Աշխարհ

Ղրղըզստանում շարունակվում են որոնողական աշխատանքները ACT Airlines ավիաընկերության բեռնատար Boeing 747 ինքնաթիռի կործանման վայրում, որը կործանվել էր հունվարի 16-ին Դաչա-Սուու ավանում՝ Բիշքեկի «Մանաս» օդանավակայանի մերձակայքում։

Դավոսում կայանալիք տնտեսական հերթական համաժողովի կապակցությամբ Oxfam-ը ներկայացրել է Բելգիայում և աշխարհում չունևորների ու հարուստների կարողության հարաբերակցության վիճակագրությունը, որը հունվարի 16-ին հրապարակել է Le Soir թերթը:

Թուրքիայի փոխվաչապետ Նուման Քուրթուլմուշը հայտնել է, որ պաշտոնական Անկարան դեմ է Աստանայում սիրիական հակամարտության կարգավորման շուրջ կայանալիք բանակցություններին սիրիայի քրդերի Դեմոկրատական միություն կուսակցության (PYD) մասնակցությանը:

Հունվարի 16-­ին Ադրբեջանի Նարիմանովի շրջանի ոստիկանության կողմից ձերբակալվել է NIDA քաղաքացիական շարժման ակտիվիստ Ռահիմ Վալիևը:

Թուրքիայի գլխավոր ընդդիմադիր Ժողովրդա­հանրապետական կուսակցության նախագահ Քեմալ Քըլըչդարօղլուն Ազգայնական շարժում կուսակցության առաջնորդ Դեվլեթ Բահչելիին խնդրել է հանդիպել:

Պայթյունի հետևանքով Շըրնաքի գավառապետարանի 5 աշխատակիցներ վիրավորվել են:

Եվրասիական տնտեսական միության շրջանակներում միասնական արժույթի անցնելու թեման մշտապես արծարծվում է, սակայն միությունը միասնական արժույթ սահմանելու խնդիր ներկայում չունի:

Հարավային Կորեայի դատախազությունը երկրի ամենահարուստ գործարարներից մեկին՝ Samsung Electronics-ի ղեկավար Լի Չժե Ենին կալանավորելու հրաման է տվել։

2017թ. հունվարի առաջին կեսին ռուսական «Գազպրոմ» հոլդինգը ավելացրել է գազի արտահանումը դեպի հեռավոր արևելք 25,5%-ով, հայտնում է TASS-ը։

Բիշքեկի դատաբժշկական փորձաքննության հանրապետական կենտրոնի դիահերձարանում հետազոտվել է 32 մարմին, որոնք այնտեղ էին տեղափոխվել այսօր ACT Airlines-ի Boeing 747 բեռնատար ինքնաթիռի ավիաաղետից հետո, որը կործանվել էր «Մանաս» օդանավակայանից ոչ հեռու։

Իր աղմկոտ քաղաքական ակցիաներով հայտնի ռուս նկարիչ Պյոտր Պավլենսկին հայտարարել է, որ հեռացել է Ռուսաստանից և պատրաստվում է քաղաքական ապաստան խնդրել Ֆրանսիայից, քանի որ վախենում է ռուսական հատուկ ծառայությունների կողմից սադրանքներից։ ՌԴ Քննչական կոմիտեում հարցաքննությունից հետո նա կարողացել է լքել Ռուսաստանը Բելառուսի միջոցով։

Ռուսաստանի Պետական դումայի պատգամավոր, հայտնի բռնցքամարտիկ Նիկոլայ Վալուևը պատմել է իր մարզչի հետ Հայաստանի սարերում արջի հանդիպելու մասին: Ինչպես հաղորդում է bryansktoday.ru-ն, պատգամավորը համացանցում պատասխանել է օգտատերերից մեկի հարցին իր կյա նքում պատահած ամենաէքստրեմալ իրավիճակի մասին:

Խաբարովսկում քրեական գործ է հարուցվել «Սպանություն» և «Առևանգում» հոդվածներով։ Գործով անցնում է Խաբարովսկի 25 և 26 տարեկան 2 երիտասարդ, որոնք մեղադրվում են տեղի հայ գործարարներից մեկի 25-ամյա որդուն՝ Անդրեյ Մուրադյանին սպանելու մեջ։

Չեչնիայում մոտ 60 զինյալ է ձերբակալվել, որոնք առնչություն ունեն ԴԱԻՇ ահաբեկչական կազմակերպությանը։

Չինական ԶԼՄ-ների կարծիքով՝ ԱՄՆ նորընտիր նախագահ Դոնալդ Թրամփը «կրակի հետ է խաղում»՝ աջակցելով Թայվանի հետ հարաբերություններին և փորձելով կասկածի տակ դնել «միասնական Չինաստանի» քաղաքականությունը։

ՌԴ նախագահի մամուլի քարտուղար Դմիտրի Պեսկովը սառնորեն է արձագանքել ԱՄՆ նորընտիր նախագահ Դոնալդ Թրամփի հայտարարությանն այն մասին, որ պատրաստակամ է չեղարկել Ռուսաստանի նկատմամբ տնտեսական պատժամիջոցները՝ ի պատասխան ՌԴ-ի միջուկային սպառազինության կրճատման, հայտնում է Interfax-ը։

ԱՄՆ նորընտիր նախագահ Դոնալդ Թրամփի երդմնակալության արարողությունը բոյկոտելու մտադրության մասին արդեն հայտարարել է 22 դեմոկրատ կոնգրեսական։

Դերասաններ Ալեք Բոլդուինը, Մարկ Ռուֆալոն ու Ռոզի Պերեսը ռեժիսոր Մայքլ Մուրը, Նյու Յորքի քաղաքապետ Բիլ դե Բլազիոն բողոքի ակցիայի կմասնակցեն, որն անցկացվելու է ԱՄՆ նորընտիր նախագահ Դոնալդ Թրամփի երդմնակալությունից 1 օր առաջ, հայտնում է The Washington Post-ը։

ՄԱԿ-ը կոչ է արել անվտանգ միջանցք բացել Սիրիայում մարդասիրական օգնություն հասցնելու համար, ինչը թույլ կտա խուսափել 2016թ. ողբերգության կրկնությունից, հայտնում է «Անադոլու» գործակալությունը։

Facebook սոցցանցը հայտարարել է, որ կուժեղացնի պայքարը Գերմանիայում կեղծ նորությունների դեմ։

Ղրղըզստանի նախագահ Ալմազբեկ Աթամբաևը հրամանագիր է ստոևագրել հունվարի 17-ին երկրում սգո օր հայտարարելու վերաբերյալ, հայտնում է երկրի ղեկավարի մամուլի ծառայությունը։ Պատճառը բեռնատար Boeing 747-ի ավիաաղետն է, որին զոհ է գնացել 35 մարդ։

Չեխիայի Չեսկա-Տրշեվովա քաղաքում մարզահամալիրի տանիքը փլուզվել է այն պահին, երբ անցկացվել է դեռահասների շրջանում ֆլորբոլի առաջնություն, հայտնում է CZnews.info-ն։

Boeing 747 ինքնաթիռը կործանվել է Ղրղըզստանում օդաչուների սխալի պատճառով։ Այդպիսին են մասնագետների նախնական եզրակացությունները, ճեպազրույցում հայտնել է Ղրղըզստանի առաջին փոխվարչապետ Մուհամմեդկալըյ Աբուլղազիևը։

Ղազախստանում կալանավորվել է երկրի նախագահ Նուրսուլթան Նազարբաևի աշխատակազմի ղեկավարի նախկին տեղակալ Բագլան Մայլըբաևը, որին կասկածում են պետական գաղտնիքների հրապարակման մեջ, հայտնում է Tengrinews-ը՝ վկայակոչելով հանրապետության ազգային անվտանգության կոմիտեին։

Բիշքեկի մերձակայքում Turkish Airlines-ի Boeing 747 բեռնատար ինքնաթիռի աղետի վայրում աշխատում են Ղրղըզստանի ԱԻՆ-ի, ՆԳՆ-ի, Ազգային գվարդիայի և առողջապահության նախարարության ավելի քան 1000 աշխատակիցներ, հայտնում է Interfax-ը՝ վկայակոչելով Ղրղզըստանի փոխվարչապետ Մուհամեդկալըյա Աբուլղազիևին։

ԱՄՆ նորընտիր նախագահ Դոնալդ Թրամփը Washington Post-ին տված հարցազրույցում հայտարարել է, որ մտադիր է փոխարինել Բարաք Օբամայի առողջապահական բարեփոխման նախագիծը՝ Obamacare-ն, «բոլորի համար ապահովագրությամբ»։

Համացանցում հայտնվել է տեսանյութ, որը նկարահանել է անօդաչու թռչող սարքը Բիշքեկի Դաչի-Սուու ավանից, որտեղ կործանվել էր Turkish Airlines-ի բեռնատար Boeing 747 ինքնաթիռը։ Տեսանյությը հրապարակել է տեղի zanoza.kg պարբերականը։

Մոսկվայում մեկնարկել է դեկտեմբերի 25-ին Սև ծովում կործանված ինքնաթիռում գտնվող բժիշկ, «Արդար օգնություն» հիմնադրամի գործադիր տնօրեն, մարդասիրական ծրագրերով հայտնի Ելիզավետա Գլինկայի, որն առավել հայտնի էր բժիշկ Գլինկա անունով, հրաժեշտի արարողությունը, հայտնում է RIA Novosti-ն։

Ուզբեկստանի նախագահ Շավքաթ Միրզիյոևը խիստ հանդիմանել է երկու փոխվարչապետներին և աշխատանքից հեռացրել երկու պետական ընկերությունների ղեկավարների, հայտնում է RIA Novosti-ն՝ վկայակոչելով տեղական ԶԼՄ-ներին։

ԱՄՆ նորընտիր նախագահ Դոնալդ Թրամփը հայտարարել է, որ ներկայումս ինքը հավատում է Ռուսաստանի նախագահ Վլադիմիր Պուտինին և Գերմանիայի կանցլեր Անգելա Մերկելին, սակայն դա կարող է երկար չտևել։