Եվրամիությունը հայտարարել է Սիրիայի Հալեպ քաղաքում շտապ մարդասիրական նախաձեռնություն սկսելու մասին։ Համապատասխան հայտարարությունը արել է ԵՄ դիվանագիտության ղեկավար Ֆեդերիկա Մոգերինին և մարդասիրական օգնության և ճգնաժամերի կառավարման հարցերով եվրահանձնակատար Խրիստոս Ստիլիանդիսը։
Ռուսաստանում հայտարարել են 2016թ․ օգոստոսից տնտեսության անկման կասեցման մասին։
ՀԱՊԿ-ում ՀՀ մշտական ներկայացուցիչ Դավիթ Վիրաբյանը հոկտեմբերի 3-ին հանդիպեց ՀԱՊԿ գլխավոր քարտուղար Նիկոլայ Բորդյուժային: Այս մասին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:
Սիրիայի արտգործնախարար Վալիդ Մուալլեմն այս ամիս կայցելի Ռուսաստան, հայտնում է TASS-ը։
«Թերևս, այդ դիմադրության հարցում Նալբանդյանն իր պատասխանատվության բաժինն ունի։ Բայց դա բավարար չէ, չի կարելի ՀՀ դիվանագիտությունը սահմանափակել Ղարաբաղի և հայ-թուրքական սահմանի բացման հարցերով։ Դա ամոթ է։ Վիգեն Սարգսյանն ավելի գլոբալ մոտեցում ունի, Կարապետյանն ավելի գլոբալ մոտեցում ունի, բայց Նալբանդյանը՝ ոչ»։
«Հայկական վերածնունդն» ընդհանրապես համագործակցությունը միշտ դիտարկում է որպես արդյունավետ, բայց այն քաղաքական ուժերի հետ, որոնք իսկապես ցանկություն ունեն աշխատելու, որոնց հետ համապատասխանում է արժեքային մոտեցումները, ծրագրերը: Այս մասին այսօր ԱԺ-ում լրագրողների հետ զրույցում հայտարարեց ՕԵԿ խմբակցության պատգամավոր Մհեր Շահգելդյանը` մեկնաբանելով Վանաձորում կոալիցիա կազմելու և միասին քաղաքապետ ընտրելու հարցում համագործակցության մասին «Լուսավոր Հայաստանի» առաջարկը:
Սիրիայի Համա քաղաքում, որը վերահսկվում է երկրի կառավարության կողմից, պայթյուններ են որոտացել, հայտնում է BBC-ն՝ հղում կատարելով սիրիական ԶԼՄ-ներին։
Հալեպի Բուստան Ալ-Փաշա շրջանում սիրիական բանակը թեժ մարտերից հետո կարողացել է ահաբեկիչներից խլել մի քանի շինություն, որոնց թվում է հայկական Սուրբ Վարդան եկեղեցին, հայտնում է Նորությունների դաշնային գործակալությունը։
Իրանի նախագահ Հասան Ռոուհանին կոչ է արել Բաքվին ընդլայնել կապերը ձեռք բերված պայմանավորվածությունների վերաբերյալ, հայտարարել է Իրանի ԱԳՆ ղեկավար Աբդոլռեզա Ռահմանի Ֆազլին։ Այս մասին հայտնում է «ԱզերԹաջը»։
Զինյալ ահաբեկչական խմբավորումները հոկտեմբերի 3-ին կրկին ռմբակոծել են Հալեպի Նոր Գյուղ, Սուլեյմանիե, Թելֆոն Հաուաաի շրջանները: Այս մասին տեղեկացրին Հալեպի «Գանձասար» պարբերականից:
Երեկ Ադրբեջանի նախագահ Իլհամ Ալիևի հետ բանակցություններից հետո Հռոմի պապ Ֆրանցիսկոսը հանդիպել է Իլհամ Ալիևի ընտանիքի անդամների հետ, հայտնում է ադրբեջանական haqqin.az պորտալը՝ վկայակոչելով Ադրբեջանի նախագահի պաշտոնական կայքը։
Էստոնիայում երրորդ փորձից հետո նախագահ են ընտրել։ Նախագահը կին է՝ Կերստի Կալյուլայդը, որն ավելի վաղ երկրի ներկայացուցիչն էր Եվրոպական հաշվիչ պալատում, հայտնում է RIA Novosti-ն։
Սիլվիո Բեռլուսկոնին հոսպիտալացվել է Նյու Յորքի Կոլումբիայի համալսարանի բժշկական կենտրոնում, հայտնում է Askanews պարբերականը։
Վանաձորում արձանագրված վատ արդյունքները Ս.Մարգարյանը պայմանավորեց ընտրություններին մասնակցելու մասին որոշումն ուշ կայացնելով: Ըստ նրա` ՏԻՄ ընտրություններում համատարած է եղել «կարուսելը», որը, նրա կարծիքով, խիստ վտանգավոր է դառնում ռեյտինգային քվեարկություն կոչվածի պարագայում: Նա չհամաձայնեց ՀՀԿ-ական Էդուարդ Շարմազանովի գնահատականի հետ, որ ընտրությունները քաղաքական էին:
Հունաստանում ոստիկանությունը արցունքաբեր գազ է կիրառել թոշակառուների դեմ, որոնք հավաքվել էին Աթենքի կենտրոնում՝ բողոքելու իրենց արտոնությունների կրճատումների դեմ, հայտնում է Reuters-ը։
«Բարգավաճ Հայաստանը» Հանրապետական կուսակցության հետ դաշինքի հնարավորությունը բացառում է: Այսօր ԱԺ-ում լրագրողների հետ զրույցում ԲՀԿ-ական պատգամավոր Միքայել Մելքումյանը նշեց, որ կտեսնեն երեկվա ՏԻՄ արդյունքներն ինչպիսին կլինեն, այնուհետև կոալիցիա կազմել-չկազմելու որոշում կկայացնեն, բայց հաստատապես ոչ ՀՀԿ-ի հետ: Ընդհանուր առմամբ, ըստ նրա, ԲՀԿ-ն գոհ է ՏԻՄ ընտրությունների արդյունքներից, կարողացել են արժանապատիվ տեղ զբաղեցնել: Սակայն, ըստ նրա, Վանաձորի արդյունքներից ԲՀԿ-ն դժգոհ է և այնտեղ շատ արագ վերադասավորումներ է անելու:
168.am-ի տեղեկություններով՝ առաջիկա ժամերին պաշտոնանկ կարվի ՀՀ պետական եկամուտների կոմիտեի նախագահ Հովիկ Հովսեփյանը:
Գերմանիայի կանցլեր Անգելա Մերկելը Դրեզդենում ցուցարարների կողմից հարձակման է ենթարկվել, հայտնում է DW-ն։
«Ուրախ եմ, որ կառավարությունն ավարտական տեսքի բերվեց իր սահմանադրական ժամկետներում»,- այս մասին այսօր լրագրողների հետ հանդիպման ընթացքում ասաց Հայաստանի Հանրապետական կուսակցության (ՀՀԿ) փոխնախագահ Արմեն Աշոտյանը՝ խոսելով ՀՀ պաշտպանության նախարարի պաշտոնում՝ Վիգեն Սարգսյանի նշանակման, և արտաքին գործերի նախարարի պաշտոնում՝ Էդվարդ Նալբանդյանի վերանշանակման մասին։
Այսօր «Ալյանս» կուսակցության ղեկավար Տ. Ուրիխանյանը նախագահի պաշտոնից հրաժարականի դիմում է ներկայացրել կուսակցության վարչությանը՝ միևնույն ժամանակ շարունակելով մնալ կուսակցության վարչության կազմում և պատրաստակամություն հայտնելով կատարելու վարչության անդամի բոլոր պարտականությունները կուսակցության զարգացման ու առաջընթացի համար: Միևնույն ժամանակ ՀՀ ԱԺ պատգամավոր Տ. Ուրիխանյանը պատգամավորական մանդատը վայր դնելու մասին դիմում է ներկայացրել ՀՀ ԱԺ նախագահին:
Ահաբեկչական ԴԱԻՇ խմբավորման առաջնորդ Աբու Բաքր ալ-Բաղդադիին փորձել են թունավորել, հայտնում է Iraqi Media News Agency-ն՝ վկայակոչելով Նայնավա նահանգի սեփական աղբյուրներին։
Խոսելով «ԳԱԼԱ» և «Լուսավոր Հայաստան» կուսակցությունների մասին՝ Արմեն Աշոտյանն ասաց, որ ողջունելի է քաղաքական դաշտում նոր խաղացողների ի հայտ գալը, որոնք հաջողությունների են հասնում, սակայն այդ հաջողությունները նա չի պրոյեկտում ողջ հանրապետության վրա, քանի որ, ըստ նրա, ակնհայտ է, որ նշյալ կուսակցությունների հաջողություններն այս փուլում լոկալ են։
Այսօր Ազգային ժողովում քննարկվում է «Փաստաբանության մասին» Հայաստանի Հանրապետության օրենքում փոփոխություն և լրացում կատարելու մասին հարցը, որով առաջարկում են լրացնել նոր բովանդակությամբ կետ, որից կհետևի, որ ապաստան հայցողներին տրվում է անվճար փաստաբանական օգնություն։
Ռուսաստանի նախագահ Վլադիմիր Պուտինը կասեցրել է ԱՄՆ-ի հետ կնքած համաձայնագրի գործողությունը, որը վերաբերել է պլուտոնիումի թափոնների օգտագործմանը։ Հրամանը տեղադրված է իրավական տեղեկատվական ինտերնետ-պորտալում։
Մոսկվան և Վաշինգտոնը գտնվում են սուր կոնցեպտուալ սահմանազատման փուլում Սիրիայի հակամարտության կարգավորման հարցում, RIA Novosti-ի հետ զրույցում հայտնել է ՌԴ փոխարտգործնախարար Սերգեյ Ռյաբկովը։
«Չնայած՝ ընտրություններից հետո որոշ քաղաքական ուժեր փորձեցին պիտակներ վերագրել ընտրություններին, բայց առանց որևէ փաստի և իրականությանը չհամապատասխանող հարցադրումների, կարծում եմ, որ պետք է մեկս մյուսին շնորհավորենք նման ընտրություններ անցկացնելու համար»։
Վրաստանի նախկին նախագահ Միխեիլ Սաակաշվիլին կարծում է, որ «Միացյալ ազգային շարժում» կուսակցությունը համոզիչ հաղթանակ է տանելու Վրաստանում հոկտեմբերի 8-ին կայանալիք խորհրդարանական ընտրություններում և բնականաբար, երկրում իրավիճակի ապակայունացումը բխում է միայն Իվանիշվիլիի շահերից։
«Պարոն Սահակյան, Դուք նոր եզերքներ եք բացում համաշխարհային խորհրդարանական գործունեության պատմության մեջ»,- այսօր Ազգային ժողովի հերթական նիստի ժամանակ հայտարարեց պատգամավոր Նիկոլ Փաշինյանը՝ դիմելով ԱԺ նախագահ Գալուստ Սահակյանին։
ԱՄՆ-ը պատրաստ է, որքան հնարավոր է արագ սկսել իր զորքերը Լեհաստանի տարածքում տեղակայելու գործընթացը։ Այս մասին հայտարարել է Լեհաստանի պաշտպանության նախարար Անտոնի Մացերևիչը, որը այցով գտնվում է ԱՄՆ-ում, հայտնում է «Լեհաստանի ռադիոն»։
«Ինձ ընդհանրապես զարմացրեց, որ ՀՀԿ-ն այս ընտրություններում Գյումրիում, Վանաձորում և Կապանում կարող էր հաղթել: Պետք է հետևություններ արվեն: Սա նշանակում է, որ ընդդիմադիր գործունեության ավանդական պատկերացումները պետք է վերանայվեն»,- ասաց Ն.Փաշինյանը:
