Սիրիական բանակը Հալեպում ազատագրել է հայկական Սուրբ Վարդան եկեղեցին
Հալեպի Բուստան Ալ-Փաշա շրջանում սիրիական բանակը թեժ մարտերից հետո կարողացել է ահաբեկիչներից խլել մի քանի շինություն, որոնց թվում է հայկական Սուրբ Վարդան եկեղեցին, հայտնում է Նորությունների դաշնային գործակալությունը։
Բուստան Ալ-Փաշա շրջանը գտնվում է «Ջաբհաթ ֆաթահ աշ Շամ» (ավելի վաղ՝ «Ջաբհաթ ան-Նուսրա») խմբավորման վերահսկողության ներքո։
Գործողության ընթացքում իսլամիստները կորցրել են նվազագույնը 8 մարդու։ Սիրիական բանակի և աշխարհազորայինների ուժերի կորուստների մասին չի հաղորդվում։
Սուրբ Վարդան տաճարը հայկական կաթոլիկ եկեղեցի է (Հիսուսի միություն)։
Այսօր Հալեպի հայկական թաղամասերում հրթիռակոծության հետևանքով վիրավորվել է ևս երկու հայ՝ 1997թ. ծնված Կառլո Արամ Ֆերմանյանն ու նրա մայրը, տեղեկացնում է Rusarminfo-ն։
