Ա. Արշակյանի համար հետաքրքիր է՝ սա վերջի՞նն էր, թե՞ հերթականը. «Այսինքն՝ այդ հայտարարությունները գո՞րծ են դառնալու, թե՞ գնալու են գզրոցը: Եթե գզրոց են գնալու, ուրեմն՝ սա պետք է լինի հերթական բարի ցանկությունների հայտարարությունը, և, անշուշտ, սրանից հետո կգա նոր հիասթափություն: Սերժ Սարգսյանը վերջին նախագահն է, ու թե վերջին նախագահն ի՞նչ ժառանգություն կթողնի, դա շատ կարևոր է, եթե սա վերջին նախագահի ուղերձն էր, ու ինքը հավատարիմ է լինելու իր ուղերձին իր առաքելությանը, նշանակում է՝ կարելի է սպասել լուրջ փոփոխությունների, իսկ եթե սա ոչ թե վերջին նախագահն է, այլ պաշտոնյա է, որը պաշտոնի բերումով հայտարարություններ է անում, ուրեմն՝ ամեն ինչ կմնա նույնը»:
«Առաջին դեպքը չէ, երբ մարդուն արժևորելով՝ ստանում ես պատասխան վիրավորանք: Տիկին Փոստանջյան, ձեր արտահայտած միտքը վերադարձնում եմ ձեզ՝ նույն ձևով: Դուք անգամ այս պահին չգնահատեցիք մարդկանց արժանապատվությունը, թեև այդտեղ նստած՝ խոսում էիք արժանապատվության մասին, Դուք փորձում եք ձեր մրցակիցների հետ բանավիճել՝ օգտագործելով երրորդ անձի»:
Այսօր ՀՀԿ կուսակցությունը հավաքվելու է նախագահական նստավայրում, որտեղ նախագահ Սերժ Սարգսյանը հանդես է գալու ելույթով: Նախագահական նստավայրի մոտ ՀՀԿ մամուլի խոսնակ Էդուարդ Շարմազանովը լրագրողների հետ զրույցում չհստակեցրեց՝ կոնկրետ ի՞նչ են քննարկելու:
168.am-ի հարցին՝ այդքան դեպքեր են եղել, որպես իրավապաշտպան՝ երբեք ձեզ չի՞ հետաքրքրել՝ ուսումնասիրել դեպքերն ու տեսնել՝ կա՞ն քաղբանտարկյալներ, թե՞՝ ոչ, ինչպես ուրիշ իրավապաշտպաններն են արել, Ա. Թաթոյանն այսպես պատասխանեց. «Երկրում տեղի ունեցող ցանկացած հարց հետաքրքրում է, բայց այսօր եթե իմ կարգավիճակը հաշվի առնելով գնահատական տամ, ապա կլինի օրենքի խախտում»:
Թեկնածուներից Զարուհի Փոստանջյանի օգտին քվեարկեց հինգ պատգամավոր, դեմ՝ 6, ձեռնպահ չկար, Նարեկ Ալոյանի օգտին՝ երկու պատգամավոր, դեմ և ձեռնպահ չկար, իսկ Արման Թաթոյանի օգտին՝ 7 պատգամավոր, դեմ` չորսը, ձեռնպահ չկար:
«Մարտի 1-ի դեպքերի հետ կապված Արման Թաթոյանը բացասական առումով որևէ առնչություն չի ունեցել այդ օրերին ձերբակալվածների հետ: Այդ հանիրավի ազատազրկվածները Թաթոյանից առաջ եղած փոխնախարարի ժամանակ են եղել: Ես միայն խոսեցի, որ այդ ամենն ասեի»,- նշեց Գ. Ջհանգիրյանը:
Ի պատասխան՝ Ա. Թաթոյանն ասաց, որ ինքը քաղաքացիների խոշտանգումների կանխարգելման փաթեթ է ներկայացրել.
«Ինքս գիտեմ, որ շատ մարտահրավերների եմ հանդիպելու, ու ուզում եմ ասել, որ արդեն նախորդ աշխատանքների ժամանակ էլ հանդիպել եմ ու պատրաստ եմ այդ մարտահրավերներին, ինքս ՄԻՊ աշխատակազմում աշխատելով՝ գիտեմ՝ ինչ են այդ ճնշումները նշանակում»,- այսօր ԱԺ Պետաիրավական հարցերի մշտական հանձնաժողովի նիստում ՄԻՊ թեկնածուի հարցի քննարկման ժամանակ այս մասին ասաց ՀՀԿ-ի թեկնածու, Արդարադատության փոխնախարար Արման Թաթոյանը:
ԱԺ ԲՀԿ խմբակցության ղեկավար Նաիրա Զոհրաբյանը հարց բարձրացրեց՝ ասելով. «Ունեցել ենք երեք պաշտպան, երեք անգամ էլ ասում էին՝ իշխանության դրածո է, ու երեքն էլ հետո դարձան «վատ» կադր ու հրաժեշտ տվեցին պաշտոնին: Հիմա ի՞նչ երաշխիք պետք է ունենանք, որ ձեր թեկնածուն՝ ունենալով նախորդ երեքի տխրահռչակ փորձը, չի հռչակվելու անհաջող կադր ու հրաժարական տա»:
Նա ցավ հայտնեց, որ Զարուհի Փոստանջյանի ընտրվելու պարագայում «Ժառանգություն» կուսակցությունը կկորցնի խորհրդարանում ներկայացված լինելու հնարավորությունը:
«Նորմալ, պարկեշտ անձնավորությունն է, ՀՀ քաղաքացի է, շատ նորմալ է նաև շփման մեջ, պարզ է, պարոն Լիսկան չէ, նա նաև այն պետական պաշտոնյաներից էր, որ եկավ ու մասնակցեց իմ կողմից կազմակերպած լսումներին, որը վերաբերվում էր իմ օրենսդրական նախաձեռնությանը՝ ՀՀ օկուպացված տարածքների վերաբերյալ, ես նրա հետ կապված որևէ խնդիր չունեմ»
««Ժառանգությունն» ամենաէական ուժերից մեկն է, մարդկանց միշտ կոչ է անում գնալ անհնազանդության, եթե դառնաք ՄԻ պաշտպան, փաստորեն լքելո՞ւ եք կուսակցությունը: Սա ծուղակ է ձեզ համար՝ ԱԺ-ից «Ժառանգությանը» չեզոքացնելու համար»,- հայտարարեց Տ. Ուրիխանյանը:
Տ. Ուրիխանյանը դժգոհեց, որ, երբ ինքը մոտեցել է Է. Մարուքյանին և առաջարկել միասնական ընդդիմադիր թեկնածու ներկայացնել, Է. Մարուքյանն ասել է, որ ինքը դեռ թեկնածու չունի, այնուհետև առաջադրել է Զ. Փոստանջյանին: Նա հետաքրքրվեց Է. Մարուքյանից՝ ինչո՞վ է դա պայմանավորված:
ՀՀԿ խմբակցության մեկ այլ պատգամավոր Գագիկ Մելիքյանը հարց բարձրացրեց՝ «Ժառանգություն» կուսակցության միակ՝ վերջին անդամին ուզում եք տանե՞լ ԱԺ-ից, «կարծում եմ՝ ճիշտ չէ գերեզմանափորը լինել»:
Քաղաքագետի խոսքով՝ ՀՅԴ-ն կարող է շատ մեծ հաջողության հասնել մինչ հաջորդ համապետական ընտրությունները, եթե ՀՀԿ-ին հաջողվի բավական բարելավել Հայաստանի սոցիալ-տնտեսական իրավիճակը, ինչի վերաբերյալ, սակայն, ինքը շատ խիստ կասկածներ ունի: Բայց, միևնույն ժամանակ, ըստ քաղաքագետի՝ ՀՅԴ-ն կարող է ընդհանրապես դիմազրկվել և ընտրազանգվածի խիստ կորուստ ունենալ, եթե մտնի կոալիցիա, և իր նախարարներն ու մարզպետները որևէ դրական արդյունքի չհասնեն, որի հավանականությունը, Գ. Համբարյանի խոսքով, շատ մեծ է:
Մեր այն հարցին՝ եթե, այնուամենայնիվ, միավորվեն Հրանտ Բագրատյանի նշած ուժերը և կոալիցիա կազմեն՝ կկարողանա՞ն հակակշռել ՀՀԿ-ՀՅԴ կոալիցիային, քաղաքագետն այսպես պատասխանեց. «Թող միավորվեն, հետո կտեսնենք՝ կկարողանա՞ն հակակշռել, թե՞ ոչ: Հրանտ Բագրատյանը, իհարկե, ընդդիմադիր դաշտի կարկառուն ներկայացուցիչ է, բայց Հրանտ Բագրատյանն այն մարդը չէ, որ կարողանա իր շուրջը միավորել ընդդիմադիր բոլոր լիդերներին, որոնք կարող է և նրանից ավելի մեծ խարիզմա ու ավելի մեծ վարկանիշ ունեն: Այսինքն՝ այստեղ խնդիրը հետևյալն է՝ ընդդիմադիր կուսակցությունների լիդերները կհամաձայնե՞ն միավորվել Հրանտ Բագրատյանի շուրջ, թե՞ ոչ»:
«Հայաստանի դիրքորոշումը շատ արժանապատիվ դիրքորոշում է, ժամանակից շուտ պետք չէ խառնվածություն կամ ոգևորություն ցուցաբերել»,- այսօր լրագրողների հետ հանդիպման ժամանակ նման տեսակետ հայտնեց «Ազգային միաբանություն» կուսակցության նախագահ, ԱԺ ՀՀԿ խմբակցության պատգամավոր Արտաշես Գեղամյանը՝ խոսելով ՌԴ Պետդումայի կոմունիստ պատգամավորների նախաձեռնության մասին:
«Ես ողջունում եմ ցանկացած նման կոալիցիա, համագործակցություն»,- այսօր լրագրողների հետ հանդիպման ժամանակ նման տեսակետ հայտնեց «Ազգային միաբանություն» կուսակցության նախագահ, ԱԺ ՀՀԿ խմբակցության պատգամավոր Արտաշես Գեղամյանը՝ խոսելով ՀՀԿ-ՀՅԴ հնարավոր կոալիցիայի մասին:
«ՀՀԿ-ն այսօր ԱԺ-ում որոշումներ կայացնելու առումով որևէ խնդիր չունի, հետևաբար՝ կապել կոալիցիան այսօր ուժերի հարաբերակցության հետ, սխալ կլինի, այդուհանդերձ, հարց է առաջանում՝ ինչո՞վ էր պայմանավորված կոալիցիա կազմելու անհրաժշտությունը»,- այսօր տեղի ունեցած ասուլիսի ժամանակ այս մասին ասաց ԱԺ ՀՀԿ խմբակցության պատգամավոր Խոսրով Հարությունյանը:
«Երբ Արմեն Ռուստամյանը հայտարարում էր՝ իշխանությունը հեղինակազրկված է, ու իրենք ուզում են թույլ չտալ՝ երկիրը փլուզվի, ՀՀԿ-ն պետք է որոշի՝ կարելի՞ է այդ սկզբունքով գնալ առաջ, թե՞ հիմա հրավիրել է ՀՅԴ-ին, որ փրկեն իրենց հեղինակությունը, սա մի սկզբունք է, եթե գնում է կոմպրոմիսային տարբերակ, որ միասին մեծամասնություն վերցնեն ապագա պառլամենտում, սա այլ տարբերակ է, սա քաղաքական գործարք է, որը երկրին ոչինչ չի տա, սոցիալիստական Դաշնակցությունը ո՞նց է մասնակցելու այդ լիբերալիստական քաղաքականությանը, դժվար է ասել»:
Երեկ ԱԺ ՀԱԿ խմբակցության պատգամավոր Հրանտ Բագրատյանը կոալիցիա կազմելու հրավեր արեց ընդդիմադիր ուժերին: «Ես բոլոր ուժերին հրավիրել եմ, հիմա էլ եմ հրավիրում՝ «Ազատ դեմոկրատներ», ՀԱԿ, «Ժառանգություն», «Նոր Հայաստան», «Քաղաքացիական պայմանագիր», «Հանրապետություն», ՀՀՇ… Եթե մեկին մոռացել եմ՝ հազար ներողություն»,- հայտարարել էր պատգամավորը:
«Կարծում եմ՝ բոլորիս կենսագրությունները ձեզ մատչելի են, հավանաբար, Նարեկ Ալոյանը նույնպես իր կենսագրական տվյալները ներկայացրել է, դուք պետք է ինքներդ ծանոթանաք և գնահատեք՝ ով ինչ աշխատանքային փորձ ու կարողություններ ունի»,- այսօր լրագրողների հետ հանդիպման ժամանակ խոսելով ՄԻ պաշտպանի թեկնածուների մասին՝ այս մասին ասաց թեկնածուներից Զարուհի Փոստանջյանը:
168.am-ի հարցին՝ «Նոր Հայաստան» ընդդիմադիր շարժումը, որի անդամ եք նաև Դուք, մերժում է իշխանությունների խաղի կանոններով խաղալ, մասնավորապես՝ Ընտրական օրենսգրքի քննարկումների մասով, հիմա առաջադրվելով ՄԻ թեկնածու, չի՞ ստացվում, որ իշխանությունների խաղի կանոններով եք խաղում, Զ. Փոստանջյանն այսպես պատասխանեց. «Ընտրական օրենսգրքի քննարկման հետ կապված՝ մենք խնդիրներ չունենք, իրենք գիտեն մեր դիրքորոշումների մասին, իսկ այստեղ պետք ասել, որ սա տարածք է, որտեղ պայքար պետք է տանել: Եթե դու չես մասնակցում՝ դու բացակայում ես, եթե դու չես դիմադրում՝ դու պարտվում ես»:
Հայաստանում ընդդիմությունը պատկերացնում է՝ Մարդու իրավունքների պաշտպանը պետք է լինի ընդդիմադիր: Այո՛, նա պետք է լինի ընդդիմադիր, բայց ընդդիմադիր ոչ քաղաքական, նա պետք է լինի ընդդիմադիր՝ մարդու իրավունքների խախտումների նկատմամբ: Այդ մտայնությունը, ցավոք, մեր քաղաքական ընդդիմության մեջ էլ չկա:
Եվրասիական տնտեսական հանձնաժողովի կոլեգիայի ներկայացուցիչ Տատյանա Վալովայայի երեկ արած այն հայտարարությունը, թե դեռ պատրաստ չեն նոր վալյուտա մտցնել, «սխալ» հայտարարություն էր: Այս կարծիքին է ԱԺ ՀԱԿ խմբակցության պատգամավոր Հրանտ Բագրատյանը, ով այսօր տեղի ունեցած ասուլիսի ժամանակ հայտարարեց, որ Տատյանա Վալովայան չի հասկանում՝ ինչպես կարելի է այդ խնդիրը լուծել:
«Մեկ տարի հետո դուք ձեր ձայնը մեզ կտաք, եթե մեզ հաջողվի լայն կոալիցիա ստեղծել»,- այսօր տեղի ունեցած ասուլիսի ժամանակ այս մասին հայտարարեց ԱԺ ՀԱԿ խմբակցության պատգամավոր, «Ազատություն» կուսակցության նախագահ Հրանտ Բագրատյանը:
«Մարդ, ով հայտնի է իր կոռուպցիոն հակվածությամբ, ով նույնիսկ փորձում է նման սկանդալների մեջ քաշել իրեն նշանակող ղեկավարներին՝ նախագահին, հանկարծ հայտնվում է ԵՏՄ-ում: Ավելին, դա վրդովմունք է առաջացրել մտավորականների մի լուրջ շերտի մոտ, և, ամենայն հավանականությամբ, մենք կդիմենք Պուտինին էլ, Նազարբաևին էլ, Լուկաշենկոյին էլ՝ ասելով՝ սա ի՞նչ է նշանակում, բա դուք ասում եք՝ կոռուպիայի դեմ եք պայքարում»:
«ԵՏՄ մտնելուց հետո մենք մեզ ենք սանկցիաներ սահմանել, որովհետև ԵՏՄ-ից եկող ապրանքները ներմուծվում են այնպես, ինչպես արտասահմանից»,- այսօր լրագրողների հետ հանդիպման ժամանակ ասաց ԱԺ ՀԱԿ խմբակցության պատգամավոր Հրանտ Բագրատյանը:
Ա. Սեդրակյանի խոսքով՝ միգուցե քաղաքականորեն մենք գտնվում ենք այդ երկու երկրների արանքում, բայց իր մոտ հարց է առաջանում՝ մենք որքանո՞վ ենք առանձին երկիր Ռուսաստանից ռազմականորեն. «Մենք միշտ խոսել ենք, որ այդ բազան պաշտպանում է մեզ, բայց երբեք չենք քննարկել, որ այդ բազան կարող է նախահարձակ լինել: Եթե Ռուսաստանը նախահարձակ լինի, կարո՞ղ է արձագանքել Հայաստանը»:
«Անկախության տեսակետից, իհարկե, առավել նպատակահարմար կլիներ ոչ կուսակցական անձի՝ որպես թեկնածուի առաջադրումը»:
