ԱԺ տնտեսական հարցերի մշտական հանձնաժողովի այսօրվա նիստում օրակարգը հաստատելուց հետո, հանձնաժողովի նախագահ, «Իմ քայլը» խմբակցության պատգամավոր Բաբկեն Թունյանը մի քանի դիտարկում արեց՝ ՀՀ նախկին վարչապետ Հրանտ Բագրատյանի Սևանում հնչեցրած հայտարարությունների վերաբերյալ։
Արդարադատության նախարար Ռուստամ Բադասյանը քրեական օրենսգրքի 300.1 հոդվածը հակասահմանադրական ճանաչելու վերաբերյալ ՍԴ որոշման առնչությամբ որևէ մեկնաբանություն չունի։ Ասում է՝ պետք է պատասխանատու մարմիններն այդ ամենը մեկնաբանեն, քանի որ Արդարադատության նախարարը չի կարող պատասխանել կոնկրետ քրեական գործերով, կոնկրետ հետևանքների մասին հարցերի։
Արցախի Հանրապետության մշակույթի, երիտասարդության հարցերի և զբոսաշրջության նախկին նախարար Լեռնիկ Հովհաննիսյանի խոսքով՝ Ադրբեջանն Արցախում իր կողմից բռնազավթված հայկական տարածքներում շարունակում է մշակույթի էթնոցիդի քաղաքականությունը, որը ձևավորվել է դեռևս խորհրդային ժամանակաշրջանում։ «Հիմա Ադրբեջանի այդ քաղաքականությունն ավելի այլանդակ ձևեր է ընդունել։ Փաստորեն, խորհրդային ժամանակաշրջանը պարարտ հող էր Ադրբեջանի կողմից ուրիշ ժողովրուրդների պատմամշակութային ժառանգության յուրացման քաղաքականության համար, ինչն […]
«Ես չգիտեմ՝ ինչու են նման բան գրել, բայց ինչ էլ որ գրել են, այդ ամենը տեղի է ունեցել Ստեփանակերտից դուրս։ Ստեփանակերտի ներսում որևէ բան տեղի չի ունեցել։ Չեմ կարող ասել, թե Ստեփանակերտից դուրս կոնկրետ որ հատվածում է, ավելի շատ Շուշիին մոտ է։ Ադրբեջանցիներն ինչ գրել են ցուցանակների վրա ու տեղադրել են, կրկնում եմ՝ Շուշիին մոտ է»,- եզրափակեց Դավիթ Սարգսյանը։
«Միջադեպի հետ կապված տուժողներ չկան։ Միջադեպն ավելի կոնկրետ տեղի է ունեցել Դավիթ Բեկ-Շուռնուխ ճանապարհահատվածում։ Ռուս խաղաղապահներն արդեն տեղյակ են՝ ինչ է տեղի ունեցել, իսկ Սյունիքի մարզպետարանի հետ կապված՝ ոչինչ չեմ կարող ասել»,- նշեց Գևորգ Փարսյանը։
Պետական եկամուտների կոմիտեի նախագահ Էդվարդ Հովհաննիսյանը հերքում է տեղեկությունը, թե իր ընտանիքի անդամները, մասնավորապես՝ հայրը, զբաղվում է Նիկոլ Փաշինյանի մարզային այցերին մարդկանց հավաքագրելով։
Պետական եկամուտների կոմիտեի նախագահ Էդվարդ Հովհաննիսյանի խոսքով՝ երկրում տնտեսական վիճակը գնահատելու համար պետք է հետևել վիճակագրական տվյալներին, կոնկրետ ՊԵԿ-ի մասով՝ հարկերի հավաքագրման ստացակարգին և տարբեր ոլորտներում տիրող իրավիճակին, հատկապես՝ առևտրաշրջանառության ծավալներին։
ԱԺ Ֆինանսավարկային և բյուջետային հարցերի մշտական հանձնաժողովի այսօրվա նիստում քննարկվեց կառավարության հեղինակած ՀՀ «Կենտրոնական բանկի մասին» օրենքում լրացում կատարելու մասին նախագիծը։
«Այս զորավարժությունները ոչնչով չեն տարբերվում մնացած բոլոր զորավարժություններից, և սրանք ամենուղիղ իմաստով ուղղված են Հայաստանի դեմ։ Թող չստացվի այնպես, որ զորավարժությունների ժամանակ կամ հետո պետք է պարտադիր լինեն ռազմական բախումներ կամ ռազմական որևէ միջադեպ, պարզապես այս ամենը մաս է կազմում այն ամբողջ ցիկլի, որը տեղի է ունենում այժմ։ Այսինքն՝ այս զորավարժությունների տեսքով կրկին ուժ կամ փափուկ ուժ է կիրառվում Հայաստանի դեմ՝ ինչ-ինչ հարցերի լուծում տալու համար»,- նշեց Կարեն Հովհաննիսյանը։
Ադրբեջանական կողմն Արցախում իր հսկողության տակ անցած հայկական տարածքներից փորձում է ոչնչացնել հայկական հետքը, պատմամշակութային կոթողները, եկեղեցիները ոչնչացնելուց հետո, հերթը բնակելի շենքերինն է։
ԱԺ «Իմ քայլը» խմբակցության ղեկավար Լիլիթ Մակունցի խոսքով՝ յուրաքանչյուր պաշտոնյայի հանձնառություններից է՝ անել առավելագույնը, պետությունը ուժեղացնելու համար։ Միևնույն ժամանակ՝ ազգային ինքնության և հիշողության պահպանմամբ։
«Այս ընթացքում մենք ունեցել ենք խորհրդակցություններ միջազգային կառույցների հետ և իրազեկել ենք մեր անելիքը։ Ինչ վերաբերում է Ընտրական օրենսգրքի երկրորդ հատվածին, ապա, երբ ունենանք Վենետիկի հանձնաժողովի պաշտոնական դիտարկումները, այն ժամանակ կքննարկենք, թե որ դրույթները պետք է ընդունվեն առաջիկա խորհրդարանական ընտրությունների ժամանակ։ Այս համատեքստում պետք է հաշվի առնել, թե որքանով է իրատեսական այդ փոփոխություններն իրականացնել Կենտրոնական ընտրական հանձնաժողովի կողմից, քանի որ որևէ կերպ միտում չունենք բարդացնելու գործընթացը»,- խորհրդարանում լրագրողների հետ զրույցում ասաց Լիլիթ Մակունցը։
ԱԺ Մարդու իրավունքների պաշտպանության և հանրային հարցերի մշտական հանձնաժողովում երկրորդ ընթերցմամբ քննարկվեց Կառավարության հեղինակած «Պետական տուրքի մասին» ՀՀ օրենքում փոփոխություններ և լրացումներ կատարելու մասին նախագիծը։
ԱԺ «Լուսավոր Հայաստան» խմբակցության պատգամավոր Անի Սամսոնյանի խոսքով՝ Նիկոլ Փաշինյանի հետ ԼՀԿ-ի միակ պայմանավորվածությունը եղել է այն, որ Նիկոլ Փաշինյանը հրաժարական պետք է տա, որից հետո գնան արտահերթ ընտրությունների։
Մարտի 27-ին Իրանում ստորագրվեց «Չինաստան-Իրան» 25-ամյա ռազմավարական, համագործակցության փաստաթուղթը։ Ըստ փաստաթղթի, Չինաստանը կիրականացնի 450 մլրդ դոլարի ներդրում, որը վերաբերում է տարբեր ոլորտների՝ մշակույթի, անվտանգային և ռազմական համագործակցության, տնտեսության, կրթության, առողջապահության, տեղեկատվական տեխնոլոգիաների և այլն։
Թուրքիայի նախագահ Ռեջեփ Թայիվ Էրդողանի խոսափող համարվող թուրքական «Sabah» թերթի կայքի տեղեկացմամբ՝ Անկարան ապրիլի 24-ին ընդառաջ գաղտնի դիվանագիտություն է վարում ԱՄՆ-ի հետ, քանի որ անհանգստացած է Վաշինգտոնից ստացված ազդակներից:
Սյունիքի մարզի Շուռնուխ համայնքից անհետացել է ևս 6 կով։ Մառախուղի պատճառով կովերն անցել են ադրբեջանցիների հսկողության տակ մնացած տարածք ու անհետացել են։
Ազգային անվտանգության խորհրդի քարտուղար Արմեն Գրիգորյանն այսօր Եռաբլուրում այդպես էլ ուղիղ չպատասխանեց լրագրողների հարցերին, թե, ի վերջո, Թուրքիան Հայաստանի թշնամի՞ն է, թե՞ ոչ, կամ առհասարակ Թուրքիայի հետ հարաբերություններում Հայաստանն ինչ շտկումներ պետք է մտցնի, որ ԱԽ քարտուղարն ասել էր իր հարցազրույցներից մեկում։
«Չէի ասի, որ 2016 թվականի ապրիլի 2-ին սկսած պատերազմը 4 օր է տևել, դրան թուրք գեներալներ էին մասնակցում, մենք հետևություններ պետք է անեինք։ Տեղեկություն ունեինք, որ բարձրաստիճան թուրք սպա է զոհվել Ակնայի ուղղությամբ։ Այսինքն՝ թուրքերն արդեն փորձում էին մտնել տարածաշրջան։ 2020 թվականի սեպտեմբերի 27-ին Թուրքիայի նախագահը հայտարարեց, որ Մինսկի խումբը չկարողացավ լուծել այդ հակամարտությունը, պատերազմի միջոցով կլուծեն, և չէր բացառում, որ Թուրքիան և ահաբեկիչները մասնակցում էին այդ պատերազմին»,- Եռաբլուրում լրագրողների հետ զրույցում ասաց Արթուր Թովմասյանը։
Արցախի Հանրապետության պետնախարար Գրիգորի Մարտիրոսյանի խոսքով՝ Արցախում պատերազմի և տարածքների մեծ մասի թշնամու օկուպացիայի տակ հայտնվելու պատճառով տնտեսական կորուստներն ահռելի են։
«Այս պահին չեմ ուզում դիվանագիտական հնարքներ բանեցնել, երբ թուրքն ու ադրբեջանցին ասում են, որ այդ տարածքներն իրենցն են, մի բան է, բայց շատ ավելի վտանգավոր է, երբ մենք ենք ասում, թե այդ տարածքներն իրենցն են, օրինակ՝ Քարվաճառը։ Սա ամենամեծ վտանգն է, նույնը Շուշիի ու նույնիսկ մեկ մետր հողի մասին է։ Տեսեք, այստեղ հանգչող մեր հայրենակիցներն իրենց արյունն են թափել այդ հողում, և մարդիկ հողի գինը պետք է հասկանան»,- Եռաբլուրում լրագրողների հետ զրույցում ասաց Դավիթ Բաբայանը։
Արցախի Հանրապետության արտաքին գործերի նախարար Դավիթ Բաբայանի խոսքով՝ պետք է հասկանալ, որ Ադրբեջանն ու Թուրքիան նպատասկասլացորեն աշխատանք են տանում՝ ուղղված Հայաստանի ու Արցախի դեմ։
Հանրության մի մասի համար կարծես թե սովորական է դարձել, երբ ՀՀ իշխանության տարբեր ներկայացուցիչներ Արցախի ազատագրված այս կամ այն շրջանը համարում են ոչ հայկական։ Նման հայտարարությունների պակաս գրեթե չկա։ Դրա վառ օրինակներից մեկն էլ ԱԺ «Իմ քայլը» խմբակցության պատգամավոր Հովիկ Աղազարյանի այն հայտարարությունն էր, թե Քարվաճառը հայկական չէ, և տարակուսել էր, թե կա այդպիսի դուխով մեկը, որ կարող է կանգնել ու հակառակը պնդել։
ԱԺ «Լուսավոր Հաայստան» խմբակցության ղեկավար Էդմոն Մարուքյանի խոսքով՝ վստահ է, որ արտահերթ ընտրությունների արդյունքում Հայաստանում լինելու են փոփոխություններ, եթե, իհարկե, ընտրությունները չկեղծեն, հետևաբար` որևէ պատճառ չկա դրանք հետաձգելու համար:
«Ենթադրում եմ, որ Դավիթ Խաժակյանը կգլխավորի նախընտրական շտաբը և այն համակարգը, որը գործել է նախորդ երկու ընտրությունների ժամանակ, նույն ձևով այդ համակարգը վերագործարկվելու է: Ցուցակի մասով էլ՝ հիմա անլուրջ կլինի ցուցակ գրել, դեռևս վաղ է, բավականին հանդիպումներ լինում են, սակայն ցուցակ դեռ չենք գրել»,- խորհրդարանում լրագրողների հետ զրույցում ասաց Էդմոն Մարուքյանը:
«Սա ընդամենը ևս մեկ հնարավորություն է սոցփաթեթի շրջանակներում բնակչությանն առողջ ապրելակերպին մղելուն, որպեսզի դա լինի բնակչության մոտ սովորություն, նաև հրաժարվելու վնասակար սովորություններից՝ ծխելուց ու պասիվ կյանքից: Սոցփաթեթի շրջանակներում հնարավորություն էր տրվում չորս ուղղությամբ գումարը ծախսելու, ևս մեկ ուղղություն ավելացել է, այստեղ խնդրահարույց բան չեմ տեսնում»,- նշեց Արտակ Զեյնալյանը:
ԱԺ «Իմ քայլը» խմբակցության պատգամավոր, Առողջապահության և սոցիալական հարցերի մշտական հանձնաժողովի նախագահ Նարեկ Զեյնալայանի խոսքով՝ Հայաստան է հասել կորոնավիրուսի պատվաստանյութ՝ մոտավորապես 24 հազար դեղաչափ, և արդեն սկսվել է պատվաստումների գործընթացը: Առնվազն հերթագրումներ են իրականացվում ռիսկային խմբերի անձանց, բժիշկների, խրոնիկական հիվանդություն ունեցող անձանց պատվաստելու համար:
ԱԺ «Իմ քայլը» խմբակցության պատգամավոր Հովիկ Աղազարյանը, ով օրերս հայտարարել էր, թե Քարվաճառը հայկական չէ, այսօր խորհրդարանում լրագրողների հետ զրույցում հակառակն ասաց՝ Քարվաճառը հայկական է:
Արցախի պատերազմում զոհված Արտյոմ Կիրակոսյանի հոր՝ Արթուր Կիրակոսյանի խոսքով՝ որդուն, ով պատերազմի ժամանակ ընդամենը մեկ ամսվա ծառայող էր, դիտավորյալ են հոկտեմբերի 11-ին տարել թշնամու կողմից արդեն գրավված Հադրութ, որպեսզի զոհվի։
Լրագրողների հետ զրույցում զոհված զինծառայող Տիգրան Շահբարյանի հայրը՝ Տոնական Շահբարյանն ասաց, որ դիմել է ամեն տեղ, առայժմ ոչ մի բան իրենց չեն ասում՝ հարցը դեռ լուծված չէ, ոչ մի բացատրություն չեն տալիս։
