Ուզբեկստանի կառավարությունը հերքել է Քարիմովի մահվան մասին լուրը
Ուզբեկստանի կառավարության մամուլի ծառայությունը հայտարարել է, որ երկրի նախագահ Իսլամ Քարիմովի մահվան մասին հայտարարություն չի տարածել, ինչպես այդ մասին հաղորդել են մի շարք լրատվամիջոցներ: Այս մասին հայտնում է «Ռիա Նովոստի»-ն:
«Այս պահի դրությամբ Ուզբեկստանի նախագահի մահվան մասին հայտարարություն չի տարածվել որևէ տեղեկատվական ռեսուրսում»,- ասել է երկրի կառավարության ներկայացուցիչը:
