«Էս չիրը լավն ա, որովհետև ինքը ո՛չ իշխանություն ա, ո՛չ ընդդիմություն: Ինքը արդար ձեռքով սարքած ա, դրա համար էլ համով ա»,- երեկ Ագարակում՝ համտեսելով տեղացի տարեց կնոջ հյուրասիրած չրերը, հայտարարեց Սահմանադրության նախագծի համահեղինակ Հրայր Թովմասյանը:
«Ինչո՞ւ են իշխանավորները ստիպում ժողովրդին, մասնավորապես՝ բանվոր դասակարգին, որ «այո» ասեն»,- այսօր Քաջարանում սահմանադրական ռեալիթի շոույի ժամանակ քաղաքացիներից մեկը հարց ուղղեց «այո»-ի ճամբարական, ՀՀԿ-ական պատգամավոր Կարինե Աճեմյանին:
«Ոչ»-ի ճամբարից պատգամավոր Հրանտ Բագրատյանի խոսքով՝ պատմությունը ցույց է տվել, որ երբ մենք նախագահ չենք ունեցել, պարտվել ենք: Ըստ նրա՝ աշխարհի միայն 70 երկրում է խորհրդարանական, բայց մեզ առաջարկվողի նման չէ, իսկ 120 երկրում նախագահ կա:
Ուժգին քամու հասցրած վնասներին ծանոթանալու նպատակով այսօր Ապարան այցելած ՀՀ վարչապետ Հովիկ Աբրահամյանին բնակիչները հեղեղեցին իրենց բողոքներով՝ պոկված ու քշված բազմաթիվ տանիքներ, հիվանդանոցային պայմաններ, ճանապարհների անմխիթար վիճակ և այլն:
Այսօր առավոտից կրկին «Այո և ոչ» ռեալիթի շոուի մասնակից քարոզիչները մարզերում ժողովրդին համոզում են այո կամ ոչ քվեարկել սահմանադրական բարեփոխումներին: Այժմ նրանք Արագածոտնի մարզի Ապարան համայնքում են: Այնտեղ եկավ նաև ՀՀ վարչապետ Հովիկ Աբրահամյանը ու միացավ հավաքված գյուղացիներին: Սակայն, պարզվում է՝ Հ. Աբրահամյանի այցը քարոզարշավի շրջանակներում չէր:
«Այն, որ միանշանակ է, որ ամբողջ տարածաշրջանը, քարտեզը գտնվում է շարժման մեջ և ոչ մի այց ու քննարկում պատահական չէ, և հատկապես հիմա, որ հայտնում են, թե Ստեփանակերտի օդանավակայանը կարելի է օգտագործել ռուսական զինված ուժերին տրամադրելու համար, սա խոսում է այն մասին, որ, իհարկե, բանակցություների ինչ-որ գաղտնի գործընթաց է տեղի ունենում, որը մեզ համար հայտնի ու հասանելի չէ»,- 168.am-ի հետ զրույցում հայտարարեց «Ժառանգություն» խմբակցության ղեկավար Զարուհի Փոստանջյանը:
«Իհարկե, ես խիստ բացասաբար եմ վերաբերվում և անթույլատրելի եմ համարում նման սենսացիոն նյութերի հրապարակումը»,- 168.am-ի հետզրույցում հայտարարեց ԱԺ ԲՀԿ խմբակցության ղեկավար Նաիրա Զոհրաբյանը՝ մեկնաբանելով ՌԴ ԱԳՆ Սերգեյ Լավրովի ՀՀ այցից հետո Արցախի ազատագրված տարածքները հանձնելու շուրջ ռուսական մամուլում տեղ գտած հրապարակումները և ՀՀԿ-ական պատգամավոր Լևոն Մարտիրոսյանի հայտարարությունը, թե չի բացառվում, որ կգա մի պահ, երբ ԼՂՀ ազատագրված որոշ տարածքներ կոմպրոմիսային լուծման շրջանակներում կհանձնվեն Ադրբեջանին:
«Լուծումն այն է, որ պետք է կառավարությունը միջոցներ գտնի, ամբողջ վարակված բերքը գնի գյուղացուց ու ոչնչացնի, վարակված հողը պետք է մշակի, բուժի շատ արագ կերպով: Ուրիշ ճանապարհ չկա, գյուղացին էն վիճակում չի, որ կարողանա իր բերքը թափել, բանկի տոկոսն է վզին, երեխեքին կոշիկ պետք է առնի, և այս վիճակում է ապրում գյուղացին, նա վաճառելու է»:
«Լեռնային Ղարաբաղի Հանրապետությունն անկախ պետություն է հռչակված: Եվ, լինելով անկախ պետություն, ինչ կուզի, կանի՝ իր շահերից ելնելով: Եթե ինքը ինչ-որ հարաբերությունների մեջ է մտնում Ռուսաստանի Դաշնության հետ, դա Ռուսաստանի Դաշնության և Լեռնային Ղարաբաղի Հանրապետության գործն է: Ես կարծում եմ, որ մենք պետք է զբաղվենք Հայաստանին վերաբերող պրոբլեմներով»,- լրագրողների հետ զրույցում այսօր հայտարարեց ԱԺ ՀԱԿ խմբակցության ղեկավար Լևոն Զուրաբյանը:
Օրենսդրության կարգավորման ազգային կենտրոնի տնօրեն Արմեն Եղիազարյանը շատ արագ ներկայացրեց հարցերը և փոփոխության առաջարկների բացակայության պարագայում դրանք նույն արագությամբ ընդունվեցին ու արտահերթ նիստն ավարտվեց:
Այսօր ԱԺ արտահերթ նիստում ընդունվեց «ՀՀ վարչատարածքային բաժանման մասին» ՀՀ օրենքում փոփոխություններ և լրացումներ կատարելու մասին օրինագիծը: Հիշեցնենք, որ մայիսի 17-ին ՀՀ Լոռու մարզի Թումանյան, ՀՀ Սյունիքի մարզի Տաթև, ՀՀ Տավուշի մարզի Դիլիջան համայնքային փնջերում անցկացվել էին տեղական հանրաքվեներ՝ մի շարք համայնքների միավորման հարցով:
«Մեզ բախում պե՞տք է, մեզ պե՞տք է, որ իրար ատենք, ճամբարների բաժանվենք: Ի՞նչ կապ ունի` ես Հանրապետական եմ, մյուսը` «Բարգավաճ», թե՞ ՀԱԿ: Բոլորս մի ազգի ծնունդ ենք, ի վերջո, պետք է հրաժարվենք այդ վայրի, կիսաֆեոդալական կարգից»,- ասում է Էդուարդ Շարմազանովը:
Այսօր նաիրիտցիների մի խումբ կառավարության շենքի մոտ կրկին հավաքվել էր բողոքի ակցիայի: Նրանց պահանջն անփոփոխ է՝ գործարանի վերագործարկում: Այնուհետև նաիրիտցիներն ընդունելություն են պահանջել ՀՀ էներգետիկայի և բնական պաշարների նախարար Երվանդ Զախարյանից, սակայն վերջինս նրանց ուղարկել է իր տեղակալ Լևոն Շահվերդյանի մոտ, ով ժամանակին եղել է «Նաիրիտի» տնօրենը: Վերջինս նաիրիտցիներին տեղեկացրել է Զախարյանի որոշման մասին՝ այսուհետ «Նաիրիտի» խնդիրներով զբաղվում է Շահվերդյանը:
«Հյուսիս-հարավ էլեկտրամիջանցքի ստեղծումը հնարավորություն կտա զուգահեռ աշխատել Իրանի և Վրաստանի հետ, և Վրաստանի միջոցով հնարավորություն կունենանք աշխատելու ԱՊՀ երկրների և, ինչու չէ, արդեն Թուրքիայի միջոցով՝ Եվրամիության հետ»
Դրա սկզբնական հզորությունը կազմելու է 350 մվտ՝ մինչև 1050 մվտ ընդլայնելու հնարավորությամբ:
Մեր հարցին, թե արդյոք պատահակա՞ն էր, որ Լավրովի այցից անմիջապես հետո ռուսական մամուլում հակահայկական, տարածքները հանձնելու և ԼՂ-ին Ադրբեջանի կազմում ինքնորոշում տալու մասին հոդված է տպագրվում, ՀՅԴ խմբակցության ղեկավարը պատասխանեց, որ համանախագահների հայտարարությունները չեն բացառում տարածքների հանձնումը, բայց «տարածքներ՝ կարգավիճակի դիմաց» հասկացությունն աղավաղված է:
«Բնակավայրերը դատարկվել ու դատարկվելու են, եթե մենք ծրագրեր չիրականացնենք ու մարդը եկամուտ չունենա, որ ինքը այդ համայնքում ապրի, ոչ թե որովհետև այդտեղ է ծնվել, այլ որ սիրում է այդ համայնքը»,- ասաց Ս.Մարգարյանը:
Այսօր ԱԺ արտահերթ նիստում ընդունվեցին երեկ քննարկված բոլոր նախագծերը, Մասնավորապես՝ ՀՀ դատական օրենսգրքում փոփոխություններ կատարելու մասին, «Հարկերի մասին», նաև «Հարկերի մասին» oրենքում լրացում կատարելու մասին և կից ներկայացած օրինագծերի փաթեթը, «ՀՀ կենտրոնական բանկի մաuին», ինչպես նաև «Սահմանամերձ գյուղական համայնքներում իրականացվող գործունեությունը հարկերից ազատելու մասին» օրենքում փոփոխությունները: Վերջին օրինագիծն ընդունվեց միաձայն՝ ստանալով 103 կողմ և 0 դեմ ձայն:
Սահմանամերձ համայնքներում տնտեսվարող սուբյեկտները կազատվեն նաև հումքի ներկրումների ժամանակ հարկումից: Նման օրինագիծ այսօր ԱԺ արտահերթ նիստում ներկայացրեց ՀՀ էկոնոմիկայի փոխնախարար Էմիլ Տարասյանը:
«Անվիճելի է, որ հարկային դաշտի օրենսդրական հաճախակի փոփոխությունները խարխլում են համակարգի կայունության և կանխատեսելիության սկզբունքները, որն անչափ կարևոր է»,- համաձայնեց Վ.Միրումյանը:
Այսօր ԱԺ արտահերթ նիստում ՀՀ ֆինանսների փոխնախարար Վախթանգ Միրումյանը ներկայացրեց հարկային մի շարք օրենքներում փոփոխությունների փաթեթը: Դրանով առաջարկվում է հնարավորինս պարզեցնել հարկ վճարողների կողմից պետական բյուջեի հանդեպ պարտավորությունների կատարման գործընթացը և հարկային պարտավորությունների վճարման համար ներկայումս գործող բազմաթիվ գանձապետական հաշիվների փոխարեն բացել մեկ գանձապետական հաշիվ, որի դեպքում կկարգավորվեն մի շարք խնդիրներ:
Վ.Բաղդասարյանը պնդեց, թե պատգամավորներն աշխատանքային ժամերին չեն գնալու քարոզչության: ՀՀԿ խմբակցության ղեկավարը ո՛չ հերքեց, ո՛չ էլ հաստատեց այն տեղեկությունը, որ որոշ պատգամավորներ մարզեր են մեկնելու ծառայողական մեքենաներով:
Զբոսաշրջային տների միջոցով հյուրանոցային ծառայությունների մատուցման գործունեությամբ զբաղվող անհատ ձեռնարկատերերը կհամարվեն ընտանեկան ձեռնարկատիրության սուբյեկտներ և կօգտվեն հարկման արտոնություններից, այսինքն՝ չեն հարկվի: Այս մասին այսօր ԱԺ արտահերթ նիստում ավետեց ՀՀ ֆինանսների փոխնախարար Վախթանգ Միրումյանը՝ ներկայացնելով «Հարկերի մասին» ՀՀ oրենքում լրացում կատարելու մասին օրինագիծը:
Հայաստանում 2 մլն բնակչության պայմաններում 200-ից ավելի դատավորներ կան, դատարանները ծանրաբեռնված են, ու թեև ոստիկանությունն ամեն տարի հայտարարում է, որ հանցագործությունների թիվը կրճատվել է, դատարաններում քննվող գործերի թվերն ավելանում են: Այս մասին այսօր ԱԺ արտահերթ նիստում հայտարարեց ՀԱԿ խմբակցության պատգամավոր Գագիկ Ջհանգիրյանը՝ ՀՀ դատական օրենսգրքում փոփոխություններ կատարելու մասին օրինագծի քննարկման ժամանակ:
ՀՀԿ-ական պատգամավորների հեղինակած այս փոփոխություններով սահմանադրական հանրաքվեի ժամանակ թույլատրվում է քվեարկել նույնականացման քարտերով: Քաղաքական մեծամասնությունը մերժեց վերահսկողության մեխանիզմ սահմանել մատերը թանաքոտելու եղանակը և որոշվեց միայն նույնականացման քարտերով քվեարկող քաղաքացիների անվան դիմաց նշում անել:
«ԵՏՄ-ի դրական տնտեսական իրողություններից մեկն էլ այն է, որ ԵՏՄ երկրներից երբ ներմուծումներ են կատարում, սահմանի վրա, բնականաբար, մաքսատուրք չի գանձվում, իսկ ԱԱՀ-ի գանձումն էլ իրականացվում է ավելի պարզ ընթացակարգերով և 2 ամիս հետաձգումով: Սա տնտեսվարող սուբյեկտների վարքագծի վրա ազդեցություն է գործում, որ շահագրգռված են նաև ԵՏՄ երկրներից ապրանքներ ներմուծել»:
ԿԲ նախագահի տեղակալ Ներսես Երիցյանի աշխատավարձն ամսական 1 մլն 300 հազար դրամ է: Այս «գաղտնիքն» այսօր ԱԺ-ում լրագրողների հետ զրույցում բացահայտեց անձամբ Ն.Երիցյանը:
«Ինչի՞ չեն հնչեցնում: Ոչ թե չգիտեն, շատ լավ էլ գիտեն: Պարզապես ԿԲ մասին ՀՀ օրենքը խոսում է, որ հենց ԿԲ նախագահի ու տեղակալի աշխատավարձերը հենց ԿԲ-ն էլ նշանակում է՝ խորհրդի որոշմամբ: Այսինքն՝ ձեր պատասխանը պետք է լիներ՝ որքան ուզենք, էնքան էլ վարձատրելու ենք»,- իր ելույթում հայտարարեց Տ.Ուրիխանյանը՝ սա համարելով անընդունելի:
«Մեր երկրում պե՞տք է գործի պաշտոնյայի՝ իր կատարած գործողությունների համար հստակ պատասխանատվություն»,- այսօր ԱԺ արտահերթ նիստում «ՀՀ կենտրոնական բանկի մասին» օրենքում փոփոխությունների քննարկման ժամանակ այս հարցը ԿԲ նախագահ Արթուր Ջավադյանին ուղղեց ԲՀԿ խմբակցության ղեկավար Նաիրա Զոհրաբյանը:
Այսօր ԱԺ արտահերթ նիստում ՀՀ ընտրական օրենսգրքում և «Նույնականացման քարտերի մասին» օրենքում փոփոխությունների քննարկման ժամանակ ՕԵԿ խմբակցության ղեկավար Հեղինե Բիշարյանն իր ներկայացրած քաղաքական ուժն անվանեց «դասական», որ եղել է և՛ ընդդիմություն, և՛ դիմություն, ու խիստ քննադատության ենթարկեց Հանրապետականների առաջարկած փոփոխությունները:
