Քաշքշուկ Ազատության հրապարակում. Ոստիկանները բերման ենթարկեցին երեք քաղաքացու
Քիչ առաջ ոստիկանները Ազատության հրապարակից բերման ենթարկեցին երեք քաղաքացիների: Այս պահին Ազատության հրապարակում շարունակվում է ՀԱԿ-ի և «Նոր Հայաստանի» հանրահավաքը՝ նվիրված մարդու իրավունքների միջազգային օրվան:
«Ժառանգություն» կուսակցության առաջնորդ Րաֆֆի Հովհաննիսյանի ելույթի ժամանակ ցուցարարներից մի քանիսը փորձում էին Ազատության հրապարկում վրան տեղադրել, սակայն ոստիկանները թույլ չտվեցին: Վրանը առգրավվեց ցուցարարներից:
Քաշքշուկից հետո ոստիկանները երեք երիտասարդի բերման ենթարկեց:
«Ոչինչ, ոչինչ թող տանեն, դա էլ ոստիկանների գործն է»,- ամբիոնից ասում էր Արամ Մանուկյանը:
