Պաշտոնյաների հայտարարագրերի ռեեստրը դեռ խնդիրներ ունի․ վերականգնելուց հետո կտեսնե՞նք արդյոք իշխանականների բացակայող հայտարարագրերը
Հունիսի 3-ից սկսած՝ չի գործում Կոռուպցիայի կանխարգելման հանձնաժողովի հայտարարագրերի բաժինը, որտեղ հրապարակվում է պաշտոնյաների ու նրանց հետ փոխկապակցված անձանց գույքի, եկամուտների, շահերի և ծախսերի մասին տեղեկությունը։
Ի դեպ, հունիսի 1-ին պաշտոնյաների հայտարարագրեր ներկայացնելու ժամկետն ավարտվել էր, սակայն նույնիսկ հունիսի 3-ի դրությամբ, երբ ռեեստրը դեռ չէր խափանվել, կայքում բացակայում էին տարբեր պաշտոնյաների հայտարարագրերը՝ Փաշինյանի առաջնորդությամբ։
Այդ օրերին հանձնաժողովը տեղեկացրել էր, որ հայտարարագրերի էլեկտրոնային համակարգի տեխնիկական խնդիրների կարգավորման և համակարգի վերազինման անհրաժեշտությամբ են պայմանավորված․ ժամանակավորապես սահմանափակվել է ռեեստրի որոնման համակարգի հանրային հասանելիությունը։
Նկատենք՝ այսօր դարձյալ ռեեստրից օգտվել չէր ստացվում․ ԿԿՀ-ից 168․am-ին փոխանցեցին՝ խնդիրը լուծման փուլում է․ «Աշխատանքները տարվում են»։
