«Գիտեք, բանակցությունների առումով նույնպես, մեղավորության առումով նույնպես, ինձանից հիմա կոնկրետ պատասխաններ մի ակնկալեք: Կարող եմ ասել, որ կյանքը բոլոր հարցերի պատասխանը կտա՝ ոչ միայն այս 2,5, այլ՝ առհասարակ: Ես սա ասելով՝ չեմ ցանկանում մեղքը որևէ մեկի վրա բարդել, բայց մեզանից յուրաքանչյուրը պատասխանտվությունից չի խուսափի: Եթե սխալ ունենք և դա կգնահատվի սխալ, դրա պատախանը կտանք»:
ԱԺ «Իմ քայլը» խմբակցության քարտուղար Հակոբ Սիմիդյանն առայժմ չի ցանկանում որևէ մեկնաբանություն տալ նոյեմբերի 10-ին հրապարակված հայտնի փաստաթղթի մասին՝ նշելով, որ վարչապետն արդեն դրա հետ կապված մեկնաբանություններ տվել է:
168.am-ի հարցին, իսկ այդ լուծումների մեջ կա՞ վարչապետի հրաժարականի հարց, Լենա Նազարյանը պատասխանեց. «Ես չեմ կարող հստակ ասել, չեմ կարող բացահայտել: Եթե քաղաքականության մեջ բացահայտ ոչինչ տեղի չի ունենում, դա չի նշանակում, որ ոչինչ տեղի չի ունենում, քննարկումներ տեղի են ունենում, այդ թվում՝ վարչապետի հետ»:
Երևան քաղաքի ընդհանուր իրավասության դատարանի դատավոր Մարինե Մելքոնյանի կայացրած որոշմամբ մերժվեց «Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանի նկատմամբ կալանավորումը որպես խափանման միջոց ընտրելու մասին վարույթն իրականացնող մարմնի միջնորդությունը։ Դատարանը հաստատել է, որ առկա չէ հիմնավոր կասկած, թե Արթուր Վանեցյանն առնչություն ունի իրեն վերագրվող արարքներին։
«2006-2008 թվականներին, երբ մուտք գործեցինք քաղաքական դաշտ, այս ֆեյսբուքյան լայվերը չկային, իմ և Նիկոլ Փաշինյանի ավագ ընկերը, Մեղրիի ինքնապաշտպանական ուժերի հրամանատարը՝ գնդապետ Դավիթ Մաթևոսյանը, Նռնաձորում անօդաչու թռչող սարքի հարվածից վիրավորվեց։ Մինչև նրան կհասցնեին հիվանդանոց, ճանապարհին մահացավ, գիտե՞ք՝ նաև ինչ պատճառով, որովհետև Դավիթը զրահաբաճկոն չուներ։ Քաղաքացի Նիկոլ Վովայի Փաշինյան, քո ղեկավարած Հայաստանում քո ընկեր Դավիթ Մաթևոսյանը մահացավ այն պատճառով, որ զրահաբաճկոն չուներ, դու ո՞նց ես գլուխդ դնում բարձին ու քնում, այ անամոթ»,- նշեց քաղաքական վերլուծաբանը։
ՀՅԴ ԳՄ ներկայացուցիչ Իշխան Սաղաթելյանն այսօր Ազատության հրապարակում «Համախմբում՝ հանուն փրկության» հանրահավաքի ժամանակ հայտարարեց, որ Արցախը հայ ժողովրդի նորանկախ պատմության ամենամեծ ձեռքբերումներից մեկն է, Արցախը համայն հայ ժողովրդի գուրգուրանքի, հոգածության, հպարտության սիմվոլն էր։
«Պետք է գիտակցենք, որ մենք ունենք մեկ թշնամի և ունենք մեկ գործ, որը պետք է համախմբված իրականացնենք՝ հայրենիքը զարգացնելու, շենացնելու և ավելի անվտանգ դարձնելու։ Ուստի այս ճանապարհին եկեք մեկս մյուսի նկատմամբ լինենք զգույշ և կարեկից։ Որևէ սադրանքի չտրվեք, խնդրում եմ, եթե որևէ մեկը ձեր մեջ հակառակ կարծիք կարտահայտի, խնդրում եմ, սիրով հեռացեք, պետք չէ վիճաբանության մեջ մտնել»,- շեշտեց քահանան։
Նոյեմբերի 13-ին ԱԺ «Իմ քայլը» խմբակցության պատգամավոր Վարդան Աթաբեկյանը հայտարարեց, որ դուրս է գալիս իշխանական խմբակցությունից և այսուհետև գործելու է՝ որպես անկախ պատգամավոր:
ԱԺ «Իմ քայլը» խմբակցության քարտուղար Հակոբ Սիմիդյանն առայժմ չի ցանկանում որևէ մեկնաբանություն տալ նոյեմբերի 10-ին հրապարակված հայտնի փաստաթղթի մասին, նշելով, որ վարչապետն արդեն դրա հետ կապված մեկնաբանություններ տվել է:
«Շատ լավ գիտենք, որ ես այդքան էլ երիտասարդ չեմ և ունեցել եմ բավականին մեծ քաղաքական փորձ: Ես գտնում եմ, որ հեղափոխությունից հետո մեր հայրենիքի կարևորագույն ձեռքբերումներից մեկը եղել է այն, որ մենք հիմք ենք դրել մաքուր, արդար, թափանցիկ ճանապարհով իշխանությունների ձևավորման: Մենք այդ ինստիտուտը պետք է պահպանենք»,- խորհրդարանում լրագրողների հետ զրույցում ասաց «Իմ քայլը» խմբակցության պատգամավոր Հովիկ Աղազարյանը:
«Այսինքն՝ որևէ բանից ո՛չ կառչած եմ, ՛ոչ էլ ինչ-որ մեկի խնդրանքով ինչ-որ բան պետք է անեմ։ Ինքս իմ որոշումները կայացնելու եմ՝ ելնելով իրադրությունից և հետագա զարգացումներից։ Այն իրավիճակը, որում մենք հայտնվել ենք, բավականին ցավալի է, որևէ մեկը դրանով ուրախ ու երջանիկ չէ, այս ամենի մեջ ում մեղքի բաժինն ինչքա՞ն է՝ ամեն մեկն իր մեջ պետք է փնտրի։ Պատասխանատվությունից խուսափելու խնդիր չկա, ուզում եմ նշել, որ ամեն ինչի պատասխանատուն գործող իշխանությունն է՝ բոլոր կատարվածի և չկատարածի»,- հավելեց պատգամավորը։
Ինչ վերաբերում է Նիկոլ Փաշինյանի երեկվա հայտնի գրառմանը, Հայկ Գևորգյանը, որ լրագրողների հարցերին պատասխանում էր այն պահին, երբ նոր էր սկսվել վարչապետի առցանց ասուլիսը, ասաց, որ վարչապետն ասուլիս կտա ու կբացատրի՝ ինչի մասին է խոսքը։
Վարչապետ Նիկոլ Փաշինյանի այսօր հրավիրած առցանց ասուլիսի ժամանակ հարց հնչեց նաև, որ, եթե ԱԺ պատգամավորները, ընդ որում, ոչ միայն իշխանական, նախարարները, Կառավարության անդամները, ՀՀ նախագահը տեղյակ չէին իր քննարկած բուն փաստաթղթից, արդյո՞ք դա չի նշանակում, որ այդ ինստիտուտները չեն գործում և ճգնաժամի մեջ են։ Արդյո՞ք չի կարծում, որ արտահերթ ընտրությունների միջոցով պետք է ձևավորել նշված ինստիտուտների իրավահաջորդներին։
Վարչապետ Նիկոլ Փաշինյանն այսօր իր հրավիրած առցանց մամուլի ասուլիսին անդրադարձավ հարցին, թե ինչո՞ւ երկխոսություն չկա այն քաղաքական ուժերի հետ, որոնք հայտարարում են, որ նոյեմբերի 10-ին ստորագրած կապիտուլյացիայի հայտարարության մեջ կարող են ներառված կետերն ավելի հայանպաստ դարձնել։
Վարչապետ Նիկոլ Փաշինյանն այսօր իր առցանց մամուլի ասուլիսի ժամանակ անդրադարձավ հարցին, թե պաշտոնավարման սկզբում, երբ վարչապետը հայտարարում էր, որ բանակցությունները սկսում է սեփական կետից, հիմա ո՞րն է այդ սեփական կետը բանակցություններում։
Վարչապետ Նիկոլ Փաշինյանի խոսքով՝ բոլորն էլ ականատես եղան, թե ինչ տեղի ունեցավ Երևանում նոյեմբերի 9-ի լույս 10-ի գիշերը՝ հարձակման ենթարկվեց Կառավարության շենքը, ջարդուխուրդ արվեց ԱԺ շենքը և Կոնդի առանձնատները։
Այսօր առավոտյան հերթական ֆեյսբուքյան գրառմամբ Նիկոլ Փաշինյանը հայտարարեց, որ պատրաստվում է հանդես գալ առցանց մամուլի ասուլիսով և պատասխանել 12 լրատվամիջոցների հարցերի։
«Հիմա ես չգիտեմ՝ այդ ստորագրված փաստաթուղթը որքանով է իրավապես հուսադրելի։ Հիմա մեր գլխավոր խնդիրն այն է, որ այդ հուշարձանները չվնասվեն, ավելին մտածել, թե վաղն ինչ է լինելու, ի վիճակի չենք։ Մենք նոյեմբերի 9-ին չգիտեինք, թե վաղն ինչ է լինելու, դրա համար էլ հազիվ թե ես կարողանամ հնավայրի հետ կապված այս պահին որևէ բան ասեմ»,- ասաց Համլետ Պետրոսյանը։
Մատենադարանում «Համախմբում՝ հանուն փրկության» հանրահավաքի մասնակիցները նախ Ազատության հրապարակում մասնակցեցին մոմավառության՝ ի հիշատակ Արցախյան պատերազմում նահատակված հերոսների, այնուհետև քայլերթով շարժվեցին դեպի Մատենադարան։
«Մենք արդեն այդ մասին խոսել ենք, որ հնարավո՞ր էր որևէ բան փոխել՝ իհարկե հնարավոր էր, հնարավո՞ր էր, որ պատերազմ չլիներ, և այլն, այս հարցերն արդեն դարձել են ավելի շատ պատմական վերլուծության առարկա։ Այս պահի դրությամբ՝ ունենք այն, ինչ ունենք, և պետք է հասկանանք, որպեսզի նման երևույթներ չլինի, ինչ պետություն պետք է կառուցեն, ինչ հասարակություն ունենանք։ Այն, ինչ տեղի ունեցավ, դժբախտաբար, օբյեկտիվ էր, և որևէ մեկին չպետք է մեղադրենք դրա մեջ»,- եզրափակեց Դավիթ Բաբայանը։
«Ես հասկանում եմ, որ հիմա նրանց հոգիները նայում են և մեկ հարց ունեն՝ ինչո՞ւ, երբ նրանք՝ այդ 18 տարեկան երեխաները, անվախ կանգնեցին և նայեցին մահվան աչքերին, մենք շատ հեշտ ենք խոսում մահվան մասին, որովհետև չենք հասկանում։ Երեխաները մահվան սարսափն աչքերին՝ կանգնեցին ու մինչև վերջ պայքարեցին։ Ինձ զանգում են մեր զինվորներն ու ասում, որ իրենց ասված է՝ զենքերը հանձնել, և վերջ, այսինքն՝ Արցախը հանձնվել է»,- ասաց Նաիրա Զոհրաբյանը։
Ազգային անվտանգության ծառայության աշխատակիցները «Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանի ծնողների բնակարանում խուզարկություն կատարելուն զուգահեռ՝ խուզարկություն են կատարել նաև նրա ղեկավարած «Հայրենիք» հիմնադրամի գրասենյակում։
«Սա ապօրինություն է, որն իրականացվում է իշխանությունների կողմից, իրենց դավադիր պլանները։ Սա անբարոյականության վերջին գագաթն է, այլ խոսքեր չեմ կարող գտնել։ Ծնողներիս տունն ի՞նչ կապ ունի, չեմ հասկանում, թող անեն, եթե սրանով պետք է իրենց հայրենիքի վաճառքի դավադիր պլանը կյանքի կոչեն։ Իսկ մենք պատրաստ ենք այդ դավադիր պլանի իրականացումը թույլ չտալ, նույնիսկ կյանքի գնով կարող ենք պայքարել»,- նշեց Արթուր Վանեցյանը։
«Մեզ մենակ քաղաքացիական պատերազմն էր պակաս, բոլորը թող հանգստանան ու լծվեն աշխատանքի, անկախ նրանից, թե ով կլինի իշխանությանը, արդեն ինձ համար լրիվ մեկ է, միայն թե երկիրը դառնա ծաղկուն, հզորանա։ Վաղը-մյուս օրը Ադրբեջանը չի հանգստանալու, նա ամբողջ Արցախն է ուզելու, դրա համար մենք պետք է զինվենք, փող հայթայթենք և կամավորագրվենք այդ գործին, որ իսկապես վաղը-մյուս օրը կարողանանք հաղթել»,- 168.am-ի հետ զրույցում ասաց Նիկոլայ Ծատուրյանը։
ՀՅԴ ԳՄ ներկայացուցիչ Սպարտակ Սեյրանյանի խոսքով՝ նոյեմբերի 9-ին ստորագրվել է Հայաստանի նորօրյա պատմության ամենախայտառակ փատաթուղթը, որը ստորագրելուց հետո, երբ Հայաստանը կանգնեց անդունդի եզրին, ամեն իրեն հարգող մարդ պետք է հրաժարական տար, բայց նման բան տեղի չունեցավ։
Բժիշկ Տարոն Տոնոյանն այսօր Ազատության հրապարակում դիմելով «Համախմբում՝ հանուն փրկության» հանրահավաքի մասնակիցներին, ասաց, որ պատերազմի 44 դժնդակ օրերի ընթացքում, օր օրի, երբ հայկական կողմի վիճակը դժվարանում էր, որոշել էր, որ պատերազմի դաշտից վերադառնալուց հետո երբեք չի խոսի։
Ազատության հրապարակում ընթացող «Համախմբում՝ հանուն փրկության» հանրահավաքին ներկա էր նաև Արցախի Հանրապետության Մատաղիս համայնքի նախկին ղեկավար Նորա Գասպարյանը։
«Արցունք իմ աչքերին է, ես 40 օր ողբում եմ, ողբալով ոչինչ հնարավոր չէ անել։ Ես հասարակ, անկուսակցական մի բուժքույր եմ, որն իր կյանքի 40 տարին տվեց ծառայելու ժողովրդին։ Իր երկրին տվեց առյուծ զավակ, լուրջ զինվորական պատրաստություն ստացած, Հունաստանում ուսումնառած։ Ես պատրաստ էի, երբ իմ որդին գնում էր սովորելու, գիտեի, որ, եթե զինվոր է, ուրեմն պետք է իր հայրենիքը պաշտպանի, դա նորմալ է, բայց նորմալ չէ այն, որ հիմա չգիտեմ, թե ինչի համար իմ որդին գնաց ու զոհվեց։ Ո՞ւր եք որդեկորույս մայրեր, մի՞թե դուք ոչինչ չունեք այստեղ ասելու, ինչո՞ւ դուք այստեղ չեք, ես պատասխան եմ պահանջում։ Ես պատասխան եմ պահանջում այն մարդուց, ով ստորագրեց ու հողերը հանձնեց։ Ինչի՞ համար, ինչպե՞ս մի անգամ նրա տիկինը հարցազրույցներից մեկում ասաց, որ մեր զինվորները զոհվում են հանուն ոչնչի, այ հիմա հասկացա, որ հանուն ոչնչի»,- արտասվելով՝ ասաց որդեկորույս մայրը։
168.am-ն իշխանությունների՝ Փաշինյանի և «Իմ քայլ»-ական պատգամավորների կողմից շրջանառվող այդ տեղեկությունների մասին զրուցեց Արցախի Հանրապետության ՊԲ նախկին նախարար, գեներալ-լեյտենատ Լևոն Մնացականյանի հետ։ Մեզ հետ զրույցում նա վստահեցրեց, որ Արթուր Վանեցյանն Արցախում իրեն վստահված պաշտպանական հատվածում կանգնած է եղել սկզբից մինչև վերջ։
«Կարծում եմ և հուսով, որ պարոն Միրզոյանը շուտով կկարողանա հաղորդակցվել հանրության հետ և իր գնահատականները փոխանցել վերջին օրերին տեղի ունեցած իրադարձությունների վերաբերյալ։ Մեկ բան կարող եմ ասել, որ նա վստահ է, որ այսօր ՀՀ-ին կայունություն է անհրաժեշտ, և որևէ գործընթաց, որն այսօր կխաթարի երկրում կայունությունը, դրանք իր կողմից դատապարտելի են։ Այս ստորագրած փաստաթղթին Արարատ Միրզոյանը տեղյակ է եղել»,- հավելեց նա։
