«Այդուհանդերձ, նրանց մոտ, օրինակ, կա որոշակի տպավորություն, որ ՀՀ իշխանությունների վերընտրվելը բխում է իրենց ու իրենց երկրի շահերից, նման քննարկումներն ու գրառումները հաճախակի են պատահում»,- եզրափակեց Ա. Տոնոյանը։
Այս ընթացքում արտահերթ ընտրություններին մասնակցող քաղաքական ուժերն արդեն եղել են ՀՀ տարբեր մարզերում։ Հանրությունն ուշադիր հետևում է նախընտրական քարոզարշավին՝ հասկանալու՝ քաղաքական ուժերն ինչպես են պատկերացնում Հայաստանի առջև ծագած անվտանգային խնդիրների լուծումը, իսկ որ ամենակարևորն է՝ ինչպես են պատկերացնում Արցախի հարցի կարգավորումը, ինչ ճանապարհներ են առաջարկելու Ադրբեջանի օկուպացիայի տակ հայտնված տարածքները վերադարձնելու համար։
Վայոց ձորում «Պատիվ ունեմ» դաշինքի կատարած նախընտրական քարոզարշավի ժամանակ Սերժ Սարգսյանն ասաց, որ ժամանակին Նիկոլ Փաշինյանը հայտարարում էր, թե Հայաստանը ղեկավարում են օլիգարխները, սակայն իշխանության գալուց հետո հայտարարեց, թե Հայաստանում օլիգարխներ չկան։
«Հիմա կտեսնենք՝ մե՞նք ենք թալանչի, թե՞ իրենք են թալանչի»,- այս մասին Վայոց ձորում «Պատիվ ունեմ» դաշինքի կատարած նախընտրական քարոզարշավի ժամանակ հայտարարեց Սերժ Սարգսյանը։
«Պատիվ ունեմ» դաշինքը` ՀՀ երրորդ նախագահ Սերժ Սարգսյանի գլխավորությամբ, նախընտրական քարոզարշավի շրջանակներում այսօր այցելել է Վայոց ձորի մարզ։ Բնակիչների հետ հանդիպման ժամանակ Սերժ Սարգսյանն անդրադարձավ Նիկոլ Փաշինյանի՝ Տավուշում արած հայտարարությանը, թե ավարտվել է թավշյա հեղափոխությունը և սկսվել է պողպատյա հեղափոխությունը։
Նիկոլ Փաշինյանը նախընտրական քարոզարշավի այս ընթացքում որևէ օր չի անդրադարձել Արցախի ապագային, չի խոսել այն մասին, թե ինչպես է պատկերացնում Արցախի հետագան և առհասարակ ինչպես է պատկերացնում Արցախի հիմնահարցի կարգավորումը։ Սա չի՞ նշանակում, որ ներկայիս իշխանությունը հրաժարվել է Արցախից, այս հարցն այսօր 168.am-ն ուղղեց «Պատիվ ունեմ» դաշինքի անդամ Արմեն Աշոտյանին։
«Պատիվ ունեմ» դաշինքի անդամ Արմեն Աշոտյանն այսօր հրավիրած մամուլի ասուլիսի ժամանակ 168.am-ի հարցին, թե Նիկոլ Փաշինյանը միտումնավո՞ր է սրում իրավիճակը, երբ նախընտրական քարոզարշավի ժամանակ հայտարարություններում սպառնում է ընտրվելու դեպքում քաղաքական և քաղաքացիական վենդետաներ անել, «մեյիդ» փռել, թավիշը փոխել պողպատե հեղափոխությամբ, նաև անվանական վիրավորական արտահայտություններ է հնչեցնում իր ընդդիմախոս մրցակիցների հասցեին, ո՞րն է դրա նպատակը, այսպես պատասխանեց՝ Նիկոլ Փաշինյանն արդեն մեկ պատերազմ հայության գլխին բերել է։
«Ես ուզում եմ Հայաստանում այդպիսի իշխանություն, 18 տարի անց, երբ նրա որդին մնացածի որդիների նման կգնա բանակ, կծառայի խաղաղ, կունենա լավ, պլոճիկով իշխանություն, ոչ թե ֆալցետով հանրապետությունունով մեկ ղժղժացող իշխանություն։ Ես նրան այդպիսի մաղթանք կհղեմ»,- նշեց Արմեն Աշոտյանը։
«Կարծում եմ՝ նման հիմարություններ երկնելը Լենա Նազարյանի և առհասարակ ԱԺ «Իմ քայլը» խմբակցության պատգամավորների, կառավարության անդամների պարագայում շատ սովորական երևույթ է։ Այստեղ կարելի է օբյեկտիվ համարել միայն այն, որ Լենա Նազարյանը լինելով բարձրաստիճան պաշտոնյա, խորհրդարանական երկրի խորհրդարանի փոխնախագահ, այս ժամանակահատվածում անգամ ինքն է հասկացել, որ մեր երկիրը գտնվում է կատարյալ անիշխանության մեջ, որ գոյություն չունի պետական իշխանություն, որը կզբաղվի իր մեղքով ճակատագրի նման ծանր բեռի տակ հայտնված մեր քաղաքացիների խնդիրներով»,- 168.am-ի հետ զրույցում ասաց Էդգար Ղազարյանը։
Մարդու իրավունքների եվրոպական դատարանում Ադրբեջանում գտնվող հայ ռազմագերիների շահերի ներկայացուցիչ Սիրանուշ Սահակյանի կարծիքով՝ Լենա Նազարյանի հայտարարությունը գերիների վերաբերյալ ոչ միայն՝ քաղաքական տհասության, այլև՝ մասնագիտական գիտելիքների պակասի արդյունք է։
«Երբևիցե չպետք է խաբվենք, թե ինչ ունենք՝ ի դեմս Ադրբեջան պետության։ Միաժամանակ հավասարազոր վտանգավոր է, երբ զինատյացությամբ են տառապում ու հանցագործի հետ ընկնում մեկ դաշտ, նման բան չի լինում։ Ադրբեջան պետությունը հայատյացություն ու նացիզմ է քարոզում, սա փաստ է, բայց խնդիրն այն է, որ մենք հանկարծ ինքներս նացիզմով չտառապենք, որովհետև մեր բոլոր խնդիրները ներսում են, և դա ցույց է տվել պատմությունը։ Ադրբեջանը երբեք չի թաքցրել իր նպատակները, բայց այսօր մեզանում կան մարդիկ, որ Արցախի հետ կապված՝ ասում են ի՞նչ է եղել, որ, այսինքն՝ ներսից է, չէ՞, խնդիրը»,- եզրափակեց Արցախի արտաքին գերատեսչության ղեկավարը։
Թշնամին կրակոցներ է արձակել հայ-ադրբեջանական սահմանի Գեղարքունիքի մարզի սահմանային հատվածում՝ Կութ գյուղի ուղղությամբ։ Այս մասին 168.am-ի հետ զրույցում ասաց Սոթք գյուղի բնակիչներից մեկը՝ նշելով, որ թշնամին մոտ 15 րոպե շարունակ կրակել է գյուղի ուղղությամբ։
«Ես, ԳԱԱ ցանկացած ակադեմիկոս, աշխատակից, որպես՝ ՀՀ քաղաքացի, ինչպես մեր ամբողջ ժողովուրդը, մտահոգված ենք մեր գերիների խնդրով, նաև մեր երկրի առջև ծառացած խնդիրներով։ Անկախ այն հանգամանքից՝ մենք գիտնական ենք, արտադրող, ուսանող կամ մեկ այլ մասնագիտությամբ անձ, մեզ այս խնդիրը շատ է մտահոգում։ Գոյություն չունի այնպիսի կառույց, այնպիսի մի մարմին, որը գիտության ասպարեզում է, բայց զուգահեռ կարող է զբաղվել գերիների հարցով, սա ուղղակի իրենցից պատասխանատվությունը գցելու մոտեցում է»։
«Պատիվ ունեմ» դաշինքի ներկայացուցիչ Խաչիկ Գալստյանն այսօր հրավիրած մամուլի ասուլիսի ժամանակ ասաց, որ դաշինքը ղեկավարող վարչապետի թեկնածու Արթուր Վանեցյանը բազմիցս ասել է՝ եթե ինքն իշխանություն լիներ, ապա կարող էր գերիների հարցը շուտափույթ լուծել։
«Պատիվ ունեմ» դաշինքի ներկայացուցիչ Խաչիկ Գալստյանն այսօր հրավիրած մամուլի ասուլիսի ժամանակ հայտարարեց, որ գործող իշխանությունը նախընտրական քարոզարշավի հենց առաջին օրվանից ընտրել է բռնությունների, դեպի քաղաքացիական բախումներ տանող կործանարար ճանապարհը։
168.am-ի հետ զրույցում Մեղրիի համայնքապետ Մխիթար Զաքարյանն անդրադառնալով զորամասի հրամանատարի պաշտոնանկությանը, նկատեց՝ հրամանատարի մասին ոչ միայն՝ Մեղրիիում, այլև՝ առանց չափազանցության, ամբողջ հանրապետությունը գիտի։
«Այո, նրանք կարող են ինչ-որ հայտարարություններ բարձրաձայնել, միևնույն ժամանակ՝ մտավախություններ ունենան, որովհետև նրանք չեն ուզենա նեղացնել որևէ մեկին, բայց բոլորից պահանջում են իրենց տղաներին։ Սակայն իրականում հասցեատերը միանշանակ իշխանությունն է, ինչպես գերության մատնվելու, այնպես էլ հետագա վերադարձի հետ կապված։ Նրանք պահանջում ու ակնկալում են բոլորից, ով ուզում է լինի, միայն տղաների վերադարձի հարցը լուծվի»,- ընդգծեց նա։
ՀՀԿ ԳՄ անդամ Էդուարդ Շարմազանովն այսօր «Պատիվ ունեմ» դաշինքի հրավիրած մամուլի ասուլիսի ժամանակ անդրադարձավ հայ-ադրբեջանական սահմանին դիտորդներ տեղակայելու՝ Նիկոլ Փաշինյանի արած առաջարկին, ինչպես նաև պատասխանեց հարցին՝ «Պատիվ ունեմ» դաշինքը իշխանության գալու դեպքում կկարողանա խաղաղ ճանապարհով թշնամուն հանել ՀՀ սուվերեն տարածքից։
«Ով քվե տա այս կապիտուլյանտին՝ գիտացված կամ ոչ գիտակցված, մտածված կամ չմտածված, քվեարկում է Հայաստանի ադրբեջանացման օգտին։ Հայաստանի ադրբեջանացում չի լինելու»,- այս մասին «Պատիվ ունեմ» դաշինքի հրավիրած մամուլիս ասուլիսի ժամանակ ասաց ՀՀԿ ԳՄ անդամ Էդուարդ Շարմազանովը։
«Կապիտուլյանտը սրընթաց գահավիժում է, նրա վարկանիշը գահավիժում է, և դա այլևս որևէ կերպ չի կարելի կանգնեցնել։ Ինչպես Նապոլեոնն էր ասում՝ կարելի է կանգ առնել վերելքի ժամանակ, բայց գահավիժման ժամանակ անհնար է կանգ առնել։ Ուստի արձանագրենք, որ նրա նյարդային, շատ դեպքերում՝ ոչ ադեկվատ, նույնիսկ՝ ոչ մարդկային հայտարարությունները և վարքագիծը խոսում են նրա մասին, որ Նիկոլը շատ լավ գիտակցում է, որ գահավիժում է։ Շատ կներեք, նա խոսում է շինելուց, բայց արա՛, դու ամբողջ կյանքումդ տվող ես եղել, Շուշին, Հադրութը տվողը, 5 հազար զոհ տվողը խոսում է շինելուց»,- «Պատիվ ունեմ» դաշինքի հրավիրած մամուլի ասուլիսի ժամանակ ասաց Էդուարդ Շարմազանովը։
Ադրբեջանական կայքերը երեկ հայտնել էին, որ հայ-ադրբեջանական սահմանի Սյունիքի մարզի սահմանային հատվածից մեկ հայ են գերեվարել։ Այս տեղեկատվությունը տարածելուց հետո ՀՀ պաշտպանության նախարարությունը լուրը հաստատեց՝ նշելով, որ հունիսի 8-ին, ՀՀ ԶՈՒ N զորամասի պայմանագրային զինծայառող, շարքային Ա. Քաթանյանը, մառախուղի պատճառով ապակողմնորոշվելով տեղանքում, հայտնվել է Ադրբեջանի ԶՈւ վերահսկողության տակ գտնվող տարածքում։
«Մարդուն ճանաչում եմ, նա մարտավարություն գիտի։ Ես ասում եմ՝ ղեկավարից պետք է մարդու հոտ գա, Ռոբերտ Քոչարյանից մինչև այսօր գալիս է մեր հաղթանակած բանակի պոլուխի հոտը։ Նա կկարողանա տնտեսությունը, բանակը ոտքի կանգնեցնել, ինքը թաթալաբազ չի, ի վերջո, գործունյա, փորձառու մարդ է, նա բոլոր ոլորտներից տեղյակ է և կարող է երկիրը ոտքի կանգնեցնել։ Համոզված եմ՝ նա Արցախի ամբողջականությունը հետ կբերի, կարգավիճակի մասին այս պահին չեմ կարող խոսել, բայց համոզված եմ, որ Արցախի ամբողջականությունը կվերականգնի, գերիների վերադարձ կլինի։ Նա բուֆերային գոտի կսահմանի՝ Տավուշից բռնած մինչև Արաքս գետը, այդ ընթացքում մենք կունենաք Շուռնուխում կորցրած 12 տունը։ Եթե նույնիսկ ես այնտեղ չբնակվեմ էլ, գոնե իմ տանը հայ զինվորն ու սահմանապահը կմնան՝ իմ տնկած ծառի բերքն էլ իմ զինվորը կուտի»:
«Այն, ինչ թշնամին անում է, Վերին Շորժայից վերև է, այն հատվածում, որտեղ մայիսի 12-ից եկել-նստել է։ Տեսեք, մինչև Վերին Շորժա Վարդենիսի սարատեղն է, դրանից հետո նոր Վերին Շորժան է, թշնամին մինչև սարատեղ 500 մետր հեռավորության վրա է, իսկ մինչև գյուղ՝ պլյուս 1 կիլոմետր։ Եթե Կութի գյուղից անասուններ են գողացել, ուրեմն՝ մեր գյուղի անասունների հետ կապված վտանգն էլ կա։ Մենք փորձում ենք զգույշ լինել, իմ անասնապահի հետ ամեն դեպքում մինչև այժմ նման դեպք չի կատարվել»,- նշեց Արտյոմ Երանոսյանը։
Այսօր Գավառում նախընտրական քարոզարշավի ընթացքում Գագիկ Ծառուկյանը հայտարարեց, որ Հայաստանում ոչ թե աշխատատեղեր չպետք է լինեն, այլ աշխատողներ, այսինքն՝ աշխատատեղերն այնքան շատ լինի, որ աշխատողների պակաս լինի, որ այլ երկրներից մարդիկ բերեն ու աշխատեցնեն, ինչպես արաբական երկրներում է։
«Այսօր մեր երկրում ամեն ընտանիքից երեք հոգի վարկի տակ են՝ մտածելով, որ ունեցվածքը, տունը չկորցնեն ու փողոցում չմնան։ Եթե այսօր պետությունը ժողովուրդն է, ժողովրդի մասին մտածում են, ապա քայլ պետք է կատարեն, քայլ չկատարելու դեպքում ժողովուրդը փողոց է դուրս գալու»,- հավելեց Գագիկ Ծառուկյանը։
«Բայց պարզ է, չէ՞, որ չի անի, իսկ եթե դու վախենում ես դիմադրել, պարզ է, չէ՞, որ նրանք գալու են, անելու են։ Արել են, տեսնում ես՝ չի ստացվում բանակցություններով, դու էլ արա, 10- 20-ն էլ դու վերցրու, վերցրու և փոխանակիր։ Նորից եմ կրկնում՝ իր Աշոտիկին թող տա, փոխարենը 20-25 հոգի ստանա, և այդ ժամանակ ինքն ամեն օր դրանով կզբաղվի»,- եզրափակեց Սերժ Սարգսյանը։
«Շատ հավանական է, որ իրենց մարդիկ են, իրենց բարեկամներն են, այնպես որ, չեմ կարծում, որ դա իմ ազգն է։ Ընդհանրապես ի՞նչ է նշանակում՝ ինչ-որ մեկի ոտքի տակ գառ մատաղ անել, ազգային հերո՞ս են դիմավորում, ի՞նչ է։ Կարծում եմ՝ ժամանակին նույնիսկ Նժդեհի ոտքերի տակ ոչխար չեն մորթել, որովհետև Նժդեհը դա թույլ չէր տա իր մարդկային տեսակով, նույնը նաև Գևորգ Չաուշը, Անդրանիկը, որովհետև նրանք իրական հերոս էին, ազգային հոգի ու գաղափար կրող նվիրյալներ էին»։
«Բարգավաճ Հայաստան» կուսակցությունը՝ Գագիկ Ծառուկյանի գլխավորությամբ, քարոզարշավի երկրորդ օրը հանդիպում անցկացրեց Գավառում։ Ծառուկյանը աջակիցների ուղեկցությամբ նախ եղավ Գավառի Սուրբ Աստվածածին եկեղեցում, որտեղ ներկա էր պատերազմի ընթացքում անհայտ կորած զինվորներից մեկի հայրը, ով Ծառուկյանին ասաց, որ մտածում է՝ որդին գերի է։
«Ես միայն այն գիտեի, որ Շուշին պիտի պաշտպանվի, մտածում էի, որ այդ ելուզակները կգան, կհասնեն Քարին Տակ, ու այնտեղ կկազմակերպվի նրանց ջարդը։ Նրանց ջարդը պետք է այնտեղ կազմակերպվեր, բայց որ չարվեց, արդեն ինձ համար անհայտ մնաց, թե այդ ամենն ով է կազմակերպում, կամ ով ինչ պետք է աներ, որ չի արել»:
Ելույթով հանդես եկավ ՀՀ երրորդ նախագահ Սերժ Սարգսյանը և անդրադարձավ դաշինքը գլխավորող գեներալ Արթուր Վանեցյանին՝ ընդգծելով, որ տարբեր առիթներով վերջին շաբաթների ընթացքում արդեն անդրադարձել է նրա անբասիր ծառայությանը, հայրենասիրությանն ու նրա կուսակցության հետ ՀՀԿ-ի դաշինք կազմելու պատճառներին։
