«Սուրենին տեղափոխել են Գորիսի Քրեակատարողական հիմնարկ, ասում են՝ այնտեղ մեկ ամսով կարանտին է, չենք կարողանա որևէ այց կատարել։ Այսօր էլ ենք գնացել, սնունդ ենք տարել, դա ընդունել են, բայց չեն թույլատրել, որ տեսնենք, չենք էլ կարողանում զանգել։ Չգիտեմ, ասում են՝ տեղում նրա առողջական վիճակով հետաքրքրվում են, ինչ պետք է՝ անում են, չեմ կարող հստակ բան ասել, մեզ այդպես են ասել»,- նշեց Սեյրան Օհանջանյանը։
«Կալանավորված մեր համայնքապետերն առաջինն են, բայց ոչ վերջինը, ովքեր Սյունիքում և առհասարակ Հայաստանում ունեն դեմք, դիմագիծ, սեփական կարծիք, հայրենասիրություն, բոլորի հանդեպ այս նույնը բանը կատարվելու է։ Այսինքն՝ այս իշխանությանը պետք են մարդիկ, որոնք դիմագիծ ու կարծիք չունեն, որոնք հայրենիք չունեն և հակված են ավելի շատ, այսպես ասած, հակապետական ու հակահայրենասիրական քայլերի ու գաղափարների։ Իսկ ովքեր հայրենիք ունեն ու տեր են կանգնում իրենց հայրենիքին և գիտակցում են, որ օրվա իշխանությունն այդ հայրենիքը ծախում է, և այդ իշխանություններն այլ երկրների դրածոներ են, նրանց բոլորին կկալանավորեն»,- նշեց Աշոտ Մինասյանը։
168.am-ի հետ զրույցում Պատանեկության ստեղծագործական կենտրոնի հայրենաճանաչության ոլորտի ղեկավար, «Վերադարձ արմատներին» նախագծի համակարգող Մանուշակ Ստեփանյանն անդրադառնալով Գեղամ Նազարյանին բերման ենթարկելուն, նկատեց՝ հայ իրականության մեջ սա շատ վատ երևույթ է։
Գորիսում պատրաստվում են ստորագրահավաք սկսել՝ ի պաշտպանություն Գորիսի համայնքապետ Առուշ Առուշանյանի, քանի որ հուլիսի 16-ին Երևան քաղաքի ընդհանուր իրավասության դատարանը՝ դատավոր Կարեն Ֆարխոյանի նախագահությամբ, բավարարել էր ՀՔԾ՝ Գորիսի համայնքապետ Առուշ Առուշանյանի նկատմամբ խափանման միջոց կալանավորում կիրառելու վերաբերյալ միջնորդությունը: Առուշ Առուշանյանը 2 ամսով կալանավորվել է:
Միաժամանակ նա ընդգծեց, որ Ազգային արխիվում պահպանվում են բազմաթիվ քարտեզներ, որտեղ, ճիշտ է՝ Խորհրդային Միության ժամանակ վարչատարածքային բաժանումներ են իրականացվել և Սյունիքի մարզի Սև լճի 25 տոկոսը ներկայացվում է՝ որպես ադրբեջանական, սակայն այն հայկական է և միայն մեկ նպատակով է հատկացվել Ադրբեջանին, որպեսզի թշնամու անասուններն արածելուց հետո լճից ջուր խմեն։
2018 թվականին ՀՀ–ում տեղի ունեցած իշխանափոխությունից հետո նորեկ իշխանավորները՝ Նիկոլ Փաշինյանի գլխավորությամբ, լծվեցին որոշ նախարարություններ իրար միավորելու գործին՝ բացատրելով, թե այսպիսով խնայողություններ կանեն։ Նրանք վստահեցնում էին, թե նախկին իշխանությունների ժամանակ պետական համակարգն ուռճացված է եղել, ուստի իրենք եկել են, որպեսզի այդ ամենը հարթեցնեն, գումարներն էլ վերադարձնեն ժողովրդին։
«Եթե հիմա հայ ռազմագերիների խնդրի փոխարեն՝ այլ բան լիներ, ապա միջազգային հանրությունը ժամերով մեր գլուխը կտանեին իրենց քարոզչությամբ՝ մարդու իրավունքներ, և այլն։ Սակայն այսօր հստակորեն տեսնում ենք, որ սա ըստ էության մեր դեպքում չի գործում։ Մի ազգ, որն իրեն թույլ է տալիս ինչ-որ պուրակ ստեղծել և ձեռք առնել այլ ազգի զինվորի և դրանով դաստիարակել իր մատաղ սերնդին, սա խոսում է տվյալ ազգի արժեհամակարգի մասին։ Ընդ որում, մենք տեսնում ենք, որ եվրոպական տերությունները մի տեսակ ջայլամի քաղաքականություն են վարում, եթե դա իրենց չի կպնում, լռում են։ Սակայն սա այնպիսի բան է, որը ուռուցքի նման տարածվելու է, եթե դրա դեմը չառնեն։ Սա ամբողջությամբ պանթուրքական ծրագրի դրսևորումներից է»,- եզրափակեց ազգագրագետը։
«Լավ, 5-10 հոգու բռնեցին, նեղություն տվեցին, դրանով հա՞րց են լուծում, կամ ինչի՞ համար են նման բան անում։ Գոնե ասեն, բացատրեն, թե ինչո՞ւ են նման բան անում։ Այս սուտ մեղադրանքներով, կեղծիք-մեղծիքով ի՞նչ են անում, ազգիս թատրոնը քիչ է, եղած իրավիճակը քիչ է, սա էլ մեր գլխին նոր թեմաներ են բացում։ Երասխում զոհ ունեցանք, նոր գերիներ թշնամին տարավ, Արցախում կրակում են․․․ Այսինքն՝ թշնամին օրեցօր ակտիվանում է, սա թող տեսնեն իշխանությունները, սրա մասին թող մտածեն»,- նշեց Ա. Աղաբեկյանը։
«Ես բազմիցս եմ ասել, որ պատերազմը չի ավարտվել, և դրվագային ռազմական գործողությունները դեռևս շարունակվելու են։ Այս դեպքում փորձ է կատարվում ՀՀ-ի վրա բանեցնել արտաքին ճնշում, չասենք՝ արտաքին, այլ ասենք՝ Թուրքիայի կողմից ճնշում, որպեսզի իրենց համար շատ ավելի շահավետ պայմաններով տրամադրվի ճանապարհ կամ, ինչպես իրենք են ասում, «միջանցք»։ Իրականում թշնամու նպատակը հիմնականում սա է, ինչին մաս է կազմում Գեղարքունիքի և Սյունիքի մարզերում մայիսի 12-ից թշնամու ներխուժումը, սա հեռահար նպատակ էր հետապնդում։ Նման գործողություններ թշնամու կողմից դեռևս շարունակվելու են, և չի բացառվում, որ նմանատիպ միջադեպեր տեղի ունենան նաև Տավուշի մարզում»,- ասաց Կարեն Հովհաննիսյանը։
168.am-ի հետ զրույցում Արցախի Հանրաապետության նախագահի արտաքին հարաբերությունների հարցերով խորհրդական Նելլի Բաղդասարյանն անդրադառնալով Ալիևի այս հայտարարություններին, նկատեց՝ այս ամենն ուղղակի սպառնալիք է Հայաստանի Հանրապետությանը։
ԱԺ անկախ պատգամավոր Աննա Գրիգորյանի խոսքով՝ Սյունիքի համայնքապետերի նկատմամբ իրականացվող հետապնդումը պետք է ընկալել` որպես անձնական վրեժխնդրություն։
«Ի վերջո, որ այդ գումարը որ վերցնում են՝ ժողովրդի՞ն է անհրաժեշտ, թե՞ պատգամավորներին։ Ասում են՝ 50 հազար դրամով հնարավոր չէ այս կամ այն ծախսը հոգալ, իսկ թոշակառուն ի վիճակի՞ է ապրել 30 հազար դրամով, ուսուցիչները կարողանո՞ւմ են իրենց աշխատավարձով ապրել, իհարկե չեն կարողանում։ Այսինքն՝ այն պարագայում, երբ մենք ունենք չկահավորված դիրքեր, բազմաթիվ չլուծված խնդիրներ, այս ֆոնին ի՞նչ է նշանակում՝ մտածել, որ կարելի է ևս 200 հազար դրամով ավելացնել պատգամավորների ծախսերը»,- շեշտեց նա։
ԱԺ պատգամավոր Նաիրա Զոհրաբյանի խոսքով՝ ՀՀ-ում Իրանի դեսպանատունն ասել է, որ պատերազմի ժամանակ դեպի Իրան հայ զինվորներ չեն անցել, նույնն ասել են նաև Իրանի պատկան մարմինների ներկայացուցիչները՝ պատասխանելով հայկական կողմի գրավոր հարցումներին։
ԱԺ պատգամավոր Նաիրա Զոհրաբյանն այսօր խորհրդարանում լրագրողների հետ զրույցում անդրադարձավ պատգամավորների աշխատավարձը բարձրացնելու նախագծին, որն այսօր քննարկվում էր Կառավարության նախաձեռնությամբ հրավիրված ԱԺ արտահերթ նստաշրջանում:
Այսօր առավոտյան միջադեպ է գրանցվել հայ-ադրբեջանական սահմանի Երասխի հատվածում: Ադրբեջանական ԶՈՒ ստորաբաժանումները, մարտական դիրքերի առաջխաղացման նպատակով, փորձել են ինժեներական տեխնիկայի կիրառմամբ ամրաշինական աշխատանքներ իրականացնել:
168.am-ի հետ զրույցում թուրքագետ Տիրան Լոքմագյոզյանն ասաց, որ «միջանցք» և ճանապարհ հասկացությունների միջև մեծ տարբերություն կա, եթե ճանապարհը բացեն, հայկական կողմը գուցե դրանից չտուժի, սակայն իրատեսական չի համարում, որ թուրք-ադրբեջանական տանդեմի նպատակը ճանապարհի բացումն է, նրանց գլխավոր նպատակը «միջանցքն» է։
Սյունիքի մարզի մի քանի համայնքներ այս պահին մնացել են առանց ղեկավարների, քանի որ նրանց կալանավորել են։ Քարահունջ գյուղի վարչական ղեկավարին կալանավորելուց հետո, կալանավորել են Քաջարանի համայնքապետին, Մեղրիի նախկին համայնքապետին և Որոտանի գյուղապետին։ Միջնորդություն է ներկայացվել կալանավորելու նաև Գորիսի և Սիսիանի համայնքապետերին։
«Նա ուղղակի հրահանգ է տալիս իրեն կից կառույցներին՝ քննչական մարմիններին, ոստիկանությանը, ԱԱԾ-ին, որ այդ մարդկանց ուղղակի պետք է բռնեն, ինչ ուզում է անեն, քրեական գործ հարուցեն։ Եվ այդ իրավապահները սկսում են, այսպես ասած, հորինել այդ քրեական գործերը։
Կենտրոնական ընտրական հանձնաժողով միջնորդություն է ներկայացվել Սյունիքի մարզի Սիսիան համայնքի ղեկավար Արթուր Սարգսյանի դեմ քրեական գործ հարուցելու վերաբերյալ։
Ադրբեջանում Թուրքիայի, Իտալիայի, Ավստրիայի, Շվեդիայի, Իսրայելի, Չինաստանի, Ճապոնիայի, Բելառուսի, Ուկրաինայի դեսպանները, ՄԱԿ-ի Փախստականների գործերի գերագույն հանձնակատարի վարչության և Առողջապահության համաշխարհային կազմակերպության ներկայացուցիչները հուլիսի 9-ին երկօրյա այցով եղել են Արցախում՝ Ադրբեջանի կողմից օկուպացված տարածքներում, այցելել Շուշի։
«Մենք այս պարտության հետ չենք հաշտվելու, մեկ է՝ այս ազգի մեջ, կներեք բառիս համար՝ դեռ որձ տղաներ կան, մեկ է՝ շուտ-ուշ, մենք միավորվելու ենք, մենք դեռ մեկ պատերազմ ունենք։ Եթե այդ վերջին պատերազմը չունենանք, ապա պետությունը կկորցնենք»,- եզրափակեց Աղաբեկ Խաչատրյանը։
Նորանկախ Հայաստանի պատմության մեջ, այն էլ՝ նման իրավիճակում, առաջին անգամ է, երբ երկիրը տևական ժամանակ չունի արտգործնախարար, տեղակալներ։ Թեև իշխանության տարբեր ներկայացուցիչներ տարբեր առիթներով հայտարարում են, որ եթե արտգործնախարար չկա, ապա դա չի նշանակում, որ կառույցը փակվել է, այն աշխատում է, սակայն հասարակությունը հակառակն է տեսնում, որ արտգործնախարարությունն առհասարակ չի աշխատում։
«Այս գործընթացում տեսնում եմ քաղաքական ենթատեքստ, ավելին՝ սա ամբողջությամբ քաղաքական հետապնդում է։ Արմեն Սամվելյանին կալանավորելու մեղադրանքն ամբողջովին շինծու է, ապօրինի, բավարար ապացույցների համակցությամբ ձեռք չի բերվել փաստական տվյալ՝ նրան մեղսագրվող ենթադրյալ արարքը։ Ինձ տեղեկացրեցին, որ միջնորդությունը մուտքագրվել է դատարան՝ մակագրվել է դատավոր Մելիքսեթյանին, դատական նիստը, հնարավոր է՝ նշանակվի այսօր ժամը 18։00-ին։ Բայց քանի որ քրեական գործի նյութերը ծավալուն են, և ամբողջությամբ չենք հասցրել ծանոթանալ դրան, դիմում ենք մուտքագրել, որպեսզի հնարավորության դեպքում դատական նիստը տեղափոխեն վաղը»։
«Դիվանագիտությամբ մենք շատ բաներ կարող էինք ձեռք բերել ու շատ բաներ կանխել, բայց քանի որ մենք չունենք դիվանագիտություն, նույնիսկ չունենք արտգործնախարար, նախարարի տեղակալներ, բնականաբար, այսպես էլ պետք է լիներ»,- եզրափակեց Սուրեն Սարգսյանը։
«Սա Ալիևի ծրագրերից մեկն է, որով ուզում է աշխարհին ցույց տա, թե Շուշին գրավել է։ Կոնկրետ այդ դեսպանները, որոնք այցելել են Շուշի, ապացուցում են, որ կողմ են եղել, որ Ադրբեջանը պատերազմ սկսի և օկուպացնի Արցախի մեծ մասը, այդ թվում՝ Շուշին։ Եթե այս այցելուները քրիստոնյա են եղել, ուրեմն՝ իրենց կողմից այդ այցը դավաճանություն է։ Այցին չեն մասնակցել Ռուսաստանի, Ֆրանսիայի և Միացյալ Նահանգների դեսպանները, նրանց քայլը շատ ճիշտ է, և դրանով ցույց են տալիս, որ կողմնակից չեն Ալիևի իրականացրած զավթողական քաղաքականությանը»,- 168.am-ի հետ զրույցում ասաց Արծվիկ Սարգսյանը։
ԱԺ նախագահ Արարատ Միրզոյանի կարգադրությամբ, խորհրդարանում ստացել են հերթական պարգևավճարները։ Այս մասին 168.am-ը տեղեկացավ խորհրդարանի պաշտոնական կայքից։
Սյունիքի մարզի Տեղ համայնքի ղեկավար Ներսես Շադունցը, թեև «Վերածնվող Հայաստան» կուսակցության անդամ չէ, որի անդամներից շատերին այս օրերին բերման են ենթարկում, սակայն չի բացառում, որ նմանատիպ գործողություն նաև իր նկատմամբ լինի, օրինակ՝ ձերբակալեն։
Ադրբեջանում հավատարմագրված մի շարք երկրների դեսպաններ, միջազգային կառույցների ղեկավարներ հուլիսի 9-ին երկօրյա այցով եղել են Արցախում՝ Ադրբեջանի օկուպացիայի տակ եղած տարածքներում, այցելել են նաև Շուշի։
«Այսօր Սուրենի պաշտպանը հայտարարեց, որ 15 օրից նորից են գործը նայելու։ Ժողովուրդը որոշել էր ճանապարհ փակել՝ ի նշան բողոքի, բայց պաշտպանի այդ հայտարարությունից հետո որոշեց չփակել։ Իրավապահները նրան ձերբակալել են ու հիմնավորում են, թե ազատ չեն արձակում, որպեսզի գործին չխոչընդոտի։ Նա Գորիսի բանտում է, չեմ հասկանում՝ ինչպե՞ս պետք է գործին խոչընդոտի»,- նշեց Սեյրան Օհանջանյանը։
Արցախյան առաջին պատերազմում անհայտ կորած և գերեվարված զինծառայողների ծնողները 44-օրյա պատերազմից հետո իրենց որդիներին տեսնելու կամ հայրենիք վերադարձնելու հույսը կորցրել են։ Պատերազմից հետո, երբ հայկական կողմն ունեցավ բազմաթիվ անհայտ կորած ու գերեվարված զինվորներ, 90-ականներին անհայտ կորած ու գերեվարված անձանց ծնողները, թողած իրենց որդիներին, սկսեցին մտածել 18-20 տարեկան տղաների մասին, որոնց վերաբերյալ Ադրբեջանն ամեն օր դաժան տեսանյութեր էր տարածում։
