Խախտելով միջազգային իրավունքի բոլոր նորմերը, ինչպես նաև 2020 թվականի նոյեմբերի 9-ի` Լեռնային Ղարաբաղում ռազմական բոլոր գործողությունների դադարեցման մասին եռակողմ հայտարարության դրույթները` դեկտեմբերի 12-ին, մի խումբ ադրբեջանցի, այսպես կոչված, բնապահպաններ ու լրագրողներ կրկին փակել են Ստեփանակերտ-Գորիս մայրուղին, ինչը շարունակվում է մինչ այժմ:
Ադրբեջանի կողմից Արցախն արտաքին աշխարհի հետ կապող միջանցքը շարունակում է փակ մնալ:
168.am-ի հետ զրույցում Ֆիզգորոդոկ անունը ստացած գիտավանի բնակիչները հայտնեցին որ Երևանի քաղաքապետը խոստացել է այցելել իրենց, տեղում ծանոթանալու խնդրին, բայց խոստումն առայժմ չի կատարվել, խնդիրն էլ շարունակում է մնալ չլուծված:
Հեռավար եղանակով աշխատելու հնարավորության տրամադրման նպատակով՝ Աշխատանքի և սոցիալական հարցերի նախարարությունը մշակել և e-draft իրավական ակտերի նախագծերի հրապարակման միասնական կայքում հանրային քննարկման է ներկայացրել «Հայաստանի Հանրապետության աշխատանքային օրենսգրքում լրացում և փոփոխություններ կատարելու մասին» օրենքի նախագիծը։
Երևանի քաղաքապետարանի ենթակայության ներքո գտնվող 153 դպրոցից պատսպարման համար պիտանի է 108 նկուղ, որից մաքուր է 93-ը: Մաքրման ենթակա է 15 նկուղ: Երևանի քաղաքապետարանի գործակարգավարական խորհրդակցության ժամանակ հայտնեց Զորահավաքային հարցերի և քաղաքացիական պաշտպանության վարչության ներկայացուցիչը՝ հավելելով, որ քաղաքապետարանի ենթակայության ներքո գտնվող 161 մանկապարտեզից պատսպարման համար պիտանի է 85 նկուղ, որից մաքուր է 78-ը:
«Տրոլեյբուսները հիմա որտե՞ղ են հասել և քանի՞ օրում այստեղ կլինեն»,- Երևանի քաղաքապետարանում գործակարգավարական խորհրդակցության ժամանակ հարցրեց քաղաքապետ Հրաչյա Սարգսյանը:
«Երքաղլույս» ընկերության տնօրեն է նշանակվել Անդրանիկ Թևոսյանը»,- Երևանի քաղաքապետարանում գործակարգավարական խորհրդակցության մեկնարկին հայտնեց քաղաքապետ Հրաչյա Սարգսյանը:
Հայաստանի Հանրապետության սպառողական շուկայում 12-ամսյա գնաճը (2022թ. նոյեմբերը 2021թ. նոյեմբերի նկատմամբ) կազմել է 8.8%, իսկ նախորդ ամսվա նկատմամբ` 1.1%:
Քաղաքապետարանը ներկայացրել է Երևան քաղաքի զարգացման 2023 թվականի ծրագրի նախագիծը: Երևանի զարգացման 2023 թվականի ծրագրի նախագծում նշված է, որ Երևան քաղաքի քաղաքաշինական զարգացմանն ուղղված ծրագրերն իրականացվել են Երևանի 2005-2020թթ. գլխավոր հատակագծում ամրագրված հիմնական դրույթների համաձայն:
ՀՀ Վիճակագրական կոմիտեի փոխանցմամբ՝ ձվի գինը 2022թ. նոյեմբերին 2021թ. նոյեմբերի համեմատ նվազել է 11.1%-ով, իսկ 2022թ. հոկտեմբերի համեմատ գրանցվել է 18.6% գնաճ:
«Հեշտ չէ քառորդային բարձր ցուցանիշ ունեցող ամսագրերում տպագրվելը, բայց անհնարին չէ: Շատ առումով տպագրությունը հեշտացվում է միջազգային խորհրդատուների առկայության, համագործակցային դաշտ ունենալու արդյունքում: Երբ մի քանի տարբեր խմբեր են ներգրավված լինում, ավելի բարձր մակարդակի աշխատանք է արվում: Մի քանի տարբեր մասնագետների ընդգրկվածությունը՝ տարբեր պետություններից, հնարավորություն է տալիս տպագրվել էլ ավելի լավ ամսագրում»:
«Վ. Բրյուսովի անվան պետական համալսարան»-ում ավարտվեց ռեկտորի ընտրությունը: Գործող ռեկոտր Կարինե Հարությունյանը վերընտրվեց ռեկտորի պաշտոնում՝ ձայների 12:8 հարաբերակցությամբ։ Այս մասին 168.am-ին հայտնեցին համալսարանից:
Ազգային ժողովը երկրորդ ընթերցմամբ և ամբողջությամբ դեկտեմբերի 7-ին ընդունել է ԱԺ «Քաղաքացիական պայմանագիր» խմբակցության պատգամավորներ Ծովինար Վարդանյանի և Բաբկեն Թունյանի հեղինակած օրենքի նախագիծը։
Հրաչյա Ղափլանյանի անվան դրամատիկական թատրոնի տնօրենի պաշտոնակատար է նշանակվել դերասան Արտաշես Մխիթարյանը, որը 4 տարի շարունակ զբաղեցրել է թատրոնի փոխտնօրենի պաշտոնը:
34 տարի առաջ Հայաստանում տեղի ունեցավ ավերիչ երկրաշարժ՝ դառնալով տասնյակ-հազարավոր մարդկանց մահվան և հազարավոր շինությունների փլուզման պատճառ: 1988 թվականի դեկտեմբերի 7-ին տեղական ժամանակով առավոտյան 11-ն անց 41 րոպե 22,7 վայրկյանին Հայաստանի հյուսիսում տեղի ունեցավ ավերիչ երկրաշարժ՝ էպիկենտրոնում 10 բալ ուժգնությամբ: Երկրաշարժն ընդգրկել է ՀՀ տարածքի մոտ 40 տոկոսը: Տուժել է 21 քաղաք և շրջան, 342 գյուղ:
«34 տարի է անցել, բայց դա բաց վերք է: Բոլորս հիշում ենք այդ աղետը և դրա հետևանքները, ցավոք, մինչ օրս վերացված չեն: Աղետալի օրեր էին, և թվում էր, թե ամբողջ Հայաստանը կործանվել է, հայ ժողովուրդը ոչնչացել է, քանի որ չկար համացանց, ինֆորմացիան շատ ուշ էր հասնում»,- մամուլի ասուլիսի ժամանակ խոսելով 1988թ. աղետալի երկրաշարժի մասին՝ ասաց ՀՀԿ ԳՄ անդամ Մարգարիտ Եսայանը՝ հավելելով, որ այդ ժամանակ հայ ժողովուրդը վերակենդանանում էր, նոր էր սկսվել արցախյան շարժումը:
Համացանցում տեղեկություն էր տարածվել այն մասին, թե կան դպրոցներ, որոնք ջեռուցման համար գումար չունենալու պատճառով անցել են հեռակա ուսուցման։
Նշվում է, որ նախագծերի ընդունման արդյունքում կամրապնդվի ՀՀ ոստիկանության փոխհամագործակցությունը տնտեսվարող սուբյեկտների հետ, ինչն էլ կնպաստի հանցագործությունների կանխարգելմանը, դրանց արագ արձագանքմանն ու բացահայտմանը, կբարձրացնի աշխատանքի արագությունն ու արդյունավետությունը։
«Նոյեմբերի 25-ից դեկտեմբերի 2-ն ընկած ժամանակահատվածում արձանագրվել է շների կողմից կծվածության 41 դեպք, որից թափառող, անհայտ շուն՝ 19-ը»,- Երևանի քաղաքապետարանի դեկտեմբերի 5-ի գործակարգավարական խորհրդակցության ժամանակ տեղեկացրեցին Հիվանդությունների վերահսկման և կանխարգելման ազգային կենտրոնից:
Ամանորի տոնական լուսավորություն ապահովելու նպատակով Կառավարության շենքի պատերին բացված անցքերի և պետության կողմից պաշտպանվող պատմամշակութային հուշարձանը վնասելու թեման շարունակում է քննարկվել մասնագետների և քաղաքացիների շրջանում:
168.am-ը ԿԳՄՍ նախարարության հասարակայնության հետ կապերի և տեղեկատվության վարչությունից հետաքրքրվեց, թե հրամանը կոնկրետ որ հաստատություններին է վերաբերում, պատասխանեցին, որ խոսքը ոչ պետական քոլեջների այն շրջանավարտների մասին է, որոնց մասնագիտությունը ժամանակին՝ իրենց սովորելու և դիպլոմ ստանալու ընթացքում, պետական հավատարմագրում չի ունեցել։ Ուստի հիմա կարող են դիմել և քննություն հանձնել պետական նմուշի դիպլոմ ստանալու համար։
«Համայնքային հողերի վրայից վերջացան ինքնակամ շինությունները, հիմա էլ բազմաբնակարան շենքերի վրա են սարքում»,- Երևանի քաղաքապետարանում գործակարգավարական խորհրդակցության ընթացքում ասաց Երևանի քաղաքապետ Հրաչյա Սարգսյանը՝ անդրադառնալով Ամիրյան փողոցի շենքերից մեկի տանիքին կառուցված շինությանը:
Երևանի քաղաքապետ Հրաչյա Սարգսյանը գործակարգավարական խորհրդակցության ընթացքում վերահսկողության վարչության պետի պաշտոնակատար Վահան Արսենյանից հետաքրքրվեց՝ արդյո՞ք գնացել են «Բնակչության հատուկ սպասարկման» ՀՈԱԿ, քանի որ հանձնարարական են ունեցել:
«Նոր Արաբկիր զբոսայգում ջրավազանի ջրահեռացման համակարգի հետ կապված մրցույթը կայացել է, ունենք հաղթող, պայմանագիրը կնքման փուլում է».- Երևանի քաղաքապետարանում գործակարգավարական խորհրդակցության ընթացքում տեղեկացրեցին շինարարության և բարեկարգման վարչությունից:
«Հաշվետու շաբաթվա ընթացքում 2235 շարժակազմ գտնվել է շահագործման մեջ, որից 1127-ը՝ «Ժոնգտոնգ» մակնիշի, 667-ը՝ «Հագեր», և 441 «Գազել» մակնիշի ավտոբուս: Ունեցել ենք 24 ճանապարհատրանսպորտային պատահար՝ առանց լուրջ հետևանքների»,-Երևանի քաղաքապետարանում գործակարգավարական խորհրդակցության ընթացքում ասաց «Երևանի ավտոբուս» ՓԲԸ տնօրեն Էլբակ Թարփոշյանը՝ հավելելով, որ վարորդների ընդունելությունը կրում է ամենօրյա պարբերական բնույթ:
«Իմ խորհրդական Մերի Մարգարյանն այժմ զբաղեցնում է Երևանի քաղաքապետարանի աշխատակազմի մարդկային ռեսուրսների կառավարման վարչության պետի պաշտոնը: Իսկ Արմեն Առաքելյանը նշանակվել է քաղաքապետարանի աշխատակազմի արտաքին ձևավորման և գովազդի վարչության պետ, և Սաշա Կատվալյանը՝ Երևանի քաղաքապետի խորհրդական»,- գործակարգավարական խորհրդակցության ժամանակ հայտնեց Երևանի քաղաքապետ Հրաչյա Սարգսյանը:
Արդեն երկար ժամանակ հանրապետությունում գործում է գյուղատնտեսական կենդանիների մորթը բացառապես սպանդանոցներում իրականացնելու կարգը, սակայն այստեղ էլ օրինախախտումները շարունակվում են:
Ամեն շենք, որ սարքվում է, միշտ պիտակավորում է գտնվում, բայց այս շենքի դեպքում այդպես չեղավ։ Բայց ժողովրդի մեջ կա մի բան, որ ինչ-որ մի բանի պետք է նմանեցնի։ Տարածվեց երկու տարբերակ, որով թեք մույթերը համարվեցին այն նահանգները, որտեղ ցեղասպանություն է եղել, իսկ հուշասյունը, որը երկու կտորից էր, ասացին՝ սա Մեծ Հայքն է և ներկայիս Հայաստանը։ Հաջորդ տարբերակն այն էր, որ 12-ը ոչ թե նահանգներն են, այլ առաքյալները, իսկ հուշասյունը՝ Մասիսն ու Սիսը։ Մենք այդպես չէինք մտածել։ Խորհուրդը, ազդեցությունը, որ մարդ պետք է ունենա այնտեղ այցելելիս՝ տալիս էին իր ձևերը։
Երևան քաղաքի զարգացման 2023 թվականի ծրագրի նախագծում անդրադարձ է կատարվել նաև զբոսաշրջությանը:
Արցախի տեղեկատվական շտաբը հայտնեց, որ փակ է Շուշի-Քարին տակ խաչմերուկը. քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել են Ստեփանակերտ-Գորիս մայրուղին: «Ակնհայտ է, որ Ադրբեջանն այս քայլով դիմում է սադրանքի Հայաստանի և Արցախի միջև ցամաքային կապի ընդհատման և խաղաղ բնակչությանը հոգեբանական ահաբեկչության ենթարկելու համար:
