ԱԺ «Իմ քայլը» խմբակցության պատգամավոր, Պաշտպանության հանձնաժողովի նախագահ Անդրանիկ Քոչարյանն այսօր լրագրողների հետ ճեպազրույցում նախ «5-րդ ալիքի» լրագրողին հորդորեց կարմիր միկրոֆոնը հեռու տանել՝ նշելով, թե կորոնավիրուս կա, բան կա, իսկ արդեն հարցազրույցի ընթացքում հորդորեց այդ հեռուստաընկերությունից իրեն հարց չուղղեն։
ԱԺ «Իմ քայլը» խմբակցության պատգամավոր, Պաշտպանության հանձնաժողովի նախագահ Անդրանիկ Քոչարյանը դեռևս չի պատրաստվում լրագրողների շատ հարցերի պատասխանել, ասում է՝ դեռ ՀՀ նախագահի հետ պետք է հանդիպի, մի քանի հարցեր ունի քննարկելու, որից հետո լրագրողների հետ կխոսի։
168.am-ի հետ զրույցում Ադրբեջանի հարցերով փորձագետ Արմինե Ադիբեկյանն ասաց, որ նոյեմբերի 10-ին հրապարակված հայտնի փաստաթղթի պահանջները տեսնելուց հետո, որևէ արցախցի չի վերադառնա Արցախ և կողք կողքի ապրի ադրբեջանցու հետ։
Անդրադառնալով ռուս-թուրքական հարաբերություններին, Ռուբեն Մելքոնյանը նկատեց՝ ականատես ենք դառնում մոտավորապես Սիրիայի խնդրին, երբ խնդիրները լուծվում են ռուս-թուրքական բանակցությունների միջոցով։ Իսկ Հայաստանն այդ բանակցություններում չկա, գոյություն չունի։
168.am-ի հետ զրույցում ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանն անդրադառնալով Սյունիքով Ադրբեջանի արևմտյան շրջանների և Նախիջևանի Ինքնավար Հանրապետության միջև ճանապարհի բացմանը և դրա վտանգներին, ասաց, որ որքան էլ փորձեն այլ ձևակերպումներ տալ, եռակողմ հրապարակված թուղթը քաղաքագիտության մեջ ունի հստակ ձևակերպում՝ կապիտուլյացիա կամ կիսակապիտուլյացիա։
«Համախմբում՝ հանուն փրկության» հանրահավաք-երթի մասնակիցներն այս պահին Ազատության հրապարակում են, նրանք Մատենադարանից երթով գնացին ԱԱԾ շենքի մոտ, այնուհետև եկան Ազատության հրապարակ, որտեղ էլ շարունակում են հանրահավաքը։
Հայրենիք» կուսակցության խորհրդի անդամ, քաղաքական գիտությունների դոկտոր Խաչիկ Գալստյանն այսօր «Համախմբում՝ հանուն փրկության» հանրահավաք-երթի ժամանակ հայտարարեց, որ Հայաստանը վտանգի մեջ է, իսկ Արցախ աշխարհի գոյությունը՝ վտանգված։
«Զարհուրելի է տեսնել, թե ինչպես է կատաղի ճիգերով մարդը փորձում պահել իշխանությունը, մարդ, ով ծնկի է բերել Արցախը, մատաղ է արել թուրքերին, Շուշին ուղղակի հանձնել է թուրքերին։ Ասում է՝ համախմբվեք իմ շուրջ։ Արցախի նախագահն էլ հայտարարում է, որ՝ եթե դավաճան ենք, ապա դավաճան ենք ազգովի։ Արայիկ Հարությունյան, չհամարձակվես դավաճան համարել այն 18 տարեկան տղային, ով մահվան սարսափն աչքերին՝ կանգնած էր թուրքական բայրաքթարների առաջ»,- Մատենադարանում մեկնարկած «Համախմբում՝ հանուն փրկության» հանրահավաք-երթի ժամանակ հայտարարեց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը։
«Եթե ինձ հետ որևէ բան պատահեց, դրա ողջ և միակ պատասխանատուն Նիկոլ Փաշինյանն է։ Դատախազին հանձնարարված է կյանքի գնով որևէ հիմնավորում գտնել ինձ, Գևորգ Պետրոսյանին անձեռնմխելիությունից զրկելու, իսկ մյուս գործընկերներին կալանավորելու համար։ Դատախազը դեռևս դժվարանում է գտնել։ Դիրքերում կանգնած տղաներին ասել ենք՝ զենքերը հանձնեք իջեք, իրենք ոչինչ չեն իմացել, քանի որ նրանք հավատացել են Արծրունին, որ՝ Իլյուշ, սպասի, հես ա գալու ենք Բաքու՝ չայ խմելու։ Արծրո՞ւն, հիմա կարող ա՞ Բաքվում չայ ես խմում, ասա իմանանք՝ էս ո՞ւր ես։ Դիրքում կանգնած տղաները չգիտեին նման արհավիրքի մասին, այդ տղաները գալու են և հարցեր են տալու»,- նշեց Նաիրա Զոհրաբյանը։
«30 տարի առաջ Քարվաճառն ազատագրվեց, հայը վերադարձավ իր տուն, բայց 30 տարի հետո կրկին հավաքում է իր իրերն ու լքում Քարվաճառը։ Դադիվանքի քահանան ասում է, որ եկեղեցու խաչն ու զանգը բերում է Հայաստան, հասկանո՞ւմ եք՝ ինչ է կատարվում։ Քիչ առաջ եմ զանգահարել մեր տղաներին, մեր վաշտը «Եղնիկներում» է, չի վերադարձել։ Տղաներից 6 հոգի ասացին, որ գնում են Քարվաճառ՝ Արցախի հերոս Պետրոս Ղևոնդյանի շիրմաքարը Հայաստան բերելու համար, սրանից ամոթ բա՞ն։ «Եռաբլուրում» գտնվող մեր տղաներին ի՞նչ ենք ասելու, ինչպե՞ս ենք ապրելու»,- նշեց ազատամարտիկը։
«Այդ որ ձեր օֆիսներում, խանութների պադվալներում համակարգիչները շարել եք, ամիսը 120 հազար դրամ աշխատավարձով նստեցրել եք հազարավոր ֆեյքերի ու մեր ընտանիքները մտնել եք տալիս, հասկանում եք, որ դուք ձեզ հումանիտար փրկության միջանցք այլևս չեք թողել»,- նշեց Նաիրա Զոհրաբյանը։
«Կարմիր խաչի» միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունին 168.am-ի հետ զրույցում տեղեկացրեց, որ իրենց թիմն արդեն մեկնում է Ստեփանակերտ, որտեղից նոյեմբերի 7-ին էին դուրս եկել՝ տեղի կառույցների խնդրանքով։
«Ազգային օրակարգ» կուսակցության խորհրդի նախագահ Արա Հակոբյանը կեսգիշերն անց հրավիրված մամուլի ասուլիսի ժամանակ հայտնեց, որ ստեղծված իրավիճակից դուրս գալու համար անհրաժեշտ են քայլեր, իսկ դրանցից առաջինն ու կարևորն այն է, որ գործող վարչապետն ու նրա վարչակազմը պետք է գնան։
ՀՅԴ Գերագույն մարմնի անդամ Արծվիկ Մինասյանն այսօր ԱԺ-ի մոտ «Համախմբում՝ հանուն փրկության» հանրահավաքի ժամանակ դիմելով «Իմ քայլը» խմբակցության պատգամավորներին, կոչ արեց գալ խորհրդարան և հրավիրել արտահերթ նիստ, նշելով, որ նրանց անվտանգությանը որևէ վտանգ չի սպառնում։
Արցախի Հանրապետության նախագահ Արայիկ Հարությունյանն այսօր ֆեյսբուքյան ուղիղ եթերում մանրամասնեց, թե ինչու է Ռուսաստանի ու Ադրբեջանի նախագահի հետ ՀՀ վարչապետը համաձայնել պատերազմի դադարեցման վերաբերյալ փաստաթղթին։
Արցախի Հանրապետության նախագահ Արայիկ Հարությունյանն այսօր ֆեյսբուքյան ուղիղ եթերից առաջ ներկայացրել էր սեպտեմբերի 27-ից մինչև նոյեմբերի 8-ը ժողովրդին ուղղված իր կոչերից հատվածներ, որը, նրա խոսքով՝ նպատակ ունի, որպեսզի չփնտրեն դավաճանների ու հող ծախողների։
ՀՅԴ ԳՄ անդամ Իշխան Սաղաթելյանը «Համախմբում՝ հանուն փրկության» հանրահավաքի ժամանակ հայտարարեց, որ ԱԺ «Լուսավոր Հայաստան» խմբակցությունը միացել է «Բարգավաճ Հայաստան» խմբակցության ստորագրահավաքին՝ արտահերթ նիստ անցկացնելու համար։
«Այստեղ սպիտակած մարդ շատ չկա, որովհետև այստեղ կարող էին լինել իմ հասակակիցները, 8 հազար հոգի, որոնք ընկան 1992-94 թվականներին։ Այս ստահակը ստորագրելով հայտարարությունը և հայտնելով իր համաձայնությունը՝ հողերը հանձնելու, նա ոչ միայն վաճառեց այս մի քանի հազար մեր մատղաշ երեխաների կյանքը, այլև այն իմ ընկերների, որոնք ընկան 1992-94 թվականներին։ Նա հաղթանակների զինվորներին դավաճանեց, պղծեց նաև նրանց հիշատակը, նա զրոյացրեց ամբողջ 30 տարվա մեր պայքարը»,- հայտարարեց Արա Սահակյանը։
168.am-ի հետ զրույցում Արցախի Հանրապետության նախագահի արտաքին հարաբերությունների հարցերով խորհրդական Դավիթ Բաբայանն անդրադառնալով Արցախի կապիտուլյացիային և հարցին, թե դրան Արցախում ինչպե՞ս են վերաբերվում, ասաց, որ այս ամենը պետք է վերլուծվի, և պարտավոր են վերլուծելու։
«Ի տարբերություն Նիկոլի, ով թքած ունի կերած հացի վրա, ում համար չկա որևէ սրբություն։ Ես ասում եմ՝ Նիկոլն ունի մեկ սրբություն, դա պատահաբար նախկիններին մերժելու արդյունքում իր ձեռքում հայտնված իշխանությունն է։ Արցախ, Հայաստան, ամեն ինչ նա կհանձնի, միայն թե իր և իր կնոջ իշխանությունը պահի, դրա համար ես դիմեցի նրա կնոջը, որովհետև գիտեմ, թե նրա վրա ինչ ազդեցություն ունի կինը։ Դիմեցի նրան՝ որպես մայր, կին, ով անսահմանափակ ազդեցություն ունի ամուսնու վրա, թող բռնի ձեռքը, հրաժարական տա, վաղը կարող է այդ շանսը չունենա»,- նշեց Նաիրա Զոհրաբյանը։
«Ձեր ցասումը, մեր Արցախ կորցնելը Նիկոլ Փաշինյանը և իր թայֆան ուզում են ձևակերպի՝ որպես պետական հեղաշրջում և կալանավորեն բոլորիս։ Նիկոլ Փաշինյանը և իր կինը շարունակում են կառչած մնալ աթոռից։ Արցախը հանձնած դավաճանը շարունակում է մինչև վերջին հայի արյան կաթիլը պայքարել։ Նա շարունակում է իր տխմար լայվելը, որտեղ նա կրկին մեղադրեց, մեղադրեց զոհված երեխեքին։ Անամոթ տականք, 4 հազար երեխու գլուխ ես կերել, ասում է՝ չեն ուզում կռվել այդ երեխեքը, վախկոտ են, դասալիք են, դասալիքը դու ես, վախկոտ։ Աննա Հակոբյան, դիմում եմ քեզ, գոնե ես գիտեմ, թե դու ինչ ազդեցություն ունես քո վախկոտ տղամարդու, ամուսնու վրա։ Մայր ես, կին ես, բռնի ձեռքը, կյանքում մեկ անգամ ձեր ընտանիքի բարեկեցությունը ստորադասեք պետության շահին։ Մեկ է, Աննա, սաղիս ձերբակալելով, կալանավորելով՝ այսինքն ուզում եք ասել, որ այստեղ հավաքվածները պետական դավաճաննե՞ր են, հա՞»,- շեշտեց նա։
«Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը, ով մասնակցում է Ազատության հրապարակում ընթացող «Համախմբում՝ հանուն փրկության» հանրահավաքին, դիմելով ներկաներին՝ հայտարարեց, որ զգացմունքային ելույթներ շատ կլինեն, սակայն պետք է հստակ հասկանալ մեկ բան, թե ինչու է հանրահավաքը, ինչն է այդ ցասման նպատակը։
«Վերնատուն» հասարակական-քաղաքական միավորման անդամ Վազգեն Մանուկյանն Ազատության հրապարակում ընթացող «Համախմբում՝ հանուն փրկության» հանրահավաքի ժամանակ հայտարարեց, որ այս դավաճանությունն արվել է 2,5 տարվա ընթացքում։
«Մեր թիկունքի հետևում բանակցել են, մեզանից ծածուկ բանակցել են, ստորագրել ու փախել պախկվել են, դուխովները վախկոտ են, համարձակություն չունեցան գան ասելու, որ ստորագրում են։ Արա, ի՞նչ եք ստորագրում, ո՞ւմ դեմ եք ստորագրում, Արցախում հազարավոր տղերք կռվեցին, ամեն միլիմետրի համար կռիվ տվեցին, դու ի՞նչ ես ստորագրում, ո՞ւմ անունից ես ստորագրում, ո՞ւմ ես տեղեկացրել, որ ստորագրում ես, արա, քեզ ո՞վ է թողել, որ ստորագրել ես։ Քեզ ո՞վ է մանդատ տվել, որ դու կապիտուլյացիա ստորագրես հաղթած հայ ժողովրդի անունից»,- նշեց Արթուր Ղազինյանը։
Հանրահավաքի ընթացքում ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը հայտարարեց, որ ԲՀԿ առաջնորդ Գագիկ Ծառուկյանը Նիկոլ Փաշինյանի հրահանգով արդեն բերման է ենթարկվել և գտնում է ԱԱԾ մեկուսարանում։
«Նիկոլ Փաշինյանի անունը Հայաստանի պատմության մեջ դաջվեց որպես դավաճան». Վանեցյան
«Զրույց քաղաքացու հետ. իմ ամենամեծ մեղքը» շարքի ֆեյսբուքյան հերթական ուղիղ եթերի ժամանակ վարչապետ Նիկոլ Փաշինյանն անդրադարձավ Շուշիի անկման և դրա շուրջ ծավալվող խոսակցություններին։
«Ինձ վերագրվող ամենամեծ մեղքն այդ հայտնի փատաթուղթն է, որով ասվում է, թե ես համաձայնվել եմ երեք տարածքներ՝ Աղդամ, Լաչին, Քելբաջար, հանձնել Ադրբեջանին։ Իրականում շատ զարմանալի չթվա, բայց այդ դրվագը ոչ թե հանձնելու, այլ պահելու մասին է»,- այս մասին «Զրույց քաղաքացու հետ. իմ ամենամեծ մեղքը» շարքի ֆեյսբուքյան հերթական ուղիղ եթերի ժամանակ ասաց ՀՀ վարչապետ Նիկոլ Փաշինյանը։
Քաղաքացիներ, որոնք բողոքի ակցիա են իրականացնում խորհրդարանի մոտ՝ ի պաշտպանություն Արցախի, փակել են Բաղրամյան պողոտան։ Տեղում կենտրոնացրել են ոստիկանական մեծաթիվ ուժեր։ Հիշեցնենք, որ ՀՀ վարչապետ Նիկոլ Փաշինյանը երեկ կեսգիշերին հայտարարեց, որ Արցախի համար ստորագրել է ցավոտ փաստաթուղթ, այդ պահից սկսած հանրապետությունում բողոքի ակցիաներ են անցկացվում։
168.am-ի հետ զրույցում Արցախի Հանրապետության նախագահի արտաքին հարաբերությունների հարցերով խորհրդական Դավիթ Բաբայանն անդրադառնալով Թուրքիայի բարձրաստիճան պաշտոնյաների հաճախակի դարձած Բաքու այցերին, նշեց՝ գաղտնիք չէ, որ այդ երկու պետությունները դարձել են մեկ ընդհանուր մարմին։
