168TV-ի «Ռեվյու» հաղորդման ընթացքում դերասան Սարգիս Գրիգորյանի հետ զրուցել ենք երկրից գնալու նրա հայտարարության, դրան հետևած քննադատությունների, ռեստորանների խնդրի, տաքսի քշելու առաջարկների, կորոնավիրուսով պայմանավորված ճգնաժամային իրավիճակի և այլ հարցերի շուրջ:
Վահե Բեգոյանը նկատեց՝ իշխանությունների ամբողջ միամտությունն այն է, որ նրանք մտածում են, թե Հայ եկեղեցու պատմություն առարկան հանելով՝ եկեղեցուն մեծ վնաս են հասցնելու. «Դա երբեք չի կարող հայ եկեղեցուն վնաս հասցնել, որովհետև այդ առարկայի օգտատերը հայ ժողովուրդն է, եթե ինչ-որ մեկը վնասվելու է, ապա Հայաստանում ապրող հայն է»:
Փաստաբան Արամազդ Կիվիրյանի կարծիքով՝ ՀՀ արդարադատության նախարարության կողմից ներկայացված «Պետական տուրքի մասին» ՀՀ օրենքում փոփոխություններ և լրացումներ կատարելու մասին օրենքի նախագծով պետական տուրքի ավելացումն այդքան էլ իրավաչափ չէ:
«Մենք մշակում ենք գործընթաց և առաջիկայում կպահանջենք մի քանի նախարարի հրաժարական»,- 168TV-ի «Ռեվյու» հաղորդման ընթացքում ասաց ԱԺ «Լուսավոր Հայաստան» խմբակցության պատգամավոր Հրանտ Այվազյանը:
«Հայ ժողովրդին դուք խաղաղությո՞ւն եք քարոզում, կա՞ մի հայ մարդ, որը պատերազմ է ուզում, բա ո՞ւմ եք ուզում քարոզել և ի՞նչ եք ուզում քարոզել: Ձեր քարոզը խաղաղությունը չէ, զիջելն է այն ելակետային դիրքերից, ինչ մենք սահմանել ենք Ալիևի համար, որ՝ Արցախը երբեք չի լինելու Ադրբեջանի կազմում, Արցախը պետք է ունենա Հայաստանի հետ միջազգայնորեն ճանաչված ցամաքային սահման, և Արցախի անվտանգությունը պետք է միջազգայնորեն կազմակերպել: Ալիևը, վստահ եմ, որ այս պահին դեռևս պատրաստ չէ ռազմական ճանապարհով այդ հարցը լուծել: Անկախ Հայաստանի ներքաղաքական խնդիրներից՝ հայոց բանակը կա, հայ ժողովուրդը կա և բանակի թիկունքին այստեղ կանգնած է: Այստեղ չկա իշխանություն և ընդդիմություն. Ալիևը դա շատ լավ հասկանում է»:
Անդրադառնալով Սուրբ Աթոռում ՀՀ նախկին դեսպան Միքայել Մինասյանի «Ստի վերջը» տեսաշարին, նա ասաց, որ այն բավականին բարձր վարկանիշ ուներ. «Շատերը սպասում էին այդ հաղորդմանը, բայց ամեն մի PR ձևաչափ իր չափը պետք է ունենա՝ դու ինչքան կարող ես դա օգտագործել՝ մաքսիմալ արդյունք ստանալու համար: Նա դադար վերցրեց, ինչը տրամաբանական էր, որպեսզի դա ձանձրալի չթվար»:
«Ալիևը թույլ է տալիս, որ իր հետ խոսեն կոշտ, որովհետև ինքը հենց այդպես է խոսում: Առաջին անգամը չէ, որ նա Հայաստանի առաջին դեմքի մասին նման հայտարարություններ է անում, և առաջին անգամը չէ, որ ռազմատենչ հայտարարություններով է հանդես գալիս: Պետք է պատասխանել այնպես, ինչպես նրա հայտարարություններն են: Բանակցային սեղանի շուրջ բոլորովին այլ հարց է, սակայն, եթե Ալիևը ելույթ է ունենում իր հանրության առջև և փորձում է հանդես գալ հաղթող բանակցողի դիրքերից, ապա մենք պարզապես պարտավոր ենք նմանատիպ պատասխան հնչեցնել: Այլապես կդիտարկվի, որ մենք թույլ բանակցող ենք և պարտվողի դիրքերում ենք գտնվում»,- ընդգծեց նա:
«Այս պահին Սահմանադրական բարեփոխումների մասնագիտական հանձնաժողովը մշակում է սահմանադրական բարեփոխումների հայեցակարգային ուղղությունները, և որևէ վերջնական որոշում այն հարցի հետ կապված, թե ինչ ձևաչափով է ներկայացված լինելու այդ ամբողջ պրոցեսը՝ նոր Սահմանադրության ընդունմա՞ն, թե՞ սահմանադրական փոփոխությունների կատարման, դեռևս վերջնական որոշման տեսքով արձանագրված չէ»,- 168TV-ի «Ռեվյու» հաղորդման ընթացքում ասաց սահմանադրագետ, Սահմանադրական բարեփոխումների հանձնաժողովի անդամ Անահիտ Մանասյանը:
«Այդ բառամթերքով, քարոզչական թեզերով և ընդհանուր գծի մեջ Ալիևը խոսում է անդընդհատ, և իրականում անհանգստացնում է, երբ սկսում է այդպես չխոսել, որովհետև կոնստանտ իր հոգեվիճակը այդ միլիտարիստական, հայատյաց և նման բառամթերքն է, որն ինքն օգտագործում է: Այստեղ հիմնական մեխը Հայաստանի և՛ ներկայիս, և՛ նախկին իշխանություններին կուտակված առարկությունները ներկայացնելն էր, և ստեղծվեց իրավիճակ, երբ Իլհամ Ալիևի հերթական հայտարարությունների շարքին հայկական կողմից եղավ արձագանք՝ երրորդ նախագահ Սերժ Սարգսյանից և վարչապետի խոսնակից: Նման հայտարարություններով Ալիևն ունի հստակ դրված նպատակ՝ փորձել ֆիքսել մեր թույլ կետերը, թե ինչն է մեր մեջ առաջացնում այն աստիճանի վրոդվմունք, որ մենք իրենց պատասխանենք: Այս վերջին իր հայտարարությանը, որն ամենասարսափելին չէ իր բովանդակությամբ, բայց երբ մենք արձագանքում ենք և սկսում իրար մեջ վիճել, ստացվում է՝ Ալիևն ինչ-որ չափով հասնում է իր նպատակին, այսինքն՝ ինքը ստիպում է, որ մեր ներքաղաքական դիսկուրսի մեջ ինքը դառնա ֆակտոր»,- 168TV-ի «Ռեվյու» հաղորդման ընթացքում ասաց նա:
«Եթե հիմա դիմենք ՍԴ, մեր այն նպատակը, որն ուղղված է լինելու երկրում սահմանադրականությունը վերականգնելուն, խեղաթյուրվելու է: Այն օրերին, երբ քննարկվում էին սահմանադրական փոփոխությունները, ՍԴ-ն շատ հապճեպ կերպով որոշեց, որ պետք է քննի Ռոբերտ Քոչարյանի գործը: Մենք հասկացանք, որ, եթե հիմա դիմենք ՍԴ, մեր նպատակը խեղաթյուրվելու է, հատկապես՝ իշխանությունների կողմից, և մենք կսպասենք, որ այդ գործընթացը ավարտվի, և մենք դիմենք ՍԴ»,- 168TV-ի «Ռեվյու» հաղորդման ընթացքում ասաց նա:
ԱԺ «Լուսավոր Հայաստան» խմբակցության ղեկավար Էդմոն Մարուքյանի կարծիքով՝ երեկվանից իրենց վերաբերյալ արվող բոլոր գրառումները, այդ թվում՝ Միքայել Մինասյանի գրառումը, հարցազրույցները, ուղղորդվում են ԼՀԿ-ի նկատմամբ հասցեագրված վիրավորանքներով:
««Բարգավաճ Հայաստան» խմբակցության դիմումում մեկ կետով էր հակասահմանադրականությունը վիճարկվում, մենք առնվազն 3 կետ էլ պետք է ավելացնենք այդ դիմումին, նոր դիմում է կազմվելու, և, բնականաբար, մեր գործընկերները եթե պահպանեն իրենց ստորագրությունները, երկու խմբակցությունների ստորագրությունները կմիանան, և նոր դիմում կգնա ՍԴ»,- ԱԺ-ում լրագրողների հետ զրույցում ասաց «Լուսավոր Հայաստան» խմբակցության պատգամավոր Տարոն Սիմոնյանը:
«Եթե այս դիմումով ՍԴ-ն կասեցնի հուլիսի 7-ի քննությունը, մենք կդիմենք ՍԴ: Չկա գործ՝ չկա հայց ներկայացնելու խոչընդոտ: Բայց եթե պարզվի, որ երբ ասում են՝ դիմումը հետ ենքվերցնում, իրականում դա ոչ թե արել է Քոչարյանի փաստաբանական թիմը, այլ դատավոր Դավիթ Գրիգորյանի դիմումի հիման վրա է սա քննվում և չի կարող վարույթը կարճվել, բնականաբար, դա բան չի փոխում, որովհետև այսպես, թե այնպես հուլիսի 7-ին այդ քննությունը կլինի»,- 168.am-ի հետ զրույցում ասաց Երևանի ավագանու «Լույս» խմբակցության ղեկավար Դավիթ Խաժակյանը:
ՀՀ վարչապետ Նիկոլ Փաշինյանն այսօր ԱԺ-ում ունեցած ելույթում հայտարարեց, որ «Բարգավաճ Հայաստան» կուսակցությունը այլևս չկա, քաղաքական դաշտում տեղ չի ունենալու. «Իրենք այսօր այստեղ չեն ոչ թե նրա համար, որ հետապնդվում են, այլ իրենք այսօր այստեղ չեն, որ չկան այլևս, որովհետև ժողովրդի աչքերի մեջ նայող և սուտ խոսող քաղաքական ուժը Հայաստանում քաղաքական գործունեություն չի՛ ծավալելու»:
«Մարդիկ ավելի վատ են ապրում: Նիկոլ Փաշինյանն անգործունակ է, նա քաղաքական իմպոտենցիայի կրողն է: Ժողովուրդ ջան, որ սառնարանը բացում եք՝ լի՞քն է, աշխատավարձերը բարձրացե՞լ են, աշխատատեղեր ավելացե՞լ են, ներդրումներ կա՞ն: Ռոբերտ Քոչարյանի գրավի համար 1 ժամվա ընթացքում 4 մլն դոլար է հավաքվում, 2 տարվա ընթացքում Նիկոլ Փաշինյանը 4 դոլարի ներդրում չի կարողացել Հայաստան բերել»:
«Դուք նայեք՝ քանի օրենք են փոխել. երեկ մի հատ էլ արտահերթ արեցին ու փոխեցին ռեգլամենտը, որն իրենց սրբության սրբոցն է. ինչպե՞ս պետք է աշխատի ԱԺ-ն, դա ռեգլամենտում է գրված, դա փոխեցին: Դա էլ կարող է գալ ՍԴ: Դա սահմանադրական օրենք է և գնալու է հանրապետության նախագահի ստորագրությանը՝ իքս ժամկետում. կստորագրի, չի ստորագրի, կդիմի ՍԴ, ինձ չի հետաքրքրում, ես պրոցեսն եմ ասում: Դրանից հետո նոր ուժի մեջ է մտնելու այն տարբերակը, որ 7 օրվա մեջ ԱԺ նախագահը կստորագրի և կհրապարակի, բայց մինչ այդ՝ նախագահը պետք է դեռ ռեգլամենտի փոփոխությունը ստորագրի»,- Սահմանադրական դատարանի դիմաց լրագրողների հետ զրույցում ասաց ՍԴ դատավոր Ֆելիքս Թոխյանը:
«Դեռ որոշում չունենք, ԲՀԿ մեր գործընկերների հետ էլ առայժմ բանակցություններ են գնում»,- 168.am-ի հետ զրույցում ասաց ԱԺ «Լուսավոր Հայաստան» խմբակցության պատգամավոր Աննա Կոստանյանը:
«Իշխանությունները մի կողմից՝ երկրում արտակարգ դրություն են հայտարարում, որը փաստացի գոյություն չունի ոչ մի գործոնով, բացառությամբ մեկ հանգամանքի՝ ազատ հավաքների արգելքը: Այդ ընթացքում իրենք վավերացնում են Լանզարոտեի կոնվենցիան, քաղաքական հետապնդում են սկսում ընդդիմադիր ուժերի առաջնորդների նկատմամբ, այդ թվում՝ խորհրդարանական, և դրա շրջանակում նաև սկսում են Սահմանադրական հեղաշրջման գործընթաց, որի նպատակն ամենևին էլ Հրայր Թովմասյանին և երեք այդ դատավորներին պաշտոնանկ անելը չէ, այլ ՍԴ-ն ամբողջությամբ իրենցով անելը և դատական իշխանությունը նույնպես Նիկոլ Փաշինյանի կամքին ենթարկելը»,- այս մասին 168TV-ի «Ռեվյու» հաղորդման ընթացքում ասաց «Ոսկանապատ» վերլուծական կենտրոնի ղեկավար, քաղաքագետ Հրանտ Մելիք-Շահնազարյանը:
Գերմանիայում մասնագիտական գործունեությունը ծավալող, Շարիտե համալսարանական կլինիկայի ասպիրանտ, հայ բժիշկ, նյարդաբան Սարգիս Աբրահամյանի կարծիքով՝ Հայաստանում կորոնավիրուսի համաճարակն այլևս կառավարելի չէ, և եթե չձեռնարկվեն անհրաժեշտ միջոցառումները՝ առողջապահական համակարգը ենթարկվելու է կոլապսի։ Բժշկի հետ 168.am-ը զրուցել է կորոնավիրուսի վերաբերյալ ամենաշատ հնչող հարցերի շուրջ.
«Պատճառները մի քանիսը կարող են լինել. առաջին՝ հետաքրքիր կերպով դա համընկավ Ռոբերտ Քոչարյանի ազատ արձակման հետ: Չի բացառվում, որ, ինչպես միշտ, այդ պահին էլ Նիկոլ Փաշինյանն ունեցել է ներվային նոպա և այդ պահին էլ որոշում է կայացրել չմեկնել»,- 168TV-ի «Ռեվյու» հաղորդման ընթացքում ասաց նա:
«Ինքս շատ ցավով կարդացի և ամաչեցի նրա համար, որ տարիների ընթացքում մեր ձեռք բերված գործընկերային համբավը և հեղինակությունը, իսկ Հայաստանը միշտ դիտվել է՝ որպես արժեքների կրող համագործակցող գործընկեր, այդ ամենը այսօր այն աստիճանի է ոտնահարվել, փոշիացվել, որ անգամ ԵԺԿ-ն մտահոգություն է հայտնում և մեզ հետ խոսում այնպիսի տեքստերով, որոնք մենք սովոր ենք եղել լսել հարևան պետության հասցեին: Բնականաբար, սա չի կարող անհետևանք լինել, և լավագույն հետևանքը կլինի, որ իշխանությունները սրանից հետևություններ անեն և դադարեն մեր երկրի հեղինակության հետ նման խաղեր խաղալ»,- 168TV-ի «Ռեվյու» հաղորդման ընթացքում ասաց նա:
«Հայաստանը գտնվում է համաճարակի դեմ սոսկալի պատերազմի մեջ, և նման իրավիճակում, երբ իշխանության և հասարակության ուժերը պետք է կենտրոնացված լինեն մեկ խնդրի՝ համաճարակի հաղթահարմանը, կարևորություն ունեցող օրենքներով քաղաքական օրակարգ ձևավորելը միանգամայն անընդունելի է ինձ համար, որովհետև իրավիճակն իսկապես շատ բարդ է»,- 168TV-ի «Ռեվյու» հաղորդման ընթացքում ասաց Մամուլի ազգային ակումբի նախագահ, «Քաղաքական լիգա»-ի համակարգող Նարինե Մկրտչյանը՝ անդրադառնալով ԱԺ-ում «Տեսալսողական մեդիայի մասին» օրենքի քննարկումներին:
Հայկական PR ասոցիացիայի նախագահ, ԵՊՀ ժուռնալիստիկայի ֆակուլտետի դոցենտ Աստղիկ Ավետիսյանի համար զարմանալի է իշխանությունների ընդգծված բացասական վերաբերմունքն ընդդիմադիր լրատվամիջոցների նկատմամբ:
«Այսօր ես լսում եմ հայտարարություններ ԲՀԿ մեր գործընկերներից, որ՝ նախկինների հետ ճանապարհ չենք գնալու, մենք գնալու ենք այն ուժերի հետ, որոնք ժողովրդի կողմից ընդունելի են, և այլն… հերթական նույն սխալն են իրականացնում, որովհետև էլի վախենում են: Եթե այսօր կա մեկ-երկու չվախեցող միավոր, դրանցից մեկը ՀՀԿ-ն է, որովհետև գաղափարական է, սկզբունքային է, գիտի պետության և պետականության կարևորությունը, իսկ մյուսները վախերի մեջ են: Հիմա երբ ԲՀԿ մեր գործընկերները նման հայտարարություն են անում, դա ծիծաղելի է, որովհետև այդ բոլոր հայտարարություններ անողներն անցած տարիներին ավելի շատ են ՀՀԿ-ի հետ ճանապարհ գնացել, քան Մարգարիտ Եսայանը: Մի հատ հարցրեք՝ ՀՀԿ-ն ուզո՞ւմ է ձեզ հետ ճանապարհ գնալ: Երբ մարդը դավաճանում է մի անգամ, նա կդավաճանի անվերջ»:
«Մինչև Գագիկ Ծառուկյանի՝ ԱԱԾ-ից դուրս գալը, երեք կուսակցություններով հայտարարել էինք, որ սա քաղաքական ճնշում է և այստեղ մեր ներկա լինելը ևս դրա ապացույցն է»,-դատարանի մոտ լրագրողների հետ զրույցում ասաց ՀՅԴ Հայաստանի գերագույն մարմնի ներկայացուցիչ Իշխան Սաղաթելյանը, որը «Մեկ Հայաստան» կուսակցության նախագահ Արթուր Ղազինյանի և «Հայրենիք» կուսակցության ղեկավար Արթուր Վանեցյանի հետ դատարան էր եկել՝ ի աջակցություն ԲՀԿ ղեկավար Գագիկ Ծառուկյանի:
«Եթե քաղաքական հետապնդում իրականացվեր իմ ԱԱԾ տնօրեն եղած ժամանակ, հանրությունը և լրագրողական հանրությունը դրա գնահատականը կտար: Այս ընթացքում երբևիցե նման գնահատական իմ պաշտոնավարման ընթացի վերաբերյալ չի հնչեցվել»,-դատարանի մոտ լրագրողների հետ զրույցում ասաց ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը:
«Երեք քաղաքական ուժերի կողմից եղել է քաղաքական հայտարարություն, որտեղ ամբողջովին արտացոլված են մեր մոտեցումները՝ և՛ գործի, և՛ ընդհանուր առմամբ, երկրում տիրող իրավիճակի հետ կապված»,- դատարանի մոտ լրագրողների հետ զրույցում ասաց «Հայրենիք» կուսակցության ղեկավար Արթուր Վանեցյանը՝ նշելով, որ դատարան է եկել՝ ի աջակցություն Գագիկ Ծառուկյանի:
Երեկվանից Ոստիկանությունը ուժեղացված ծառայություն է իրականացնում Փարաքարի ՃՈ-ի մոտ: Այսօր արդեն մեքենաներում գտնվող քաղաքացիներից ոստիկանները պահանջում են ներկայացնել անձը հաստատող փաստաթուղթ՝ անկախ նրանից՝ դիմակ կրում են, թե ոչ:
«Ցավալի է, որ մեր նման մարդկանց նկատմամբ կիրառում են, պետության ղեկավարները նման բաների են գնում: Ցավալի է, որ կարող են այն մարդկանց գետնով տալ, ոքվեր բարձրացրել են հայոց եռագույնը, բոլոր երկրներում բարձր պահել հայի պատիվը: Ես ինձ շատ վատ եմ զգում, որ աշխարհում ինչքան ընկերներ ունեմ, բոլոր երկրներից զանգում են, իրենց էջերում գրում են, նրանք տեսնում են, որ մեր երկրի վարչապետը պրոպագանդում է, թե բռնի ուժով բան չեն անում, դատապարտում է բռնի ուժը, բայց, ցավոք, այսօր ով իր անձնական կարծիքն ունի, որը եթե չի համընկնում իրենց կարծիքին, ազգի դավաճան են սարքում, չգիտեմ՝ ինչ պիտակ են կպցնում, ամենամեծ ցավը դա է: Չառանձնացնեմ, երևի ինքներդ գիտեք՝ ֆիլմի վերաբերյալ աղմուկ եղավ, ինձ թվում է՝ պետք է այդպես սեռափոխ լինենք, որ մեզ տեղ տան: Դա է դարձել մեր այսօրվա երկրի վիճակը»,- ասաց Եվրոպայի չեմպիոնը:
«Մի քանի անգամ եղել է, որ կարանտինի վերադառնալու եզրին ենք եղել, հետո, որ սկսել ենք վերլուծել, երբ հասկացել ենք, որ տարածման ամենամեծ օջախները հարևանությունն է, այսինքն՝ մարդկանց չենք թողնում գալ, օրինակ՝ Հանրապետության հրապարակ, բայց ամենամեծ աղբյուրը Հանրապետության հրապարակը չէ, ամենամեծ վարակի օջախը բակերն են, բիսեդկաները և հարևանությունը»,- պարետատան նիստից հետո հայտարարեց վարչապետ Նիկոլ Փաշինյանը:
