ԿԳՄՍ-ում գաղտնի նախագիծ է շրջանառվում, որով նախատեսում են փակել Վ. Բրյուսովի անվան պետական համալսարանը։ Այս մասին ֆեյսբուքյան իր էջում գրել էր Վ.Բրյուսովի պետական համալսարանի ֆակուլտետի Սոցիալական գիտությունների և սերվիսի ֆակուլտետի դեկան Ցոլակ Ակոպյանը:
Հայկական ապրանքանիշները, հատկապես մթերային, Ռուսաստանում ճանաչելի են և պահանջված։ Խոսքը ոչ միայն չրեր և պահածոներ արտադրողների, այլև թարմ մրգեր և բանջարեղեն մատակարարողների մասին է։ Տեղեկությունը լրագրողների հետ զրույցում հայտնել է Հայաստանում Ռուսաստանի Դաշնության առևտրային ներկայացուցիչ Աննա Դոնչենկոն՝ «Ռուսաստան-Հայաստան էքսպո-2022» 9-րդ միջազգային արդյունաբերական ցուցահանդեսի բացման ժամանակ։
Գնահատման ու թեստավորման կենտրոնի մամուլի քարտուղար Խաչանուշ Գրիգորյանի փոխանցմամբ՝ հոկտեմբերի 21-ին տեղի կունենա քննություն՝ «Քիմիա», «Ռուսաց լեզու» առարկաներից, հոկտեմբերի 22-ին՝ «Հայոց լեզու և հայ գրականություն», 23-ին՝ «Մաթեմատիկա», 25-ին՝«Օտար լեզուներ», 26-ին՝ «Կենսաբանություն», «Աշխարհագրություն», իսկ ահա հոկտեմբերի 27-ին՝ «Հայոց պատմություն», «Ֆիզիկա» առարկաներից:
Քաղաքացիներն ահազանգում են, որ շուկայում ցեմենտի դեֆիցիտ կա, Իրանից որակյալ ցեմենտի ներկրումը բարդացել է, իսկ Հայաստանում էլ ասում են՝ չեն հասցնում այդքան արտադրել, արտադրողականության բարձրացման համար նոր ներդրումներ էլ չեն ուզում անել:
Երևանի և Ֆրասիական Իլ դը Ֆրանսի շրջանային խորհրդի հետ համագործակցության շրջանակներում մեր կողմից ֆրանսիական կողմին ուղարկվել են առաջարկները՝ Երևանում փակ հանքավայրի տարածքի վերականգնման վերաբերյալ: Սեպտեմբերին նախատեսվում էր փորձագետների այցը Երևան, որը հետաձգվել է, սպասում ենք նրանց արձագանքին»,- Երևանի քաղաքապետարանում գործակարգավարական խորհրդակցության ժամանակ հայտնեցին բնապահպանության վարչությունից:
«Ծառերի վնասատուների դեմ պայքարի միջոցների վերաբերյալ առաջարկություն ներկայացնելու նպատակով վնասատու միջատների տեղափոխման ուղղությամբ դեռևս ֆրանսիացի մեր գործընկերներից պատասխան չունենք, քանի որ իրենք միջատների ներմուծման, կարգավորումների և լաբորատորիայի ընտրության հետ կապված պարզաբանումների գործընթացում են»,- Երևանի քաղաքապետարանում գործակարգավարական խորհրդակցության ժամանակ հայտնեցին բնապահպանության և արտաքին կապերի վարչություններից:
Ինչպես ամբողջ աշխարհում, այնպես էլ Հայաստանում սիրտ-անոթային հիվանդություններից մահացության ցուցանիշը բարձր է։
Ներկա իրավակարգավորումով ստացվում է այնպես, որ եթե քաղաքացին առաջնային շուկայից կառուցապատող հանդիսացող ֆիզիկական անձից, ով չի հանդիսանում կազմակերպություն կամ անհատ ձեռնարկատեր, անհատական բնակելի տուն է ձեռք բերում, ապա այդ դեպքում ոչ եկամտային հարկի վերադարձման, և ոչ էլ սուբսիդավորման համակարգը կիրառելի չի լինում:
«Երևանում երկրորդական, երրորդական փողոցներով տրանսպորտ չի գնում, ինչը սխալ է: Տրանսպորտը պետք է բեռնաթափել: Ավելին, պետք է կանգառները տարբեր լինեն»,- պնդում է «Փարիզ էսթ» համալսարանի քաղաքաշինության դոկտոր Մարիամ Խաչատրյանը:
«Silver Rea» անշարժ գույքի գործակալության հիմնադիր-տնօրեն Անդրանիկ Հարությունովը կարծում է, որ վարձով բնակարան տվող սեփականատերերին հարկային դաշտ տանելու արդյունքում 10 տոկոսով բնակարանների գները կթանկանան, ավելին, ըստ նրա, չկան մեխանիզմներ, որոնք կազդեն սեփականատերերի վրա:
Հայաստանի ինքնիշխան Հանրապետության տարածքում Ադրբեջանի կիրառած ագրեսիվ գործողությունների հետևանքով առավել տուժած բնակավայրերից առողջարանային քաղաք Ջերմուկը վերադառնում է իր բնականոն կյանքին։
Կառավարությունը «Գովազդի մասին» և կից ներկայացված օրենքներում փոփոխությունների նախագիծ է ներկայացրել, որը վերաբերում է դեղերի արտաքին գովազդին։ Կառավարության հոկտեմբերի 6-ի նիստում նախագիծը ներկայացրել է ՀՀ էկոնոմիկայի նախարար Վահան Քերոբյանը՝ նշելով, որ այժմ գործող օրենսդրությամբ արգելվում է արտաքին գովազդային վահանակների միջոցով դեղերի գովազդը, ինչը որոշակի խոչընդոտներ է ստեղծում դեղերի վերաբերյալ տեղեկատվությունը բնակչությանն առավել հասանելի դարձնելու առումով:
168.am-ը հետաքրքրվեց՝ մարզերում ո՞ր ժանրի գրքերի պահանջարկ կա, ինչպե՞ս է գրքերի պակասը լրացվում, հիմնականում ի՞նչ տարիքի են ընթերցողները: Գեղարքունիքի մարզային գրադարանի տնօրենը պատասխանեց, որ գալիս են 6 տարեկանից սկսած՝ մինչև տարեց մարդիկ:
ՀՀ տարածքային կառավարման և ենթակառուցվածքների նախարարությունը հրապարակել է միասնական նոր երթուղային ցանցի սակագները: Հիմնական փոփոխությունը եղել է Կոտայքի մարզում, քանի որ կա նոր փոխադրող օպերատոր:
Հոկտեմբերի 5-ին աշխարհի մի շարք երկրներում նշվում է ուսուցչի միջազգային օրը: 1994թ. ՅՈՒՆԵՍԿՕ-ն հոկտեմբերի 5-ը հայտարարել է ուսուցչի և կրթական ոլորտի բոլոր աշխատողների մասնագիտական տոն։ 1966թ. հենց այս օրը Փարիզում ՅՈՒՆԵՍԿՕ-ի և Աշխատանքի միջազգային կազմակերպության հրավիրած համատեղ կոնֆերանսում ընդունվել է «Ուսուցչի կարգավիճակի հետ կապված ուղեցույց» վերտառությամբ փաստաթուղթը, ինչն էլ ուսուցիչների աշխատանքը կարգավորող առաջին միջազգային փաստաթուղթն է եղել:
Հայաստանի Հանրապետության սպառողական շուկայում 12-ամսյա գնաճը (2022թ. օգոստոսը 2021թ. օգոստոսի նկատմամբ) կազմել է 9.1%, իսկ նախորդ ամսվա նկատմամբ` 0.2%: Հանրապետության դիտարկվող 10 քաղաքներում 2022թ. օգոստոսին հուլիսի համեմատ սպառողական գներն աճել են 0.1-0.3%-ով, իսկ մեկում պահպանվել է գների նախորդ ամսվա մակարդակը: Մայրաքաղաքում սպառողական գներն աճել են 0.2%-ով:
Տուրիզմի հայկական ֆեդերացիայի նախագահի փոխանցմամբ՝ 588.000-ից ավելի ունեցել ենք ներգնա զբոսաշրջային այցելություններ այս տարվա առաջին կիսամյակի ընթացքում, որը 2.4 անգամ ավելի է, քանի նախորդ տարվա նույն ժամանակահատվածի ցուցանիշը, սակայն, ցավոք, զգալիորեն հեռու է 2019 թվականի ցուցանիշից, որը եղել է 770.000:
Կրթության, գիտության, մշակույթի և սպորտի նախարարությունը քննարկման է ներկայացրել նախագիծ ուսման վարձի փոխհատուցում հատկացնելու վերաբերյալ:
Երեկ ֆեյսբուքյան օգտատեր Աննա Գարեգինյանն իր էջում գրել էր Երևանի Կենտրոն վարչական շրջանի փողոցներից մեկում նստարաններին քնող 70-ն անց Շուշանիկ տատիկի մասին: Ֆեյսբուքյան օգտատերը փոխանցում է տիկնոջ պատմությունը:
Երևանի քաղաքապետարանում այսօրվա գործակարգավորական խորհրդակցության ժամանակ քաղաքապետ Հրաչյա Սարգսյանը հարց ուղղեց մասնակիցներին, թե արդյոք Քանաքեռ-Զեյթուն վարչական շրջանում տեղյա՞կ են այն մասին, որ Հաղթանակ զբոսայգում ապօրինի «Чертово колесо» է կառուցվել։
Երևանի քաղաքապետարանում այսօրվա գործակարգավորական խորհրդակցության ժամանակ Շինարարության և բարեկարգման վարչությունից տեղեկացրեցին, որ Նոր Արաբկիր այգում շատրվանների ջրահեռացման հարցով խնդիր է առաջացել:
«Երևանյան լճի վրա տեղադրված աղբաորսիչ ցանցն արդյունավե՞տ էր, թե՞ ոչ»,- Երևանի քաղաքապետարանի գործակարգավարական խորհրդակցության ժամանակ հարց բարձրացրեց Երևանի քաղաքապետ Հրաչյա Սարգսյանը:
ՀՀ Արդարադատության նախարարի N 591-Ա հրամանով դադարեցվել են «Ազգային արխիվ» պետական ոչ առևտրային կազմակերպության տնօրեն Գրիգոր Արշակյանի լիազորությունները:
Համատեղ հետազոտական աշխատանքների արդյունավետությունն ապահովելու համար «Ձեռնարկությունների ինկուբատոր» հիմնադրամի հրավերով Հայաստանում են արտերկրի համալսարանների, գիտահետազոտական ինստիտուտների և ընկերությունների հետազոտողներ: Նրանց թվում է նաև ՆԱՍԱ-ի հայազգի գիտաշխատող, Հայկական աստղագիտական ընկերության, Ամերիկյան աստղագիտական ընկերության անդամ, աստղաֆիզիկոս Վլադիմիր Հայրապետյանը, ում հետ զրուցել ենք աստղաֆիզիկայի, գիտության զարգացման, որոշ մոլորակների վրա կյանքի նշանների որոնման և այլ հարցերի շուրջ:
Սեպտեմբերի 21-ին Երևան քաղաքում դիտված փոշեփոթորիկի հետևանքով մթնոլորտային օդում փոշու կոնցենտրացիան գերազանցել է սահմանային թույլատրելի չափը։
«Եթե մարդը 75 հազար դրամով մեկ ամիս աշխատում է, կամ աշխատանք չունի ՀՀ-ում, դա նշանակում է՝ ինքը նորմալ կրթություն չի ստացել: Իհարկե, կան դեպքեր, երբ մարդն աշխատունակ չէ»,- ՀՀ կառավարության սեպտեմբերի 29-ի նիստի ընթացքում այսպիսի կարծիք է հայտնել ՀՀ վարչապետ Նիկոլ Փաշինյանը և հավելել, որ եթե անձը 75 հազար դրամով մեկ ամիս աշխատում է, ուրեմն այն որակավորումը, որն ինքը ստացել է 20 տարի առաջ, հնացել է:
Կառավարությունն իր սեպտեմբերի 29-ի նիստում հավանություն է տվել «Ավտոտրանսպորտային միջոցների կայանատեղերի տեղական վճարի և վարչական վարույթի առանձնահատկությունների մասին» օրենքում փոփոխություն կատարելու նախագծին, որով առաջարկվում է փոխել վճարովի ավտոկայանատեղերի` «կարմիր գծերի» գույնն ու վճարի չափը։
Կենտրոնական բանկը «ՀՀ կառավարության 2011 թ․ հունվարի 13-ի N 15-Ն որոշման մեջ լրացում կատարելու մասին» օրենքի նախագիծ է ներկայացրել, որի համաձայն՝ նախատեսվող փոփոխությունների ընդունման արդյունքում ԱՊՊԱ տեղեկատվական համակարգին կփոխանցվի վարորդների կողմից որոշակի տրանսպորտային միջոցներով կատարվող ճանապարհային երթևեկության կանոնների խախտումների և (կամ) այդպիսի խախտումների համար «Վարչական իրավախախտումների վերաբերյալ» ՀՀ օրենսգրքի համաձայն նրանց տրվող տուգանային միավորների վերաբերյալ տեղեկատվությունը։
Վարձով բնակարան փնտրողների թիվն ավելանում է, իսկ գները շարունակում են բարձրանալ: Ստացվել է այնպես, որ գրեթե տարբերություն չկա՝ տունը սեփակա՞ն է, թե՞ բնակելի շենքում, կենտրոնո՞ւմ է, թե՞ ծայրամասում: 1-3 սենյակների համար մինիմալ գինը սկսվում է 150.000 դրամից և հասնում մինչև 400.000 դրամի, ու սա՝ գրեթե բոլոր վարչական շրջաններում:
Հանրակրթության նոր չափորոշիչով պարտադիր է դառնում «Նախնական զինվորական պատրաստություն» առարկայի գործնական բաղադրիչը՝ ճամբարը։ Այս մասին ֆեյսբուքյան էջում սեպտեմբերի 24-ին գրել էր ՀՀ ԿԳՄՍ փոխնախարար Ժաննա Անդրեասյանը:
