Քիչ առաջ Ազատության հրապարակում «Նոր Հայաստան» փրկության ճակատի ներկայացուցիչները թղթե վրաններ «տեղադրեցին»՝ այդպիսով իրենց բողոքն արտահայտելով ոստիկանությանը, որոնք թույլ չեն տալիս իրենց իսկական վրաններ տեղադրել այնտեղ:
Մեզ հետ զրույցում Վալերի Օսիպյանն ասաց, որ մին9և ակցիայի վերջը թույլ կտան փայտը մնա Ազատության հրապարակում: Ցուցարարները պարզաբանում են իրենց քայլը նրանով, որ ուզում են թեյ պատրաստեl մարդկանց համար, քանի որ եղանակը ցուրտ է:
«ԿԳԲ-ի գործակալ են բոլոր նրանք, ովքեր փորձում են ԱԻՄ-ի ձայնը լսելի չդարձնել»,- 168.am-ի հետ զրույցում՝ խոսելով օրերս «Նոր Հայաստան» հանրային փրկության ճակատի հասցեին հնչեցրած իր խիստ քննադատությունների մասին՝ ասաց ԱԻՄ առաջնորդ Պարույր Հայրիկյանը:
Քիչ առաջ ՀԱԿ ղեկավար Լևոն Զուրաբյանի և Երևանի փոխոստիկանապետ Վալերի Օսիպյանի պայմանավորվածության համաձայն՝ ոստիկանությունը բացեց պատնեշը ու ցուցարարները մոտեցան Կենտրոնական ընտրական հանձնաժողովի շենքին: Մոտենալով շենքին՝ ցուցարարները սկսեցին գոչել՝ «անվավեր», «Մուկուչյանը՝ հանցագործ», «Սերժիկ կեղծարար»:
Քիչ առաջ ՀԱԿ-ի և «Նոր Հայաստանի»՝ մարդու իրավուքների միջազգային օրվան նվիրված երթը հասավ Կենտրոնական ընտրական հանձնաժողովի շենքի մոտ: ՀԱԿ ղեկավար Լևոն Զուրաբյանն ու Երևանի փոխոստիկանապետ Վալերի Օսիպյանը իրար ականջի շշուկով զրուցում էին, հետո Լ. Զուրաբյանն ասաց, որ բանակցում էին և համաձայանության եկան, որ ցուցարարները մի քիչ մոտենան ԿԸՀ-ի շենքին, այնտեղ անցկացնեն իրենց ակցիան:
Քիչ առաջ Երևանի փոխոստիկանապետ Վալերի Օսիպյանը «Ազատություն ռադիոկայանի» հետ զրույցում հայտնել է, որ Ազատության հրապարակից բերման են ենթարկվել 2 քաղաքացի: Վ. Օսիպյանը տեղեկացրել է, որ քաղաքացիները բերման են ենթարկվել վրան տեղադրելու փորձի համար, քանի որ քաղաքապետարանը թույլ չի տվել Ազատության հրապարկում վրաններ տեղադրել:
Քիչ առաջ մեկնարկեց ՀԱԿ-ի և «Նոր Հայաստանի» երթը Ազատության հրապարակից՝ նվիրված մարդու իրավունքների պաշտպանության միջազգային օրվան: Մինչ երթը ՀԱԿ խմբակցության ղեկավար Լևոն Զուրաբյանը հայտարարեց «Ազնվության բանակի» ստեղծման մասին, ու կոչ արեց բոլոր ազնիվ քաղաքացիական նախաձեռնություններին ու քաղաքական ուժերին միանալ իրենց.
«Այն, ինչ տեսել եք ամսի 6-ին, հիմա է կատարվում, փորձում են իրենց կեղտը լվալ, մաքրել»,- քիչ առաջ Ազատության հրապարակում այս մասին հայտարարեց ԱԺ ՀԱԿ խմբակցության պատգամավոր Արամ Մանուկյանը:
Քիչ առաջ ոստիկանները Ազատության հրապարակից բերման ենթարկեցին երեք քաղաքացիների: Այս պահին Ազատության հրապարակում շարունակվում է ՀԱԿ-ի և «Նոր Հայաստանի» հանրահավաքը՝ նվիրված մարդու իրավունքների միջազգային օրվան:
Ցանկացած ընտրության կամ հանրաքվեի պրոցեսում արձանագրվում է այն իրավիճակը, որ գոյություն ունի փողոցում: Այս կարծիքին է քաղաքական տեխնոլոգ Վիգեն Հակոբյանը, որն այսօր լրագրողների հետ հանդիպման ժամանակ նշեց, թե այն, ինչ արձանագրվեց դե յուրե «այո»-ի տեսքով՝ արտացոլում է այն վիճակը, որ դրսում չկար մեծ, զանգվածային ճնշում իշխանության վրա, և «իշխանությունն իրեն շատ ապահով էր զգում»
Հարցին՝ եթե «ոչ»-ի դաշտն ավելի միասնական լիներ, հնարավո՞ր է՝ այլ պատկեր ունենայինք, Ա. Բադալյանն այսպես արձագանքեց. ««Ոչ»-ի դաշտում աշխատող ուժերը միասնական էին, ստրատեգիական առումով նրանք միասնական էին, շատ տեղամասերում նրանք համատեղ պահել են այդ «ոչ»-ը»:
«Ընդդիմությունը բացարաձակապես ոչ մի բացթողում չի ունեցել, ամեն ինչ արել է շատ ճիշտ, դրա համար էլ փայլուն հաջողություն էր արձանագրել թվերի տեսքով»,- այսօր լրագրողների հետ հանդիպման ժամանակ նման տեսակետ հայտնեց քաղաքական վերլուծաբան Արմեն Բաղդասարյանը՝ խոսելով սահմանադական բարեփոխումների հանրաքվեի մասին:
«Շատ նորմալ գնահատական է տրված»,- 168.am-ի հետ զրույցում խոսելով ՀՀ-ում ԱՄՆ դեսպանատան՝ սահմանադրական բարեոխումների հանրաքվեի վերաներյալ տված գնահատականի մասին՝ նման տեսակետ հայտնեց ԱԺ ՀՀԿ խմբակցության ղեկավար Վահրամ Բաղդասրյանը:
«Բոլոր ընտրախախտումների հետ կապված հստակ կա որոշում և հստակ կա քայլերի հաջորդականություն, առաջին հերթին՝ կան հարուցված քրեական գործեր, կան վերահաշվարկի դիմումներ ու կարտարվում են վրահաշվարկներ»,- այսօր Ազգային ժողովում լրագրողների հետ զրույցի ժամանակ այս մասին ասաց ՀՀ Արդարադատության նախարար Արփինե Հովհաննիսյանը՝ խոսելով սահմանդրական բարեփոխումների հանրաքվեի ընտրախախտումների մասին:
Ս. Օհանյանի խոսքով՝ կրակոցները դիպուկ չեն եղել, բայց սա հակառակորդի կողմից իրավիճակի ապակայունացնող քաղաքականության արդյունք է։ ՊՆ նախարարի կարծիքով՝ դա կարող է հետևանք լինել տարբեր քաղաքական իրադարձությունների՝ նախագահների նախապատրաստվող հանդիպում, Մերձավոր Արևելքում տիրող իրավիճակ, և այլն: «Հայկական ստորաբաժանումների հրամանատարների և նրանց ենթակաների անձնուրաց գործողությունների շնորհիվ կանխարգելիչ միջոցառումներ են ձեռնարկվում, իրավիճակը վերահսկվում է:
«Լավ կլիներ, որ Րաֆֆին որպես քաղաքական գործիչ այլ բաներով զբաղվեր… Յուրաքանչյուր ոք կարող է հրաժարական պահանջել, ես չեմ կարող հրաժարվել հայրենիքին ծառայելուց»,- ասել է նա:
«Նախկինում եղած ընտրությունների հետ համեմատականներ անցկացնելով` այս անգամ մասսայական խախտման դեպքեր չեն եղել: Մենք որևէ մեկին համոզելու խնդիր չունենք: Քայլ առ քայլ ընտրությունները մեր երկրում կատարվում են ավելի թափանցիկ և ավելի օրինական: Տարիների ընթացքում այն խախտումների տեսակները, որոնք եղել են 10-15 տարի առաջ, այսօր բացարձակ անցել են պատմության գիրկը, օրինակ` լույսերը հանգցնելը, տուփերը գողանալը, ընտրատեղամասերի մոտ աղմուկները: Դուք ասում եք` լցոնում եք արել, որը փաստ չէ: Փաստն այն է, որն արձանագրվել է»:
Այսօր Ազգային ժողովում 97 կողմ, 12 դեմ, 3 ձեռնպահ ձայների հարաբերակցությամբ ընդունվեց ՀՀ 2016 թվականի բուջեի մասին օրենքը:
Խոսելով «Նոր Հայաստան» հանրային փրկության ճակատի՝ Ազատության հրապարակում սկսած գործընթացի մասին՝ Մ. Բադեյանը նշեց, որ նրանք հաջողության չեն հասնելու. «Հանրաքվեն ցույց տվեց, թե իրականում ժողովուրդն ում կողմնակիցն է, բայց եթե ուզում են շարունակել, ապա դա նրանց սահմանադրական իրավունքն է: Իմ գնահատմամբ՝ որևէ հաջողության չեն կարող հասնել, որովհետև հանրության մեջ հենարան չունեն»:
Նա աղջկա հետ եկավ ԱԺ նիստների դահլիճ, ու մեզ հետ զրույցում պարզաբանեց, որ աղջկան տարել է իր աշխատասենյակ, սակայն փոքրիկն այսպես է արձագանքել. «Ասում է՝ բայց սա քո տեղը չէ, ասում եմ՝ ո՞նց իմ տեղը չէ, ասում է՝ բա, այստեղ ո՞նց են ասում՝ անջատեք խոսափողը»:
Հարցին՝ համաձա՞յն եք Ձեր խմբակցության անդամ Վարդան Օսկանյանի այն դիտարկման հետ, թե տեղի է ունեցել պետական հանցագործություն, Ս. Մարգարյանն ասաց, որ չի կարող նման բան ասել, քանի որ չունի փաստեր:
Լրագրողներից մեկի դիտարկմանը, թե ընտրախախտումները ցույց տվեցին, որ ՀՀԿ-ին «արջի ծառայություններ» մատուցողներ կան, ԱԺ նախագահը պատասխանեց, որ այլ քաղաքական ուժերին ևս մատուցվել են «արջի ծառայություններ»:
Հարցին, թե՝ համաձա՞յն եք Լևոն Զուրաբյանի այն դիտարկման հետ, որ կես միլիոն ձայն է կեղծվել հանրաքվեի ժամանակ, Լ. Սարգսյանն այսպես պատասխանեց. «Պետք է ամեն ինչ փաստարկված ներկայացվի, եթե այդպես ներկայացվի, ապա մեր կուսակցությունը համապատասխան քայլեր կձեռնարկի»:
Այսօր Ազգային ժողովում լրագրողների հետ զրույցի ժամանակ լրագրողները վարչապետ Հովիկ Աբրահամյանից հետաքրքրվեցին, թե նրա հետագա պաշտոնավարման հետ կապված ի՞նչ լուրեր կան: Ի պատասխան հարցին՝ վարչապետն ասաց. «Բայց ի՞նչ հետագա պաշտոնավարում, կառավարությունը չի լուծարվում, դեռ մինչև 2017 թվականի ընտրություններ կաշխատենք, հետո կտեսնենք»:
«Դուք տեսաք, որ կային քաղաքներ, որ «ոչ»-ն էր հաղթել, «այո»-ն ավելի քիչ էր, եթե կեղծելու լինեին, դրանք էլ կկեղծեին»,- ասաց Երիցյանը: Ի պատասխան դիտարկմանը, թե ԵԽ ԽՎ-ն քննադատել է, որ հանրաքվեն քաղաքական շահ էր հետապնում, Ա. Երիցյանը կրկնեց, որ, եթե նման բան են ասում, ապա պետք է իրավական հիմք ունենան:
Վարչապետի կարծիքով՝ ընտրակեղծիքների դեպքերի մեծ մասը, որոնք արձանագրվել են, մոնտաժված տեսանյութեր են. «Ես սոցցանցում եմ տեսել, ու դա տարածել են շահագրգիռ մարդիկ, որոնք ուզում են ստվերել ընտրությունների արդյունքները, ու դա որևէ հիմք չէ, բազմաթիվ տեխնիկայի պայմաններում տարբեր տեսանյութեր կարող էին ստեղծել: Կարծում եմ, որ դրանք մոնտաժված են, եթե՝ ոչ, ապա այդ մարդիկ կպատժվեն»:
«Երեկ ՀՀ ժողովուրդը ցույց տվեց, որ ոչ մի արգելք, խոչընդոտ, վարչական ղեկավար, իր կամքի վրա ազդել չի կարող, ու մենք ձեզ հետ միասին բոլոր նշածս արգելքները հաղթահարեցինք»,- այսօր Ազատության հրապարակում «Ոչ»-ի հանրահավաքի ժամանակ այս մասին հայտարարեց ԱԺ ՀԱԿ խմբակցության պատգամավոր Արամ Մանուկյանը:
«Պատկերացրեք՝ մենք երեկ ընդհանրապես չերևայինք արենայում՝ ինչ էր լինելու մեր երկրի պատկերը: Վստահ եմ՝ դեկտեմբերի 1-ից սկսած՝ օր օրի ամրապնդվում է այն կորիզը, որի շուրջ մեր ժողովուրդը վերջ ի վերջո համախմբվելու է՝ հեռացնելով այս ռեժիմը: Ընդդիմադիր բևեռն այստեղ է ձևավորվում: Պատրաստ ենք երթի»:
Խոսլեով Ազատության հրապարակում շուրջօրյա հանրահավաքներ անող «Նոր Հայաստան» հանրային փրկության ճակատի մասին՝ նա նշեց, որ քանի ՀՀ-ում չի ձևավորվել ինստիտուցիոնալ ընդդիմություն, իշխանփոխություն չի լինի:
Այսօր Ազգային ժողովում լրագրողները գեներալ Սեյրան Սարոյանից հետաքրքրվեցին, թե հիմա ով է լինելու Հայաստանը հաջորդ նախագահը: Ի պատասխան՝ Ս. Սարոյանն այսպես պատասխանեց. «Այ ցավդ տանեմ, կորշեն էլի, կգա վախտը՝ կիմանանք, Ազգային ժողովի ընտրություններ կլինեն, կտեսնենք՝ հլը ով է կրում, ըտենց հեշտ չի, է»:
