ԱԺ արտահերթ նիստը սկսվեց ու արագ ավարտվեց. 10 րոպեում երկու նախագիծ ընդունվեց
Այսօր Ազգային ժողովի արտահերթ նիստից հետո, որի ժամանակ միայն նախորդ օրը քննարկված նախագծերի քվեարկություն իրականացվեց, սկսվեց հաջորդ արտահերթ նիստը, որի օրակարգում միայն 2 հարց է՝ «Գործունեության իրականացման ծանուցման մասին» և «Առևտրի և ծառայությունների մասին» ՀՀ օրենքում փոփոխություններ և լրացում կատարելու մասին օրինագծերը:
Օրենսդրության կարգավորման ազգային կենտրոնի տնօրեն Արմեն Եղիազարյանը շատ արագ ներկայացրեց հարցերը և փոփոխության առաջարկների բացակայության պարագայում դրանք նույն արագությամբ ընդունվեցին ու արտահերթ նիստն ավարտվեց:
