Ռուսաստանը և Թուրքիան պլանավորում են ստեղծել 1 մլրդ դոլարի ներդրումային հիմնադրամ
Ռուսաստանը և Թուրքիան մտադիր են հուշագիր ստորագրել 1 մլրդ դոլարի ներդրումային հիմնադրամ ստեղծելու մասին G-20 գագաթաժողովի շրջանակում, որը տեղի կունենա սեպտեմբերի 4-5-ը Չինաստանում, հայտարարել է Ուղղակի ներդրումների ռուսական հիմնադրամի ղեկավար Կիրիլ Դմիտրիևը «Ռոսիա-24» հեռուստաալիքին տված հարցազրույցում: Այս մասին հայտնում է TASS-ը:
«Ֆորումի ժամանակ մենք կարևոր բանակցություններ կվարենք Թուրքիայի հետ: Մենք հուշագիր կստորագրենք ավելի քան 1 միլիարդ դոլարի համատեղ ռուս-թուրքական հիմնադրամի ստեղծման մասին»,- հայտնել է նա:
Ավելի վաղ Դմիտրիևը հայտարարել էր, որ ռուս-թուրքական հիմնադրամի համատեղ ներդրումները կարող են սկսվել 2017 թվականին:
