Կարեն Խաչանովը պարտվել է ATP-500 մրցաշարի մեկնարկում
Հայկական արմատներով ռուսաստանցի թենիսիստ Կարեն Խաչանովն անհաջող է մեկնարկել գերմանական Հալլե քաղաքի ATP-500 մրցաշարում:
Հալլեի մրցաշարի մեկնարկում Խաչանովը մոտ երկու ժամ մրցեց ամերիկացի Իտան Քուինի հետ ու պարտվեց 6:1, 4:6, 4:6 հաշվով։
Կարեն Խաչանովը պրոֆեսիոնալ թենիսիստների ասոցիացիայի (ATP) վարկանիշային աղյուսակում 18-րդն է: Նա 4 անգամ հաղթել է միջազգային ֆեդերացիայի հովանու ներքո անցկացվող մրցաշարում: Խաչանովը Տոկիոյի 32-րդ ամառային Օլիմպիական խաղերի արծաթե մեդալակիր է:
