Երևան քաղաքի ընդհանուր իրավասության դատարանը (Ավան նստավայր)՝ դատավոր Վարդան Գրիգորյանի նախագահությամբ, ոչ իրավաչափ է ճանաչել «Քառյակ Մեդիա»-ի համահիմնադիր, քաղաքական վերլուծաբան Կարեն Բեքարյանի՝ ԱԱԾ-ի իրականացրած ձերբակալությունը, միևնույն ժամանակ՝ մերժել է ԱԱԾ միջնորդությունը՝ Բեքարյանի նկատմամբ խափանման միջոց կալանավորումը կիրառելու վերաբերյալ:
«Իրականում քննությունն ընդհանրապես, այս նախաքննության պրոցեսը, հարուցված գործը ինքն իր մեջ ունի 0 տրամաբանություն, 0 տրամաբանություն՝ մեղմ ասած: Երբ դու չես հասկանում գործի էությունը, չես հասկանում՝ ինչ է հետապնդվում, դու տեսնում ես, որ չկա տրամաբանություն, դու շատ պարզ հասկանում ես, որ մոտիվացիոն լրիվ ուրիշ տեղ է: Իմ համար դա շատ հստակ է: Այդտեղ ինձ որևէ լրացուցիչ համոզվելու ոչինչ պետք չէր՝ ընդամենը գործի նյութերին ծանոթանալուց հետո»,- ասաց Կարեն Բեքարյանը:
Երևան քաղաքի ընդհանուր իրավասության դատարանը (Ավան նստավայր) մերժեց «Քառյակ Մեդիա»-ի համահիմնադիր, քաղաքական վերլուծաբան Կարեն Բեքարյանի նկատմամբ խափանման միջոց կալանավորումը կիրառելու վերաբերյալ ԱԱԾ միջնորդությունը:
2020թ․ նոյեմբերի 10-ի կապիտուլյացիոն հայտարարության ստորագրումից հետո իշխանությունների հրաժարականի պահանջը սկսեց առավել մեծ թափով շրջանառվել: Ու չնայած դրան, գործող իշխանությունը պնդում է, թե ունի հասարակության վստահության քվեն, ու երկրում չկա արտահերթ խորհրդարանական ընտրությունների անհրաժեշտություն:
«Մեկ Հայաստան» կուսակցության ղեկավար, Հայրենիքի փրկության շարժման իրավական հանձնախմբի ղեկավար, իրավաբան Արթուր Ղազինյանի խոսքով՝ պետք է ուշադրություն դարձնել կառավարման համակարգի ներսում հակակշիռների ձևավորմանը, ինչպես նաև հայկական շահի վրա հիմնված մարմիններին՝ բանակ, ոստիկանություն, ԱԱԾ, որոնք, ըստ նրա, պետք է գործեն օրենքով ու Սահմանադրությամբ իրենց գործառույթների, ոչ թե քաղաքական իշխանության քմահաճույքների տիրույթում:
«Մեկ Հայաստան» կուսակցության ղեկավար, «Հայրենիքի փրկության շարժման» իրավական հանձնախմբի ղեկավար Արթուր Ղազինյանի խոսքով՝ 1994 թվականից սկսած ղարաբաղյան հարցի 2 դոմինանտ թեզ է շրջանառվել: Առաջինը «Սերգո ջան, լավ չես ապրելու, մինչև Արցախի հարցը չլուծվի» թեզն էր, երկրորդը՝ «ոչ մի թիզ էլ չենք զիջելու և զարգանալու ենք 100 տարի»:
Պետպատվերի շրջանակներում կորոնավիրուսի դեմ պատվաստվելու հնարավորություն կունենան ռիսկային խմբում ներառված քաղաքացիները: Այսօր լրագրողների հետ զրույցում հայտնեց առողջապահության նախարար Անահիտ Ավանեսյանը:
Կառավարության այսօրվա նիստում, երբ զեկուցվում էր պետական բյուջեում փոփոխություն իրականացնելու հարցը, որով Էկոնոմիկայի նախարարությանը տրամադրվեց 954 միլիոն դրամ՝ նախկինում կայացրած մի շարք որոշումներով ստանձնած պարտավորությունների կատարման համար, էկոնոմիկայի նախարար Վահան Քերոբյանն ասաց, թե այդ գումարից 165 մլն դրամն ուղղվելու է կոնյակի սպիրտի արտահանման տուրքի փոխհատուցմանը, կամ այլ կերպ ասած՝ 2020թ. առաջացած պարտավորությունների կատարմանը, որով խթանել են մոտ 4.4 միլիոն լիտր կոնյակի սպիրտի արտահանումը:
«Շատ տիպի սպառումներ, օրինակ՝ հարսանիքներ, միջոցառումներ և այլն, հետաձգված են եղել, և հիմա, այսպես ասած, կուտակված պարտքերն են մարվում: Եվ պետք ա ուշադիր լինենք և դեռևս չթուլացնենք էն աջակցությունը, որը մենք հատկացնում ենք տնտեսությանը, մինչև որ համոզված լինենք, որ արդեն ստաբիլ, կայուն վիճակում ենք գտնվում»,- ասաց Վահան Քերոբյանը, ում դիրքորոշումը կարծես թե Փաշինյանի սրտով չէր, ու վերջինս որոշեց ֆիքսել, որ «նույնիսկ ստաբիլ, կայուն վիճակում չենք դադարեցնում տնտեսությանը աջակցելը, էնպես որ…»:
«Ուրեմն՝ էդ 106 մարմինն արդեն բերված ա, քննչական աշխատանքները կատարված են: Արդեն պատրաստվում են․․․, մի մասն արդեն ուղարկել են դեպի Հայաստան, մի մասը՝ հես ա, որոշակի գործողություններից հետո կուղարկեն Հայաստան:
«Ես ուզում եմ, որ էս իշխանությունը շուտ հեռանա, արտահերթով կլինի, թե ապստամբությամբ կլինի, թե ինչով կլինի, թող շուտ հեռանա»,- ասաց քաղաքացիներից մեկը՝ նշելով, թե բացարձակ գոհ չէ իշխանության գործելաոճից:
Սահմանադրական կարգի ենթադրյալ տապալման գործով Երևանի ընդհանուր իրավասության դատարանում (Շենգավիթի նստավայր) հերթական նիստի մեկնարկին դատավոր Աննա Դանիբեկյանը տեղեկացրեց, որ ստացվել է նախկին փոխվարչապետ Արմեն Գևորգյանի պաշտպան Էրիկ Ալեքսանյանի դիմումը Նիժնի Նովգորոդ մեկնելու վերաբերյալ։
Նախորդ շաբաթ՝ փետրվարի 8-ին, 168.am-ը հայտնել էր, որ հունվարի 30-ին Մոսկվայում կայացած Հայաստանի Հանրապետության փոխվարչապետ Մհեր Գրիգորյանի, Ռուսաստանի Դաշնության փոխվարչապետ Ալեքսեյ Օվերչուկի և Ադրբեջանի Հանրապետության փոխվարչապետ Շահին Մուստաֆաևի հանդիպման արդյունքում որոշված փորձագիտական ենթախմբերի միջև կայացել էր հանդիպում։
Նոյեմբերի 10-ի հայտարարությունից հետո՝ 2020թ. դեկտեմբերի 22-ին, ավելի քան 100 փաստաբան պետական դավաճանության մասին (ՔՕ 299-րդ հոդված) հաղորդում էին ներկայացրել դատախազություն՝ Նիկոլ Փաշինյանի դեմ:
Նոյեմբերի 10-ի հայտարարությունից հետո մի խումբ փաստաբաններ ու իրավաբան-գիտնականներ պետական դավաճանության մասին հաղորդում էին ներկայացրել դատախազություն՝ Նիկոլ Փաշինյանի դեմ: Քրեական դատավարության օրենսգրքով սահմանված է, որ դատախազությունը նման դեպքերում պարտավոր է հստակ որոշում կայացնել կա՛մ քրեական գործ հարուցելու, կա՛մ քրեական գործի հարուցումը մերժելու մասին, կա՛մ էլ ներկայացված հաղորդումը պետք է ուղարկեր ըստ քննչական ենթակայության:
«Մեկ Հայաստան» կուսակցության ղեկավար, իրավաբան Արթուր Ղազինյանի խոսքով՝ դատախազության գործողությունները, այն է՝ փաստաբանների ու իրավաբանների ներկայացրած՝ պետական դավաճանության մասին հաղորդումների հիման վրա քրեական գործեր չհարուցելը, պետք է հետագայում ստանան իրավական, կամ, որ ավելի հավանական է՝ քրեաիրավական գնահատական:
Փաստաբանները 2020 թվականի դեկտեմբերի 22-ին Նիկոլ Փաշինյանի նկատմամբ պետական դավաճանության մասին հաղորդում էին ներկայացրել դատախազություն: Դատախազությունը գործն ուղարկել էր ՀՔԾ, որը, ըստ օրենքի, պետք է որոշում կայացներ՝ կամ գործ հարուցելու, կամ գործի հարուցումը մերժելու մասին, կամ պետք է հաղորդումն ուղարկեր ըստ ենթակայության: Մինչդեռ ՀՔԾ-ն բոլորովին այլ որոշում է կայացրել, որի դեմ փաստաբանները բողոք են ներկայացրել դատարան:
Փետրվարի 7-ին «Իմ քայլը» խմբակցությունը Նիկոլ Փաշինյանի հետ հանդիպումից հետո հայտարարեց, թե հասարակության լայն շերտերի շրջանում արտահերթ ընտրությունների պահանջ չկա, և «Իմ քայլը» շարունակում է աջակցել Նիկոլ Փաշինյանին: Այս ամենին զուգահեռ՝ «Հայրենիք փրկության շարժումը» կրկին դուրս է գալիս փողոցային պայքարի, նախաձեռնում հանրահավաքներ:
««Իմ քայլը» դաշինքը ճիշտ չի՛ ասում: Արտահերթ ընտրությունների հանրային պահանջ կա և շատ մեծ պահանջ կա: Սխալ է վարվում «Իմ քայլը» դաշինքը, որովհետև արտահերթ ընտրություններից հրաժարվելով՝ նրանք գործընթացը կարող են տանել անկանխատեսելի զարգացումների և ցնցումների: Նրանց միակ ճիշտ քայլը կլիներ, այնուամենայնիվ, արտահերթ ընտրություններ անցկացնելը: Եվ ես վստահ եմ, որ եթե փողոցային պայքարը մի քիչ ավելի ակտիվանա, իշխանությունները, այնուամենայնիվ, կփոխեն իրենց դիրքորոշումը և կգնան արտահերթ ընտրությունների»,- 168.am-ի հետ զրույցում ասաց Արմեն Բաղդասարյանը:
Գորիսից Արտավազդ Խաչատրյանը մեկն է այն ծնողներից, որը մոտ 4 ամիս տեղեկություն չունի իր տղայից: Անհետ կորած զինծառայողի հոր խոսքով՝ հոկտեմբերի 25-ին Ֆիզուլիի տարածքից 7 հոգի են փրկվել, եղել են վիրավորներ՝ մեկ տասնյակից ավելի, որոնց իր տղան փրկել է: Ինքն է գտել վիրավորներին, խոսել է նաև 7 փրկվածներին հետ, բայց մինչև հիմա անորոշության մեջ է: Նրա խոսքով՝ մեկ մարդ է տեսել, թե տղան մահացել է, բայց դա ոչ հավանական է:
2020թ. սեպտեմբերի 27-ից սանձազերծված պատերազմի ավարտից անցել է ավելի քան 3 ամիս, ու ամեն անգամ կառավարության դիմաց հավաքվող անհետ կորած զինվորների հարազատները նոր մանրամասներ են ներկայացնում պատերազմի ընթացքում ու ավարտից հետո տեղի ունեցածի մասին:
Այսօր անհետ կորած զինծառայողների հարազատները կրկին հավաքվել էին կառավարության շենքի մոտ, ինչից հետո ծնողներից մի քանիսը հանդիպել են վարչապետի աշխատակազմի հետ:
«Որ մի ծնողին խոսացնում ես՝ աֆիցերը փախած ա: Կոնկրետ իմ երեխու աֆիցերը փախած ա եղել, բայց ես էդ աֆիցերի հետ խնդիր չունեմ, իմը իմ երեխան ա, իմ ձագին բերեն-տան, ես թքած ունեմ սաղի վրա՝ ով ա փախել, ով չի փախել: Թող մեր երեխեքին ճարեն: Մենք նպատակ չունենք՝ աֆիցեր դատենք, թող էդ աֆիցերներին բերեն, մեր երեխեքի տեղն ասեն, մեր խնդիրն էդ ա»,- կառավարության դիմաց լրագրողների հետ զրույցում ասաց անհետ կորած զինծառայողներից մեկի հայրը:
Անհետ կորած զինծառայողների հարազատները այսօր կրկին կառավարության շենքի մոտ էին: Այս անգամ անհետ կորածների ծնողների հետ Կառավարություն էին եկել նաև անհետ կորած զինծառայողների երեխաները՝ ձեռքներին իրենց հայրիկների վերադարձի մասին պաստառներ:
Այսօր կառավարության դիմաց նաև փոքրիկ Դավիթն էր՝ իր անհետ կորած հայրիկին հետ բերելու պահանջով: Դավիթի հայրը 10 տարի Էջմիածնի N զորամասում է աշխատել, իսկ որոշ ժամանակ առաջ էլ ընտանիքի անդամները, Դավիթի տատիկի՝ տիկին Կիմայի խոսքով, գերության մեջ հայտնված 13 տղաների մասին մի տեսանյութում ճանաչել են Դավիթի հայրիկին, բայց այժմ հաստատված չէ՝ նա գերության մե՞ջ է, թե՞ ոչ:
Նոյեմբերի 10-ի հայտարարությունից հետո անցել է ավելի քան 3 ամիս, սակայն Ադրբեջանում դեռևս հայ գերիներ ու անհետ կորածներ կան: Անհետ կորած զինծառայողների հարազատներն այլևս հանդիպում չեն պահանջում կառավարության ներկայացուցիչների հետ, որովհետև վստահություն ունեն, թե որևէ գործուն քայլ չեն ձեռնարկելու, քանի որ այս ամիսների ընթացքում չեն ձեռնարկել:
Անհետ կորած զինծառայողների հարազատներն այսօր կառավարության դիմաց պնդում էին, թե իշխանությունն անգործության է մատնված: Նրանց խոսքով՝ եթե անհետ կորածների շարքում լիներ պետական որևէ մարմնի ղեկավարի երեխա, ապա իշխանությունը քայլեր կձեռնարկեր:
Էդ խմբի երեխեքից մոտ 30 մարմին են թարմ խփված տվել հետո մեզ: Տեսել եք՝ ինչ վիճակում են, չնայած չէ, դուք երևի չեք տեսել էդ մարմինները: Ջնջիլը վզին գցած են հետ տվել, կներեք: Եթե էս ղեկավարությունը՝ ՊՆ ա, ՊԲ ա, ով որ ա՝ գործողություն կատարեր, ինչ-որ քայլեր կատարեր, թեկուզ ռազվեդկա ուղարկեր, ինչ ուզում ա լինի, էսօր էդ երեխեքը կարային ողջ-առողջ տունը լինեին: Ի՞նչ արեցին: Չարեցին: Թուրքերը գտան, խփեցին, սպանեցին, ամեն ինչ արեցին, բերեցին, ասեցին՝ «առեք ձեր երեխեքին»»,- ասաց Արսեն Ղուկասյանը:
«Ամբողջ օրը խոսում էին՝ «20 հոգի են վերադարձնելու, 20 հոգի», պարզվում է՝ 5: Տալիս են ուրիշ անուններ, գալիս է՝ ուրիշ: Ծնողների վիճակը պատկերացնո՞ւմ եք: Մի բան պետք է հասկանանք, որ պարզապես այնպես չէ, որ Ադրբեջանն ինչ անելու է, անելու է ինչ-որ մեկի սիրուն աչքերի համար: Ինքը դրա համար ինչ-որ գին է պահանջելու: Այդ գինը ումից էլ պահանջի, ով էլ գնա, դա բանակցի, միևնույն է՝ այդ գնի վերջնական վճարողը լինելու ենք մենք, որովհետև որևէ միջնորդ իր հաշվին չի դա անելու, անելու է մեր հաշվին:
«Չեմ ասել՝ շրջափակման վերացումը կամ շրջափակումը դրական երևույթ է»,- ի պատասխան՝ ասաց Արա Այվազյանը՝ հավելելով, թե որպես պետություն՝ պետք է և՛ մարտահրավերներին դիմակայելու, և՛ հնարավորություններից օգտվելու պատրաստ լինենք:
