«Նախ՝ ես ուղղակի չեմ կարող զոհերի անունից խոսել, ես խոսում եմ զոհերի մասին: Ես դեռևս չեմ տեսել մի մարդ, որ զոհերի անունից խոսի»,- այսօրվա ասուլիսին, լրագրողի այն դիտարկմանը, թե խոսում է ապրիլյան պատերազմի զոհերի անունից, այսպես արձագանքեց ՀՀ երրորդ նախագահ Սերժ Սարգսյանը:
ՀՀ երրորդ նախագահ Սերժ Սարգսյանն այսօրվա ասուլիսին պարզաբանեց, թե ինչո՞ւ է ասուլիսի անցկացման վայր ընտրվել «Հարսնաքար» ռեստորանային համալիրը:
«Անշուշտ, Տավուշում մեր Զինված ուժերն իրենց լավագույնս դրսևորեցին և կատարեցին չափազանց կարևոր խնդիր՝ սա պետք է գնահատել և շնորհավորել մեր ԶՈՒ-ին: Բայց նույնը պետք էր անել 2018թ. մայիս-հունիս ամիսներին՝ Նախիջևանի ուղղությամբ. դա անհրաժեշտություն էր: Այստեղ ունեմ երկու նկատառում՝ առաջին՝ իհարկե, ցանկալի կլիներ, որպեսզի մեր հանրությունը, այդ թվում՝ նաև ես, մի քիչ ավելի հանգամանորեն տեղեկացված լինեինք, թե հատկապես ո՞ր սխրագործության համար են բոլոր 71 հոգին, որ պարգևատրվել են կամ պետք է պարգևատրվեն «Մարտական խաչով», պարգևատրվել այդ բարձր շքանշանով: Սա չափազանց կարևոր հանգամանք է հատկապես ինձ համար»,- այսօր լրագրողների հետ հանդիպմանն ասաց Երրորդ նախագահը:
«Ուզում եմ հիշեցնել, որ մինչ Մոսկվայի հանդիպումն արդեն հայտարարվել էր հրադադարի ռեժիմ: Ճիշտ է, որ 100 տոկոսանոց այն չէր պահպանվում, բայց այնուհանդերձ, հայտարարվել էր հրադադարի ռեժիմ: Եթե ձեզ մանրամասն է հետաքրքրում, կարող եմ մի փոքրիկ մանրամասն ասել»,- այսօր ապրիլյան պատերազմի վերաբերյալ ասուլիսի ժամանակ ասաց ՀՀ երրորդ նախագահ Սերժ Սարգսյանը՝ ներկայացնելով, թե ինչպես է կայացվել 2016թ. Մոսկվայում հանդիպման որոշումը:
«Իմ ասելիքը պայմանավորված է նրանով, որ իրադարձություններ են տեղի ունենում և՛ մեր երկրում, և՛ մեր երկրի շուրջ, և այդ իրադարձությունները, իմ պատկերացմամբ, շատ սերտ շաղկապված են նաև ապրիլյան իրադարձությունների հետ»,- այսօր լրագրողների հետ հանդիպմանը ասաց ՀՀ երրորդ նախագահ Սերժ Սարգսյանը՝ ընդգծելով՝ ապրիլյան պատերազմը լոկ պատերազմ չէր:
ՀՀ երրորդ նախագահ Սերժ Սարգսյանն այսօր լրագրողների հետ հանդիպմանը նշեց, որ, եթե ապրիլյան ռազմական գործողությունները երկարաձգվեին, ապա անպայման Հայաստանը ճանաչելու էր Լեռնային Ղարաբաղի անկախությունը. «Որովհետև ակնհայտ էր դառնալու, որ մենք հաստատակամ ենք իրագործել մեր այն խոստումը, որ տվել էինք մեր ժողովրդին, այն է՝ ՀՀ ԶՈւ հանդիսանում են ԼՂ անվտանգության երաշխավոր, և Հայաստանն ամեն ինչ օգտագործելու է, որպեսզի պաշտպանի ԼՂ բնակչությանը»:
«Որպեսզի ամբողջովին հասկանալի լինի իմ հայտարարության նպատակը, հիշեցնեմ, որ այդ հայտարարությունը հնչել է քառօրյայից անմիջապես հետո՝ Գերմանիայում, իսկ քաջատեղյակ մարդիկ գիտեն, որ 2016թ. Գերմանիան նախագահում էր ԵԱՀԿ-ում: Իրոք, այդ հայտարարությունը շատ մեծ շահարկումների տեղիք տվեց, առաջին հերթին, այն մարդկանց կողմից, ովքեր լավ չեն պատկերացնում, թե ինչ է նշանակում 80-ականների զենք»,- այսօր լրագրողների հետ հանդիպմանն այս մասին ասաց ՀՀ երրորդ նախագահ Սերժ Սարգսյանը:
ՀՀ երրորդ նախագահ Սերժ Սարգսյանն այսօր լրագրողների հետ հանդիպման ընթացքում ԱԺ-ում ստեղծված ապրիլյան պատերազմի հանգամանքները քննող հանձնաժողովի աշխատանքների վերաբերյալ հարցին ի պատասխան՝ առաջարկեց ասուլիսի ընթացքում չխոսել հանձնաժողովի մասին:
ՀՀ երրորդ նախագահ Սերժ Սարգսյանն այսօր ապրիլյան պատերազմի վերաբերյալ ասուլիսի սկզբում նախ առաջարկեց հարգանքի տուրք մատուցել ապրիլյան պատերազմի բոլոր մասնակիցներին՝ ողջերին և նահատակվածներին:
«Չեմ համարում, որ միայն դրան չեն պատրաստ. շատ-շատ բաների պատրաստ չեն, բայց մտնում են այդ խաղերի մեջ և հերթական անգամ տապալվում են: Եթե տվյալ պարագայում դու պատրաստ չես նման ֆորմատի, ընդ որում՝ ի սկզբանե գիտես՝ ում հետ գործ ունես, գիտես ոչ միայն լրագրողին, թե ինչ ոճի է, այլև այն լրատվամիջոցը, որն ունի հստակ դիրքորոշում նույն Արցախի հարցի շուրջ՝ հաշվի առնելով այդ երկրի հետաքրքրությունները մեր ռեգիոնում… Դու պետք է հստակ պատրաստվես, համապատասխան թրեյնինգներ անցնես»,- 168TV-ի «Ռեվյու» հաղորդման ընթացքում ասաց նա՝ անդրադառնալով BBC-ի Hard talk-ին տված՝ Նիկոլ Փաշինյանի, իսկ ավելի վաղ՝ Զոհրաբ Մնացականյանի հարցազրույցներին:
«Անկախ նրանից, թե քանի տարի է անցել, ինձ համար բավականին ծանր է այս մասին խոսելը․ պարզապես մի խնդրանք՝ չէի ուզի դեպքը քաղաքականացվի»:
Չի օգնի, եթե մարդը դմբո է, ուզում է՝ gmail-ի անցնի, ուզում է` ԲՏՌ-ի մեջ նստի, մեկ է՝ աջ ու ձախ լրացնում է իր գաղտնաբառը: Gmail-ը, իհարկե, մի պլյուս ունի՝ այդ ֆիշինգային մեյլերը լավ է բռնում, իսկ mail.ru-ն այնպես չէ, որ վատն է, բայց լավ չի ֆիլտրում: Որ ասեմ՝ այդ «ռեյնջերները» շատ մակարդակով բաներ են անում, այդպես չէ: Այստեղ խնդիրն այն է, որ պետք է թղթի վրա գրված լինի, որ սա կարելի է անել, սա չի կարելի:
«Վարչապետ Նիկոլ Փաշինյանն ու իր թիմակիցների մեծ մասը շատ արագ հոգեհարազատ համարեցին արժեքային այն համակարգը, որը կար Հայաստանում մինչև 2018թ. ապրիլ-մայիսյան իրադարձությունները: Եթե երրորդ նախագահը լիներ, և նա շնորհավորեր Լուկաշենկոյին, ոչ ոք դա չէր քննարկի, իսկ հիմա մեծ աղմուկ բարձրացավ, որովհետև հակասության մեջ մտան 2018թ. ապրիլ-մայիսին հռչակված արժեքները և կոնկրետ այդ փաստը՝ շնորհավորանքը»,- 168TV-ի «Ռեվյու» հաղորդման ընթացքում ասաց քաղտեխնոլոգ Արմեն Բադալյանը՝ անդրադառնալով վերընտրվելու առիթով Բելառուսի նախագահ Լուկաշենկոյին ուղղված՝ Նիկոլ Փաշինյանի շնորհավորանքին:
«Լիդիան Արմենիա»-ի իրավաբան, փաստաբան, ԵՊՀ դասախոս Նունե Հայրապետյանն այն կարծիքին է, որ «Լիդիան Արմենիա» ընկերության բնականոն գործունեությունն իրականացնելու իրավունքն արդեն երկու տարի ապօրինաբար սահմանափակված է այն պատճառով, որ որոշակի անձինք փակում են ընկերության տարածքներ տանող ճանապարհները:
Այս մեկ ամսվա մեջ երկրորդն է, ընդ որում՝ ավելի մեծ ժամանակային հատվածով, բայց տարվա մեջ բազմիցս նա վերցրել է: Ես չեմ հաշվում, դա ինձ քիչ հետաքրքիր է, որովհետև գա աշխատանքի, չգա աշխատանքի, տարբերությունը էապես չի զգացվում: Բայց մարտ ամսվանից, ինչ սկսվեց այս կարանտինը, գործընկերներիցս մեկը լավ արտահայտություն արեց, ասում է՝ յուրաքանչյուր վարակակիր աշխատողի հետ Մարությանն ինքնամեկուսացվեց, այսինքն՝ հենց պարզվում էր՝ մեկը վարակակիր է՝ նա ինքնամեկուսանում էր, անցնում էր այդ 14 օրը, հետո նորից պարզվում էր, որ մեկը վարակակիր է, նա նորից ինքնամեկուսանում էր:
«Արտակարգ դրության պայմաններում սրվեց Ամուլսարի հիմնախնդրի շուրջ իրավիճակը, և ես վստահ եմ, որ դուք քայլ առ քայլ, կադր առ կադր տեսել եք, թե ինչ է կատարվել այնտեղ»,- ԱԺ արտահերթ նիստի ժամանակ դիմելով ՀՀ փոխվարչապետ, պարետ Տիգրան Ավինյանին՝ ասաց «Լուսավոր Հայաստան» խմբակցության պատգամավոր Անի Սամսոնյանը:
«Այս փուլում նախատեսվում է թատերահամերգային և մշակութային միջոցառումների բացօթյա գործունեությունը: Այս ոլորտների սահմանափակումների մեղմումը ոչ միայն պայմանավորված է կորոնավիրուսի հետ ապրելու տրամաբանությամբ, այլև այն համոզմամբ, որ մշակույթն ու արվեստը թերևս կօգնեն մի փոքր ավելի հեշտ հաղթահարել կորոնավիրուսով պայմանավորված սոցիալ-հոգեբանական կուտակված լարվածությունը»,- այսօր ԱԺ արտահերթ նիստի ժամանակ այս մասին ասաց պարետ Տիգրան Ավինյանը:
«Հանվելու է անձնական ավտոմեքենաներում դիմակ կրելու պարտադիր պահանջը, սակայն, պահպանվելու է հանրային տրանսպորտում և տաքսիներում դիմակների կրման կանոնը»,-ԱԺ արտահերթ նիստի ժամանակ ասաց ՀՀ պարետ Տիգրան Ավինյանը:
«Անկախ նրանից՝ կանոնավոր ուղեվորափոխադրումները կվերսկսվեն, թե կշարունակվի չարթերային չվերթների կազմակերպման տրամաբանությունը, նախատեսվում է սահմանել ժամանող ուղևորահոսքի որոշակի առավելագույն սահմանաչափ: Այս պահին ՔԱԿ կողմից տարբեր ավիաընկերությունների հետ քննարկումներ են իրականացվում՝ ավելացման հնարավոր ծավալները հասկանալու, որից հետո կկայացվի ուղևորահոսքի առավելագույն սահմանաչափի վերաբերյալ որոշումը»,-այսօր ԱԺ արտահերթ նիստի ժամանակ ասաց պարետ Տիգրան Ավինյանը:
«Վերջին 2-3 շաբաթներին դրսևորվող համաճարակային վիճակը հնարավորություն է տալիս արտակարգ դրության շրջանակներում գործող սահմանափակումներն ու կարգավորումները որոշակիորեն վերանայել և հերթական մեղմացումները կիրառել: Այս փուլում մեր մարտավարությունը խարսխվում է երկու առանցքային սկզբունքի վրա՝ առաջին՝ սովորել ապրել նոր տիպի կորոնավիրուսի պայմաններում և հնարավորինս վերադառնալ բնականոն կենսագործունեությանը, և երկրորդ՝ նոր իրականության բերումով սանիտարահամաճարակային կանոններն ու նորմերը դարձնել վարքագծային»,-ասաց նա՝ ընդգծելով, որ վերանայվել է նաև թեստավորման մարտավարությունը:
«Կան պարտականություններ, որոնք նա պետք է կատարի, նա պարտավոր էր շնորհավորել: Նա չէր կարող հանդես գալ՝ ինչպես առաջվա ընդդիմություն, և քննադատեր այն, ինչ տեղի է ունեցել Բելառուսում: Այնպես որ, նրանք, ովքեր քննադատում են Նիկոլ Փաշինյանին, որ շնորհավորել է, ես դրան չեմ միանում, բայց ես քննադատել եմ նրա համար, որ ամբողջովին սխալ ուղղությամբ են սկսել Ռոբերտ Քոչարյանի և մյուսների գործերը»:
«Երբ Սերժ Սարգսյանը խոսի բոլոր հարցերի մասին՝ 2018թ. ապրիլ-մայիսին և այս ընթացքում եղած ամեն ինչի մասին, մեր հանրությանը և քաղաքական դաշտին շատ լուրջ ցնցումներ են սպասվում այն իմաստով, որ բազմաթիվ փակագծեր կբացվեն, և բազմաթիվ հարցեր, որոնց պատասխաններն այս իշխանությունների գործունեության արդյունքում ցցուն տեսանելի են, ավելի կոնկրետ, ավելի մանրացած տեսք կունենան, և շատ կոնկրետ հարցերի պատասխաններ հանրությունը կունենա: Դրանով է կարևոր Սերժ Սարգսյանի խոսքն ապագայում»,- 168TV-ի «Ռեվյու» հաղորդման ընթացքում ասաց ԱԺ նախկին պատգամավոր Մարգարիտ Եսայանը:
Այսօր պետք է հայրենադարձների համար շտապ հայեցակարգ կազմվեն: Մեր կառավարությունը, սփյուռքահայության հետ հարցերի հանձնակատարի գրասենյակը շտապ պետք է հայեցակարգ կազմեն և այսպիսի զգայուն տեղերից հայությանը կամաց-կամաց տեղափոխեն հայրենիք: Ես կուզենայի, որ Սփյուռք լինի, բայց կուզենայի նաև՝ այս վատ առիթն օգտագործեինք, հայությանն այստեղ բերեինք: Մեր ժողովրդի թվաքանակը եթե ոչ՝ այսպիսի պայմաններում, ապա ե՞րբ կարող ենք ավելացնել: Պետք է ճիշտ և հատուկ քաղաքականություն մշակվի նրանց համար: Այսօր պետք է ինքնաթիռներ ուղարկվեն՝ ծերերին, երեխաներին, կանանց գոնե Լիբանանից շտապ այստեղ բերելու համար:
«Այսպիսի մոտեցումը մի այրի կողմից, որը եղել է ՀՀ առաջին նախագահը, որը մասնագիտությամբ իբրև թե բանասեր է և պետք է քիչ թե շատ ծանոթ լիներ մեր պատմությանը, բացարձակապես անընդունելի է»,- 168TV-ի «Ռեվյու» հաղորդման ընթացքում այս մասին ասաց ՀՅԴ ԳՄ անդամ Լիլիթ Գալստյանը՝ անդրադառնալով ՀՀ առաջին նախագահ Լևոն Տեր-Պետրոսյանի վերջին հայտարարությանը:
«Ես վստահ եմ, որ նա գործարքի է գնացել ներկայիս իշխանությունների հետ, այսինքն՝ նրան շանտաժի են ենթարկել: Ես գրառում էի կատարել, որտեղ նաև նշել էի, որ քրեական գործ է հարուցվել նրա դեմ, և որպեսզի այդ քրեական գործերը չունենան շատ ավելի լուրջ ընթացք, նա դուրս է եկել խմբակցությունից և դարձել անկախ պատգամավոր»,- 168TV-ի «Ռեվյու» հաղորդման ընթացքում ասաց նա:
Հուլիսի 2-ին Շիրակի մարզի Կառնուտ գյուղում տեղացած կարկուտի հետևանքով վնասվել են կարտոֆիլի, կաղամբի, բազուկի և ցորենի դաշտերը: Այս մասին 168.am-ի հետ զրույցում ասաց Ագրարագյուղացիական միավորման նախագահ Հրաչ Բերբերյանը՝ ընդգծելով, որ վնասվել է կարտոֆիլի ցանքատարածությունների 10 տոկոսը:
«Գիտե՞ք՝ թուրք պատմագրությունը որդեգրել է այն տեսակետը, որ Հայոց ցեղասպանություն տեղի է ունեցել, բայց այդ Ցեղասպանության համար մեղավոր են հենց իրենք՝ հայերը, որովհետև նրանք երախտամոռ են գտնվել օսմանյան կառավարության հանդեպ, չեն գնահատել նրա բարեհաճությունը, ապստամբություններ են կազմակերպել, ռուսական կողմնորոշում են որդեգրել, Առաջին աշխարհամարտի ընթացքում կամավորական ջոկատներ են կազմել և օգնել են մոսկովյան թշնամուն՝ գրավելու Օսմանյան կայսրության տարածքները: Եվ չափորոշչի հեղինակների այդ պնդումը, որ Ցեղասպանության նախօրեին մեր ազգային-ազատագրական պայքարը հստակ գնահատում են՝ որպես պետության վերականգնման փորձ, կներեք, բայց խնդրահարույց է: Ես այստեղ տեսնում եմ թուրքական տեսակետին տուրք տալու հետք»:
«Եկեք՝ հետևողական լինենք մեր վերաբերմունքի մեջ: Հետևողական չլինելը դարձյալ գաղափարաբանական հիմքեր ունի: Մենք պետք է հասկանանք, որ ոչ մի առանձին դիտարկվող երևույթ այս դեպքում առանձին չէ. դա նեոլիբերալ գաղափարաբանության հսկա ճնշումն է հայ իրականության վրա, դրսևորվում է որոշ հասարակական կազմակերպությունների գործունեությամբ, չափորոշիչների տեսքով, պատահականորեն կարող է այս կամ այն պաշտոնյայի բերանից որևէ խոսք հնչել, բայց ես վստահ եմ, որ նրանք անձնական հարաբերությունների ժամանակ շատ էլ հարգալից են»,- նկատեց նա:
Հուլիսի 29-ին ԵԱՀԿ-ում ՀՀ մշտական առաքելությունը շրջանառել է հայտագիր՝ ի գիտություն ԵԱՀԿ մասնակից պետություններին և Եվրոպայում սովորական զինված ուժերի մասին պայմանագրի անդամ երկրներին, տեղեկացնելով, որ Հայաստանի Հանրապետությունը այսուհետ կասեցնում է ԵՍԶՈւ պայմանագրի և Վիեննայի փաստաթղթի շրջանակներում Թուրքիայի Հանրապետության տեսչությունները կամ հրավիրյալի կարգավիճակով թուրք տեսուչների մասնակցությունը Հայաստանի Հանրապետության տարածքում անցկացվելիք տեսչական այցերին։
«Մեր ժողովուրդը սովորել է, որ կարող է նաև փողոց փակելով իշխանություն փոխել։ Իսկ ինչո՞ւ եք մտածում, թե այդ նույն ժողովուրդն այս տուգանքներից, համավարակից, տնտեսական պրոբլեմներից չի կարող ևս որոշել, որ նույն ճանապարհով կարող է ևս մեկ անգամ իշխանություն փոխել, ինչո՞ւ եք բացառում այդ տարբերակը։ Ես կարծում եմ՝ այս հնարավորությունն ավելի մեծ է»։