Պետական եկամուտների կոմիտեի նախագահ Էդուարդ Հովհաննիսյանի խոսքով՝ Նիկոլ Փաշինյանն ապրիլ ամսվա հավաքագրված հարկային եկամուտները պատմական է համարել, քանի որ 2020 թվականի ընթացքում շահութահարկի կանխավճարի մեխանիզմի վերաբերյալ կատարվել են օրենսդրական փոփոխություններ, որի արդյունքում էլ հավաքվել է մեծ չափի շահութահարկ։
ՀՀԿ ԳՄ անդամ Գագիկ Մինասյանի խոսքով՝ երբ օրվա իշխանությունը եկավ կառավարման, նրանք ոչ միայն քանդեցին այն ամենը, ինչ նախկինները կառուցել էին, այլև Արցախի վերաբերյալ ոչ մի անգամ չէին օգտագործում ինքնորոշում բառը։
ՀՀԿ ԳՄ անդամ Գագիկ Մինասյանի խոսքով՝ այնպիսի տպավորություն է, որ հասարակությունն ամեն ինչին արդեն սովորել է՝ 44 օր կարելի էր խաբել, անընդհատ կրկնել, թե հաղթելու ենք, հետո ժողովրդի վրա բերել խայտառակ պարտություն, տղաներին հաղթանակի կոչերով տանել ճակատ, հետո՝ 5 հազար զոհ, 10 հազար վիրավոր ու հայրենիքի կորուստ, և այս գործընթացը կարծես թե չի ավարտվում։
Բարձր տեխնոլոգիական արդյունաբերության նախարարի պաշտոնակատար, Տավուշի նախկին մարզպետ Հայկ Չոբանյանն այսօր խորհրդարանում լրագրողների հետ զրույցում անդրադարձավ իշխանական պատգամավոր Վահե Ղալումյանի այն պնդմանը, թե Տավուշում կան «ադրբեջանական անկլավներ», որոնք պատրաստվում են հանձնել։
Պետական եկամուտների կոմիտեի նախագահ Էդուարդ Հովհաննիսյանի խոսքով՝ այս տարվա առաջին հինգ ամիսների ընթացքում հարկային եկամուտները կազմել են 618,4 մլրդ դրամ։ Տնտեսվարողներին և ֆիզիկական անձանց վերադարձվող գումարը՝ 68,6 մլրդ դրամ։
Մայիսի 27-ին, երբ թշնամին հայ-ադրբեջանական սահմանի Գեղարքունիքի մարզի սահմանային հատվածում 6 հայ պայմանագրային զինծառայողների գերեվարեց, Վերին Շորժա գյուղ տանող ճանապարհը լրատվամիջոցների ներկայացուցիչների առջև պատկան մարմինները փակեցին, այդ թվում՝ Կութ համայնք տանող ճանապարհը, որտեղ թշնամին մի քանի անգամ կրակ էր արձակել։
Արտաքին գործերի նախկին նախարար Արա Այվազյանը հրաժարականի դիմում ներկայացնելուց 4 օր անց հրաժեշտի հանդիպում էր ունեցել նախարարության անձնակազմի հետ, որոշակի փակագծեր էր բացել իր հրաժարականի պատճառների մասին, առանց հստակ մանրամասներ ներկայացնելու։
Ազգային անվտանգության ծառայության տնօրենի տեղակալ Արամ Հակոբյանի փոխանցմամբ՝ սահմանում իրավիճակը նույնն է, բանակցություններ են ընթանում, որպեսզի թշնամին հետ քաշվի։
Արդեն գրել ենք, որ համացանցում լուրեր են շրջանառվում, որ Արցախում թշնամու արձակած կրակից զոհ կա։ Մասնավորապես՝ լրագրող Նարինե Կիրակոսյանն իր ֆեյսբուքյան էջում գրել էր, որ Լիսագորի հատվածում թշնամին կրակ է բացել մեքենաների ուղղությամբ։
Փոխոստիկանապետ Արա Ֆիդանյանն այսօր խորհրդարանում լրագրողների հետ զրույցում անդրադարձավ Դոն Պիպոյի եղբոր սպանությանը։
Համացանցում լուրեր են շրջանառվում, որ Արցախում թշնամու արձակած կրակից զոհ կա։ Մասնավորապես՝ լրագրող Նարինե Կիրակոսյանն իր ֆեյսբուքյան էջում գրել էր, որ Լիսագորի հատվածում թշնամին կրակ է բացել մեքենաների ուղղությամբ։
«Նա որոշակի ժամանակահատված սովորել է Ռուսաստանի բուհերից մեկում, ինչը, ըստ օրենսդրության՝ հնարավորություն է ընձեռում այդ ժամանակահատվածը դիտարկել՝ որպես ՀՀ-ում գտնվելու ժամանակահատվածին հավասարեցված։ Չեմ կարող ասել, թե կոնկրետ ինչն է կեղծված, որովհետև երբ մենք հարցում էինք կատարել համապատասխան բուհ, ստացել ենք տեղեկատվություն, որ երկրորդ տեղեկանքն իրենց կողմից չի տրամադրվել։ Այս պահին նյութեր են նախապատրաստվում փաստաթղթերի կեղծման առերևույթ հիմնավորմամբ»,- այս մասին խորհրդարանում լրագրողների հետ զրույցում ասաց Արա Ֆիդանյանը։
«Նույն հաջողությամբ իմ նկատմամբ շատ-շատ լրատվամիջոցներ և մարդիկ ավելորդ բաներ են արտահայտվում, սակայն սա չի նշանակում, որ ես ամեն ինչին պետք է արձագանքեմ։ Օրեր առաջ Մանախ անունով մեկը, որն անգամ իր դանակը ինձ մոտ թողել-գնացել էր, որպեզի խնդիր կատարեր ու գար-վերցներ, ինձ անվանում է, որ տարածքներ եմ տվել, երկու գնդերի անձնակազմի եմ իրար դեմ դուրս բերել, և այդպես շարունակ։ Միայն ինձ չեն թիրախավորում, ընդհանուր առմամբ բոլորին էլ թիրախավորում են, և եթե մենք գնանք այդ ճանապարհով, որ բոլորի ասածներին պատասխանենք, ապա մեր գործը պետք է թողնենք ու դրանով զբաղվենք»,- շեշտեց նախարարի պաշտոնակատարը։
Ըստ ՀՀԿ խորհրդի անդամ Հովհաննես Սահակյանի, Ջորջ Օրուելի «Անասնաֆերման» կարդացել է մինչև հեղափոխությունը՝ ինքնաթիռում մեկ շնչով, որտեղ ամեն ինչ բնորոշ էր տեղի ունեցած հեղափոխության հետ։
«Բոլոր հարցերի պատասխանը իշխանությունը տալու է ընտրություններից հետո, երբ իշխանություն կփոխվի, իսկ որ փոխվելու է՝ վստահ եմ։ Ես անձամբ մեր ցուցակում չկամ, և այս ընտրությունները գալ ու կոնկրետ քո ծրագրերն առաջ տանելու ընտրություն չէ, սա պայքար է չարի դեմ, թե ինչպես տղաների գլուխը կերան, թե ինչպես այս օրվան հասցրեցին երկիրը, ինչպես շանտաժ արեցին գերեվարվածների ու անհետ կորածների ծնողներին»,- մամուլի ասուլիսի ժամանակ ասաց Հովհաննես Սահակյանը։
«Այս ամենի վառ ապացույցն այն է, որ այսօր մեր տղաների մարմինները մի մորգից տեղափոխում են մեկ այլ մորգ, սա այնպիսի մոտեցում է, որ աշխարհում գոյություն չունի։ Մեր հայ տղաները երբեք չեն վախեցել մարտիրոսվելուց, բայց այսօր մենք մտածում ենք, թե ինչու այդ տղաները դարձան դավաճանության զոհ։ Գիշերով թուղթ ստորագրեց, այդ տարածքները տղաների հետ հանձնեց, սա մի խայտառակություն էր, որ տեղի ունեցավ»,- մամուլի ասուլիսի ժամանակ ասաց Հովհաննես Սահակյանը։
Մայիսի 27-ին Անվտանգության խորհրդի նիստում Նիկոլ Փաշինյանի հնչեցրած առաջարկից հետո՝ հայ-ադրբեջանական սահմանին դիտորդական առաքելություն իրականացնելու վերաբերյալ, Սյունիքում բնակիչները տարակուսանքի մեջ են։
«Եթե հիմա թշնամին սպառնում է, և եթե կարծում են, որ մեր գործն էլ վախենալն է՝ վախենանք ու անասուններին դաշտ չտանենք, ապա սրանով իրենց ահագին օգնած կլինենք։ Իրենք իրենց պոստում կանգնած են, մեր հովիվները հենց մոտենում են պոստերին, գոռում են, թե՝ սահմանին չմոտենաք։ Դե, մեր տղերքը տանում՝ կովերին արածեցնում-բերում են, չեն էլ նայում՝ այնտեղ շուն կա՞ կանգնած, թե՞ չկա։ Նման բան եղել է, կա ու լինելու է այնքան ժամանակ, մինչև այս հարցը չկարգավորվի»,- այս մասին 168.am-ի հետ զրույցում ասաց Սյունիքի մարզի Տեղ համայնքի ղեկավար Ներսես Շադունցը։
Հայ-ադրբեջանական սահմանի Սյունիքի մարզի, Սիսիանի հատվածում իրավիճակը հանգիստ է, որևէ տեղաշարժ կամ փոփոխություն չկա։ Այս մասին 168.am-ի հետ զրույցում տեղեկացրեց Սիսիանի համայնքապետարանի խոսնակ Անի Սիմոնյանը։
«Ես այդ թիմի բաղկացուցիչ, կարևոր աշխատանքի պատասխանատվությունն իմ ուսերին կրող մարդկանցից եմ, ինչպես տասնյակ ՀՀԿ-ականներ, որոնք հանրությանը ծանոթ են, սակայն տվյալ պարագայում այս ցուցակի մեջ չեն։ Այս ցուցակով, այս ընտրություններով կյանքը չի ավարտվում, ԱԺ-ով կյանքը չի ավարտվում։ Ինձ համար կարևոր է, որ իմ թիմը հաղթի, ու ես ամեն ինչ կանեմ, որ թիմը հաղթի։ Ես այդ թիմի անդամ եմ և վերջում նրա հաղթանակի բերկրանքը վստահաբար կիսելու եմ»,- ասուլիսի ժամանակ ասաց Ամեն Աշոտյանը։
«Բազմաթիվ նախաձեռնություններ կան իրավապաշտպանների, քաղաքական գործիչների, ես՝ իմ ընկերներով, զբաղվում ենք ռազմագերիների հարցով։ Եվրոպական խորհրդարանը վերջերս ընդունեց բանաձև, որտեղ այս իշխանությունը լումա չունի, եվրոպացիներին բառ չի ասել։ Չեմ ուզում գլուխ գովել, հասարակությունն արդեն գիտի՝ ով է դրանով զբաղվել, որ քաղաքական գործիչներն ու թիմերը։ Ինքը մեր տղերքի հարցերով չի զբաղվելու, և ինքը հպարտ է, որ այդպես է»,- այս մասին ասուլիսի ժամանակ ասաց Հանրապետական կուսակցության փոխնախագահ Արմեն Աշոտյանը՝ անդրադառնալով հայ ռազմագերիներին և այդ խնդրի վերաբերյալ իշխանության անգործությանը։
Հայաստանի հանրապետական կուսակցության փոխնախագահ Արմեն Աշոտյանը չգիտի՝ հայ ժողովուրդը երբևէ կկարողանա՞ պատմության մեջ մաքրել այն խարանը, որ իրեն ղեկավարել է «թրքաբարո, շնաբարո դուրսպրծուկը», նաև այն խարանը, որ կան հազարավոր մարդիկ, որոնք դեռևս այդ դուրսպրծուկին հավատում են։
«Նիկոլ Փաշինյանը և իր թրքաբարո ոհմակը թաքցրել ու թաքցնում է զոհվածների իրական թիվը, նրանց մարմինները, մասունքները։ Հիշեցնեմ, որ երբ ես զորակոչվեցի բանակ, իսկ ես մասնագիտությամբ դատական բժիշկ եմ, և ենթադրվում էր, որ ես պետք է գնամ ու մասնակցեմ դիահերձման աշխատանքներին, օգնեմ, որպեսզի հարազատներին մաքսիմալ շուտ հասնեն իրենց եղբայրների, որդիների դիակները, բայց ինձ չտարան այնտեղ իմ մասնագիտությամբ, շատ պարզ պատճառով, այն նույն պատճառով, ինչ այսօր անհետ կորածների ծնողները բողոքում ու մեղադրում են Նիկոլին։ Պատերազմի չորրորդ օրն արդեն ես գիտեի, որ բազմաթիվ զոհեր կան, ու այդ զոհերի մարմինները պահվում են «Սպայկայի» սառնարաններում։
ԱԺ «Իմ քայլը» խմբակցության պատգամավոր Հայկ Կոնջորյանի խոսքով՝ քաղաքական բանավեճերի ընթացքում սրությունն ընդհանրապես ընդունված է բոլոր երկրներում, այդ թվում՝ ժողովրդավարական երկրներում։
ԱԺ «Իմ քայլը» խմբակցության ղեկավար Լիլիթ Մակունցի խոսքով՝ նախորդ շաբաթ տեղի ունեցած Անվտանգության խորհրդի նիստից առաջ Նիկոլ Փաշինյանը նախկին արտգործնախարար Արա Այվազյանին ներկայացրել է այն հայտարարության տեքստը, ըստ որի՝ առաջարկում է դիտորդական առաքելություն իրականացնել հայ-ադրբեջանական սահմանին, և Արա Այվազյանի կողմից առնվազն առարկություն չի եղել։
ԱԺ «Լուսավոր Հայաստան» խմբակցության ղեկավար Էդմոն Մարուքյանի խոսքով՝ նախորդ շաբաթ Անվտանգության խորհրդի նիստի ժամանակ Արտաքին գործերի նախկին նախարար Արա Այվազյանի հետ կապված որևէ խոսակցություն չի եղել։
«Ինչպես երեք օր առաջ էր, այնպես էլ այսօր է, որևէ փոփոխություն չկա։ Իրավիճակի վերաբերյալ ավելի մանրամասն տեղեկատվություն գուցե տա մեր վերադասը՝ Գեղամասար խոշորոցված համայնքի ղեկավարը։ Լավ է, որ թշնամին այս ընթացքում որևէ սադրանքի չի դիմել, այսինքն՝ 3 օր է՝ իրավիճակը հանդարտ է, որևէ բան չկա»,- նշեց Կութի գյուղապետը։
«Նրանք իրենց հրապարակումներում ասում են, որ եթե, Աստված չանի, Սյունիքում թուրք-ադրբեջանական ուժեր հաստատվեն, կամ այն անցնի նրանց հսկողության տակ, ապա կվտանգվի Իրանի ազգային անվտանգությունը, Իրանի ամբողջ հյուսիսը կհայտնվի թուրքական շրջափակման մեջ։ Այս առումով, բացի այն, որ Իրանը կհայտնվի շրջափակման մեջ, այլև թուրքական ազդեցությունն ահռելիորեն կմեծանա Հարավային Կովկասում՝ մեծ վնաս հասցնելով իրանական շահերին։ Այս ամենը հաշվի առնելով՝ նշում են, որ նման բան չպետք է թույլ տան։
«Նման նախադեպ մեր պատմության մեջ չի եղել, այո, եղել են դավաճաններ, բայց մարդ, որը ծայրաստիճան ատի իր տեսակը՝ հայ լինելու տեսակը, իսկ այն, ինչ նա անում է՝ ատելության դրսևորում է, մեր պատմության մեջ չի եղել։ Նա իր տեսակն այդքան ատում է, այլ բնութագրում չունի, նրան որևէ տեսակի մեջ չեմ կարողանում տեղավորել, նույնիսկ դավաճան ասվածն ամենամեղմ բառերից մեկն է։ Այդ տոլերանտության արդյունքում հիմա թուրքը մտել է Հայաստանի հող, գերի են տանում, սպանում են։ Երեկ էլ այդ օրապակասն ասում է, թե՝ մեզ պե՞տք է այն բլուրը, որի վրա անընդհատ ձյուն է։ Այսինքն՝ այդ մարդու համար հայրենիքը բլուրից այն կողմ որևէ արժեք չի ներկայացնում։ Ավելի վաղ նա Գառնիի հեթանոսական տաճարը բնութագրել է՝ իբր հռոմեական հավաբուն։ Հիմա մարդը, որը նման պատկերացում ունի և նման ձևակերպումներ է տալիս մեր հոգևոր արժեքներին, այդ մարդուց ի՞նչ պետք է սպասենք՝ ոչինչ, այդ մարդը մեզ հետ բացարձակ կապ չունի։ Ես ուղղակի չգիտեմ, թե ինչի վրա է հույսը դրել»,- հավելեց Սամվել Թադևոսյանը։
Ռազմական գործիչ Գևորգ Գևորգյանի բնորոշմամբ՝ Նիկոլ Փաշինյանն առհասարակ չգիտի՝ ինչ է բարձունքը, անվտանգության գոտին, սահմանը, հայրենիքը, այդ պատճառով էլ այդ ամենի վերաբերյալ նրա բոլոր հայտարարություններն աբսուրդ են։
