Էս երեխեքի պապաներին վերադարձրեք. անհետ կորած զինծառայողի մայր
Անհետ կորած զինծառայողների հարազատները այսօր կրկին կառավարության շենքի մոտ էին: Այս անգամ անհետ կորածների ծնողների հետ Կառավարություն էին եկել նաև անհետ կորած զինծառայողների երեխաները՝ ձեռքներին իրենց հայրիկների վերադարձի մասին պաստառներ:
Անհետ կորած զինծառայողի մայր տիկին Անահիտը լրագրողների հետ զրույցում ասաց, թե երեխաների պահանջն այն է, որ տեղեկություններ լինեն անհետ կորածների մասին ու նրանց հնարավորինս շուտ վերադարձնեն Հայաստան: Նա վստահություն հայտնեց, թե Էջմիածնի N զորամասից պատերազմին մասնակցած 40 տղաները բոլորը գերի են:
«Ոչ մի տեղից արձագանք չի եղել: Տպավորություն է, թե թքած ունեն մեր վրա, էդքան մի բան: Էսօր էլ դե թող դուրս գան, էսօր նիստ է տեղի ունեցել, դե թող դուրս գան, մեկը ասի՝ «երեխեք ջան, եկել եք ձեր պապաների հետևի՞ց, խոստանում ենք ու երդվում ենք, որ կանենք ամեն ինչ»: Թող դուրս գան, կգա՞ն դուրս, չեն գա»,- ասաց տիկին Անահիտը:
Մանրամասները՝ 168.am-ի տեսանյութում
