատարվում մեր ներքաղաքական կյանքում»,- այսօր լրագրողների հետ հանդիպման ժամանակ նման տեսակետ հայտնեց «Ազատ դեմոկրատներ» կուսակցության փոխնախագահ Անուշ Սեդրակյանը:
«Մի դրական կողմ կա այստեղ, որ մեզ անվերջ համոզում են, թե մեր սահմանը հուսալիորեն պահպանված է ՀԱՊԿ-ի պայմանագրով և ռուսական զորքերով, պարզվեց որ ցանկացած նման գործողության դեպքում, ոչ մի արձագանք չի լինում»,- այսօր լրագրողների հետ հանդիպման ժամանակ խոսելով օրերս թուրքական ուղղաթիռի հայկական սահմանը հատելու մասին՝ ասաց «Ազատ դեմոկրատներ» կուսակցության փոխնախագահ Անուշ Սեդրակյանը՝ հավելելով, թե ՀԱՊԿ-ի կողմից գոնե դիվանագիտական արձագանք պետք է լիներ:
«Երբ մենք նայում ենք, թե ովքեր են մտել այդ միավորման մեջ, տեսնում ենք, որ այնտեղ հայտնվել են կառույցներ, որոնք նախորդ ժամանակաշրջաններում ուղղակի պարտվել են: Ու եթե նրանք պարտվել են նախորդ անգամները, ապա ինչո՞ւ հիմա պետք է հաջողության հասնեն, առավել ևս, որ ռեսուրսների տեսանկյունից՝ նրանք այնքան էլ հարուստ չեն»,- 168.am-ի հետ զրույցում խոսելով «Նոր Հայաստան» հանրային փրկության ճակատի մասին՝ ասաց քաղաքական և ընտրական տեխնոլոգիաների փորձագետ Արմեն Բադալյանը:
Քաղաքագիտորեն ճիշտ էր, որ օրակարգում դրվեր իշխանության փոփոխության խնդիր, բայց այլ հարց է, որ այս նպատակի շուրջ միավորվել են այնպիսի քաղաքական ուժեր, որոնք դժվար թե կարողանան շատ մեծ հանրային աջակցության ապավինել: Այս կարծիքին է Միջազգային և անվտանգության հարցերի հայկական ինստիտուտի ղեկավար Ստեփան Սաֆարյանը, ով 168.am-ի հետ զրույցում խոսելով այսօր ձևավորված «Նոր Հայաստան» հանրային փրկության շտաբի որդեգրած ռազմավարության իրատեսականության մասին՝ ասաց, որ ինքը թերահավատ է, որ ճակատին կհաջողվի իշխանափոխություն իրականացնել:
«Ես կարծում եմ, որ այդ ուժերը հիմա, այս պահին չունեն այն ռեսուրսը, որ կարողանան իշխանափոխություն անել»,- 168.am-ի հետ զրույցում խոսելով «Նոր Հայաստան» հանրային փրկության ճակատի այն հայտարարության մասին, թե իրենք պատրաստվում են սահմանադրական բարեփոխումների հանրաքվեն տապալել արտահերթ խորհրդարանական և նախագահական ընտրությունների միջոցով, ասաց «Քաղաքական և միջազգային հարաբերությունների հայկական կենտրոնի» տնօրեն, քաղաքական վերլուծաբան Աղասի Ենոքյանը:
Քիչ առաջ մեկնարկեց «Նոր Հայաստան» նախաձեռնության ասուլիսը: Թեև նախապես հայտարարվել էր, որ ասուլիսին մասնակցելու է նաև նախաձեռնության հիմնադիր Րաֆֆի Հովհաննիսյանը, սակայն Արմեն Մարտիրոսյանը տեղեկացրեց, որ Ր. Հովհաննիսյանը երկու օր առաջ մեկնել է Հանրապետությունից՝ ինչ-ինչ ընտանեկան խնդիրների պատճառով:
Տնտեսագետը նկատեց, որ 2016 թվականի բյուջեի դեֆիցիտն է շատ բարձր այս տարվա համեմատ. «Նրանից, որ մենք մուտքեր չենք ապահովելու, ստիպված ծախսեր պետք է արվեն, արդյունքում՝ դեֆիցիտն է մեծանում»: Տնտեսագետի խոսքով՝ այդ բյուջեի նախագծում 400 միլիոն դոլարի դեֆիցիտ է նախատեսված:
