«Բացառվում է Նիկոլ Փաշինյանի հետ կոալիցիա կազմելը». Էդմոն Մարուքյան
ԱԺ «Լուսավոր Հաայստան» խմբակցության ղեկավար Էդմոն Մարուքյանի խոսքով՝ վստահ է, որ արտահերթ ընտրությունների արդյունքում Հայաստանում լինելու են փոփոխություններ, եթե, իհարկե, ընտրությունները չկեղծեն, հետևաբար` որևէ պատճառ չկա դրանք հետաձգելու համար:
«Ես ասել եմ, որ պայմանավորվածությունները խախտվել են իրենց կողմից, խոսքը խաղի ընթացքում խաղի կանոնը փոխելու մասին է: Մենք այլ պայմանավորվածություն, բացի այն, որ խորհրդարանը լուծարվի, չենք ունեցել: Կրկնում եմ՝ մենք չենք պատրաստվում ընտրությունների գործընթացը որևէ պատրվակով հետ գցել: Բոլոր հարցումներով երևում է, որ մենք անցնելու ենք խորհրդարան»,- ԱԺ-ում լրագրողների հետ զրույցում ասաց Էդմոն Մարուքյանը:
Ինչ վերաբերում է արտահերթ խորհրդարանական ընտրություններից հետո ընտրված մեծամասնության հետ կոալիցիա կազմելուն, Էդմոն Մարուքյանն ասաց. «Եթե Նիկոլ Փաշինյանը լինի վարչապետ, բացառվում է նրա հետ կոալիցիա կազմել: Բացառվում է նաև Ռոբերտ Քոչարյանի հետ կոալիցիայի կազմումը»:
Մանրամասները՝ 168.am-ի տեսանյութում
