Խմբագրի ընտրանի

Արցախյան երկրորդ պատերազմից հետո Արցախ-Ադրբեջան շփումներ են տեղի ունենում։ Օրերս «Հետպատերազմյան բանակցություններ. Ինչ են քննարկում և ինչի են ձգտում հասնել Երևանն ու Բաքուն» խորագրով քննարկման ընթացքում  ադրբեջանցի կոնֆլիկտաբան, իրավապաշտպան Արիֆ Յունուսովն ուշագրավ տեղեկություն դրեց շրջանառության մեջ։ Նա տեղեկացրեց՝ իրականում ներկայումս ընթանում են կոնֆիդենցիալ կոնտակտներ ադրբեջանական և արցախյան կողմերի միջև:

Նիկոլ Փաշինյան-Վլադիմիր Պուտին հանդիպման ընթացքում, հայ-ռուսական օրակարգային հարցերից զատ, Փաշինյանն արծարծեց հեռանկարային համագործակցության հարցեր. օրինակ՝ դիտարկել Հայաստանում նոր ատոմակայան կառուցելու հնարավորությունը:

Հայաստանում առաջին անհրաժեշտության սննդատեսակների գները չեն նվազում: «Սպառողների ազգային ասոցիացիայի» փոխնախագահ, մոնիտորինգի և մարքետինգային հետազոտությունների բաժնի պետ Ռուբեն Հայթյանի խոսքով՝ ընդհանրապես թանկացումները լինում են հիմնավորված, մասամբ հիմնավորված և չհիմնավորված, և իր կարծիքով՝ հիմա մի շարք ապրանքների թանկացումը մասամբ է հիմնավորված, որովհետև դա ավելի շատ ոչ թե միջազգային շուկայի գներից  է կախված, այլ մեզ մոտ դրամի նկատմամբ դոլարի փոխարժեքի հարաբերությունից:

«Այո, Դոնբասում լարվածությունն աճում է, բայց ես կարծում եմ՝ եվրոպական մի քանի երկրներ, առաջին հերթին՝ Գերմանիան, ինչ-որ չափով՝ Ֆրանսիան, խիստ դեմ են նման ելքի։ Շատ է խոսվում Ուկրաինայի՝ ՆԱՏՕ ընդգրկվելու մասին, բայց պետք է իմանանք, որ բացի նրանից, որ այն երկրները, որոնք գտնվում են հակամարտության մեջ, նրանց ՆԱՏՕ չեն ընդունում, նաև ինչպես Վրաստանի դեպքում, Գերմանիան միշտ ՎԵՏՕ է դնում նման որոշումների վրա»,- շեշտեց Գագիկ Հարությունյանը։

«Մարգուշավանը և Մարաղան Մարտակերտի շրջանում իրար կպած գյուղեր են, սակայն տարբեր ճակատագրեր ունեն։ Մարաղայի բնակիչները Մարաղայում հաստատվել են 1828 թվականին, նրանք եկել են Պարսկաստանի համանուն քաղաքից։ Իսկ Մարգուշավանը հիմնվել է 1914 թվականին նավթարդյունաբերող, հայ ազատագրական պայքարի հերոս Յուզբաշևի կողմից։ Ադրբեջանցիները միշտ աչք են ունեցել հայկական այն տարածքների վրա, որոնք տափաստանային են եղել, այս դեպքում ևս նրանք միշտ աչք են ունեցել Մարգուշավանի ու Մարաղայի վրա, երկուսն էլ շատ հարուստ գյուղեր են եղել, որտեղ ամեն ինչ աճում էր, բերքատվությունը հարուստ էր։ Կարելի էր ասել, որ Մարաղան Արցախի աչքն էր»,- պատմեց նա։

Դեռևս անցյալ տարի՝ հունիսին, Ազգային անվտանգության ծառայությունը հայտարարություն տարածեց այն մասին, որ «Բարգավաճ Հայաստան» (ԲՀԿ) կուսակցության ղեկավար Գագիկ Ծառուկյանի «Մուլտի գրուպ» կոնցեռնի մեջ մտնող «Օնիրա քլաբ» ընկերության կողմից ապօրինի ձեռնարկատիրական գործունեության արդյունքում պետությանը պատճառվել է 30 մլրդ դրամի վնաս և հարուցվել է քրեական գործ։

168.am-ի խիստ հավաստի տեղեկություններով՝ օրերս ծեծի է ենթարկվել Լոռու մարզպետ Արամ Խաչատրյանը։ Հիշեցնենք՝ նա մարզպետ է նշանակվել ամիսներ առաջ՝ վայր դնելով ԱԺ իշխանական «Իմ քայլը» խմբակցության պատգամավորական մանդատը։

Նախորդ շաբաթ Կառավարությունը փոփոխություն  կատարեց «Ռազմական ոստիկանության մասին» օրենքում ու որոշեց, որ այսուհետև Պաշտպանության նախարարության վարչական համալիրի պահպանությունը կիրականացնի ոչ թե մինչև հիմա այդ գործառույթն իրականացնող  Պաշտպանության նախարարությունը, այլ Ռազմական ոստիկանությունը,  որի ենթակայության տակ կստեղծվի հատուկ ստոաբաժանում հենց այդ նպատակով։

«Մենք կարող ենք իրար հետ ապրել, բայց ոչ միասին, այսինքն՝ միայն որպես հարևան։ Տարիներ ու տասնամյակներ են պետք, որպեսզի պատմական ձևով ժողովուրդների միջև հաշտություն կամ նման մթնոլորտ ձևավորվի։ Բայց հայության համար Ադրբեջանի կազմում ապագա չկա, սա պարզ և ակնհայտ է։ Ցանկացած փորձ, լինի չիմացության պատճառով, միջազգային վերլուծությունների տեսական մոտեցում, թե կարող են համատեղ ապրել՝ չի ստացվելու։ Ինչո՞ւ, որովհետև կան օբյեկտիվ պատճառներ, ես դեմ եմ նացիզմին, նացիոնալիզմին, դա հայրենասիրություն չէ, հայրենասիրությունը քո ազգին սիրելն է, այլ ազգի չվնասելով, չատելով ու չքննադատելով։ Ադրբեջանում հայատյացությունը պետական գաղափարախոսություն է, և ադրբեջանական ազգ վերջնականորեն չի ձևավորվել, սա է հիմնական խնդիրը։

Այս պատմության վերջին «ակորդն» ապրիլի 9-ի աշխատանքային օրվա ավարտին հնչեցրեց Ալեն Սիմոնյանը. ՀՀ իշխանություններն իրենց ոճին համապատասխան սկսեցին հերքել իրենք իրենց: Այս իշխանությունները նույնիսկ ամենացավալի հարցն առանց խղճի խայթի վերածում են խայտառակության՝ ԱԺ փոխխոսնակ Ալեն Սիմոնյանն ասել է, որ իրականում գերիների վերադարձի մասին պայմանավորվածություն չի եղել, ուղղակի հույս է եղել:

Քաղաքականության, այդ թվում՝ արտաքին քաղաքականության մեջ արժանապատվությունը կարևորագույն գործոն է։ Քաղաքականությունը, բացի պետությունների միջև կապերից, մարդկային հարաբերությունների համակարգ է, որում կողմերից որևէ մեկի արժանապատվության բացակայությունը դիմացինին հնարավորություն է տալիս վարվել այնպես, ինչպես հիմա Ադրբեջանն է վարվում Հայաստանի հետ։

«Նման վերաբերմունքը, որ գերիներ են վերադառնում, այնուհետև՝ չեն վերադառնում, էմոցիոնալ և հուզական լուրջ շփոթ կարող է առաջացնել ծնողների մոտ, նրանք գուցե չկարողանան զսպել իրենց էմոցիաները, զգացմունքները, և ինչպես գիտենք՝ արդեն 2 օր է՝ ՊՆ-ն շրջափակված է ծնողների կողմից, նրանք արդեն որոշակի ծայրահեղ քայլերի են դիմում: Կառավարությունը լուրջ քայլեր պետք է ձեռնարկի, և դրա համար պարտադիր է օգտագործել բոլոր լծակները՝ կլինի եկեղեցի, կլինեն դրսում հայ համայնքներ, կլինեն եվրոպական տարբեր պատգամավորներ, կլինեն հենց իշխանության կողմից արվող քայլեր»,- 168TV-ի «Ռեվյու» հաղորդման ընթացքում ասաց նա:

Սուրբ Աթոռում ՀՀ նախկին դեսպան Միքայել Մինասյանը հարցազրույց է տվել «Արմնյուզ» հեռուստաընկերությանը և հայտնել իր դիրքորոշումը առաջիկա հնարավոր արտահերթ ընտրությունների վերաբերյալ: Միքայել Մինասյանը հայտնել է, որ առաջիկա քաղաքական ընտրություններին չի սատարելու որևէ քաղաքական ուժի. «Այս ընտրությունների նախաշեմին ես չեմ սատարելու որևէ ուժի՝ լինի իշխանամետ, թե իրապես ընդդիմադիր»:

Պաշտպանության նախարարությունում ՀՀ ԶՈՒ Գլխավոր շտաբի պետ Արտակ Դավթյանի և բարձրաստիճան սպայական կազմի որոշ ներկայացուցիչների հետ 4 ժամ տևած հանդիպումից 44-օրյա պատերազմի ընթացքում և հետո անհետ կորածների և գերիների ծնողները դժգոհ դուրս եկան և լրագրողներին ասացին, որ իրենց հարցերին լիարժեք պատասխաններ չեն տրվել:

Երեկ երեկոյան Նիկոլ Փաշինյանի խոսնակ Մանե Գևորգյանը լրատվամիջոցներից մեկին հայտնել էր, որ Ադրբեջանից Հայաստան են վերադարձվում գերիներ։ Վարչապետի խոսնակի ասածից հետո «Էրեբունի» օդանավակայանում ուշ երեկոյան վայրէջք կատարեց ինքնաթիռ, որտեղ, սակայն, Ադրբեջանից վերադարձվող գերիներ չկային։

Վերջին ամիսներին Հայաստանի որոշ դպրոցներում և համալսարաններում տեղի ունեցան դեպքեր, որոնք հաստատ դուր չեկան իշխանություններին։ Մասնավորապես, պատերազմից հետո բազմաթիվ բուհեր տարբեր ձևաչափերով պահանջեցին վարչապետի հրաժարականը, նույն պահանջով հացադուլ հայտարարեց դպրոցներից մեկի տնօրենը։ Վերջին ամիսներին Հայաստանի 2 դպրոցներում տեղի ունեցան տնօրենի ընտրություններ, որոնցում թեկնածուներից ոչ մեկը չստացավ 50+1 ձայն։

168.am-ը նախագահի աշխատակազմ գրավոր հարցում ուղարկեց՝ ցանկանալով պարզել, թե ինչո՞ւ է Արմեն Սարգսյանն առանձին ընդունել Գագիկ Ջհանգիրյանին, և արդյո՞ք ԲԴԽ նախագահ Ռուբեն Վարդազարյանը նախագահ Արմեն Սարգսյանի  հետ հանդիպմանը ԲԴԽ անդամների հավաքական կարծիքը չի ներկայացրել նախագահին:

«Հավանաբար ինչ-որ խոսակցություն եղել է և կա՛մ իրար ճիշտ չեն հասկացել, կա՛մ սրանք առաջ են ընկել ու տվել են խոստում, որի վերաբերյալ վերջնական պայմանավորվածություններ ձեռք բերված չեն եղել։ Երկրորդը՝ իմ ընկալմամբ, սա Ալիևի հերթական ապտակն է Փաշինյանին, որովհետև Ալիևը վերջին 30 տարվա իր նվաստ ու ճղճիմ կարգավիճակն ինչ-որ մեկի վրայից պետք է հանի և գտել է իրենից էլ ավելի նվաստին ու ճղճիմին։ Նա փորձում է  ինքնահաստատվել Փաշինյանի հաշվին, սա նորմալ է, և դա այսուհետև լինելու է մեր իրողությունը»,- նշեց Արմինե Ադիբեկյանը։

Ապրիլի 8-ի երեկոյան Նիկոլ Փաշինյանի խոսնակ Մանե Գևորգյանը լրատվամիջոցներից մեկին ասել էր, որ այդ օրը Բաքվից Երևան է տեղափոխվելու հայ ռազմագերիների ևս մեկ խումբ, սակայն ինքնաթիռը եկավ, բայց դատարկ։

Նախօրեին հերթական սկանդալը ծագեց Նիկոլ Փաշինյանի խոսնակ Մանե Գևորգյանի շրջանառության մեջ դրած չճշտված լուրի պատճառով, թե նախատեսվում է հայ ռազմագերիների վերադարձ Երևան:

Քիչ առաջ Վերաքննիչ քրեական դատարանը` դատավոր Լուսինե Աբգարյանի նախագահությամբ, հրապարակել է նախկին գլխավոր դատախազ Գևորգ Կոստանյանի խափանման միջոցի վերաբերյալ որոշման եզրափակիչ մասը, որով մերժել է Գևորգ Կոստանյանի պաշտպանների միջնորդությունը` Կոստանյանի նկատմամբ կիրառված խափանման միջոց կալանավորումը վերացնելու վերաբերյալ: Այս մասին 168.am-ի հետ զրույցում հայտնեց Գևորգ Կոստանյանի պաշտպան, փաստաբան Գևորգ Գևորգյանը:

Արդարադատության նախարարությունն այժմ էլ որոշել է Վարչական իրավախախտումների վերաբերյալ ՀՀ օրենսգրքում փոփոխություն կատարել ու տուգանք սահմանել խոսքի, պատկերի, նշանի միջոցով հայհոյելու կամ անպարկեշտ վիրավորելու համար: Նախարարությունը օրենքի նախագիծը քննարկման է դրել Իրավական ակտերի նախագծերի հրապարակման միասնական կայքում:

Հայ ռազմագերիների վերադարձի մասին տեղեկությունը, որը factor.am-ի հետ զրույցում երեկ հաստատել էր Նիկոլ Փաշինյանի մամուլի խոսնակ Մանե Գևորգյանը, և որը կայծակնային արագությամբ տարածում էին մերձիշխանական շրջանակները,  պարզվեց, հավաստի չէ. Բաքու-Երևան չվերթով ինքնաթիռը ժամանել էր, սակայն՝ դատարկ, առանց գերիների:

Մեկ տարի առաջ երկու ոտքը մի կոշիկի մեջ դրած Նիկոլ Փաշինյանը պնդում էր, որ չի վերացվելու պետական գնումների ժամանակ պահանջվող 100 տոկոսանոց երաշխիքի ինստիտուտը։ Ազգային ժողովի «Լուսավոր Հայաստան» խմբակցության պատգամավորի հարցին պատասխանելիս՝ ինչ մեղադրանք ասես, որ չհնչեցրեց Փաշինյանը։

Անհետ կորած զինծառայողների հարազատները շարունակում են դեռևս առավոտյան ժամը 11:00-ից փակ պահած ՊՆ շենքի շրջափակումը։

Ինքնաթիռում եղել է միայն Արցախում ռուս խաղաղապահների հրամանատար Ռուստամ Մուրադովը:

Իրանագետի խոսքով՝ Հայաստանի ապագայի հետ կապված ցանկացած ծրագիր ենթադրում է առաջին քայլ, որը գործող իշխանությունների հեռանալն է. «Որևէ մեկը, որը կգա և կասի՝ ես ունեմ Հայաստանի ապագայի այս տեսլականը, որը պետք է իրականացնի այս իշխանությունը, խաբած կլինի մեզ, ինքն իրեն, որովհետև երկնքի կապույտ լինելու մեջ համոզվելու համար պարտադիր չէր շուրջերկրյա ճամփորդություն կատարել: Այս իշխանություններն այս եռամյա շրջանում ցույց են տվել, որ ոչ միայն ունակ չեն հաջողություններ գրանցելու, այլ նաև ունակ են խոշոր պարտություն գրանցելու, որքան էլ դա պարադոքսալ թվա»:

«Տնտեսվարող սուբյեկտներին ենթարկում են հարկային տեռորի, եթե խոսեք փոքր և միջին բիզնեսի ներկայացուցիչների հետ, կտեսնեք, թե ի՞նչ խայտառակ վերահսկողական գործիքներ է կիրառում Պետական եկամուտների կոմիտեն՝ տեռորի են ենթարկում, ստիպում վճարել տուգանքները, և այլն, իսկ դա հանգեցնում է նրան, որ շատ տնտեսվարողներ փակվում են, և այսօր տնտեսության տարբեր ճյուղերում արձանագրված անկումը պայմանավորված է նրանով, որ տնտեսական գործունեություն իրականացնողներ են փակվել»,- ասաց Կառլեն Խաչատրյանը։

Ստեփանակերտյան հայտնի «Արցախը Հայաստան է և վերջ»-ը սկիզբ դրեց Կովկասում խոշոր փոփոխությունների, մեզ համար` պատմական աղետի։

Քավորը, ինչպես կենացներում են ասում, սրբություն է, կենացն էլ՝ հոտընկայս խմվողներից է։ Ընդհանուր առմամբ Հայ Առաքելական եկեղեցու ու, ըստ ամենայնի, նաև քրիստոնեության հետ խնդիրներ ունեցող Նիկոլ Փաշինյանը՝ որպես ծիսական հավատացյալ, լավ է սերտել հատկապես քավորին վերաբերող դասը և ըստ արժանվույն է գնահատում քավորներից հատկապես սեփականին․ նրա կնքահայրն այլևս ամբողջ Տավուշի մարզպետ է։ Կեցցե Նիկոլ Փաշինյանը։ Եվ յուր քավորը, բնականաբար։