«Շտայնմայերն աջակցել, աջակցում և շարունակելու է աջակցել Հայոց ցեղասպանությանը վերաբերող Բունդեսթագի բանաձևին»· Գերմանիայի ԱԳՆ
Գերմանիայի արտգործնախարար Ֆրանկ-Վալտեր Շտայնմայերն աջակցում է Բունդեսթագի բանաձևին, որում Օսմանյան կայսրությունում հայերի սպանությունները որակվում են «ցեղասպանություն»: Այս մասին այսօր կայացած ճեպազրույցում հայտարարել է Գերմանիայի ԱԳՆ ներկայացուցիչ Մարտին Շեֆերը:
«Շտայնմայերն աջակցել, աջակցում և շարունակելու է աջակցել Բունդեսթագի բանաձևին»,- հայտարարել է նա:
Շեֆերը մատնանշել է, որ Գերմանիայի արտգործնախարարը միաժամանակ նաև պատգամավոր է, այդ իսկ պատճառով փաստաթղթի ընդունումը «նրան անձամբ» է վերաբերում:
